甜匠

營業中

休息中

呢間甜品店的水準一向麻麻，但勝在地方舒服，而馬鞍山的甜品店寥寥可數，因此今次約朋友食甜品仍選了這兒，結果卻是「更退一步」，到了令人難以接受的地步。芋圓我今次沒有試，原因是我上次食過非常一般，今日朋友也說芋圓非常硬和難咬；提子甜品內的青提子酸得很，其他正常；店主推介的芒果甜品是全晚最難吃的，芒果汁沒有味，小丸子沒有味，西米沒有味，只有雪糕和桂圓有味！坦白說，我覺得如果是梳乎厘、心太軟等甜品做不好，尚算情有可原，但連芒果汁這麼基本的base也做不好（還是為慳錢而減料/用唔靚嘅材料？），我覺得真是說不過去！年輕不是藉口，我覺得他們是沒有用心做甜品！過去兩三年，我已經俾過幾次機會，但甜品的水準不進反退，店主和店員要好好反思！

We had the matcha cake and the cheesecake. The matcha cake was crunchy on the outside but soft on the inside with the perfect amount of molten lava. The cheesecake had a good balance of tang and sweetness. Overall, I love this place and can’t wait to try other things on their menu!!

美食沙漠的馬鞍山，卻有著如此出眾的甜品✨甜匠揉合精煉鑄鐵工藝，所有甜品即叫即焗，口感冷熱交融，小編每次來馬𩣑山都必定到此一遊😋無論是價錢還是賣相，都超高CP值！現烤半熟費城奶酪 $55紅莓粉、曲奇碎🍪北海道3.6牛乳雪糕🥛玉桂蘋果金寶 $50提子乾🍇 蘋果肉🍎 焦糖牛奶、牛奶雪糕🍨➰👅 味道：🌟🌟🌟🌟🌟👀 環境：🌟🌟🌟🌟👩🏼‍🍳 服務：🌟🌟🌟💫💰 抵食：🌟🌟🌟🌟

馬鞍山俾人叫得美食沙漠，但我覺得呢區主餐唔得，但甜品都可以話係一流、十分有水準。呢間鋪頭細細，但係佢Menu上面提供嘅菜式所要求的功夫係絕對唔會少。佢有即叫即整嘅窩夫，上面配嘅配料配搭真係岩岩好，飽肚得來唔會太制！而且佢哋嘅Apple cumble係即叫即那焗，上枱都仲係熱嘅。如果大家有機會嚟試吓嘅話，熱情推薦呢個！佢都有賣其他中西式糖水，再上一次試過佢地嘅芋圓，都係唔錯嘅，雖然呢款糖水上嘅時候，個冰太多，有少少淡。如果搵緊地方食下午茶嘅朋友，呢間糖水舖都係有下午茶供應嘅。雖然佢哋下午茶嘅價位唔低，但係同朋友一齊share兩個人食，為喜大約每個人35-40蚊。間鋪頭其實裝修、佈置得唔錯，係新港城買完戰利品，坐低分享收成，食下甜品仲可以食埋氣氛，抵啊！

#半熟芝士 黎到連埋個pan上超級熱，芝士濃濃地好香，口感都好軟滑；再配埋紅莓粉，酸酸地，中和左芝士的甜膩；北海道3.6牛乳雪糕豐富左芝士的口感，一凍一熱，溶左既雪糕就令整個甜品不會太乾。整體非常滿意～#野莓窩夫 特別係比利時窩夫，比利時珍珠糖的味道，加埋外脆內軟的口感，真係有別於一般的窩夫；加埋野莓同乳酸雪糕，唔會膩，十分推薦～店舖雖然空間唔大，但裝修都舒適，有梳化同bar枱，適合2-4人一齊食。係馬鞍山甜品店唔多，好食既甜品就更加少，呢間係少數有質素的小店。

唔知點解呢排好想食，係呢一個馬鞍山美食沙漠實在太少甜品店，^_^而呢一間店舖係高質價錢又抵食味道有相當唔錯，所以有時候晚餐後我一定會相約朋友嚟呢度食甜品，每次我都係坐吧枱原因係因為下面幾張枱已經full晒，今次我試咗野莓拿破崙🤤，之前要為得芒果拿破崙，呢款仲好食😋，又脆吉士味道又唔會太甜，牛奶味雪糕仲好好食，呢個配搭真係Perfect！另一款甜品係咪睇到張相已經垂涎欲滴呢？上面同樣係牛奶味雪糕，不過呢一款有啲甜，同食晒會覺得有啲濟，最好同朋友share食，不過貼盤上碟係熱雪糕係冰凍🥶，口感層次相當豐富呢個係我最鍾意食嘅甜品之一！大家黎到一定要試呢兩款～

呢間我已經食過好多次，由於馬鞍山有美食沙漠之稱，但深夜又好想同朋友吹下水食下糖水又或者甜品去邊度好呢？😆我極度為大家推薦一間甜品坐得又舒服環境又靚，同我來過嘅朋友都一定會讚好，而且嚟過仲會再嚟添！呢間店舖唯一優點就係唔會限制你食嘢嘅時間，而且佢啲雪糕唔會太甜，甜品口感層次豐富，賣相又OK，佢有好多水果茶可以飲嘢都得，不過我今次叫咗杯百香果第一啖好好飲之後唔知係咪有啲酸，但店員好好話幫我加糖漿，好細心呀！👏🏻而且店員服務友善，每次我都食到托住個肚走啊😂

馬鞍山向來被稱為美食沙漠，但只要仔細發掘，其實還有很多高質素小店甜匠就是其中之一食物:5/5每次想吃甜品都會第一時間想起甜匠！味道及質素有保證▪️黑糖桂花愛玉配芋圓愛玉有清香的桂花味，但不會過濃黑糖亦甜度剛好，內配有蕃薯圓及芋頭圓，能吃到蕃薯及芋頭的香味、真材實料！整個甜品清香不膩，推薦！▪️綠茶心太軟配白玉流心度、甜度都令人滿意綠茶味的流心與紅豆蓉是絕配白玉更有驚喜！煙韌度剛好，加上帶點糖漿，讓人想一吃再吃！絕對值得來一嚐

馬鞍山一向被網民譏諷為美食沙漠，但今晚在朋友介紹下，我才知道新港城附近原來有間甜品小店「甜匠」，可算是美食沙漠的罕見清泉。小店裝潢簡約，日系木色很清新。menu圖文並茂，甜品設計精緻，款式多得看到人眼花繚亂。最後，我們決定各自點一款再交換吃。巧克力窩夫（$55）朱古力雪糕配搭鬆脆窩夫，一冷一熱在嘴裡頭交融！朱古力味道偏濃，估計是比利時口味，啱晒朱古力控！黑糖金時白玉（$50）抹茶雪糕加日本黑糖，很夾！燒白玉口感煙靭，白玉本身味道淡，要連紅豆粒、黃豆粉或抹茶雪糕一起吃才滋味！烤海鹽玉米脆片（$50）雖說有海鹽，但卻被烤棉花糖和牛奶雪糕的甜搶盡鋒頭。烤棉花糖大大粒，撕出來再沾雪糕吃，絕對是減肥人士的天敵！黑糖仙草雙圓（$40）一碗有齊芋圓、地瓜圓、仙草、紅豆粒和小丸子，口感和靭度各有特色。我最鍾意小丸子，細細粒，好咬口。各位馬友，不想清泉消失的話，就要多多幫襯小店「甜匠」，令它有財力繼續立足於美食沙漠。

甜匠又一係一間比較新式嘅甜品舖，用一隻小pan 上碟係幾靚，幾特別。brownie 幾好食，因為覺得焗得夠熱，又唔會太甜。上面仲配有啱啱焗好的棉花糖。最多一求雪糕，冷熱交加好好食，不過略嫌雪糕唔係太好食。

那天晚上9時左右，小編一行人共4位，在門外輪候了15分鐘左右，小店裏的範圍不大，一眼看清。小編的座位是在吧枱，吧枱的枱面比較窄，幸好高腳椅子不會坐得不舒服。大家商量好要吃什麼甜品後就找侍應下單，但侍應的反應比較不明顯，完全不知道她是否在聆聽。黑糖金時·白玉($50)，有燒白玉、紅豆粒、黃豆粉、玉米片和日本黑糖。盛器是熱的，要小心。整個甜品的溫度是微暖，所以雪糕沒有溶得很快。抹茶雪糕的味道不突出；燒白玉的黏度和彈性沒有想像中的強，整體不過不失。這份甜品來到的時候，侍應就直接把它放在坐在最左邊第1位的朋友面前，但其實這份是坐在第3位的小編要的，侍應就企著眼白白地看着客人們在狹窄的座位上，不順暢地，小心翼翼地把這份熱的甜品一個傳一個的移到小編的面前。當時小編就在想，可能這位女生是第一次做侍應，所以不懂得問一下客人要的是哪款甜品，只要問一聲再放下，整件事就會舒適多了。仲夏野莓($55) ，有野草莓、草莓汁、紅桑子說、鮮奶油和冧酒提子雪糕。當時的冧酒提子雪糕售罄，就要了鮮奶味雪糕。窩芙暖暖的，沾上所有配料，一口而下，整體都是正常發揮。桂花愛玉·手工雙圓($40) ，有日本黑糖、芋圓、地瓜圓、小丸

馬鞍山糖水鋪新增午飯。台式鹽水雞。醬油豬腩肉飯 於是選擇試試，購買外賣各一盒此店已開四年，作為馬鞍山新港城人都是第一次試。店內環境乾淨， 一入店內，員工服務有禮貌，我選擇新增台式飯外賣各一。等幾分鐘就有外賣取，飯盒環保。讚台式鹽水雞飯，不太咸，無骨雞滑，配醬油飯，不咸不味精。醬油豬腩肉飯，腩肉不會鞋或韌，醬油飯不咸，糖心蛋，又有豆乾+粟米。ok.馬鞍山新港城糖水舖多，此間最近新增台式午飯， 夠特別 , 不用常吃快餐，要去試試。

聽聞呢間野已經開左4年，但我搬左入馬鞍山成年都未食過。一路以為佢淨係做甜品，點知今日諗住食隔離三哥做lunch嘅時候，行過路過，發現原來佢有做午巿架喎。加上望緊佢有咩食嘅時候店員又好熱心咁出黎邀請，咁就試下所野啦。午巿時間，入面一個人都冇，其實都驚係伏伏伏...點知佢又唔差喎，雖然得兩個選擇（一個係腩肉，另一個係雞）我同我個朋友一人嗌左一款，兩個飯底都係老醬油撈飯，拌有大量蔥同粟米，我個雞飯仲有少少薑蓉。望落以為好重味，食落反而幾清新，朋友個腩肉飯仲有少少煙燻味。今日幫襯有送野飲，幾欣賞佢個凍黑咖啡，香得黎唔苦，幾有日式風味。埋單盛惠每人45蚊，同你去茶記食差唔多啦。有心做嘅小店，可以再幫襯。（拿，唔知今日招呼我地個哥仔係咪老細，不過佢叫我上網幫佢宣傳下佢地有做lunch我就幫佢分享左呢個訊息出去，唔知下次去係咪可以繼續送飲品呢？😆）

今日和老婆晚飯後便往甜匠食甜品, 見到menu有款新推出的桂圓白雪, 於是便試下。桂圓白雪有桂圓, 小丸、椰子雪糕和桂花愛玉。桂圓食落香甜爽口, 小丸食落彈牙、椰子雪糕很少甜品店有椰子雪糕, 椰子味道香滑, 甜度適中, 最後桂花愛玉賣相吸引, 有啖啖桂花清香味道, 食落爽口甜度適中, 整碗桂圓白雪賣相吸引, 甜度適中, 個人欣賞椰子雪糕和桂花愛玉, 椰子雪糕香滑的香滑和清香的桂花愛玉, 我食了一碗一碗美味的桂圓白雪。

本人不好甜品但好綠茶宵夜糖水鋪仔細細只有不到廿個位客人同員工清一式年青人選擇不是好多但睇相都幾高質另有窩夫、雪糕等有西米、小丸子、抹茶蒟蒻、白玉、紅豆相片未能盡錄奶綠底唔太甜粒粒甜同Q有日本既味道🤣值得去下次食其他野