瓊媽媽 (書局街)

北角瓊媽媽 係一間非常典型嘅街坊小店，主打海南雞飯同簡單家常小菜，主要客源都係附近上班族同街坊居民。店面細細間，裝修普通樸實，塑膠枱椅同開放式廚房，感覺就好似一般快餐店，實用為主，談不上咩特色氛圍，但勝在出入方便，啱晒求其醫肚嗰種。至於食物，整體水準可以話係「好一般」。海南雞飯、手撕雞、咖喱牛腩呢啲招牌都食得過，但冇特別驚喜，雞肉有時略為鞋口，調味偏向重手，屬於有飽肚感但唔係令人回味嗰種。例湯通常都有一碗，材料算足，不過味道都係家常路線，唔會難食，但亦唔至於好出色。整體感覺係：唔難入口，但如果對味道要求高，就未必會特登走一轉。不過，以價錢嚟講，瓊媽媽 仍然有佢嘅吸引力。一般一個雞飯連湯都係五十蚊左右，份量唔算少，喺依家通脹之下都叫做抵食…查看更多

下午係屋企附近覓食，嚟到呢間位於書局街既瓊媽媽海南美食買個外賣回家。午餐時段到店，堂食食客唔多，我就入店內望下牆上既餐牌，最後決定點咗呢個口水雞飯，係櫃台比錢後就坐低等取外賣。個飯我要咗油飯，貪佢有d味，飯量都頗多，個口水汁幾啱口味，撈飯食一流，餸有雞仲有芽菜，索哂d口水汁，十分下飯，雞頗嫰滑，份量都好多。整體滿意。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

比佢門口啲相呃左 以為好似幾多人食 外賣左無骨海南雞 點知全份雞都超鞋 未試過食咁難食嘅無骨海南雞 仲要加幾蚊轉無骨 份量亦唔多 不過都食唔晒因為太難食 以後唔會再幫襯 大家慎買!…查看更多

經過附近，見幾多人等外賣，見外賣比堂食平啲，就買來試吓，叫咗無骨海南雞飯，要菜飯，有例湯送食落啲雞唔算好滑，正常，無驚喜，有一堆大豆芽墊底，食落有些麻油味，味道幾好，而菜飯，有些菜碎，食落都有麻油味，但唔差嘅例湯，飲落清甜，好味，飲完無口渴整體來講，食物味道正常，價錢可接受，份量足，服務唔錯，但唔係傳統海南雞飯嘅味道同做法，當普通食餐雞飯都唔錯嘅…查看更多

見佢都幾多分店今次叫下佢外賣try try外賣比堂食就平幾蚊叫左個🧡口水雞菜飯（外賣）（$41）🧡口水雞油飯（外賣）（#43）口水雞打開有少少失望似係豆瓣醬多過口水雞不過雞肉係幾滑嘅雞肉嘅量方面就偏少，而雞肉下面就有好多芽菜😂同埋菜飯同油飯都幾好食，不錯…查看更多

啱啱開業嘅時候都仲幾好，之後完全唔掂。最離譜係個無骨海南雞飯，收得貴過其他，咁我expect你係真正嘅無骨（拆骨）海南雞，但係每次佢都切埋啲頭頭尾尾，鞋到無倫嘅雞肉比你，仲衰過我食茶記切雞飯，咁我唔使加錢比你專登轉無骨啦。完全係睇咩人就切咩野，見你係阿姐或者婆婆可能識食，就會俾返真正嘅無骨海南雞俾你。除咗開頭第一次，之後買過四五次都係咁，買到返去我都咬到攰，屋企兩老根本食唔到。完全係呃人，斷章取義。個湯係幾好嘅，但唔通50幾蚊真係買你個湯咩？…查看更多

價錢好抵，$50幾蚊有勁大份雞飯+湯，個湯真材實料，超好飲，紅蘿蔔粟米鮮甜，唔係啲咩味精湯，真係屋企人煲湯個種感覺。最推薦手撕雞，海南雞有得㨂去骨或者有骨，價錢爭少少，雞味唔算好濃，但份量真係好大，下低仲有芽菜，係食得健康嘅選擇, protein同纖維都夠曬。…查看更多

平日嘅晚上出到嚟北角覓食 喺我寫呢篇食譜嘅時候先知道原來呢間瓊媽媽好多分店佢哋嘅餐牌簡單易明有白飯、菜飯、油飯你揀，主打食雞～～兩個人今晚嗌咗無骨海南雞配菜飯$58海南咖喱椰香牛腩配白飯$57兩個都送例湯我覺得價錢都正正常常啦.落完單坐定定喺度等姐姐送到嚟，都做得好快手～ 海南雞唔算好滑，我會形容佢正常地冇咩特別😂 反而佢墊底嘅大豆芽有少少驚喜，因為好耐冇見過呢種配搭佢用咗麻油拌大豆芽咁樣做配菜覺得幾好食😂有少少覺得好似韓國拌菜為咗食多啲菜專登加兩蚊要個菜飯，啲菜都唔少嘅👀個海南咖喱椰香牛腩有細個去茶餐廳食牛腩嘅味道😂😂 但可惜嘅係佢就咁壹碟牛腩再加咖喱上去，而唔係一齊炆煮好嘅咖喱牛腩，呢個係有啲可惜嘅有驚喜嘅反而係個例湯，好大碗好足料，我仲記得嗰晚坐喺度聽到有人專登入嚟外賣佢個例湯返去飲😂不過不失的一餐吧～～份量唔少嘅，都算係抵食，同埋見到好多中年叔叔幾個都會一齊嚟食😆😆…查看更多

無骨海南雞飯、雞皮慢慢鬆脫、好好食豉油印豉油同埋薑蓉值得推薦、加埋佢嘅例湯頂呱呱、用電話Apps撳機轉頭過去攞又快脆時間又如理想、朋友住得太遠，如果唔係可以買埋俾佢食、我通常都係lunch用AC撳幾個掣轉頭過去攞、地方又好容易玩，跟住北角附近即係地鐵站斜對面。佢嘅菜飯都亦都好好食。🤗🤗🤗…查看更多

**史上最難食嘅雞骨飯**北角店的品質每況愈下，慘不忍睹，肉質變得非常之鞋，師傅仲要將雞翼斬碎，成個飯都係雞骨碎，位置全部都係雞翼斬碎，雞胸骨位置斬碎，其實收工都係想簡簡單單食個飯，每一啖雞都有啲雞骨碎，真係一次好唔開心嘅經歷，如果時間可以重來，我希望冇行過入呢間餐廳。除非你對雞骨碎非常喜好，咁可以嚟呢間食，因為每一件雞都有雞骨碎。請老闆你將心比己，會唔會俾晒啲雞件啲客人食，根本上裏面都係啲雞唔同部位，直程唔係同一個部位，係啲頭頭尾尾雞翼斬碎，你就算比雞翼都唔緊要，可唔可以唔好斬碎，雞翼嗰啲位真係好多碎骨，成個飯真係食唔到。但我下次唔會再嚟，多謝你令到我唔鍾意食海南雞👍🏻…查看更多

過來北角見客，慣左係七姊妹道/書局街搵飯食。經見見到餐牌約$5X約蚊起，就入去幫襯下。叫左碟有骨海南雞飯+紙包檸茶。（店內無水吧)送到來都有疑問，因為賣相唔似海南雞飯，再問店員再雪確認係海南雞先起筷。個做法同傳統唔同，似係霸王雞加甜豉油。另外上碟雞上一大篤薑蔥，比較奇怪。雞斬得十分差👎👎👎，啖啖都有碎骨。雞肉位比較少，跟好多雞皮。肉質正常。叫左白飯，無試到佢的油飯。菜都無條，只係跟一堆芽菜墊底。唔會再幫襯。價錢係平ge, 但如果你對食稍有要求，請不要光顧。…查看更多

第一次去北角瓊媽媽海南雞，真係有啲失望。海南雞又乾又柴，感覺就係白切雞加個水汪汪嘅黑豉油當海南雞賣，完全冇海南雞應有嘅嫩滑口感。食落去真係好似屋企煮得唔精湛嘅菜式拎出嚟餐廳賣咁。餐牌寫住濃香油飯，但完全感受唔到有乾蔥、雞油同埋香茅嘅味道，真係好失望。不過，個南瓜紅蘿蔔冬瓜湯就真係出乎我意料之外幾好飲，材料都煲得好入味。雖然海南雞唔掂，但呢個湯真係值得一飲。總括而言，我對北角瓊媽媽海南雞嘅評價唔係好高。海南雞賣相好似，但味道同質素就唔夠水準，真係有啲失望。…查看更多

呢度嘅咖喱牛腩比較好食有次諗住提早落order 去到直接有得拎所以就喺OpenRice落order點知去到發現喺OpenRice叫嘅價錢貴過門市買下次都係直接打電話落order好了…查看更多

過海做嘢收工，順便食埋飯先返屋企，經過書局街呢間海南雞飯，見佢入邊都好多人幫襯，應該冇死。佢有好多選擇，海南雞沙薑雞咖喱雞等等。我就叫咗海南雞飯食，配菜飯。佢仲有個例湯掃，而且唔會好鹹。海南雞飯味道整體唔錯，佢仲俾咗半隻雞髀我，令我幾開心。個餐份量足夠，就晚餐都冇問題。整體嚟講都唔錯。…查看更多

被門外的圖片吸引，要了一份海南雞菜飯$52。 他家的海南雞不似平時在香港或東南亞吃慣的，其實跟一般白切雞飯差唔多，只是給了些黑鼓油而已。他們給我的雞2/3是骨，而且好似拼凑出來，跟店員反映但她說是這樣的。但湯味道不錯。以後都係去勇記吧，雖然要排隊但不會令我失望。…查看更多