甘味讚岐手打烏冬

營業中

休息中

突然好想食烏冬，見到有間烏冬專門店就去試，手打烏冬聽落都幾特別睇menu選擇好多，最後㨂左睇落好吸引既麵豉燒雞扒蕃茄湯讚岐手打烏冬，56蚊湯底濃稠, 蕃茄味濃厚蕃茄一片片又唔會爛開新鮮得黎都幾足料雞扒微燶，皮脆肉嫩麵豉幾入味烏冬方面更加唔錯爽口彈牙 而且唔會太林佢都有壽司、軍艦等美食可以㨂，我地點多左個加州卷 $24 3件紫菜捲着青瓜蟹柳等材料米飯軟身 外層灑上蟹籽蟹籽非常脆口 令口感更豐富巧妙配上酸酸鹹鹹既醬汁開胃之選店員重好熱情向我地推介晚市優惠見抵食就點左個帆立貝壽司 $20 only帆立貝大大粒 非常新鮮加上醬汁更加滋味口感滑溜 正佢重有其他小食可以㨂添，好似蕃茄餃子等等

很小到這間分店，印象中好似只到過2次，對它並沒有什麼印象。大概只有最好和最差的才會令人留下印象吧。可是這回就真是留下相當差的印象。天皇嗰句:"今時今日，咁嘅服務態度係唔等㗎"，真的是可以形容那幾位資深員工。帶我入座嗰位侍應，黑口黑面，好似我們的到來給她帶了很大麻煩似的，從她的衣著，相信她應該是店長。想落單時，當然要找侍應啦，但是另一位侍應卻在枱而架上，抽出一張所謂落單紙，pat在枱上說:"自己寫啦！"當然係豪不客氣嗰隻啦。曾經到過其他分店，從來都不是自己寫單，請勿要求客人知道各分店獨特之處，何況服務業應否要禮貌些呢?由於對此店感覺不好，只點了2碗麵，速食，速閃。天婦羅炸蝦烏冬，麵質一般，可能由於是連鎖店關係，味道已經公式化。炸物雖然已經分開上枱，但是一點也不脆口，冧咗。鰻魚烏冬，鰻魚片薄切，很難夾起，而且味道稍濃，與烏冬唔夾。幸好店內有2位年輕店員，有禮貌，亦有跟我們說bye bye 。跟其他員工有很大分別!

暑假接近尾聲，大人小孩都作最後衝刺。即使是平日，要在荷里活廣場求一位用膳也不容易。不少店子已告滿座，惟獨甘味翻桌較快，竟然仍有位子。  店員先端上淡味的清茶，再極速遞上餐牌，只有十款午市可選。主要是雞、牛、豬、刺身，搭配烏冬、米飯、壽司。由五十多元起跳，配一杯飲品，配搭簡單，感覺健康一點。選了麵豉燒雞扒蕃茄湯讚岐手打烏冬($54)    茄湯配搭烏冬總是我的不二之選，因此更能察覺到它的退步。麵豉燒雞扒看賣相已知是烤得過焦了，裏裏外外乾澀非常，肉質死實，吃了一半已放棄了。  惟有寄望茄湯烏冬吧! 可惜湯只是微溫，粉漿似乎下得太多，湯的稠度怪怪的，喝着是人工的甜，並非蕃茄之鮮。再嚐一口烏冬，難掩的失望，當初甘味的烏冬可是煙靱有嚼頭的，現在卻是退步到跟平常稔身的烏冬無異，這烏冬我是少有的未能把它吃完。而加購的流水蛋也做得馬虎，說是流心卻幾近全熟，當然不會好吃。飲品選了凍咖啡(+$3)，一向對這一類的日式餐廳咖啡沒甚期望，這一杯咖啡尚算香濃，奶香也足，就是甜度有點過了。以前總愛以甘味烏冬作簡餐，但隨着出品的每況愈下，再回頭恐怕是太難了。

以前在官塘返工久不久都會去apm上既甘味. 以往對甘味既印象都係食烏冬, 之後搬左去鑽石山後,成日都唔明點解甘多人排隊.今日甘q又經過, 約既朋友又未到, 甘我順手又學人排埋一份.因為之前成日食烏外set, 所以今日我就散叫了炒什菜及餃子(<-唔記得影), 而友人就叫左個牛仔骨set.1. 餃子 - 出奇地好清新, 料子很多不過沒有油膩既感覺因為入面大部份都係菜. 2. 炒什菜 - 估唔到日式什菜都甘有火喉, 芽菜炒得好干身, 棷菜炒得剛剛熟, 而且沒有很多油既感覺. 再加一碗飯-甘樣就係一個素菜set.3. 牛仔骨 - 友人說有點so, 所以我也沒有去試了.如果你都係同我一樣食烏冬食到厭既話,希望黎個食評幫到你.

甘味讚岐烏冬店(鑽石山)冷傲晦氣鄉音"女知客"! 開口自暴其短不是正宗的日本店! 湯頭淡烏冬唔彈!不是日本帥傅製作!但價格超過$58????甘味讚岐烏冬/(現在的)別府拉麵/別府駅前料理/-看起來像日本料理!很久以前地獄拉麵很美味!但是當我再次回來香港，它已經改變了原來中高檔日式店，現在已成為新的中中檔流水作式快餐連鎖店! 地獄拉麵不再地獄!如果你只看他精湛的日文/英網站,即使是我，幾乎誤認為這是日本店!敗筆就在分店門前:甘味讚岐烏冬店(鑽石山)冷傲晦氣鄉音"女知客"!開口自暴其短了!這不是正宗的日本店!但是，當你嘗試他的分店來到甘味讚岐烏冬店裡。當你看到女知客! 她沒有穿制服,長長的馬尾頭髮.但她很冷傲看你.你會疑惑日本員工應該穿統一的正式制服,温和謙虛???然後她晦晦氣用不太流利廣東話發言。假惺惺地笑吓!我迷惑了?難道我去了中國餐館？這是曰本讚岐稻庭???還是中國四川雲桂香/雲南????所以，你會明白了!很簡單!這個店不是日本人開。這不是正宗的日本店!那個冷傲晦氣鄉音"女知客"講完立即掉頭走??我都想即刻走出去!!!! 算啦都坐底左睇下啲野食點!!!!

Went here before a movie so had a quick dinner.★☆★☆★☆★☆★☆★☆★☆★☆★☆★stir fried beef with twenty grain:This dish wasn't outstanding and beneath the beef you could see about three different types of rice so I wonder why it is called twenty grains!!★☆★☆★☆★☆★☆★☆★☆★☆★☆★Soup:The soup was tasteless.★☆★☆★☆★☆★☆★☆★☆★☆★☆★Other branches:◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $6XService: crapYummy factor: Could be betterNapkins provided: yesToilets: noPortion sizes: reasonableNoise levels: NoisyGlass of water provided: yes

呢間我經常去食，除左因為近屋企外，佢GE野食都相當有水準。我朋友非常推介這兒的烏冬佢覺得非常彈牙，而且不易斷，很有彈性，再配上蕃茄湯底，D烏冬入哂味，真係好好食。另外，我就覺得這兒的二十穀飯非常正，加上豬軟骨的肉汁同醬料，真係食完會再想食多一碗。另外，這兒的坐位都比較寬闊，坐的位置都比較舒適，非常適合一家大細去試一試。

我今日塊咗鑽石山嗰間甘味食飯，因為係星期日嘅關係，我排隊等咗好耐，差唔多有45 分鐘，一入到去，我叫咗日燒牛排蕃茄烏冬，因為係即叫即整嘅關係，我等咗半個鐘先有得食，牛排有d 硬，要浸落去蕃茄湯入面先軟少少，不過配牛排嘅汁都幾入味，酸酸甜甜，烏冬好好味，湯嘅味道完全融入烏冬入面，而且環境舒適。

今日同班朋友行完街，想食日本菜，所以去咗間相對比較便宜嘅日本菜食飯。我地叫咗個吉列豬排清湯烏冬，同雜錦壽司。清湯湯底其實唔錯，烏冬煙煙un un 好有咬口，68 蚊有八舊壽司同一個烏冬都算幾實惠，魚生都幾新鮮，唯一不足之處就係d 豬排唔太新鮮，皮太厚，但係整體價錢味道不錯，值得推介！！ 

今日放工好累好肚餓，所以搵一間10 點都未收工的餐廳-甘味。因為係星期一，所以餐廳都比較冷清，我坐底後，d 店員都好nice咁招呼我，我叫左個濃湯肥牛烏冬鍋，首先講下個濃湯先啦，湯底好有鲜味，充斥著濃濃的肥牛味，肥牛既嫩且滑，烏冬彈牙，好味指數爆燈!!

睇完戲梗你係要搵地方醫肚，見到手打烏冬依間鋪就心郁郁想試入面有多種烏冬任君選擇！我地嗌咗豉油湯牛肉烏冬同蕃茄湯牛肉烏冬 本人認為蕃茄湯較可取(^ω^)味道鮮濃而香甜*^O^*豉油湯則沒有驚喜，不過不失。三文魚亦夠大份，值得一試*^O^*至於壽司則同外面餐廳同出一轍，所以都是很普通。至於炸豆腐本人就不太推介了，外皮炸得不夠香脆，略為失望(>_<)

琴晚黑睇完戲就喺商場度搵野食,見度呢間餐廳出面啲烏冬(模型?擺設?)咁吸引,就決定入去試下啦我叫左一份流心蛋,同一個鰻魚烏冬先嚟既當然係流心蛋啦,唔只蛋黃,就連近住蛋黃側果啲蛋白都係未完全熟透嫁,食落去有好香既蛋味,28蚊2隻流心蛋都係值既跟住就係鰻魚烏冬喇,先比大家睇下個餐牌先張相睇落好吸引係咪?望落好好食係咪?而家就睇下實物啦我差唔多食完既時候先記得影,唔好意思,但可以同大家講,佢一上菜果下個賣相同餐牌上張相已經差好遠好遠,啲湯幾乎蓋過哂啲鰻魚片同烏冬好喇,既然叫左緊係照食嫁啦一食落,烏冬都算彈牙,但啲湯.........得個醎字又未算太醎既,但除左醎之外我實在諗唔到仲有啲咩字可以形容個湯既味道本來佢餐牌上面寫住加10蚊可以轉湯底既(好似有咖哩同蕃茄)但我諗住如果清湯都OK既話無謂駛多10蚊啦但清湯真係完全唔掂囉......咁既湯底自己喺屋企喺啲水度加啲鼓油都整到啦所以建議所有想喺呢間餐廳食野既人,一係就唔好食烏冬,食得烏冬既就一定要轉湯底,唔係既話就要失望離開

和朋友睇戲後隨意地搵食，搵來一家日本烏冬店，讚岐命名的店，當然是賣烏冬的地方。自由選的烏冬，選擇了淨湯烏冬，配料每一道再加錢（烏冬麵質麻麻，不夠煙韌，選了栗米、紙菜和溫泉蛋配料，溫泉蛋不是溫泉蛋，只是一般半熟的蛋）食物質數很一般，但以過價錢吃個晚飯也算不錯，埋單$55

看電影前醫醫肚. 甘味不用排隊, 那就吃這家吧.  京都炸豆腐它的炸皮是像小米一樣有點韌度, 不是我想像中的鬆脆模樣, 但挺特別的.醬汁則是較中式的味道, 有香菇有鮮蔥, 不錯吃~! 芝士年糕本來就對這個菜式沒大興趣, 但朋友想試就看看會不會有驚喜囉~年糕炸皮挺脆的, 但年糕本身不夠煙韌..芝士味就是那種預計的, 又不喜歡旳韓國芝士麵的那種芝士味..所以... 嗯... 一般啦~~~ 北海道津別牛乳蟹肉薯餅*聽到"牛乳"二字還以為是甜的, 朋友說這是奇怪的想法...?!@@*吉列做的很好, 鬆脆可口!餡料感覺像"白汁".. 但是味道質感都很不錯, 可以一試. 角切魚生飯少得可憐的魚生朋友, 你們都被配角蓋過了...青瓜, 甜雞蛋很多, 魚生粒很少耶.... 也沒有特別肥美.. 朋友說, 這是手打烏冬的店鋪. 也是呵... 不會再在這裡吃這個就對了.整體沒驚喜, 也沒驚嚇. 不想排隊的話, 甘味還是可以選擇的. 

2點幾黎到叫左午餐, 原來2:30有下午茶虧左tim, 唔怪得2:30即刻多左咁多人不過算, 趕時間叫左個帶子福袋手打烏冬因為趕時間都係求其叫個算食完睇番先知福袋入面果d係帶子黎仲有好多蘑同類似翅一條條既東西都幾好食個湯底真係幾香,應該唔少味精仲有d菜同西蘭花,又幾好營養烏冬都幾彈牙午市有9折,又9折又加一,即係冇做過野不過睇番呢間原來同另一間叫別府係同一個seriesD waiter一樣係咁朦,成日做錯野我叫凍飲就比左熱飲我仲要個waiter dump底杯野就迅雷不及掩耳咁入Q左叫都叫唔切我碗烏冬都食左大半,杯野飲先黎到仲夠膽收我加一