甘味讚岐手打烏冬

營業中

休息中

行山前先行午餐 元氣壽司仲有成50個先到😯決定轉戰甘味 等左3個字終於有得入 餐牌上成幾十款野食揀 真係眼花繚亂😂但冬天想食下熱野 就叫左個黑蒜豬手手打烏冬 一黎到已經同想象中有出入 唔講以為係普通豬骨湯🧐食落就更加唔使講 是沒有黑蒜的影子加味道雖然湯底好熱 豬手厚切同埋唔會好肥 但心中就係唔滿意 手打烏冬個人認為煮得好稔 可以再挺身啲朋友叫左刺身定食 附送味噌湯 個湯咸到呢😵😵兩粒帶子仲要唔同色 雖然味道上無分別 刺身味道中等 無咩特別驚喜另外加單叫左個香芋波波 今餐最好味煙韌而且芋泥份量算多 而且甜度都恰好整體而言性價比一般

黑咖哩芝士豬軟骨成日聽呢間餐廳名故此一試但未食過黑咖哩把心一橫 再試埋🙉🙉點知 撞板了的確失望最愛的豬軟骨但拼埋咖哩上 變得沒有好味的感覺即不出色，也不好味就連配角薯仔也沒有味道淡如水

今日和朋友行街太累啦，休息一下去食下午茶，來到這餐廳，聽聞出名手打烏冬，當然要試下啦雞肉有些干但好味，烏冬好滑壽司啦，都唔錯，大大件，但飯有散，整體都唔錯都可以再試

［雞胸沙律唔錯］天氣咁熱，唔知短袖同背心要著到幾時，女孩子要減肥一定係食沙律！今次都唔例外，加上做完運動真係唔可以食得太肥架嘛！於是好大膽地叫左個雞胸沙律，再加枝豆！雞胸沙律竟然意外地整得耐過個烏冬，好奇到底咩原因嘅時候就到左喇！個沙律好香，因為啲雞胸每一片都煎過！對於一個食過無數雞胸沙律嘅人黎講係驚喜的！而且佢處理過嘅雞胸都好軟唔鞋，雖然啲菜就有別於平時食開嗰啲沙律菜，不過喺度食到呢個質素ok啦！枝豆可以加錢跟餐，大大碟夠晒食！

呢晚黎到荷里活廣場食晚餐行左個圈最後被呢間餐廳門口播梗既牛扒吸引住要揀左係到食不過都等左20-30分鐘先有位諗都唔使諗 即刻決定左叫呢個燒牛扒蕃茄湯烏冬第一啖覺得蕃茄湯好酸但飲多幾啖就越飲越開胃越飲越好飲烏冬夠滑 唔錯唔錯牛扒都幾薄身 都燒得幾淋 但就偏咸朋友點左吉列豬扒湯烏冬豬扒個樣好吸引 好似好好味咁不過咬落就硬左的至於個湯烏冬呢 湯底就真係太淡了朋友最後都係加左豉油去調味我地額外點左個餃子呢個比我預期既好食喎皮薄料足 煎得夠脆 唔錯

之前一直同另一半都喜歡去葵芳分店食甘味，但由於佢執左，唯有去我返工附近商場食（搵開飯啦見到），我地叫左2碗番茄牛肉湯烏冬同魚小食（平時最常叫尼個，覺得好好味）。也算keep到水準，算好味，但唔知點解d湯“結”得制。。。。。。另一半覺得ok，我就覺得見仁見智。。。因為食開甘味d烏冬 ，感覺冇咩特別突出，但如果對比其他分店，尼間還可以。。。服務就見仁見智。。。今次整體都覺得麻麻，可以一試，但唔好期望太高。

今天和呀伴舊地重遊，在鑽石山廣場裏重拾年少的感覺。午飯在大學時常常和一起撐臺腳的甘味讚岐手打烏冬用膳。點了洋蔥豚肉二十穀飯，洋蔥很香甜，份量也足夠。但二十穀飯不懂欣賞。亦點了雜錦鍋燒烏冬，份量剛剛好，天婦羅蝦也挺好吃，稍微有點美中不足的是湯底略微清淡，烏冬的味道略為單薄，不過不失。

廢話唔講，講啲重點就算:1)連碟都未洗淨2)我點左個豬頸肉飯 (二十穀物飯轉左白飯)，個味幾好。3)另外點左個雞扒，勁乾，冇哂油水，仲衰過白烚。4)服務一般，除左個 Tom boy look 既侍應生好啲之外，其他人都木口木面，仲有個疑似女經理 (即係唔洗着制服個啲) 成日行過收錢收單整到人有肢體碰撞都唔識 say sorry。

［凍凍地熱食之選］是夜放工夜左，天氣時凍時熱咁今日又凍番，於是就揀左荷里活廣場內嘅甘味讚崎烏冬。由於都成8，9點，淨低嘅客人唔多，想坐得舒服要求坐梳化位但被拒絕，但之後又見到其他二人組合可以坐，我明白可能係公司指引，不過既然人唔多都可以通融下掛？坐低後叫左鐵窩雜錦烏冬。再加雞軟骨餃子。餃子先黎，未算好出色不過都整得幾香。咩都有嘅鐵窩雜錦烏冬一直都係我嘅最愛，基本上唔會叫其他野！炸蝦天婦羅一上台就要夾開，因為我唔鍾意浸到林晒！今次食佢啲烏冬好麻麻，唔夠彈牙！

雖然無當年一開咁驚艷, 但係整體水準都算仲 keep 得唔錯, 仲係咁啱平時食食的~ 同事又有善, 鑽石山呢間又無沙田哥間咁 chur 等位耐 又成日問食完未有無嘢加, 唔錯呀~ 蕃茄湯底係濃濃的, 明知係開完再加鮮茄的, 但咸度恰好 唔會過酸, 所以感覺仍然係唔錯呀~鳥冬煮得剛好 咁多年都係彈牙嘅, 會再 keep 番住黎食~往日最愛嘅蕃茄肥牛粒鳥冬, 仍然 ok 呀~粒粒有牛味的, 有咬口的, 感受到係煎香咗至放上碗的~第二最愛雞扒烏冬都係 ok 呀~皮脆肉仲係滑嘅~追加嘅薯波波都認真架~熱辣辣唔油膩 又足料~ 我地都食得好開心呀~

剛好到鑽石山荷里活廣場返工，附近餐廳雖然都幾多，但好多以前都有食過，再加上又唔想成日都食煎炸野例如老麥，最後上左網上外賣平台諗住叫外賣，但都冇心水。諗左幾個鐘同同事終於決定左食烏冬。呢度嘅選擇都幾多，今次揀咗個應該唔會伏嘅吉烈豬扒配烏冬$52（外賣加2$即共54$）店員好貼心咁將湯同烏冬分開咗兩個兜來裝，以免烏冬變淋。烏冬好滑好煙韌，同平時超級市場買既唔同，食落有口感得多。個人唔係太鍾意個湯，陣味對我來說不太討好。吉列豬扒方面，咬落外層好脆內層軟軟的，有種入口即化的感覺，如果沙津醬多小小就更好。炸得好令🙆🏻整體黎講都唔錯，雖獨是個湯唔岩我口味。

琴日同朋友一齊去呢度食飯之前係其他分店食過覺得麻麻不過覺得呢一間比較好 我就點左呢個蕃茄吉烈豬扒烏冬蕃茄味都濃既 凊清甜甜吉烈豬扒都比想像中高質至於個鳥冬都幾滑 不過略厭淋左小小但對得住價錢之後我地都點左D小菜呢個蛋係表示失望 同平時拉麵店食果d唔同雖然都有流心 另外呢個沙律同粟米沙律同元氣咁上下 如果一個人食都大份既 可以兩個人share 所以覺得去呢度都係食返烏冬穩陣朋友就話唔建議食呢度既肥牛無咩味道同好難咬開

The staff here were really nice but unfortunately the food wasn't good.Originally I picked the plain soba noodles but then I spotted the Green monday soymilk broth noodles so I changed to that.The soymilk broth was so disgusting because they used sweet soy milk so the noodles and vegetables were all sweet.I was pretty annoyed because I was very hungry that night,The lotus roots lacked yuzu taste because it was supposed to be yuzu flavour according to the menu.

是日和友人前來一食這間烏冬。也沒有甚麼特別原因，就是因為突然想食日本餐，而又碰巧有位子。我叫了一個滑蛋蟹籽巨型蟹柳烏冬。而友人則叫了一個比目魚餐。我從來未食過所謂的巨型蟹柳，因此頗為期待，但來到之後，發現味道同一般食開既蟹柳沒有很大分別，反倒是滑蛋幾好味。而店內招牌的手打烏冬，亦無負所望，真係非常之爽彈。烏冬是成碗麵既亮點，湯底和餸菜只屬一般。而朋友所食的比目魚餐，其實都唔錯食。據他講，壽司並無特別，但比目魚煎好後，十分之脂香，而上面鋪滿了蝦乾，則令其多添了一分既香口，我試左一啖，又真係唔錯。如果有出比目魚烏冬，可能我下次黎會叫黎食。

是日星期五，放工就梗係約埋好姊妹一齊行街食飯架啦，因為朋友比我早放工，所以佢黎等位先，咁七點幾就有得入去食啦。一向好鍾意食滑蛋豬既我，俾餐牌上面既滑蛋豬扒撈鳥冬吸引左，烏冬係讚岐手打烏冬，食落非常爽口，豬扒亦都炸得好香脆，非常好味。我地亦都俾餐牌上面既日式蒸蛋吸引到，因為張相真係好靚。相片如下:點知，上菜時見到賣相同圖片真係相差好遠。D蛋嚴重overcooked，蝦就連殼上，又無圖中既日式魚蛋，都算，其他材料更加千奇八怪，好似有500%熟既唔知雞肉定豬肉啦，蓮子啦，碎到無得再碎既蟹柳啦，3個字，好難食。