王家沙．花樣年華 (太古城中心)

營業中

休息中

出名既集團經營式上海美食，集團經營既店舖我向來十分喜愛，因為佢集團經營就代表佢既出品都好有系統，同埋有品質保證。王家沙亦都係非常有品質既一間食店。基本上每樣菜色都整得好好味，個人非常喜愛食呢度既蘿蔔絲蘇餅，佢同一般既蘿蔔絲蘇餅唔同，一般既淨係得蘿蔔絲係裏面，但佢呢個係有D肉粒同埋秘制醬汁係裏面，再加上個底係特別厚同香，再加上D白芝麻，既香口又可以食到蘿蔔絲既甜味，十分美味，每次黎都必點既一道點心。另外，呢度既小籠包都好好味，皮薄餡靚，充滿湯汁，值得一試。總體而言，呢間餐廳所有菜色都出色，環境舒適，值得一去。