瑞士餐廳

營業中

休息中

之前情人節同男朋友諗左好耐食咩好，呢間餐廳係我搵嘅，真係覺得好對佢唔住，諗住食瑞士餐廳，芝士火鍋都幾出名，見佢裝修都好特別，老闆又係外國人，幾有特色特別。Book咗枱入到去，個侍應黑口黑面勁冇禮貌話上一枱嘅人未走，叫我地出門口等，之後入到餐廳，全程啲侍應個個都係黑口黑面，冇服務可言。啲位又迫，仲衰過去食茶餐廳！成個情人節套餐冇樣嘢好食，食完個芝士火鍋好滯！間餐廳又好鬼嘈，總之呢間野唔會再有第二次，價錢仲要唔係平！情人節諗住開開心心食飯，有情調，點知把鬼火

已經好耐冇嚟呢度食la~~😍🇨🇭響香港食正宗瑞士菜嘅地方真係唔多，以呢度真係數一數二出名嘅瑞士餐廳～👍🏻今晚叫返呢度必食嘅幾樣嘢😍 餐前麵包都好好食熱辣辣而且好軟熟👍🏻,頭盤一定要食佢個Hot Raclette cheese，熱辣辣好香濃嘅芝士味，配埋啲酸洋蔥仔同酸瓜一齊食超正！🤤🤤嚟到主角芝士火鍋🧀，今晚叫咗個傳統瑞士芝士火鍋配櫻桃酒，香濃嘅芝士有淡淡嘅酒味，配埋佢嗰啲煙煙un un 嘅法包一齊食，每一啖都超滿足🤤好快秒速就掃晒全部芝士一滴不留！🤭😆個人覺得麵包始終都係最夾芝士火鍋！😌主菜方面一定要食佢個瑞士炒牛仔肉配瑞士薯餅，啲牛仔肉好嫩，瑞士薯餅係一條條薯絲整成，煎得好香但係唔油膩，配埋佢哋個超rich嘅蘑菇忌廉汁，真係非常好味！🤤🤤👍🏻甜品今晚叫咗佢個焗大黃配雲呢拿雪糕，佢哋話香港剩係得佢呢間餐廳先有得食呢款甜品😮不過味道真係好特別而且幾好味，出面一塵沙巴翁汁，裏面係酸酸甜甜嘅焗大黃同埋好似有啲raspberry 醬甘，上面有一球雲呢拿味嘅movenpick雪糕，佢哋上咗個甜品之後會到少少蒸餾酒響個甜品面頭，成個配搭出奇地好味🤤好快就比我清晒😋～😛整體來講都好滿意今晚啲嘢食，不

永久blacklist細細個同過屋企人食呢間餐廳今日趁放假諗住同媽咪再去緬懷下舊時嘅味道記得以前食嘅炸牛肉火鍋超正但今日嘅experience令我永遠都唔會再踏入呢間餐廳半步!!入去坐低之後多次想叫人嚟落單水都冇比一杯飲嘢都唔問下我要唔要坐左足足15分鐘但都被無視真係好失望囉！去茶餐廳食都唔會啦離晒大譜仲要同隔離枱埋單，執碟都唔同我落單！嬲到即刻去隔離間餐廳食飯！又唔係平過人我做咩要黎受氣童年回憶幻滅！！

1月7日晚上到瑞士餐廳食好野，但宜家先有時間寫食評很多沒有來過，有點擔心食物質素下降。到達後才發現原來間餐廳已經裝修過，感覺更開揚，坐得更舒服。叫了classic cheese fondue 走香草走wine, 因為只想食最pure既芝士，果然好正喔揀了牛跟芝士火鍋，個牛好食到爭D就咁食哂，不用加芝士青口好味，不過並非最好，可以一試的，用面包點汁食最正，面包都食左3個Cold cut預期中水準，正常反而送的面包極好食，任添，仲要有好多唔同款式，最好味係黑糖小面包，加牛油冇得輸最最最推薦的就是Raclette，1分鐘內極速消滅，芝士味濃，又香又脆，好食到停唔到呀⋯⋯野食好味，可惜餐廳內有蚊孳仔，頗影響食慾，希望可以改善

香港嘅芝士火鍋出名得果 2-3 間，食唔起半島酒店，同樣係尖沙咀嘅 Swiss Chalet 亦相當有水準。講左咁耐，主角芝士火鍋出場啦！份量幾多下，芝士味道夠濃郁兼帶唔同層次，簡簡單單配搭百吉包同一啲蔬菜已經好足夠。最正係白露筍 (white asparagus)，好少地方搵得到，而且仲非常鮮甜！另外叫咗個蘑菇薯餅。薯餅好薄身，食落口感好香脆。配菜嘅蘑菇多到有啲誇張，佔據咗半隻碟呀！雖然只係薄薄嘅薯餅，但原來幾飽肚架！最後嘅甜品都唔少得，雪糕球用咗 Movenpick，仲連埋朱古力薄片切到屋仔嘅樣，kawaii 呢～

原本訂咗附近另一餐廳，但服務態度問題無食嘢就走咗，臨時臨急呢度有位就嚟咗。入到餐廳好大陣芝士味，好多人食緊芝士火鍋，跟住大家輸住話唔係好食芝士 🤣🤣🤣 有無瀨嘢呢 🤔🤔餐牌主要係瑞士文，有簡單英文翻譯，主要由一位華人落單，其他入負責上菜執檯。落單嗰位先生又好堅持要我哋一次過落晒所有單，唔比我哋邊食邊叫 😐😐餐廳如果有叫飲品，清水就免費供應，唔係就要 $10 杯。我哋叫咗個薯仔腸仔沙律，點知有好多芝士嘅。 。 。另外仲有叫咗個火腿併盤，普通冷盤。主菜叫咗黑青口，豬手同牛仔骨，黑青口正到無朋友，個汁好香，青口肥美。豬手皮一啲都唔脆，牛仔骨因我唔食牛所以無試，朋友就邊食邊話正，仲話好多骨膠原添。順帶一題，佢哋啲麵包好好味心👍👍雖然我哋只係叫咗 5 款食物，可能太多肉，我哋都食唔晒 🤣🤣🤣

除夕夜book左8半，早左10分鐘到。一開始都有6成full但只有兩個待應，好驚好似之前評論咁講會無人招呼或者上菜好慢。點知Order左野食差唔多8點半多左3個待應，全場滿曬。我哋叫咗兩個頭盤同一個有酒精嘅芝士火鍋。等左一陣，嘢飲同頭盤都黎齊，鵝肝同白鴿胸risotto都好好味，而且服務都好周到換碟又快。食完冇幾耐就到重點芝士火鍋，配料有麵包同蔬菜，啲麵包吸晒芝士，香濃嘅芝士同酒味好夾，食落全身暖粒粒。加埋環境裝修都好有瑞士小屋feel，咁啱我個位旁邊有棵好靚嘅聖誕樹，感覺好溫馨。好耐之前聽朋友提過呢間餐廳嘅芝士火鍋好好味，自己未食過，睇到啲評論又話轉左手之後差左都有d擔心。今次終於試左唔單止無伏，所有食物都好有水準，服務都唔差。除夕最低消費都係每人350蚊，唔似其他餐廳獅子開大口，響尖東附近食完就行去倒數lu。

晚餐時間 二人去食 一開始會覺得應該幾唔錯點知入到去咩mood都破壞哂因為公道講句食物唔錯服務錯哂，叫天不應叫地不聞的服務體驗成餐飯我慢食左成兩粒幾鐘其實如果服務好d,食幾耐都唔係問題！問題在於搵個待應都好難叫杯啤酒都要等左成45分鐘，問waitress 佢會叫你耐心等。我心諗啤酒倒出黎都要等....叫青口最快速芝士火煱唔錯。但最少等成粒鐘先上到Main course 就要最後食完哂再等半粒鐘先上唔知係咪近節日太多人啦都係平日去會感覺良好d有d貼錢買難受的感覺 提議如果有時間有空間食早d或者再夜d會更好一句講晒，呢餐飯性價比好一般

以前既服務同食物都好好大約一年去3-4次左右今次去，完全係失望唔知係咪轉左人既關係waiter 完全係叫極扮睇唔到次次叫3-5分鐘先有人理你做要係hea個隻衰過澳牛野食方面都係差左好多d野食好咸唔會再有下次真係一次哂左個胃既經驗there is no improvement then this restaurant will be going over and it doesnt survive in Hong Kong unless mainland china

今晚約了幾位朋友一起晚餐，大家都未食過呢間，襯住xmas就到，瑞士火鍋好似幾岩節日氣氛，所以就預先訂枱黎試下。餐廳裝飾很傳統，感覺很溫暖。餐廳提供的餐包很多款式，每一款都好香軟。我地試左assorted ham, 青口,焗田螺，炸豬扒同埋芝士火鍋。我地揀左一個芝士火鍋係冇酒精的，點面包蔬菜幾好食。青口同田螺味道都好岩港人口味，香濃味美。炸豬扒內層包了芝士與火腿，但個人感覺豬扒肉質偏老。餐廳氣氛不錯，十分適合xmas同朋友相聚。

這間餐廳很宜人，食物也很棒。我點了野莓汁，我絕對推薦它。作為開胃菜的火腿和奶酪很精緻。然而，我點了奶酪火鍋。不過，奶酪火鍋並沒有我想像的那麼 好。我點了一份酒精和去酒精的火鍋，但我覺得它們兩個都不這麼美味。我認為這家餐廳不是我想像的那樣。但是嘗試新的東西還是很好。總體來說，我覺得餐廳的服務有點太慢，而且那裡的工作人員數量還不夠。雖然工作人員很少，但那裡的服務員非常地貼心。The restaurant was quite pleasant, and the food was great. I ordered the wildberry juice, and I definitely recommend it. the ham and cheese as were exquisite. However, the cheese fondue wasn't as good as I thought it would be. I ordered an alcoholic and non-alcoholic fondue, yet I found of both of them not so ta

當晚同朋友帶埋BB一齊去食晚餐, 餐廳為BB準備好BB椅和BB餐具, BB坐得好舒服, 所以好安靜咁陪我們一齊食飯, 餐廳有介紹菜式給我們, 亦有建議我們份量, 免得過多我們食唔晒呢 雖然店舖不大, 但都算舒適, 同埋裝修幾特別, 地點又容易搵, 鍾意食芝士的可以一試

The last time I came to this restaurant was more than 10 years ago. The location has changed (same street but a couple doors down) but the taste is still the same. 😋I had a huge fondue craving and decided to come here. I made the reservation the day of and luckily there was still availability. We ordered:- black mussels in white wine cream sauce. (Very good)- signature fondue, one order shared by two. (Good, we ate it all)- pork sausage. (Ok, a little too greasy)Side note: I love the pretzel bre

如果講這裡的芝士火鍋是比以為失色了但其他的菜式補救返!年近歲晚, 少婦A吹雞叫食年晚飯, 呢次去返10年前來過的瑞士餐廳, 鋪位是搬過了, 酒牌價錢寫得頗糢糊不清!  雖然有寫一杯價錢但無謂自己猜測呀問咪最清楚囉, 我們想飲Rose這裡賣的是南非貨PEARLY BAY $260/支, 加埋一$286 除4杯計$71.50/杯, 即係同散叫差不多囉! 這南非酒色是稍淡的粉紅色, 酒精度8%所以好易飲甜味比較輕微, 先上來伴酒的是黃猄肉片$165, Carpacchio肉片切得好薄好薄, 薄到用义不能挑起, 因為肉質鬆散只能用义將肉片揆埋一堆同芝士同吃, 肉本身味不重所以跟芝士食會被芝士搶晒鏡, 但淨食肉片味道也不怎樣突出, 可能還是食返風乾火腿片穩陣一點吧!第二個上來的是田雞腿$175 Fogs Legs, 一客有四條腿, 配以粗纖維米飯, 汁是蕃紅花忌廉汁, 最印象深刻是盡管那田雞腿是XL SIZE但肉質纖維彈牙而且即使是雪貨難得地仍然吃到幽幽田雞鮮味, 忌廉汁有淡淡的蕃紅花氣味, 雖然好多洋人都對此香料推祟備致但本人又沒那般喜好, 但亦不致抗拒!不過比起用這淺黃色的忌廉汁, 個人覺得

今日六點幾鐘入到去，個外籍侍應已經冇反應企喺度，講咗好多次我哋訂咗幾點幾多位，佢都係聽唔明。我哋個小朋友肚餓，之後問佢有冇一啲side dishes可以叫先，個男經理已經好冇禮貌咁話：「已經寫晒係個manual 度！」咁好啦我叫左個芝士配新薯既前菜，個份量上到台細到簡直令大家發呆，配上兩粒只有波子棋咁細嘅新薯！之後到佢遞上麵包籃，想叫佢比多塊麵包比小朋友，個外籍待應喺度黑口黑面，叫佢哋俾杯水，都擾讓左好耐先至拎到！佢哋嘅服務態度已經令到我哋覺得好乞人憎，所以我哋諗住叫兩個芝士火鍋快啲食完走人，到佢埋單嗰時，個好冇禮貌嘅經理同我地講要收多＄45，因為叫唔夠，我哋好有禮貌地解釋比佢聽因為服務態度好差，真係食得好唔開心！佢仲要好串咁還拖及不停駁嘴！瑞士餐廳係我哋嘅印象一直都好好，同埋好好食！但自從搬咗舖位同埋請咗呢班員工，我真係要將佢啲列上黑名單！