犀牛犀牛 (康怡廣場北座)

營業中

休息中

呢間食店位於Aeon同康怡廣場中間位置，最開初嘅時候超級多人排緊，最記得某歌手生日嘅時候，多人到係塞晒出嚟走廊… 見今日經過冇乜人，就走去試試… 佢餐牌都算多選擇，而且可以加錢跟一杯飲品（唔記得幾錢內）又或者加錢跟一份沙律加小食，因為今日唔算好餓，就點一份佢哋推薦嘅韓式醬燒牛五花吐司。結果份吐司嚟到我心知不妙… 份啲肉飛晒出面，我肉眼睇得兩塊，心諗$45應該唔會呱… 最後返到屋企一開，真係得兩塊有醬嘅肥牛，極少菜，一塊煎蛋… 心裡面真係講咗粗口…… 呢個價錢，咁嘅份量係咪少咗啲？唔知可以講咩好….. 失望到極點…如果想食吐司嘅話，我會建議大家去附近某商業大廈嘅某樓上舖食，價錢可能貴少少但足料200%

行街街發現新開茶飲店，點可以唔試呀😆 店面裝修有特色，部分牆身係以青花瓷醉片砌成，係我好鐘意嘅style😍 影相做背景一流📸✨烏龍歐蕾 $33鮮奶香滑，但茶味唔夠濃郁，加上冰度甜度固定，天氣熱熱地，溶咗冰之後會再淡多啲啲😅✨大甲芋頭鮮奶+小芋圓 $38+$6小芋圓細細粒好易啜，同埋質感剛剛好，咬落煙煙韌韌😋 鮮奶一樣係香滑，芋泥做得太幼細，所以飲落感覺唔到濃濃芋頭味😔 微甜對我嚟講剛好，唔會太甜搶哂啲味👍🏻🔍整體感覺：可能係人手不足嘅關係，等候嘅時間會比較耐少少，前面有3個客人，我地兩杯飲品等咗20分鐘左右🕓 原本係要伯爵歐蕾，但職員落錯咗單，好彩烏龍我地都飲嘅，所以冇改到。飲品味道係正常質素，冇話有咩特別，所以吸引度一般啦！不過有點失望嘅係冇熱飲，有時天氣涼涼地想飲熱嘅就應該冇辦法幫襯哩間😅 除咗飲品之外都有賣食物，下次再試吓野食😊

犀牛犀牛開到嚟太古 (個舖位有小小難搵)，呢間係啲食物都係即叫即整所以等待時間會耐少少，店員喺落單嘅時候都會預先同客人講而家大約要等幾耐先有得攞好開心可以成日去買蛋餅食啦🤩 犀牛犀牛嘅台式蛋餅可以揀捲餅或者蛋餅兩種唔同嘅餅底，基於扮瘦嘅原因就要咗蛋餅。套餐可以加$20有嘢飲，或者加$40有沙律小食同埋飲品。方便照顧唔同飯量嘅朋友外賣返到屋企食落蛋皮都仲夠酥脆，招牌肉蛋好味。個卷睇落好似好細咁但又神奇地飽飽哋喎，當正餐可能唔夠但做小食或者下午茶都good match , 個卷如果有夾多啲菜菜會更加好更加豐富可惜蛋餅無芋泥呢個option ，唯有下一次再戰吐司先可以評價了。不過杯熱烏龍奶茶無幫我落到微糖，真心勁甜，頂唔緊

康怡最近開咗好幾間小食舖，隔離有炸雞同糖水舖，呢間就賣下蛋捲三文治同台式野飲。今期我見有教主Anson Lo應援物資派呀，基本上成間都貼哂poster講返野食先，我堂食試過紅豆酥餅同蘋果茶，都要等一段時間，味道係幾好既，個紅豆酥餅唔太甜但又夠香口。今次就外賣啦，試咗黑糖珍珠鹽厚奶茶，再encore蘋果茶，又叫咗個花生醬煙肉捲餅加泡菜豬肉三文治。又係等咗好一段時間，最好食既係個三文治，下次可以再叫，但個捲餅就真係普通咗少少。可能因為經外賣平台叫，價錢比堂食貴，兩個人份量總共160蚊左右。

新開嘅店舖經過都不忘要試一試😋因為佢有我想食嘅蛋餅Toast其實都好想食不過留返下次先白桃烏龍 -20呢個價錢係買完蛋餅之後嘅加購價嚟叫咗微甜所以唔會太甜😂白桃味都幾香但反而個茶味唔太重肉鬆蛋蛋餅 -30想讚一讚個包裝拎嘅時候可以保護晒成個蛋餅食嘅時候係中間搣開方便拎住嚟食食落雖然唔係啲咩好特別嘅嘢或者有好震驚嘅味但有肉鬆嘅蛋餅係我心目中就已經係無得輸😂一整起已聞到好香不過可能係新開員工就有啲混亂而且都等得有啲耐😅等緊嘅時候見到有好多人都要問先至拎到自己嘅食物😅呢個有待改善

最近經過康怡見到開左幾間新店賣台式小食，而呢間門面都幾靚，以白色藍色為主，今日終於來試下，見佢主打台式捲蛋，咁耐冇得去台灣旅行，一於試下，點知一試難忘，以後都唔會幫襯。《招牌肉蛋》今次試左個$35 招牌肉蛋，諗住佢係招牌，實冇死，點知得一條好幼既捲物，4啖都應該食得哂，頭果2啖都食唔到涵料，即係有一半係冇涵，得塊皮同蛋，仲要係冇調味，到終於食到有涵果陣，點知得一塊肉同生菜，真係呃錢，唔會有下次。雖然都知幾十蚊唔會奢望食到啲咩高質野，但係呢個份量同質素，我就一定唔會再幫襯！

📍 犀牛犀牛🎗📍 太古 𝗧𝗮𝗶𝗸𝗼𝗼 • 康怡廣場(北) 2樓S12號鋪 (2樓天橋上)〔 follow me on instagram @sikbaobaola ! ^^ 〕-< Rhino Rhino > is a takeaway shop from Taiwan offering toasts, wraps and Taiwanese drinks. 💛They are currently expanding their business in Hong Kong so you could find them in quite a lot of places, including in Taikoo.Their shops in Hong Kong offer takeaways. You can make orders via WhatsApp in advance, which makes it very convenient.-Their food ranges from toasts, wraps, Dan Bing-s (egg crepes), sw

肉鬆蛋蛋餅（$35）賣相：🐧🐧🐧味道：🐧🐧蛋餅用餐廳自製包裝紙簡單包裝，包裝紙設有缺口方便撕開食用。蛋餅內裡餡料不算多，肉鬆、蛋量普通，配菜少，只有一塊生菜，並無另加醬料作調味。味道方面，蛋餅入口軟熟，非常冧身，粉味重。肉鬆酥脆可口、鹹香得宜，可惜分佈不均，全集中在蛋餅中央位置，前後兩端未見。煎蛋不過不失，偏熟身厚實。爆谷奶茶（固定甜度冰量）（$25）🍿另加小芋圓（+$6）賣相：🐧🐧🐧味道：🐧奶茶以自家製高身膠杯盛載，小芋圓量有1/4 杯，感覺頗抵飲。味道方面，賣點的爆谷味極淡，非常甜膩，奶味一般，茶味欠奉，令人失望。小芋圓軟嫩煙韌，有嚼口，有糖水甜味。外賣等候時間：🐧🐧🐧在平日晚上7點幾，需要輪候2-3位，製餐時間約10-15分鐘。服務：🐧🐧🐧職員態度、辦事效率一般不過不失。🐧❤️結語：整體來說頗為失望，不太推薦。P.S. 太古分店有應緩姜濤生日裝飾海報，有興趣可前往打卡。

康怡廣場經過見到新開犀牛犀牛食台灣嘢，個餐牌同裝修又靚靚仔仔💛就一於試下啦。$44真係食左個空虛，10分鐘極速食完好似無食過lunch咁。餐牌呢個價錢都會有少少期望，但係個份量同餡料真係太太太少，我女仔都要食兩個先夠飽。今次揀左蒜味海陸捲餅，有白飯魚，豬肉片，蛋同生菜。張相影出黎呢度係食左一半🥹 雖然個味道係OK，但係呢個性價比應該唔會再試捲餅🫣本身仲想試下個芋泥三文治見張相幾厚肉，但係而家有少少驚直升機🚁🚁🚁

去開大古城行街， 想起「犀牛犀牛」剛係康山廣場開左新店😚所以特登走過去買下午茶😋我叫左🙋🏻‍♀️芋泥肉鬆蛋吐司🍞麵包軟熟， 芋泥+肉鬆，雖然咸甜一起，但好好味丫😚肉鬆蛋餅🌮撕開上半段，免整污糟手，細心👍🏻大小合適， 餅皮好脆，好味😋美式炸連皮薯條🍟炸得香脆，配上特製的醬，味道又好唔同😋😚紅豆餅中意食紅豆餅既一定要試下，皮煎得好脆，配上紅豆🫘，好正😋犀牛芋圓（玩春芽綠茶底）🦏有紅豆、芋圓、涼粉、珍珠配上麥芽糖既綠茶湯底， 有小小甜，足料又好味😚因我唔飲奶，收銀哥哥話鮮奶底都好好味，喜歡飲奶既可以試下🥰再叫左3杯奶茶🧋有白珍珠、黑糖、熟成奶茶3款我都試過， 以前飲黑糖珍珠奶茶，飲過白珍珠奶茶又覺得幾好味， 唔似黑糖珍珠既甜味，我變心啦😆😁