瓊媽媽 (書局街)

營業中

休息中

地鐵塞車有時間就寫食評科科🚇😂😂😂小編屋企附近新開左一間專食雞🐥的小店 一於試下會唔會成為我最新的飯堂寵兒😚💕🐣手撕雞拼油飯+例湯 $38手撕雞份量不少 幾嫩滑😙而且調味十足👍🏻微微辣🌶幾惹味 另外手撕雞低下仲有一堆配菜(蘿蔔絲丶芽菜等開胃小菜)送飯一流🧡💛小編喜歡食油飯 食海南雞又點可以唔叫油飯⁉️😏食落油膩感不重 但油香味就好夠👌🏻-🔸總結：不錯不錯的一頓飯💞會再來試試😎如果唔鐘意食油飯 他們仲有白飯丶菜飯選擇🍚

前幾日知道屋企附近開左瓊媽媽, 今日終於有時間去買黎食, 一到門口見到d照片就覺得好平, 然後揀左個無骨海南雞菜飯($44)個飯好重手, 有包例湯一碗, 或者可以選擇+$2紙包飲品返到屋企開碗湯個色好濃, 飲落亦都唔覺有味精, 入面仲有少少湯渣: 雞腳豬骨紅蘿蔔紅棗盒飯大大盒, 內附薑蓉, 另外都有一兜仔鼓油+薑我食過出面其他既菜飯會調味, 會偏咸, 但呢個唔會, 所以我成兜豉油倒左落去lol雞滑, 不過無骨只係起左d咬/難吞既硬骨, 然後我亦好好彩咁第一舊就有軟骨xd 雞下面墊有芽菜, 不過假若怕油既就唔好食其他菜式有待再試😋

看著喜歡的顏色有助舒緩情緒，淺藍色的招牌及牆身，就是某位媽媽炮製的海南雞飯店…晚飯時間再次來到北角，一於來試試未曾光顧過的餐廳，上次看到此店的門外，站著很多等待拿取外賣的客人，這次便有機會去品嘗一下。走進小店，燈光光猛，環境衛生，座位不算多，這小店採取＂先付款，後等食＂的點菜方法，不消一會，我點選的＂有骨海南雞飯配油飯＂，便送到桌上。有骨海南雞飯＄42，來到的是雞脾及雞翼的部份，吃一口海南雞，雞皮非常嫩滑，但肉質嫩滑程度只屬一般，完全無雪味，味道可以。再來是吃一口雞油飯（雞油飯加$4），雖有油香，但略厭油量不足，需要加上秘製豉油及薑蔥，才算夠味。最後我留意到一個特別之處，此店所有食物的＂外賣＂售價比較＂堂食＂售價便宜得多，細微之處看得出小店的＂良心經營＂，取之有道，我是十分欣賞的，有機會必定再次光臨，品味其他出品，希望看到它更進步。

無意中經過呢度，本來想去附近餐廳晚飯，見到瓊媽媽好似幾新，又有人係門口，就俾個機會試下。餐牌無乜選擇（反而覺得係好），叫左兩款雞同埋咖哩。起初有啲驚中伏，始終太多「海南雞」都係厄人⋯⋯竟然有驚喜！雞好滑，煮得岩岩好，油飯都恰到好處。以呢個超親民價錢有呢個質素，的確可以再次光顧。