甘味讚岐手打烏冬

營業中

休息中

Hi繼續係麵...🤣但今次係烏冬仲要係讚岐手打烏冬😻以我所知呢間甘味都有唔少既分店 係大型屋院既商場成日都會見到佢既蹤影😽所以如果大家都想食就好方便啦💯講左咁耐都未講到甘味係一間日式料理既餐廳 但環境都有啲似香港既茶餐廳 但就係要收加一高級少少既日式茶餐廳🤣-麵豉燒雞扒蕃茄湯讚岐烏冬 $60 (連飲品)首先講下佢個蕃茄湯係好濃郁既蕃茄味 帶有少少杰 濃稠既湯令烏冬既掛湯能力更高🥰蕃茄湯既酸度適中 極度開胃呢！然後就講下讚岐烏冬 好彈身好有咬口 就係平時食既讚岐烏冬 配埋蕃茄汁真係一流💯👍🏻配菜有青豆同蕃茄-麵豉燒雞扒表現都十分出色☺️熱辣辣個皮好脆好香 雞肉多汁嫩滑 略微偏油 但NANA都知燒雞就一定會多油 所以呢點都可以過得去既🤣-整體黎講$60午餐加飲品 覺得合理 環境坐得都舒服 服務態度一般般 但都唔會太差 想食讚岐烏冬既時候絕對會諗起佢🤍

啱啱去完沙灘經過鑽石山巴士站，費事周圍行於是就去鑽石山荷里活廣場裏面食，見到甘味有吾少人排隊，有人排隊姐代表佢ok啦，所以我就決定食呢間。我叫咗一個60蚊嘅鹽燒豬頸肉讚岐手打烏冬。佢嘅豬頸肉呢唔會太肥，上面有一啲甜甜地嘅醬汁，與其話佢係鹽燒，我更加覺得 佢似醬燒豬頸肉，不過都系好味嘅，大約有五六舊豬頸肉嘅份量。 至於讚岐手打烏冬要讚嘅地方係佢嘅湯底，唔會太鹹，清清地，系個種會令人食到最後不知不覺飲曬啲湯汁嘅湯底。

因為有免費泊車優惠，早前再去荷里活廣場食嘢，我自己同亞女好鍾意食烏冬，今次無同亞女嚟都要食烏冬😅，嚟咗呢間都出名嘅打手烏冬舖，叫咗兩個不同口味嘅烏冬，的確唔錯👍首先係老公嗰個🥢鹽燒豬頸肉讚岐手打烏冬，豬頸肉的嫩，個燒汁都幾好味，份量亦適中，豬頸肉係分開上嘅，唔錯😋我就食咗個🥢沖繩黑豚肉餃子芝士鍋讚岐手打烏冬，我叫咗蕃茄湯底，淨係個名咁長就知好吸引啦，鍋上熱辣辣，餃子🥟係用黑豚肉，有小小羶味，湯底方面，蕃茄配芝士，正😍👍，好在冇叫亞女嚟，否則真係唔夠喉🤣🤣😬😬佢哋仲有好多唔同款式嘅手打烏冬，下次再試下先😉

放半日假同朋友黎到鑽石山lunch，重點係之後扮觀光去南蓮園池🤣偽京都🤣揀佐好耐無食既甘味~鰻魚柳川鍋燒讚歧手打烏冬($60)滿足生理需要既一餐，普普通通，湯底有啲淡，烏冬就算鍋上都唔算好熱🤔天氣咁凍覺得要食啲熱到岀煙既野先滿足🥶同如果想傾計坐耐啲就要轉場啦~印象中以前好似好食啲🤔為食指數: 1.7/5性價比指數: 2/5推介指數: 1.7/5

星期六好想食烏冬，中午時間黎左荷里活，間間烏冬店(包括元氣)都勁多人排隊既情況之下，依間算係排得比較快，就入左黎。一開波就叫左個雜錦鍋燒讚岐手打烏冬，加14蚊再要個芝麻三文魚他他手卷。首先想講，芝麻三文魚他他手卷真心推介，啲三文魚好足料，又勁好食，份量唔會大到食唔落主餐，但又唔會細到令人覺得14蚊唔抵叫。食得好開心，朋友本身冇叫，見到我個手卷之後又剔左紙叫左個雜錦鍋燒讚岐手打烏冬就都ok 既，啲味都唔錯，但隻蝦明明係天婦羅應該好脆，但因為係浸晌個鍋度上。就算個鍋一黎到我即刻夾起佢，都難逃已經「臨」曬既命運… 烏冬就唔錯，熱辣辣，勁好食，但下次會想試下蕃茄湯底 (試飲左朋友果碗蕃茄湯一啖，勁正)，所以大家如果唔知食咩可以考慮蕃茄湯底既烏冬。之後就係服務，服務員上菜時好大力放落枱，啲湯差啲淺出黎，佢勁大力放完落黎就走左，令到我個朋友唔太高興，其他都冇咩特別，其他整體上都算滿意，下次會再黎

我住呢度附近，呢間甘味食過好幾次，一直都覺得野食唔係好得，已經好少幫襯。近排疫情幫襯過佢外賣，食物質素依然同當年一樣，完全唔值呢個價。今次6點後冇堂食，諗住是但買個外賣番去，叫左個明太子燒牛肉丼，番到去一睇完全冇明太子，同相片名稱不附！係咪恰我地叫外賣追唔到數？已經叫好保守既燒牛肉，但都可以唔好食，其實佢係牛肉粒，同我想像既牛肉飯好大出入。我講過以後唔再幫襯佢，同埋佢地啲侍應態度都唔係好，機會已經比太多，期望佢快啲執，比食客多一個選擇！

去左鑽石山荷里活廣場買野，甘岩撞工食飯時間，好多地方都等緊位但系都冇阻我要醫飽個肚嘅決心想食魚所以就去左哩一間日本店到食啦午餐menus，都有唔同選擇，見到有人食壽喜燒都好吸引另外有其他飯如：燒牛肉丼. 豚肉丼... etc我想食魚所以叫左哩個等左10mins左右，飯就黎啦~魚身表皮有啲脆，都啖啖魚油香有個點魚嘅汁系旁邊仲有一塊檸檬仔仲有兩塊紫菜仲有些少沙律菜都唔錯，但美中不足系條魚都幾多骨（因為平時食嘅多數冇骨就算有都系幾條）加$8有三粒餃子（我地叫左兩個午餐，前後加左兩份）都系菜同豬肉餡，不過岩岩炸起就脆卜卜嘅配左餐飲（一杯柚子蜜一杯柑桔蜜）可能“搞”得太盡興，好甜變左

週末出荷里活真是人山人海，所以逛完街後就早吃晚餐。我哋同行三個人一人叫一個單點1. 刺身盛合定食刺身鮮甜新鮮，雖然份量少但滿足，而配有壽司的珍珠飯作陪襯，所以都感覺飽肚，所配的麵豉湯亦不會太鹹，雖然入邊冇豆腐但亦有海帶，不似味精湯。2. 咖喱豬扒飯日式咖喱配炸好的豬扒，但略嫌豬扒已放凍，外皮亦變硬了，所以口感稍為遜色，有珍珠米作陪襯。3. 面豉燒雞扒蕃茄讚岐湯烏冬烏冬等了頗長的時間，才送到來。失望的是，蕃茄湯放涼沒有了讚岐烏冬的口感，雞排亦都涼的不熱，所以都幾好奇為什麼等了這麼耐才送到。4. 另加，午市優惠+$15 2件三文魚壽司，三文魚新鮮，而配這裡的壽司飯一流，因這裏的珍珠米用人手按壓，有口感亦香甜。總結：甘味的凍食刺身、米飯味道不錯，相反熱食就在溫度上較遜色，但味道上仍有一定水準，故此，比較推薦食凍食較好。

好耐無食「甘味」了，幾年前係沙田食開，味道正，令人懷念！之前都有係鑽石山食過，味道正常！相隔多年，行過見再去食，竟然差左咁多。唔知係咪轉左老細定廚師。照燒雞扒飯一上枱面，賣相已經唔吸引，睇落就係炸雞扒再淋d照燒汁係面，咬落去又乾又硬，完全唔係正常嘅照燒雞扒，不如唔好叫照燒雞扒飯，好失望！（要食炸雞都唔使叫佢）而定食豬扒烏冬就好似大學canteen咁頹，烏冬又粉，愈食愈無胃口，所以先影低決定寫食評。

平時真係極少嚟荷里活廣場，呢個商場都係以連鎖式嘅食店為主，變相選擇唔算好多，本身都幾鍾意食烏冬，聽過呢間餐廳好耐，不過嚟食都係第一次。薄切肥牛蕃茄湯讚岐手打烏冬肥牛嘅份量都幾多，好大片而且幾有咬口。蕃茄湯底都幾濃郁，仲食咗幾舊蕃茄，不過略嫌油膩咗少少，唔算令人好驚喜，算係中規中矩。手打烏冬係呢間餐廳嘅賣點，烏冬爽滑彈牙，麵條比較粗身，食落幾有咬口，都算幾唔錯。整體來說，呢一餐唔算特別驚喜，不過未至於會令人失望，諗唔到食乜的話都會考慮食呢間。

疫情之前晚餐黎食烏冬、壽司刺身吾錯疫情下刺身差左好多，仲吾夠新鮮😫好心刺身吾夠新鮮就吾好賣之每次黎食午餐或晚餐，都會叫刺身同壽司🍣但未試過刺身同壽司的餡水準失晒色烏冬同湯底、小食質素無變，但刺身同壽司差左好多。。。服務員服務還可以，落單到跟單都有服務只係❌壽司❌刺身食材吾夠新鮮⁉️一食落去同之前好吾同，質素下降左好多特別係三文魚刺身，同之前食個質素完全兩樣野，刺身食落仲霉霉地😑令客人好失望，下次黎食都吾再叫壽司同刺身

疫情又有新一輪爆發 到底幾時先可以世界和平 健健康康🥺 好想去旅行呀✈️ 近日特別掛住日式烏冬 所以就去甘味回味一下先鰻魚温泉蛋鍋燒炒飯🍳$84黑蒜油豬手鍋烏冬🍜$66和風牛扒蕃茄湯烏冬🥫$82鹽燒三文魚頭🐟 $52 整體食物質素、環境舒適度都保持以往一貫既水準👍🏻特別愛蕃茄湯底 酸酸的愈食愈開胃呢❤️甘味讚岐手打烏冬地址 : 甘味讚岐手打烏冬 (鑽石山)鑽石山龍蟠街3號荷里活廣場3樓326-327號舖

放工約左朋友去荷里活廣場行街，本身想打邊爐但放工時間間間餐廳都排晒長龍，因為太肚餓，所以差唔多間間食肆都禁飛排隊😂😂😂最後我哋去咗甘味呢間手打烏冬食野醫肚基本上我哋3個人都好肚餓，我朋友幾乎想點晒成個Menu🤦🏻‍♀️Anyway, 我哋最後叫左3個主食，1個沙律，1個小食，份量剛剛好👍好彩冇嗌多個大阪燒，唔係就食唔晒lu我幾鍾意個沙律，雖然個菜名有泡菜令我一心以為佢係有韓國泡菜響入面，實際係普通沙律加胡麻醬😞但佢有我鍾意既三文魚籽響入面😍，算不過不失個鰻魚炒飯我最深刻，好足料，個醬唔會令個飯濕晒，炒飯香同鰻魚好夾我地其有叫烏冬，但無奈我朋友餓鬼投胎食晒😡不過烏冬都幾好味😋晚飯人均消費$120蚊到，唔算平，但依野食份量黎講算Ok

午市荷里活廣場人頭湧湧求其搵間餐廳食下，當普通食餐飯呢叫咗個蕃茄雞絲讚岐烏冬。結果落錯單次次等到半小時都未到，最後送咗一碟我冇叫嘅嘢嚟。已經知道落錯單詢問職員是否落錯單佢話「一定係㗎啦！頭先好忙啊所以寫錯咗非常理直氣壯，再問多次可否跟進，都即刻有得食，但態度實在欠佳。食物味道非常一般蕃茄湯太過杰身。

讚岐烏冬午市套餐有九折優惠，於是入去試下。餐廳環境比較侷促，因為枱與枱之間相隔很近，加了一塊大紙板較衛生。麵豉燒雞扒蕃茄湯讚岐手打烏冬$60- 雞扒剛剛燒好，熱辣辣，不過麵豉嘅味道蓋唔到雞扒雪味。蕃茄湯有幾舊新鮮蕃茄，好鮮味，烏冬口感煙韌彈牙，唔錯。飲品方面我叫柑桔蜜，味道實在太甜，結果我飲咗一啖就飲唔落去。麻辣雞讚岐手打烏冬(麻辣湯)$60- 辣度唔係好高，夠麻味，不過都係食得出雞件有浸雪藏味。紫心香芋丸$18- 新鮮炸起，芋頭味道比較人工化，食落比較油膩。大阪風燒餅$42- 以為係大阪燒，點知出到嚟係蔥油餅加啲章魚碎，上面吱上沙律醬調味，不過食落有意外驚喜，口感香脆，味道都惹味，可以一試。