王子牛腩牛雜粉麵專家

營業中

休息中

尖沙咀嘅樂道一向都有各式各樣啲美食！聽講呢到新開咗一間牛腩牛雜粉麵，餐廳除咗主打港式粉麵之外，仲有各種飯類、煲仔同埋小食等等提供！今次一於就來食下呢到嘅進店必點啦～王子肉燥豬扒飯💰HK$54豬扒份量多，而且鮮嫩多汁！肉燥嘅醬汁亦充分咁滲透咗去飯粒之中，每一啖飯都充滿咗濃郁嘅肉香，令人回味無窮～王子肉燥豬扒米線💰HK$44將主食轉咗做湯米線，整體感覺又唔同咗！米線滑順柔韌，亦完美地吸收咗肉燥香味，別有一番風味～鮮蝦雲吞(淨食)💰HK$38鮮蝦雲吞皮薄而且好滑，蝦仁嘅鮮香同肉餡嘅香味互相融合，每一啖嘅味道都非常鮮美～油菜💰+HK$9菜芯配蠔油亦係非常經典嘅組合，蠔油嘅鹹香同微甜令菜芯更加美味～紅豆冰💰HK$15充滿濃郁嘅椰奶香味，底層嘅粒粒紅豆口感綿密～凍豆漿💰HK$9入口順滑，豆味濃郁～✨紫菜湯紫菜本身就有一種獨特嘅海洋風味，湯底味道清淡而鮮美～

同朋友嚟尖沙咀上工作坊前，得少少時間諗住快快食個午餐，行經呢間王子牛什粉麵專門店，入面都唔少人，就入去食，估唔到咁有質素。我點左崩沙腩河粉，崩沙腩煮得好夠火喉，肉質鮮嫩，牛味濃，有脂肪位，牛脂味香湯，河粉份量都好多，好食又抵食！朋友就點左肉燥豬扒米線，豬扒夠鬆軟，食落唔會鞋口，份量又多；肉燥好惹味，加埋滑溜溜米線，啖啖好滋味。另加$15點左包魚皮，無估到會比咁多，比起平時潮州麵店多唔少，而且仲要係脆口好食，點下湯食或者就咁食都係咁讚！我地食得好滋味，又點左2份小食炸韮菜餃同炸雲吞，好味到不得了，餡料滿滿，外皮酥脆，食落係卜卜聲，入面韮菜餡新鮮，雲吞入面又係彈牙蝦肉，味道非常好食，香脆可口！呢間鋪仲有自家製飲品，龍鳳檸樂，咸檸超正加埋可樂，gur晒

昨天跟朋友去尖沙咀買嘢，然後就去咗位於樂道嘅「王子牛什粉麵專門店」醫肚👻 「王子牛什粉麵專門店」環境舒適，店員服務態度亦不錯…介紹我哋食佢哋新出嘅炸子雞飯$65有¼隻可惜我哋今日想食粉面，所以下次先🫣崩沙腩米粉，崩沙腩肉質鮮嫩，湯底味道濃郁！肉燥豬扒拼牛筋轉撈麵，豬扒鬆軟唔鞋口，牛筋夠腍夠入味👍小食炸蝦餅另加）$15….外脆內嫩，味道非常好。炸雞翼，炸雲吞炸魚皮，亦唔不錯！香脆可口🤭🤭個紅豆冰好好飲係以前嗰啲味道紅豆亦好夠腍👍

昨晚我同老婆去咗尖沙咀嘅王子牛什粉麵專門店食晚餐，真係一個愉快嘅選擇！餐廳環境舒適，服務態度亦好好，讓我哋感到賓至如歸。我哋點咗崩沙腩河粉，河粉滑溜、沙腩肉質鮮嫩，湯底味道濃郁，令人一試成主顧。仲有四寶河粉，配料豐富，唔單止有魚丸，仲有魚片同墨魚丸，口感層次分明，實在好味！王子炸豬扒鬆軟可口，咬下去時滿足感十足，搭配埋炸蝦餅，外脆內嫩，味道非常好。炸雞翼亦唔可以錯過，香脆可口，簡直係絕配！飲品方面，我哋選擇咗咸檸七同龍鳳檸樂，清新解渴，特別適合搭配咁多油炸嘢。仲有油菜，因為新店優惠只需9蚊，真係非常抵！最後，炸魚皮嘅脆口感更係為呢頓晚餐增添咗不少驚喜。另外只要打卡+影相仲會送迷你的辣椒油❤️❤️❤️總括而言，王子牛什粉麵專門店真係值得一試，無論係食物質素定係價錢，都令人滿意！期待下次再來！

1️⃣煲仔牛腩份量幾多，約有13-14件，件件都大塊，件件都有軟腍嘅筋膜。腩汁味道唔錯，鹹度剛剛好，唔會死鹹。2️⃣牛三寶飯有牛根，牛肚同牛腩，一次過試曬3種，各有3件。牛根同牛肚 大件又軟腍。3️⃣炸蝦餅（加配）有蝦味，有肉質感，唔錯4️⃣紫菜湯（附送）眼見都幾多紫菜，飲落紫菜味濃，唔會水汪汪。聽到隔離嗰台客話：最鍾意食呢度嘅牛腩，所以佢再返嚟食。過咗午飯時間，都坐滿一半客地方乾淨企理地點位置十分方便，鄰近就係地鐵站

做完Facial想食個下午茶，經過見到新開張，個店面幾光猛，咁啱有位就入去試吓。點咗個推介嘅豬扒，好Juicy好入味，又大件，可惜唔係太肚餓，如果配個白飯真係一流 😋坐咗七成客左右，唔會太迫，坐得幾舒服，侍應姐姐好有禮貌，仲主動走來問我有冇紙巾，如果香港多啲呢啲服務態度，就唔使返大陸享受啦 🤣聽到隔籬枱食客話粉麵個湯底好好味，下次做facial前要過嚟食個lunch試吓，仲有辣椒油賣，下次試咗如果好味就買返屋企。

見有新鋪開張，比門口個花牌吸引咗入去，就試佢一試老細推介鎮店之寶👉🏼牛雜 牛三寶，味道好濃郁，食完唔頸渴，食得出用心製作，應該落咗好多材料熬製湯底，非一般嘅腩汁👍🏼👍🏼👍🏼👍🏼👍🏼👍🏼👍🏼👍🏼👍🏼非常好味🤤環境光亮，枱面闊落，店員又有禮貌，坐得舒服仲做緊伸張試食優惠，$9有碟菜，$9有兩粒炸雲吞！ 需然$9但係唔會Hea你一樣好食

昨天同同事去食lunch, 行過見到附近有間新開張食粉麵，入去試下我最愛牛腩河。牛腩好淋好入味，味道唔錯唔會好咸剛剛好。同事食左蝦籽雲吞撈麵，佢話雲吞有驚喜，個餡料好新鮮👍🏻 仲有杯奶茶好飲。碗麵四十零蚊+$9有碟油菜，尖沙咀黎講已經好經濟實惠。應該係新開張所以間舖都係好乾淨，入面都坐得好舒服，唔會好迫，最驚迫到轉個身都會撞到人。仲有接單姐姐都好好人，應該係我哋同事既新飯堂，下試吓肉燥豬扒米線🤣見到隔離枱食好似好靚😋