玉桃軒酒家 (鱷魚恤中心)

營業中

休息中

住左係觀塘咁多年, 知道apm上面有好幾間酒樓,但都未試過上去食。咁岩有朋友話同我去apm食飯,我知佢就中意食中菜既, 於是就同佢去玉桃軒。上到去玉桃軒,覺得個環境都幾唔錯,唔會有太過奢華既裝修,但係同玉桃軒個名一樣,有雅緻既感覺, 幾舒適。上黎之前其實唔係好知佢既拿手菜係咩野,於是就搵左店員推介。最後簡左四道菜,分別係北京填鴨, 脆皮雞, 雜菜煲, 蒸魚。北京填鴨, 亦即係片皮鴨, 燒好既鴨送上檯旁邊, 由師傅即場片, 眼見烤鴨外觀飽滿, 鴨肉輕輕披住皮, 油脂夾在皮肉之間 , 油脂豐富亮麗, 鴨皮裂開果下就知鴨皮相當酥脆, 令我口水直流。逼不及待就試左個鴨先。鴨肉好滑嫩酥軟, 鴨皮與同鴨肉的味道其實是比想像中淡味, 一d都唔會好油膩, 但鴨肉非常香甜。之後用一片薄到可以透光既荷葉餅包起來黎夾住食。餅皮十分嚥韌, 淡淡的面粉吸了少少鴨既油份, 加埋甜醬黃瓜包覆在荷葉餅皮內，豐富口感。好食就一定要趁熱食, 維持最佳口感。之後就係食脆皮雞, 其實都係要趁熱食, 見到雞皮呈好令既金黃色, 油令令, 一d都唔覺得會過份乾身, 肉質嫰滑, 係剛好熟透既口感, 即使是雞胸肉，食落口都冇渣滓，多汁

平日晚飯其實好少會揀中菜，不過聽聞玉桃軒的出品不錯，又近地鐵站，環境亦寬敞舒適，最重要係已經好耐冇食過片皮鴨，知道這裏有供應，便早早BOOK 位與朋友來一試。京式片皮鴨 $258點完餐不久，便見侍應推著鴨車過來 ，碟上的鴨外皮金黃油潤飽滿，侍應用了短短幾分鐘即席將烤鴨片好，並放在另一隻碟上整整齊齊地排開，片片都切得厚薄一致。片皮鴨同時跟一籠熱辣辣薄餅皮一起上枱，薄餅皮質感煙韌，薄餅與薄餅之間由烘焙油紙層層相隔，故此就算薄餅放涼了也不易黐在一起，亦方便包起鴨皮時不會黏手。鴨肉鮮嫩、鴨皮薄脆，脂肪少 ，再蘸京醬、青瓜、京葱，全部放在薄餅上包好一同吃，不但不覺油膩，口感更豐富。鴨崧生菜包 $98 ( 二食另加 $ 98 )一鴨兩食的話我覺得鴨崧生菜包比較惹味，鴨殼起肉切粒加西芹粒、筍粒、松子仁炒成一碟鴨崧，經己十分香口惹味，將鴨崧用新鮮爽脆生菜包住才吃，簡直清甜可口法式焗釀嚮螺 2隻 $136原隻大響螺內塞滿響螺肉粒、菇粒及另有幾款菜粒運合葡汁烤焗而成，表層烤得金黃，用匙羹一舀，內層原來是柔腍腍的，吃落口感幼滑，兼香氣四溢蒜蓉油麥菜 $88炒得剛剛好，不過火，外表油潤碧綠，咬落清甜爽脆今次大

平日放假，訓晏左小小，唔知食咩好，所以就同男朋友去飲個二人世界下午茶鱷魚恤中心呢棟大廈層層都係酒樓，有幾間都試過，今日諗住都試下新野，所以揀左6樓呢間玉桃軒試下~~樓面有部分就封左，不過地方都好大。平日2點幾黎飲茶唔洗等位就咁就入得，好正啊影左d價錢，但我唔記得左影點心紙同特價紙(落order個陣交左出去)🙈下午茶同早市點心其實差唔多價錢，但可以唔洗咁早起身，好開心🥳灌湯餃俾男朋友食曬，見佢食得津津有味，應該就幾好食喇金錢肚係我去飲茶必嗌既，佢既分量唔係好多，但味道都幾好架，啲黑椒味都幾香，辣辣地咁呢個係點心拼盤，係特價紙度畫既，好似係25蚊左右，好抵食！個包係叉燒包。鳳爪都係我去飲茶必嗌既野食，呢個味道唔算最好味，不過不失啦！見到點心紙有呢個咩咩脆脆腸，唔知係咩黎，所以嗌黎望下😂 以為係炸两，但入面唔係油炸鬼。有d脆卜卜酥類既野，再入面就有d菜做饀，都幾得意👍唔會太油膩，不過要點豉油食先有味蓮藕餅好好味啊！唔係好多地方有得食，見到有即刻嗌！入面有d細細粒蓮藕好爽口，仲夾雜左d香蔥，味道好香呢個芒果卷都好好食啊！唔係好多酒樓有呢d甜品類既食品，所以又要即刻嗌黎食糯米皮，入面包左好似芒果

好友飯聚，在大家熟識的觀塘，好友提議到港鐵站的玉桃軒，說是不錯。到來的時間還早，不用等候經己可入座。裝修富麗，天花掛著水晶燈，很有特色，非常合辦婚宴的感覺，而且空間寬闊，很舒適的感覺。店員為我們送上茶水，也細心的介紹著餐牌的食物，最後我們選擇了一些配搭，以及店員為我們介的菜式。店員介紹的原隻花膠扣鵝掌，最先為大家送上，看上去非常名貴的樣子。花膠軟軟，容易咀嚼，味道雖濃，卻很合適，鵝掌同樣也軟綿綿，配著冬菇及蔬菜，口感滿足。我們要了北京填鴨，店員為我們預備吃北京填鴨的麵皮及調味料。有位廚師堆著小車將北京填鴨送到我們面前，以純熟的刀法，將鴨皮一片一片的從鴨身上切下，有如一場表演。雖然並不算是什麼，不過已經並不多酒樓會做這種面門功夫，這點非常有誠意。切好的北京填鴨，排列的整齊的送上，每片皮與肉也差不多，大小也相近。吃時當然與麵皮與調味料包著一起吃，入口很香，假使與麵皮等一起吃，鴨肉香味不算很濃，仍有不錯的味道。每塊麵皮之間卻有一塊蒸點心的紙隔著，方便從蒸籠中取出，非常細心的做法。醬油金蒜脆皮雞，送上之時，正是吃著北京填鴨，可是雞帶著濃厚的蒜香味道，吃著北京填鴨也能感受得到。入口雞皮香脆，醬油

觀塘好多食肆，玉桃軒我地間中都會嚟，因為吸引我嘅主角就係鮮蝦灌湯餃，重有朋友鍾意嘅棉花雞，蝦餃皇得兩隻就少啲但係都係咁好食， 小籠包係我至愛 ，都係唔食唔得，鹹水角梗係朋友喜歡啦，蝦餃燒賣 自細食到大，所以叫親都係有水準又唔會走寶嘅早點啦!特別要介紹嘅就係灌湯餃，因為做佢嘅手工真係唔簡單，見到有唔理佢乜嘢點，細點好老點又好，特點頂點都好，一定叫嚟試試，因為小時候第一次食嘅時候嗰種感覺，係令我好驚喜呀!食到而家一樣係有咁嘅感覺，小籠包今次就爭咗少少手工啦!棉花雞唔係棉花做，實在用魚肚蒸煮到好似棉花咁，做到好似棉花咁就真係要功夫啦!呢個不過不失喇!安蝦鹹水角 豉汁煎釀茄子南翔小籠包 玉桃蝦餃皇 北菇棉花雞 蝦子燒賣王 香茜牛肉腸 瑤柱鮮蝦灌湯餃 兩隻椰汁香芒卷

做寫字樓的我，黎到星期四，已經無力放工煮飯同埋洗碗；同做寫字樓的另一半也不例外，但都要食晚飯架～ 好彩我地住觀塘，一落街咩都有，連北京填鴨都有！在鱷魚恤大廈晚飯比飲茶好，因為唔洗等位等lift。一入到玉桃軒，啲位勁闊，坐得好舒服，唔似其他酒樓勁嘈，傾計又唔洗大聲，服務員亦招呼周到。我地兩個叫了北京填鴨、清炒通菜和菠蘿咕嚕肉。通菜係正常，唔多說。北京填鴨令立立，服務員推出黎時已經好興奮size無好大隻，所以肉唔韌，仲好juicy皮薄通透又夠酥脆，唔油膩，非常高質只是包皮一般，唔似甜饅頭果種，醬汁普通，但勝在配菜京蔥和青瓜新鮮，大小粗幼適中，更可免費再添菠蘿咕嚕肉一上檯就已經充滿驚喜，因為佢好有心思咁用鳥巢裝住果然好睇又好食！咕嚕肉非常新鮮，沾滿汁但依然香脆個酸甜汁夠酸好惹味！菠蘿夠多略嫌青紅椒太生，個人喜歡熟啲諗啲。埋單不用$500，幾抵食！多啲人應該仲抵，下次叫埋成班親戚一齊食先。

觀塘亞太中心原來好多酒樓，揀了陣決定去這間玉桃軒飲茶，原來也幾大又多人，好彩即刻入座！餐單也是好吸引，又多圖听！叉燒飯，叉燒不夠淋身，甜甜地的OK。叉燒包好軟好味，叉燒唔會一patpat，好味的點心拼盤，有雞包仔，潮州粉果，蝦餃，菜苗餃，薑汁糕，每款一件，潮州粉果多料好香。杞子鯪魚球，夠淋唔多粉，好多葱好香。腸粉包春卷，這個好味，春夠脆足料。薑汁蕃薯糖水，幾夠薑的，唔算甜。蕃薯夠甜夠淋。紅豆沙好多紅豆，夠綿唔係好甜的，好味道！

襯假期扮下乖女帶父母來到APM 隔離的鱷魚恤中心「玉桃軒酒家」嘆茶。「玉桃軒酒家」絕對是飲茶好地方，因為價錢經濟抵食，最適合月中已半乾堂的日子。茗茶 $9/位先揀了兩款午市（特價）點心蜜汁叉燒包$21.8鮮蝦白菜餃$26.8即點即蒸點心，這裡的叉燒包一向是我的首選，叉燒醬咸中帶微甜，足料，蒸包鬆軟口感佳。鮮蝦白菜餃外皮煙靭，白菜和蝦比例約3:1  白菜清爽脆綠，吃得出蝦的鮮甜。除了叉燒包外我會們必點「叉燒酥」蜜味酥皮叉燒酥，十分鬆脆香口，餡料滿滿的，香而不膩，超正！家人點了幾吸睛的「燒汁釀茄子」裡面釀了鯪魚肉，紅燒後再以濃汁埋獻 利申：我不吃茄子。家人話：茄子軟棉入口不太油膩，味道不錯。「北菇棉花雞」賣相普通，但魚肚厚身，爽口吸汁。還有「薑蔥牛柏葉」、「古法馬拉糕」、「馬蹄牛肉腸粉」和「蝦鹹水角」等。今餐咁豐富，每人都只是 $84 左右，好坐好唔迫，超值！

有段時間冇來這間玉桃軒了，之前多數去香港區分店，今次朋友約食lunch飲茶, 想在觀塘附近就想起 apm隔離的鱷魚卹大廈就有玉桃軒 都非常方便。他們的鐵觀音茶，水滾茶香，點心都很多選擇。喜歡這裏有一些潮式小菜和懷舊點心。芥菜排骨煲，新鮮滾熱辣上枱，芥菜清甜。懷舊豬肚燒賣雖然啖啖豬肉但不會覺得肥膩，猪肚爽口。潮州粉果都好正宗，有齊沙葛花生菜脯蝦米，皮薄餡靚。鮮蝦菜苗餃，一籠有四粒幾抵食。其他叉燒包、牛肉腸、 珍珠雞水準都唔錯， 玉桃軒的點心都keep到水準，下次要試試他們的晚飯小菜。

决定在母亲节后一日,在这间玉桃轩订枱, 因每次母亲节吃饭,很多地方都只是套餐,所以选择母亲节后一日星期一也是红日订枱吃饭,看到食评多是早上和中午饮茶点心,晚饭反而很少食评,而朋友有在这吃过片皮鸭好喫,便去一试晚餐,我们7点入座,而片皮鸭子己祇賸下两只,真是要坐下立即点片皮鸭一食,还点了蚝皇花菇鹅掌煲,玉桃轩小炒王,还有翡翠花姿珊瑚蚌。先说一下片皮鸭,皮肉均匀,肥又少,皮脆, 有青瓜和 葱甜酱一起包来喫, 清爽不肥腻,必食蚝皇花菇鹅掌煲,花菇肉厚,鹅掌入味,但需时最久。玉桃轩小炒王,材料足,虾米香,腰果脆,够镬气。翡翠花姿珊瑚蚌,如果能多一点西兰花就好暸,祇是觉得西兰花比较少。整体这间酒楼的环境宽敞,空气流通,还有一部超级大电视。

裝修超靚既酒樓，一出lift就見到一個小花牆可以打卡影相，最岩女子隊出發去食既高品味中菜❤睇食評見到片皮鴨必食諗都唔諗坐底就叫左一隻片皮鴨(Hkd288/1隻)配料既蔥同青瓜都比得好足絕對唔會比幾條禁少，重點係隻鴨油香味足但又唔會太油，唔會食到係禁滴油，而且佢片左2款出泥，一款連肉片，一款只有皮，完全2隻口感，只有皮既好正，我第一次食片皮鴨既皮會帶少許脆口，個皮又唔會太厚，連肉個隻口感會更豐富，算係我近期食過最好既片皮鴨。個小炒王(HKD128)係意外點錯本來想點椒鹽銀魚試下架，但就算點錯但都超出我預期地好味，其實我個人對小炒王好一般，但呢碟係正野泥既，佢蝦乾既味道好濃好出一定係用靚蝦乾，第二韮菜絕對唔老，一啲渣都有仲係好脆嫩，2個字好味。

天氣不佳 最岩就係三五知己搵個地方嘆杯茶 食幾籠點心 吹下水水 過番個寫意既週末早上三個人叫左十籠蟹籽燒賣皇👍👍👍👍👍魚肉豬肉比例適中 食落幾彈牙北菇棉花雞👍👍👍👍正正常常 上湯味道唔錯 魚肚唔會有腥味鮮蝦脆脆腸👍👍👍其他地方應該係叫金絲米網腸😂所以叫既時候冇諗過原來係佢 腸粉皮滑 入口脆卜卜 但係味道好似啖左d 即使點左d豉油 好似都係差咁味d古法馬拉糕👍👍👍👍頗出色 鬆糕好軟鮮蝦菜苗蝦👍👍👍👍夠曬多菜 水晶皮都幾Q叉燒包👍👍👍👍👍好食但係細隻左d鳳爪排骨飯👍👍👍👍👍蒸得堅靚 d飯一粒粒 水準非一般 而且唔會油 不過排骨得四舊大骨😂 且偏肥鮮蝦餃皇👍👍👍👍👍都好好食 蝦好多 水晶皮同菜苗餃一樣 好Q好好味叫左十籠除番每人都係80早茶黎講價錢算幾平 性價比唔錯既一間酒樓 值得推薦😆👍

觀塘鱷魚恤大廈有不少酒樓、今日經過APM 就順道到了玉桃軒飲茶。酒樓地方倘大、空間感夠、坐在窗邊可以邊嘆茶邊看裕民坑一帶街景。這裡點心選擇夠多、午市為正價市段、茶錢$9位。很久沒吃這懷舊點心 — 蠔皇香芋鴨腳扎。 鴨腳扎炆得不錯、軟滑入味、香芋好軟稔。XO醬櫻花蝦腸粉 幾滑溜、鋪上不少櫻花蝦更添鹹香。燒汁釀茄子 蝦籽燒賣皇 大大粒好足料、豬肉鮮美爽滑、亦有鋪上蟹籽點綴。蜜汁义燒飯 义燒尚算軟稔、蜜汁也剛好用來送飯

今次晚飯，食左個328蚊晚餐套餐，加白飯，再加茶錢，再加一，再再加前菜果盤小食16蚊。328蚊有石班仔加燒雞。菜額外叫88蚊，蒜容炒莧菜，以為系叫清炒，有點韌，大致上7分，除左太淡味之外。石班仔正常。燒雞比想像中細隻小小，胸肉都系如常有少少鞋，見到白色條紋肉果種少少鞋，不過可以接受，雞比位沒有特別嫩滑多汁，就正常一般燒雞，65分啦比一般燒雞，不過皮系脆。首選會系石班仔，之後菜，之後雞肉。頭盤唔好味，其實可以省下，沒有生果。整體合格，但沒有特別特別驚喜之處。可能點心會系另一翻風味？

===*是日重點*===腸粉嚟到係凍嘅，係好凍，問伙記佢話正常係微䁔，佢話翻熱比我，我話本身腸粉係脆口，翻熱會淋晒，叫佢換過碟比我，當時女侍應表示同意，隔咗2分鐘，佢拎一碟蒸過嘅比我！大佬，講明換過一碟，當人傻架，拎同一碟出嚟，脆脆腸係脆口，食蒸我食其他啦，最緊要係應承咗換過碟新就真係換碟比我，暪天過海只會令到食客卻步。仲要個男黑衫職員語氣好差咁話，咁取消囉就走咗去。其實呢間酒樓我每個月都一定幫襯，最愛呢到粉粿，好唔好食見仁見智，但真心好啱自己口味。暫且轉會，其實附近選擇都好多好多。