瑞士餐廳

營業中

休息中

The challenge of eating a cuisine so foreign to us requires trusting the restaurant to make good recommendations. And The Swiss Chalet did just that! Every single item recommended by their waiting staff was absolutely delicious.The homemade bread and butter kicked start a series of wonderful dishes, one after another. Nobody could pick their savory favorite, because each was good. The dessert clearly stood out after a rounds of cheese. The baked rhubarb was smooth and warm. Though we shared 1 de

今次泥到呢間正宗瑞士餐廳，一嚐他們招牌的芝士火鍋。頭盤我們叫了一份白酒忌廉煮青口，圖中可見青口比較細隻，不過配上既白酒忌廉，口感還是不錯。我們叫了兩個芝士火鍋，一個是瑞士傳統的芝士火鍋，另一個我們叫了有酒味的芝士火鍋。我個人比較喜歡傳統芝士火鍋，非常creamy，配上麵包真係好好味。而有酒味的芝士火鍋酒味很濃，搶了芝士的味道，我個人不是太喜歡。兩個芝士火鍋配上2份麵包，想嘗試一下蔬菜點知是需要另外叫。因此我們點了一份蔬菜，西蘭花和薯仔同芝士好夾，好味。另外，我哋做一份蘑菇豬肉配薯餅同埋銀雪魚。除了薯餅外，其他食物質素都很普通。銀雪魚略嫌有點兒腥，不是太新鮮。薯餅外脆內軟，推薦。甜品我哋叫了一個signature 的，但不知道是什麼。上面黃色那些是吉士，下面是一些很酸很酸的醬。紅色的醬實在太酸了，除了酸味，完全不知道吃了什麼。

話說上星期一放工約左honey晚飯,佢突然想話食瑞士野. 我心諗,我平日都好少食呢個國家既野食,一時三刻都唔知食邊間好. 以我所知,係香港比較出名既swiss餐廳除左尖沙咀某酒店果間，另外一間就係呢間. 所以我二話不說就book左枱喇!約左夜晚七點半,我地好準時到亦好快入左去,可能因為時間尚早,入面只有一兩枱客我地當然就係叫左個招牌芝士火鍋啦. 我地叫左Lozarner Chruutli Fonduu($536), 即係牛仔肉丸芝士火鍋配香草,配番茄跟新薯同法包. 我地仲叫多左碟瑞士炒牛仔肉配磨菇忌廉汁跟瑞士薯餅($245)！ 由於其他枱都未有野食黎，我地唔知份量係點好彩,兩道菜份量都唔算太多,我地兩口子食就剛剛好個芝士火鍋好creamy,真係有衝動想成碗飲哂佢碟炒牛仔肉個忌廉汁都好正,同個薯餅好match不過食完要跑番五十個圈先得,因為呢餐真係幾heavy !

講起芝士火鍋其中一間大家會想起一定係瑞士餐廳想試這間好耐 終於找些志同道合者一起去落完單後侍應就會拎些麵包比你選擇麵包又熱又軟 🍞🥖🥐🥨🥗凱撒沙律沙律比想象中份量少 普通醬汁唔太足夠 🍄什菌芝士火鍋配法包陣陣酒味 配埋法包一起食 每一口都係芝士蘑菇 超濃郁🥔瑞士炒牛肉配磨菇忌廉汁薯餅牛肉好嫩 濃濃忌廉汁薯餅係一條條薯絲煎成 好香脆👭👬雖然有人話服務唔算好感覺還算可以 好有禮貌介紹菜式只是人手不太足夠 可能要等一陣

一間位於尖沙咀，歷史悠久嘅瑞士🇨🇭餐廳，除咗同客人對答係用英文之外，職員之間都係用當地語言溝通。早排嚟慶祝朋友生日🎂，同佢嚟試下呢度出名嘅芝士火鍋🧀🍴！·因為餐廳⚠️規定每位客人要order最少一樣野食，所以我哋叫咗幾款頭盤同主菜，加埋芝士火鍋，湊夠數。.坐低冇耐，職員會捧住一大盤各式各樣嘅餐包🍞行過嚟俾我哋選擇，我哋每人揀咗大概2款麵包，又熱又香軟嘅麵包配埋半溶嘅牛油，好正！👍🏻·【頭盤】🔸 煎鵝肝配砵酒汁跟黑米（$162）鵝肝入口即溶，味道中規中矩，屬於偏貴嘅菜式。.🔸 牛仔肉、磨菇、白酒忌廉汁釀酥皮盒（$105）味道普通，唔特別推薦。.🔸 烘瑞士 (辣力芝士) 配新薯，酸洋蔥仔及酸青瓜仔（Taster portion $72）好開胃嘅前菜，芝士🧀好味呀，添食咗一次！😂.【主菜】🔸 豬肉腸配洋蔥汁跟瑞士薯餅（$115）豬肉腸好入味，皮脆肉嫩，肉汁豐富，而薯餅就煎得好香脆，唔會好乾，推薦！🤤.🔸 瑞士炒牛仔肉配磨菇忌廉汁跟幼麵條（$115）牛仔肉味道唔錯，但略嫌幼麵條太乾.......【特色芝士火鍋】🔸 農夫芝之火鍋配雞粒跟法包（$278）芝士味非常香濃，比較”杰”身，好足料，好正！可

我從來冇食過芝士火鍋，因為我覺得要食，就一定要食正宗的芝士火鍋。偶然的機會下，聽聞瑞士餐廳可以試到正宗的瑞士菜，所以滿心期待的去試。去到原來要先book 位，好彩果個時段仲有一個位，所以等左一陣就有得入。我叫左無酒精系列，波菜芝士火鍋配雞肉法包。個火鍋係用細火微微溫住芝士，一上菜已經聞到濃烈的芝士味，除左雞肉同法包，佢仲配上左一碟蔬菜同黎點芝士的。有濃濃的芝士味，但味道偏咸，不過配上淡味的蔬菜味道不錯，唯獨芝士冇滑溜的口感。加上芝士易滯，食左一半就唔想再食。如果人多可以一試。

其實呢間餐廳一直系我個wish list🧀🧀🧀 , 但吾係個個食cheese 😓, 只能默默等待有一天食到佢.....終於機會來了，小妹今次生日可以食到最愛既cheese fondue 喇🧡🧡💛💛一入到餐廳，入面同出面簡直兩個世界，好似去左歐洲甘😊老闆招呼我地，雖然不是熱情果種，但亦有禮貌，十分樂意recommend 菜式。 員工亦很笑容可掬，很幫忙換碟，上菜等。先送上牛油，很傳統的感覺，另有一籃吾同款既麵包🥖🥓🍤🥨，可以refill 的。要留意，每人都需要叫1⃣️個dish 的，甜品吾包。這是遊戲規則啊🧐🧐我地8⃣️人叫左2⃣️個cheese fondue, 餓鬼們秒速食曬🧀🧀😊🤣 cheese fondue 有分alcohol 同 non-alcohol的。如果點alcohol, 放心，酒精是會揮發的，不會醉😵😵Cheese fondue (四重芝士，牛肉）青口很新鮮薯仔牛仔肉超好食甜品都好特別

之前情人節同男朋友諗左好耐食咩好，呢間餐廳係我搵嘅，真係覺得好對佢唔住，諗住食瑞士餐廳，芝士火鍋都幾出名，見佢裝修都好特別，老闆又係外國人，幾有特色特別。Book咗枱入到去，個侍應黑口黑面勁冇禮貌話上一枱嘅人未走，叫我地出門口等，之後入到餐廳，全程啲侍應個個都係黑口黑面，冇服務可言。啲位又迫，仲衰過去食茶餐廳！成個情人節套餐冇樣嘢好食，食完個芝士火鍋好滯！間餐廳又好鬼嘈，總之呢間野唔會再有第二次，價錢仲要唔係平！情人節諗住開開心心食飯，有情調，點知把鬼火

已經好耐冇嚟呢度食la~~😍🇨🇭響香港食正宗瑞士菜嘅地方真係唔多，以呢度真係數一數二出名嘅瑞士餐廳～👍🏻今晚叫返呢度必食嘅幾樣嘢😍 餐前麵包都好好食熱辣辣而且好軟熟👍🏻,頭盤一定要食佢個Hot Raclette cheese，熱辣辣好香濃嘅芝士味，配埋啲酸洋蔥仔同酸瓜一齊食超正！🤤🤤嚟到主角芝士火鍋🧀，今晚叫咗個傳統瑞士芝士火鍋配櫻桃酒，香濃嘅芝士有淡淡嘅酒味，配埋佢嗰啲煙煙un un 嘅法包一齊食，每一啖都超滿足🤤好快秒速就掃晒全部芝士一滴不留！🤭😆個人覺得麵包始終都係最夾芝士火鍋！😌主菜方面一定要食佢個瑞士炒牛仔肉配瑞士薯餅，啲牛仔肉好嫩，瑞士薯餅係一條條薯絲整成，煎得好香但係唔油膩，配埋佢哋個超rich嘅蘑菇忌廉汁，真係非常好味！🤤🤤👍🏻甜品今晚叫咗佢個焗大黃配雲呢拿雪糕，佢哋話香港剩係得佢呢間餐廳先有得食呢款甜品😮不過味道真係好特別而且幾好味，出面一塵沙巴翁汁，裏面係酸酸甜甜嘅焗大黃同埋好似有啲raspberry 醬甘，上面有一球雲呢拿味嘅movenpick雪糕，佢哋上咗個甜品之後會到少少蒸餾酒響個甜品面頭，成個配搭出奇地好味🤤好快就比我清晒😋～😛整體來講都好滿意今晚啲嘢食，不

永久blacklist細細個同過屋企人食呢間餐廳今日趁放假諗住同媽咪再去緬懷下舊時嘅味道記得以前食嘅炸牛肉火鍋超正但今日嘅experience令我永遠都唔會再踏入呢間餐廳半步!!入去坐低之後多次想叫人嚟落單水都冇比一杯飲嘢都唔問下我要唔要坐左足足15分鐘但都被無視真係好失望囉！去茶餐廳食都唔會啦離晒大譜仲要同隔離枱埋單，執碟都唔同我落單！嬲到即刻去隔離間餐廳食飯！又唔係平過人我做咩要黎受氣童年回憶幻滅！！

1月7日晚上到瑞士餐廳食好野，但宜家先有時間寫食評很多沒有來過，有點擔心食物質素下降。到達後才發現原來間餐廳已經裝修過，感覺更開揚，坐得更舒服。叫了classic cheese fondue 走香草走wine, 因為只想食最pure既芝士，果然好正喔揀了牛跟芝士火鍋，個牛好食到爭D就咁食哂，不用加芝士青口好味，不過並非最好，可以一試的，用面包點汁食最正，面包都食左3個Cold cut預期中水準，正常反而送的面包極好食，任添，仲要有好多唔同款式，最好味係黑糖小面包，加牛油冇得輸最最最推薦的就是Raclette，1分鐘內極速消滅，芝士味濃，又香又脆，好食到停唔到呀⋯⋯野食好味，可惜餐廳內有蚊孳仔，頗影響食慾，希望可以改善

香港嘅芝士火鍋出名得果 2-3 間，食唔起半島酒店，同樣係尖沙咀嘅 Swiss Chalet 亦相當有水準。講左咁耐，主角芝士火鍋出場啦！份量幾多下，芝士味道夠濃郁兼帶唔同層次，簡簡單單配搭百吉包同一啲蔬菜已經好足夠。最正係白露筍 (white asparagus)，好少地方搵得到，而且仲非常鮮甜！另外叫咗個蘑菇薯餅。薯餅好薄身，食落口感好香脆。配菜嘅蘑菇多到有啲誇張，佔據咗半隻碟呀！雖然只係薄薄嘅薯餅，但原來幾飽肚架！最後嘅甜品都唔少得，雪糕球用咗 Movenpick，仲連埋朱古力薄片切到屋仔嘅樣，kawaii 呢～

原本訂咗附近另一餐廳，但服務態度問題無食嘢就走咗，臨時臨急呢度有位就嚟咗。入到餐廳好大陣芝士味，好多人食緊芝士火鍋，跟住大家輸住話唔係好食芝士 🤣🤣🤣 有無瀨嘢呢 🤔🤔餐牌主要係瑞士文，有簡單英文翻譯，主要由一位華人落單，其他入負責上菜執檯。落單嗰位先生又好堅持要我哋一次過落晒所有單，唔比我哋邊食邊叫 😐😐餐廳如果有叫飲品，清水就免費供應，唔係就要 $10 杯。我哋叫咗個薯仔腸仔沙律，點知有好多芝士嘅。 。 。另外仲有叫咗個火腿併盤，普通冷盤。主菜叫咗黑青口，豬手同牛仔骨，黑青口正到無朋友，個汁好香，青口肥美。豬手皮一啲都唔脆，牛仔骨因我唔食牛所以無試，朋友就邊食邊話正，仲話好多骨膠原添。順帶一題，佢哋啲麵包好好味心👍👍雖然我哋只係叫咗 5 款食物，可能太多肉，我哋都食唔晒 🤣🤣🤣

除夕夜book左8半，早左10分鐘到。一開始都有6成full但只有兩個待應，好驚好似之前評論咁講會無人招呼或者上菜好慢。點知Order左野食差唔多8點半多左3個待應，全場滿曬。我哋叫咗兩個頭盤同一個有酒精嘅芝士火鍋。等左一陣，嘢飲同頭盤都黎齊，鵝肝同白鴿胸risotto都好好味，而且服務都好周到換碟又快。食完冇幾耐就到重點芝士火鍋，配料有麵包同蔬菜，啲麵包吸晒芝士，香濃嘅芝士同酒味好夾，食落全身暖粒粒。加埋環境裝修都好有瑞士小屋feel，咁啱我個位旁邊有棵好靚嘅聖誕樹，感覺好溫馨。好耐之前聽朋友提過呢間餐廳嘅芝士火鍋好好味，自己未食過，睇到啲評論又話轉左手之後差左都有d擔心。今次終於試左唔單止無伏，所有食物都好有水準，服務都唔差。除夕最低消費都係每人350蚊，唔似其他餐廳獅子開大口，響尖東附近食完就行去倒數lu。

晚餐時間 二人去食 一開始會覺得應該幾唔錯點知入到去咩mood都破壞哂因為公道講句食物唔錯服務錯哂，叫天不應叫地不聞的服務體驗成餐飯我慢食左成兩粒幾鐘其實如果服務好d,食幾耐都唔係問題！問題在於搵個待應都好難叫杯啤酒都要等左成45分鐘，問waitress 佢會叫你耐心等。我心諗啤酒倒出黎都要等....叫青口最快速芝士火煱唔錯。但最少等成粒鐘先上到Main course 就要最後食完哂再等半粒鐘先上唔知係咪近節日太多人啦都係平日去會感覺良好d有d貼錢買難受的感覺 提議如果有時間有空間食早d或者再夜d會更好一句講晒，呢餐飯性價比好一般