更多
2019-11-28
188 瀏覽
近月香港情況動盪,心情都比較鬱悶,今日難得好心情,梗係要同好友食返餐好嘅。「王家沙」屬著名上海菜老店,近期推出「花樣年華」分店線,裝潢更為優雅舒適。我地一行兩人叫左一份酸菜魚、兩個小食及一碗湯。正宗酸辣湯 :由於我地都鍾意食辣,酸辣湯可以話係去食上海菜必叫菜色,例牌雖然較抵食,但始終驚太多食唔到其他野,所以都係叫一碗share,酸辣湯入口味道唔太辣,較為特別嘅係配料中有青豆,令整體味道及口感更有層次。炸饅頭 :饅頭即叫即炸,賣相呈金黃色相當吸引,入口口感外脆內軟,配上煉奶食簡直係一流。鮮肉鍋貼 :鍋貼煎得香脆,外皮唔厚亦帶點煙韌,餡料肉汁十足,一咬就滿口肉嘅鮮味,唔錯。重慶酸菜魚 :主角嘅酸菜魚終於到了,魚嘅份量都幾多,肉滑之餘亦唔太多骨,酸菜風味十足,煲中亦有唔少嘅薯粉,煙煙韌韌配埋湯食好夾。埋單每人二百蚊左右,但可以慢慢坐咁傾計,都算係一個唔錯嘅選擇。
由於我地都鍾意食辣,酸辣湯可以話係去食上海菜必叫菜色,例牌雖然較抵食,但始終驚太多食唔到其他野,所以都係叫一碗share,酸辣湯入口味道唔太辣,較為特別嘅係配料中有青豆,令整體味道及口感更有層次。
饅頭即叫即炸,賣相呈金黃色相當吸引,入口口感外脆內軟,配上煉奶食簡直係一流。
鍋貼煎得香脆,外皮唔厚亦帶點煙韌,餡料肉汁十足,一咬就滿口肉嘅鮮味,唔錯。
主角嘅酸菜魚終於到了,魚嘅份量都幾多,肉滑之餘亦唔太多骨,酸菜風味十足,煲中亦有唔少嘅薯粉,煙煙韌韌配埋湯食好夾。
埋單每人二百蚊左右,但可以慢慢坐咁傾計,都算係一個唔錯嘅選擇。
張貼