犀牛犀牛 (康怡廣場北座)

營業中

休息中

正常人邊會食野前 check下個外賣乾唔乾淨 所以當我食到蛋餅最尾個陣 細心睇之下發覺個蛋餅勁多一條條不知明既物體（？）向店家查詢之後店家仲話應該係肉鬆 連佢地都講到咁唔肯定 其實都好難令顧客相信係燶左既肉鬆掛 所以呢第一次專登寫食評 比個警剔大家

行下行下，去咗太古城，見到有間得企位的，平日仲有下午茶。今日星期六就得返跟餐，叫食物可以加錢飲品$10/$20，可以加錢甜品$20/$30，可以加錢薯條combo。簡單叫了最愛的芋泥肉鬆吐司加哈密瓜升級燕麥奶，唔太甜都ok，本人唔太飲得鮮奶，所以覺得好過出面好多搖茶店，通常冇得揀。另外朋友叫了韓式牛肉捲餅追加芝士同大甲芋頭鮮奶，個餅好多汁，好正。芋奶其實係必點的，不過我今日唔飲了。下次可以試埋芋圓甜湯，加$30。

【可以加番兩張枱四張凳】幫朋友整野，整到3點9佢話好想飲野，要有芋圓。諗起康怡三樓橋好似有間嚐仙，去到勁多人。於是過隔離望吓。芋圓波波抹茶鮮奶 $43聲稱用明治 4.3特濃牛奶。朋友覺得太甜，芋圓亦一般。黑珍珠岩鹽厚鮮奶 $38我隨手點了黑珍珠，反而唔錯，奶味好濃厚。花生醬棉花糖熱壓吐司 $37賣相覺得唔抵，因為壓到一塊薄片。食落就夠熱，花生醬綿花糖好難唔好食，正常發揮。見無得坐，於是外賣。揀野飲時，朋友問咩係歐蕾，咩係寒天。我答：點知。等野飲時，發現有解釋。你自己睇。唔想等，可以預先落單。（利申：我無試過）心諗咁大個鋪，擺番兩張枱四張凳應該都大把位。

真係越黎越差，今次嗌嘅熱壓吐司芋泥金沙成舊都係凍嘅，唔知食緊啲咩，勁垃圾，之前食過幾次係熱辣辣嘅同埋真係會食到咸蛋黃味，但今次佢整到芋泥還芋泥，金沙還金沙仲要係冇味嘅又凍冰冰，起初第一啖咬落去食到芋泥係凍嘅都已經覺得伏伏地，同埋撕開一半都未搵到舊所謂嘅金沙以為佢唔記得咗放，點知原來係最底仲要又係凍嘅未融嘅一pat黃色嘅野，以為係吉士醬，咬落都唔知係咩味嘅黃色廢料冇下次永久blacklist，連正常嘅芋泥肉鬆吐司都可以整得咁唔好食，可一不可再，超失望，店員又西口西面咁比錢買難受

等候時間超級長❗️明明前面一個人都冇，我同朋友一人嗌一杯嘢飲，結果等咗20分鐘🤷🏻‍♀️過咗15分鐘嗰時，諗住追問下進度，結果店員話唔知點樣答我地，仲要黑口黑面，話下個就到我哋😅😅😅😅除咗等候時間好長之外，推介嘅蜜桃烏龍茶都唔係好掂🥲叫少甜。。一入口連埋啲果肉，好似同平時飲品嘅普通甜度冇咩分別，都幾甜下，烏龍茶味又冇乜▪️蜜桃烏龍 $32♡好味指數 🌕🌕🌑🌑🌑✔︎性價比🌕🌕🌑🌑🌑✔︎環境服務🌕🌑🌑🌑🌑✔︎推介指數🌕🌑🌑🌑🌑✔︎回頭指數 🌕🌑🌑🌑🌑

這店開了之後，一直都覺得個包裝、設計好靚，我又喜歡台灣食品，加上昨晚買了的大甲芋頭奶覺得好味，今晚專程再去買晚餐，結果決定吃飽些，大堆頭買了捲餅、奶茶及芋圓甜品😆😆 結果有2分至5分的食物評分。.👇韓式將燒牛五花卷餅 $49 ⭐️⭐️只有2分的原因是真的超級油膩，我已經是喜歡重口味、煎炸食品，對油膩食物包容度較高甚至喜歡，不過這個捲餅一拿在手中已覺得油膩度很少有。全條捲餅由內而外、由頭至尾，每一點都是十分油膩，吃得個口感覺怪怪的，吃完想刷牙。另外低分原因是饀料不太多，又細份，比較幼身的捲餅，又油膩，又沒太多餸在饀料內，$49，我不會再吃這裡的捲餅，別的地方的手抓餅、捲餅都不會這樣油膩又少饀。.要讚的是包裝紙設計一流，有虛線位，一搣便很易撕開一截，方便吃，這些細節有心思，值得讚👍.油得很利害，全條捲餅”立立令”。.不太多餸在中間，這個是捲餅中間最多餸的位了。.👇大甲芋頭鮮奶$38, 加椰果另加$6,  共$44 ⭐️⭐️⭐️⭐️其實今晚的很甜，昨晚我買了一模一樣的，只是店員不同了，昨晚還有得選擇少甜，冰量則不能改，今晚的店員則甜度及冰量都不能改，結果很甜，昨晚的好很多，所以我給昨晚那杯4分。.👇犀牛

犀牛犀牛喺各區都越開越多分店，其中康怡呢間就最近囉，有時放工路過都會買個蛋餅來做小食。今次就唔食蛋餅，試吓買佢啲台式飲品。😊飲品就普普通通啦，下次都係會繼續食佢啲蛋餅😂

做運動之前想食啲嘢，就嘗試左犀牛犀牛嘅吐司，經典肉片蛋味吐司我覺得幾好食，個豬肉醃得好入味，而且口感彈牙多汁，加埋脆卜卜嘅菜絲覺得好豐富。同埋佢話啲包係用湯種麵包會濕潤啲。只係個人覺得都幾貴下，下次會想試吓芋泥肉鬆味嘅吐司！

早幾日經過想試下 就嗌左個肉鬆蛋+$6芝士嘅蛋餅 當時個店員第一次淨係收到我$35 之後先再收$6芝士嘅錢 咁之後等左十分鐘左右就出喇 因為佢收錢果時 個芝士無打單 係直接對廚房講要加芝士 所以出果時佢就特登檢查有冇芝士先比我 我就見到佢攞住我個蛋餅望下摸下咁 一攞上手已經唔對路 比左$41嘅蛋餅 勁幼 餡勁少 連我加嘅芝士都唔知係邊 最尾去問店員係米唔記得加芝士比我 佢話肯定有加我最後係佢個底到發現極少量嘅芝士 絕對唔會再食 絕對唔推薦大家去食

▫️有一次買過俾呀媽食之後，佢就愛上左🫶🏻🤪 今晚屋企無煮飯，又唔想食太多野，於是媽子又提議食捲餅🌯🤣▫️店內無位置坐既，不過有啲枱仔，但見大多數人都係外賣拎走🤭🥪 韓式泡菜起司豬吐司 $34 + 🌽 玉米 $5▫️泡菜辣辣地幾開胃，豬肉唔會好乾，配埋芝士同粟米，簡直係不敗既組合😼 不過可能外賣關係，吐司已經淋左，但食得出好重牛油味🧈🌯 鮪魚吃玉米捲餅 $42▫️捲餅拎到返屋企依然好酥脆🤩 食到跌晒落地🤣 吞拿魚份量都好多，食到最尾都仲啖啖肉🐟🫔 肉鬆蛋餅 $35▫️蛋餅就係煙韌口感，但食既時候已經淋淋地，對比之下我鐘意捲餅多啲🫣

犀牛犀牛 (太古)♡︎𝗗𝗘𝗦𝗦𝗘𝗥𝗧 & 𝗦𝗡𝗔𝗖𝗞𝗦♡︎$40芋泥肉鬆蛋吐司(7.5/10🌟)💚ᴛᴏᴀsᴛ ᴡɪᴛʜ ᴛᴀʀᴏ ᴘᴀsᴛᴇ, ᴘᴏʀᴛ ꜰʟᴏss ᴀɴᴅ ᴇɢɢ💚將吐司🥪切開一半再包裝，感覺好貼心容易食用。吐司入邊有芋泥、肉鬆同蛋🍳。芋泥差不多去到液態狀態，食落好有醬汁既作用，配搭肉鬆令口感特別，個人幾中意✨。而各三種材料嘅份量都俾咗好多，蛋厚身，肉鬆味最突出，食到微微芋泥味道。而吐司麵包係軟既，整體好夾好味😋。$39 犀牛芋圓(烏龍奶茶底)(7/10🌟)💚ᴛᴀʀᴏ ʙᴀʟʟ (ᴏɴʟᴏɴɢ ᴍɪʟᴋ ᴛᴇᴀ)💚首次食有☕️烏龍奶茶做底既糖水，通常都係以鮮奶做底🥛。烏龍糖水底甜度十足，微微烏龍茶味道。糖水比嘅配料好多，有大粒芋圓、唔同顏色既珍珠🧋、紅豆🫘、仙草同芋泥粒。📍太古康山道1號康怡廣場北2樓S12號舖其他分店：📍沙田沙田正街21-27號沙田廣場3樓31E號舖📍中環皇后大道中93號中環街市2樓242A號舖📍天水圍濕地公園路9號Wetland Seasons Park地下6B號舖📍大角咀大角咀道33號富貴大廈東座地下7號舖📍香港仔南寧街2-16號香港仔中心四期1樓1號

今日口痕痕， 買左杯白桃烏龍茶，要少甜，第一啖入口好多白桃肉，但就仲係好甜。。。。😅😅😅好似叫杯正常甜度咁甜， 完全飲唔到 烏龍茶味😟朋友就見爆谷媃茶個名咁得意， 就買黎試下，飲落其實就係焦糖味奶茶😒😒有點失望。。。，與爆谷其實扯唔上關係。。。仲要唔算好飲。。。蘔飲方面應該無下次😕😕

專登走去食三文治，嗌咗犀牛推薦塔塔炸雞三文治，盛惠40x蚊。返屋企開袋見切面得兩細嚿雞已經好不妙，揭開嗰方包嘩便利店都冇你咁孤寒喇，炸雞仲係急凍勁厚皮勁少肉果啲款，駛唔駛咁😄片蛋薄到火腿咁，都懷疑一份三文治有冇一隻蛋方包都似擺咗一排，冇點烘到，都可以咁硬，不如再風乾多幾日做croutons😄吞落胃袋好唔舒服似有個多邊形頂住(但半個鐘之後又肚餓)仲加咗杯奶茶，比較三文治算正常，但都淡過市面普通臺式奶茶，慳到盡呀

本身諗住早啲自己買野食當晚餐，行完商場見到一路想試嘅一間店，見到menu啲相好似幾吸引又未到晚飯時間冇人排隊，於是就買咗一份蒜味海陸綜合吐司。未連野飲單買已經要$40，諗住單一個睇相應幾大份，點知見到店員拎出嚟已經知唔會係厚版，平時類似吐司對開切我一半已經好飽，呢個唔飽之餘仲要唔見得好食，少料不在講，個包係似普通方包多⋯可能關唔俾堂食事，外賣行5分鐘返屋企已經係要用少少力先扯得開個包，雖然$40唔算貴，但cp值低，咁嘅質素我會食麥記🤧🤧🤧🤧

剛行完柏架山，諗住食少少野再返屋企。行到入商場，俾個廣告牌吸引咗，於是去幫襯。叫咗一份芋泥肉鬆蛋吐司（唔記得全名，因為返到屋企先寫，但肯定餐牌寫住j3)，再加多杯熟成百香。份吐司圖文不符得好緊要，芋泥稀到滴落來，令到肉鬆濕淰淰……我食咗兩啖，個口感真心食唔落去，交俾另一半夾硬哽埋佢。野飲就一般，留意返少甜少冰都仲係好甜下。講返環境，門面好光猛，睇落幾簡潔乾淨。可惜，食野張枱就有少少黐立立。我地食完自行包好垃圾，仲抹埋枱。走嘅時候睇下店面有無垃圾桶啫，個店員即刻好串咁講：「垃圾要自己掉架！」心諗，我個人企喺店外，隻手都拎住哂d垃圾，又唔係就咁放喺枱面就走。店員態度非常有問題都算，衛生先係一大問題。佢前面d頭髮成日跌落來，用手整返上。用同一隻手收錢，又用同一隻手出野食俾人。佢有個窗口仔喺門側邊for送餐。我睇住佢行入去用返嗰隻手幫手整食物，期間無洗過手，非常唔衛生。我好少食野影相，好彩杯野未飲哂。等我可以拎到返屋企，影張相證明我有來過。補上野飲相一張