瓊媽媽 (書局街)

營業中

休息中

今日去食lunch試間北角新開嘅食肆一睇個價錢 好平嘅價錢外賣更加抵買外賣拎返公司食都係唔錯嘅選擇由於我比較耐之前食我見而家已經加咗價喇霸王雞配菜飯叫咗個霸王雞食味道唔錯份量適中 但價錢取勝個雞都幾好味 啲汁都惹味如果係外賣嘅話係唔錯因為性價比高所以好適合我呢啲窮人食菜飯都入味整個配搭都唔錯加上只係三十幾蚊以味道黎講已經叫好好所以算幾抵食一位三十六蚊嘅價錢而家已經加咗價lu來得比較遲嘅食評性價比高值得外賣或者想平嘅人

北角出名多平嘢食，今次我哋就走咗去書局街食肆中揀中呢間小店試試。㨂呢間係因為門口企咗勁多人，但原來全部都係等外賣，所以好似我咁堂食係直入舖頭唔洗等。店舖細細冇餐牌，款式貼哂向牆上面自己睇，記住食野要先落單俾錢。選擇困難嘅我揀咗必食推介嘅海南雞同埋咖喱，另外因為飲品選擇有限，所以點左跟湯嘅套餐，結果發現妹仔大過主人婆！😳海南雞飯好大份，油飯香但我一個女仔冇可能食得哂（記住揾人share 或叫少飯）雞食得出唔係冰鮮雞或者雪藏貨，有雞味之餘非常之有咬口，我估係新鮮走地雞，因為唔用冰鮮雞（繼續靠估）所以做唔到海南雞應有嘅滑嫩口感。估你唔到嘅係碗湯超級好飲！有木瓜粟米蘿蔔豬骨等等熬製，甜度十足，正過正餐十倍😋咖喱汁唔同平時茶餐廳嘅味道，椰香味十足幾惹味，好彩菜飯比油飯細份清得哂唔洗做大哂鬼。因為個湯太出色啦，所以佢哋用同樣嘅湯底去煮娃娃菜，帶出咗菜既甜味，不過我低估佢地飯既份量食唔哂，但因為用盒裝，好方便可以帶走剩菜。作為偽文青我忍唔住問店員點解用膠盒咁唔環保，佢地話膠盒係用環保物料做，而用循環餐具更怕有清潔化學品殘留影響健康，又幾有道理🤔唔記得講，埋單有加一，total $126，為咗碗湯我會

最近港島有幾間海南雞飯開咗，今次就試其中一間😗瓊媽媽發跡柴灣，聽聞係由三個來自海南嘅媽媽開，平得嚟味道正宗頗受街坊歡迎，當初響柴灣淨做外賣，之後再到北角開分店就有埋堂食添✨當初見到堂食都用即棄餐具其實有啲反感，但原來佢地用嘅都係可自然分解嘅款式，而選用即棄餐具係為咗確保衛生，擔心清潔劑殘留會影響到小朋友😮講返嘢食先，既然係海南人主理味道自然有保證啦，海南雞可以揀有骨同無骨版本，肉質嫩滑得嚟個汁都調得幾好而咖喱牛腩幾入味又幾夠椰香，不過可以再重口味多啲，另外可以隨你鐘意揀配白飯油飯同菜飯，自由度都幾大小食叫咗個紫玉角子，其實係炸餃子不過入面加咗紫椰菜靚得嚟口感更加鬆脆，另外選配醬汁當中有款青木瓜汁，感覺有啲泰式，開胃得嚟又冇咁油膩仲有老火湯都好潤好足料✨

今日lunch就去試下呢間海南雞飯,之前行過都想去試下ga啦,因為d同事食過都話抵食+好味。去到門面都幾光猛環境幾好，地方都好乾淨，坐得幾舒服，lunch time既時候堂食人客同外賣人客都好多呀‧ 入到去, 佢地仲要有一人位,好好呀,繁忙時間唔洗搭枱咁尷尬‧ 之後我就叫左海南雞飯+菜飯+炸紫肉餃子配青木瓜汁，一黎到我都嚇親，呢個價錢咁大份仲要有埋湯飲真係好抵‧個湯我無諗過係咁真材實料，好多料同埋超甜。無骨雞，食到好爽啖啖肉，同埋D雞都好滑，而雞下面有D配料食下，感覺好豐富。點雞既醬汁都好特別好好味鼓油鹹之餘仲會有D水果香味，忍唔住問下職員呢D係咩醬，原本就係佢地既秘製醬汁。炸紫肉餃子配自製青木瓜汁+口水雞既辣汁上枱既時候熱辣辣，食落外脆內軟，餡料入面仲要係紫椰菜，非常健康之餘仲要好特別!市面上都好小見到係紫椰菜，真係又靚又好味。點左青木瓜汁有清新又酸酸的感覺，好開胃，口水雞既辣汁唔會話太辣搶哂餃子既味道‧之後我有用到海南雞飯點雞既醬汁黎點餃子食，一樣好味道‧最後我食唔哂，諗住打包番屋企食，都好方便快捷，雖然你見到佢地好似係用外賣盒上食物比堂食人士，原來佢地所用既外賣盒係可自然分解的餐

我本身係海南雞王無雞不歡，咁啱之前係新聞睇到瓊媽媽嘅報道，話佢日賣500盒，所以今日走咗去食！我係下午茶時間去，雖然鋪頭入邊冇乜堂食客，但係外賣單真係源源不絕！5分鐘左右外賣客就十幾個怪不得賣到500盒!!!尼度環保唔錯，地方乾淨，光光猛猛，坐得幾舒服。呢度啲飯絕對係經濟實惠！霸王雞、沙薑雞外賣都係$29、堂食$35我平時中午食個雞飯平極都$4x啲料仲冇咁足tim! 我今次叫咗海南雞、手撕雞飯，我揀左海南雞飯+木瓜例湯+油飯，手撕雞飯+青紅蘿蔔湯+菜飯。海南雞可揀有骨/無骨，嘩！啲雞肉滑到呢，無骨雞，啖啖肉，油飯好軟熟，好入味，唔會勁油，超好味！而且雞肉下面鋪左一層牙菜，健康之餘又可以清清腸胃。個餐可以跟湯/野飲，推薦大家跟湯，我無預過係咁真材實料嘅木瓜湯，大大舊豬骨，個湯超甜，係家嘅味道！手撕雞飯同我平時食開嘅有啲唔同，啲肉質滑好多，配埋個醬，真係好鬼正！配菜飯簡直一流!!!!最後，我地仲試左個炸紫肉餃子配青木瓜汁，上枱同熱辣辣，食落外脆內軟，餡料入面有紫椰菜，非常健康!最後要讚一下，尼度整體畀我嘅感覺好乾淨衛生，我見到上餐都係用較高成本又可以畀自然分解嘅即棄餐具，除咗可以避免殘留嘅

係北角呢個商業既城市食個飯選擇的確唔少但係價錢會比起其他區貴呢度既外賣價係比堂食平!!岩哂我可以拎返OFFICE食無骨海南雞一個無骨海南雞飯都只係44蚊再加埋個雞油飯就真係完美既配合仲送埋個例湯真係無敵先講一講個無骨海南雞擺得靚之外仲要係雞脾肉肉質嫩滑之餘仲要好香既雞油香味一啖咬埋落去勁滿足!!!例湯唔似係味精湯仲有好多湯渣可以食好yummy!!炸紫玉餃子配日式芝麻醬我同我同事叫左呢個黎share一客有6粒, 嗌黎share食就岩岩好炸餃子皮好香脆紫玉係好爽口既口感配合埋日式芝麻醬食落完全唔覺得濟!! 值得一試

這天於灣仔區上班， 到了下午茶的時間，四周有滿是人， 同事就介紹位於一家在地鐵站附近，路程只有兩分鐘的小店。雖說是小店，但原來也有精彩的故事。雜菇濃湯浸娃娃菜， 最重要的就是他的濃湯， 就是每日新鮮泡製，完全不加味精，味道純天然的。 配合我所選的娃娃菜，絕對是最佳選擇，全因為吸收了濃湯的精華。 味道入口更加豐富，更有層次。還有炸紫玉餃子配青木瓜汁， 味道上還算不錯， 最重要新鮮熱辣即叫即炸， 另外內裏餡料選用紫椰菜，健康味美， 營養價值十足，配合店家自製青木瓜汁，酸酸甜甜，更為開胃。下次再食，必定一食大賣文章的海南雞飯。

今日約左表弟一家一齊晚飯，佢提意去一間小店專食無骨海南雞飯，而且話雞肉嫩滑可口，搞到喜愛海南雞飯的我，舉手讚成啦。原來店名係瓊媽媽，我知道柴灣係首間店，再開係北角。Menu好清楚貼晒在牆上，選擇都主打雞，之外還有海南椰汁咖哩牛腩，秘製豬軟骨，還有深海龍利柳可選配醬汁，椰香咖哩或者忌廉芝士汁添，外甥仔超鐘意！去到揾位坐下就自己去 Cashier比錢 order就可以。揀單落單當然要食無骨海南雞飯，亦可選有骨的，我喜愛啖啖肉，雞肉出奇的軟滑有 juicy.最鐘意佢地有得跟白飯，菜飯或油飯選擇。海南雞更係配油飯，椰香咖哩牛腩配白飯或菜飯都好配搭。例湯- 青紅蘿白+南瓜湯，好足料口湯香甜美味。份量都唔算小，咖哩真係一點辣都沒有。紫玉角子 一客6隻熱辣辣送上金黃外表脆仆仆內裡非一般，餡料用上紫椰菜好特別又好靚！一客6隻剛好好，兩款醬汁配合同食都好出色。油菜 $24 揀菜心夠晒正氣！

平日晚經常都要係北角上堂，書局街好多餐廳都食過。最近發現左呢到新開左間瓊媽媽，仲勁多人排隊，我同同學就黎左試一試。門口仲貼埋餐廳的報導，原來''瓊媽媽''係三位來自於海南島嘅媽媽，聽落都覺得好溫馨同好有心。餐廳食物都唔少，價錢全部都好親民添。我就叫左招牌的無骨海南雞飯 (油飯)，可以選擇白飯、油飯或菜飯。隻雞真係好嫩滑，同埋非常新鮮。無諗過份量會咁多，超飽肚。餐廳仲非常注重清潔，使用高成本、可自然分解的餐具，確保食物乾淨安全，仲可以減低對環境的傷害。同學食左手撕雞菜飯。佢話手撕雞帶有少少酸同辣，幾特別，好開胃。另外菜飯中都有好多菜，食落就覺得好健康。例湯都好大驚喜，個湯好足料，飲落好清又鮮甜，絕對係健康之選。我地兩個仲叫左雜菇濃湯浸時蔬一齊share。份量足，湯底同樣鮮甜美味。最後仲叫左兩份炸紫玉餃子。餃子非常特別，紫玉帶來更加爽口的感覺。另外每份餃子都可選擇醬料，我地揀坓青木瓜汁和日式芝麻醬。推介青木瓜汁！有清新又酸酸的感覺，配上炸物，更易入口。超級扺食！

It was raining when I got out of the MTR so while I was waiting for the rain to stop I noticed this joint as it had a lot of customers waiting outside.Previously it used to be a congee dessert joint but now it is a different shop selling Hainan Chicken.Inside it is relatively spacious with big tables and bar tables.On the wall there are lots of products shots and media clippings.Hainan Chicken is a must so ordered that.With every dish served with rice you get to choose chicken oil rice, vegetabl

上次經過見門外幾多人等外賣，今日就襯住去開北角買野試一試。第一次試，梗係試下招牌菜海南雞飯。$50有飯有湯，可以揀有骨無骨好貼心， 雞幾有雞味，但雞胸位置有少少 “鞋” 。另外托底的芽菜都有味道，不是白灼。本身是跟白飯，可以加$2 轉菜飯，我就加$4有油飯，個油飯好香，飯的份量都好足夠。例湯係加分位，好有家庭煲的味道，無味精同埋好重料。另外有豬軟骨飯，但係因為限量供應，我大概7 點幾食已經賣哂，但係食緊都不斷聽到有食客想叫，下次一定要早d 去試下。

上次係柴灣見到呢間瓊媽媽好香都想食，但果間做外賣店，但老公行街行到好攰想堂食，所以先無食到，今次係新光睇完大戲，過對面街就見到瓊媽媽就入去試下。老實講裝修有點普通，但乾淨企理，價錢都幾抵，一個餐連老火湯先$30/$40幾蚊，我同老公一人叫左一個餐，再加左個紫玉角子，好飽好滿足😂我叫左招牌海南雞飯配菜飯，d雞吾會好老同好鞋，食得出唔係冰鮮雞味，個菜飯就不過不失，不過見人地個油飯幾靚，下次試下先。老公叫左咖哩牛腩菜飯，大家都想食多d菜>< 老公話吾un又幾入味 ,好多料，依性價比黎講真係好高，至於個紫玉角子原來係紫椰菜豬肉餃，炸過黎既，好特別又香口，不過可能放耐左有d淋。有個負責人仲問我地有咩評價，話想去改善，我咪照直講，其實今時今日香港好難搵到錦有熱誠既餐廳，不過我話佢地用膠盒裝好吾環保，但原來佢地呢種係可以自然分解既環保盒，唔怕食到d清潔劑，見錦方便索性叫左盒口水雞飯聽日做埋lunch box。

個湯係甜到呢！超好飲呀，因為佢地落左好多木瓜同好足了嫁！真心仲甜過屋企呀煲嘅湯呀香港式嘅咖哩味，椰汁味重，牛腩憫到好好淋！個菜飯多菜得黎一d都唔油。一食就知係新鮮雞！佢係冇雪雞咁淋，但起碼冇雪味，雞味濃郁！好有咬口！薑溶超多超正！油飯好淋好好味！大愛！咬餃！點可以做到咁脆？外賣返屋企後都係脆卜卜！入面嘅肉又夠曬多！I will definitely come again. Love their food and love their service. 推薦！

上星期去北角買糕點，回程時路經書局街，喺錦屏街附近發現新開左間「瓊媽媽」海南美食。記得早前曾看過媒體報道，介紹這間餐廳，據說店子是由三位來自海南島的「媽媽級」同鄉姊妹主理，她們均從事餐飲業二、三十年，早前在柴灣開設外賣店，有口皆碑，價錢又便宜，吸引不少街坊捧場，所以最近再下一城，於北角開分店。店舖既設堂食亦可外賣，所以趁這天陪友人去完「香港兒童探索博物館」，就相約老公來開餐。店子位於書局街 11 號地舖，門面頗為搶眼，大大個女士圖案招牌，相當醒目，非常好找。餐廳採半自助形式，顧客需要自己到櫃檯點餐，取了收據後放置於桌上，店員隨後會奉上食物。由於剛進店時已經細看了牆上的餐牌，所以坐下後便馬上派老公去 counter 落單。海南雞飯是餐廳名物，當然不可以錯過，另外再加左海南椰香咖喱龍脷柳飯、時令素菜同紫玉角子。無骨海南雞 ($50)  可以揀配白飯、菜飯或雞油飯(+$4)，每客飯均奉送例湯。是日例湯係南瓜湯，湯品以闊口膠碗盛載，湯身呈鮮黃色，質感不算很濃稠，但入口充滿南瓜的香甜。舀起湯渣一看，原來這客南瓜湯還加入了青紅蘿蔔、合掌瓜、豬骨和雞腳等一起熬製，用料十足，難怪喝起來咁清潤鮮甜。飲完

家人好喜歡逛北角，話有好多回憶。係逛之前，要醫咗肚先。見到有新嘢，「瓊」，海南也。入到黎，非常簡單嘅裝修，人流不斷有。牆上已經係餐牌，亦都好清楚，夠哂環保。無骨海南雞飯，肉好爽嫩，下面用芽菜，吸咗肉味。點小小醬都好惹味。呢個唔可以唔推介，係咖喱牛腩，煮得剛剛好，椰汁香，亦入哂味，又唔會過辣。呢個價食到，真係驚喜。飯我地分別加咗錢叫菜飯同油飯，再好味啲。另外點咗紫玉角子，呢款要推介，即叫即整，堅係燙口。入面係紫椰菜，好好味，夠哂菜汁，外脆內軟，口感十足。（有個例湯，南瓜湯，唔算稀，好好飲）仲有可以揀汁點，右邊係青瓜汁，必點，中和油膩感，而且更香。左邊係日式，還好。小店當然要支持，而且驚喜處處，價廉物美！