牧羊少年咖啡館 (香港單車館)

營業中

休息中

牧羊少年咖啡館應該都算係我心目中好滿意嘅餐廳之一，無論係食物質素同餐廳環境都做到100分！重點係人均價錢二百零蚊就有交易，無論係拍拖約會、朋友聚會 定係 同屋企人食飯，都絕對係好唔錯嘅選擇！兩個人食最啱就係嗌呢個 —— 與你分享2人套餐 👥 $428，一個套餐包晒小食、意粉、主菜、飲品、甜品，完全唔需要額外加錢非常抵食！唔好睇小佢哋嘅小食，每一碟份量都非常多，我哋揀嘅照燒汁煎乾蒜美國牛柳粒🐮，肉質唔韌，牛味十足，非常好味！意粉嘅選擇都有唔少，我哋今次就揀咗俄式牛仔柳意大利粉🍝，呢一個意粉有酸忌廉加持，酸酸地零舍開胃！主菜方面，我朋友就最鍾意慢煮 BBQ 醬美國豬肋骨🍖伴蕃薯條🍠配普羅旺斯燉菜🥬，豬肋骨醃得非常入味，而且啖啖肉，食肉獸必嗌！呢度嘅飲品選擇真係多到爆，我自己就最欣賞佢哋嘅芝士奶蓋系列🧀，比起坊間嘅茶飲店奶蓋更加出色，大家一定要試吓！我今次就揀咗冰梨無花果白桃烏龍芝士奶蓋🍑 同埋 紅桑子乳酸忌廉芝士奶蓋🍓，奶蓋除咗Creamy又鹹香之外，佢哋嘅茶底亦都果香十足，仲有真正嘅果肉喺入面添，真材實料勁正！甜品方面，套餐已經包咗兩杯Haagen-Dazs 雪糕🍨，為呢一餐畫上咗圓滿嘅

呢間餐廳我嚟過三次，食物質素普普通通，唔算特別出色，味道同期待有啲落差。不過環境真係幾好，氣氛輕鬆，適合同朋友聚會傾計😂！嗌咗唔少菜式，當中個burger性價比最高，味道OK；其他菜就麻麻地，無乜特別印象。今次見OpenRice有食評推介避風塘炒蟹肉意大利粉，特登試一試，但真心有啲失望。個意大利粉都幾辣，避風塘嘅獨特香味完全搵唔到，蟹肉又少，食落有啲唔值。

算係數一數二大眾認可嘅文青Cafe，自從裝修咗之後都冇去過🙌🏻餐廳位於體育館入面，所以唔會特登經過就會食到嘅一間舖頭，大多數都係特登入去食🫣去到門口見到燈光昏暗，差啲以為冇開門，好彩見到有其他食客喺入面😂-記憶中佢價錢算係比其他Cafe稍貴少少🤏🏻但係入到去見到有個二人餐又唔算貴喎😆-🌟與你分享2人套餐 $428包小食、主菜、意粉、兩杯特飲、Häagen-Dazs雪糕🌟照燒汁煎乾蒜美國牛柳粒呢個係小食🌸牛柳粒火候掌控極好，外層焦香內裡保持嫩粉紅色，牛味好濃好多汁😍照燒汁似係少糖版本，唔太食到甜味🙌🏻炸蒜碎增加風味，食落有蒜香 ，成件事好錦上添花🌸⭐️俄式牛仔柳意大利粉說來慚愧，其實我唔知乜嘢係俄式意粉😭不過點餐嘅時候佢有得揀要唔要酸忌廉，我就揀唔要🫣整體食落去冇乜嘢好獨特嘅風味，亦都冇咩突出嘅食材，只係普通鹹鹹地有啲高湯嘅味道，不過牛柳都俾得幾多😙🌟慢煮BBQ醬美國豬肋骨成個set份量十足，4-5件肋骨夠2人分享，BBQ醬濃濃覆蓋喺每件豬肋骨上面，豬肋骨嘅骨同肉嘅份量差唔多，脂肪比例都唔錯，有瘦肉亦都有肥肥哋嘅部份😙伴碟嘅炸蕃薯條，同樣都係份量大，另外配咗個檸檬沙律醬，不過覺得太酸啦，都

係單車館玩完一定會黎牧羊少年咖啡館食飯💛呢到裝修好靚😍位置舒服又樓底高同朋友黎呢到食飯真係好chill❤️呢到既選擇都多到讓人眼花繚亂🤩從前菜到主菜、沙律、Pizza、意粉，甚至甜品都有好多款我地order左兩人餐，包括小食、意粉、主菜、飲品和甜品 都係$428 性價比超高✌️❤️🔸小食: 日式唐揚一口炸雞搭配芥末蛋黃醬 炸雞外脆內嫩 不會太油膩芥末蛋黃醬都令到雞肉更加香口好食!!🔸意粉: 避風塘炒蟹肉意大利粉Amazing~~ 蟹肉份量超足 蒜香味濃郁意粉分量好多 吃起來每一口都滿滿的蟹肉香味避風塘既口味都令到意粉更香口🔸紅酒燴牛面肉搭配薯蓉和烤澳洲西蘭花牛肉燴得非常入味紅酒的香氣令肉質軟嫩 完全不柴薯蓉綿密滑順 西蘭花也烤得剛剛好 成個picture好靚🔸甜品我地加左錢轉心太軟一切都值得哈哈~ 外皮酥脆，裡面的巧克力醬流心 真係一個完美既收尾Make my day❤️📍牧羊少年咖啡館 (香港單車館)(香港)📍香港將軍澳坑口寶康路105-107號香港單車館地下G53號舖

呢間餐廳出面望住單車館公園，環境好靚好舒服🌳。今日同屋企人嚟食🧑‍🧑‍🧒‍🧒，4個人食咗3個意粉🍝、1個pizza🍕，好飽！意大利風乾火腿蜜糖柚子簿餅⭐️⭐️⭐️⭐️⭐️蜜糖柚子🍋好夾個pizza🍕，甜甜鹹鹹咁！亦都好多芝士🧀，餅皮都好煙韌，好好食！😋避風塘炒蟹肉意大利粉⭐️⭐️⭐️⭐️⭐️避風塘意粉唔係好辣，但有好多蒜頭，所以好惹味🌶️！意粉份量都幾多，但蟹肉就唔係好多🦀。係重口味之選👍🏻龍蝦汁鳳尾蝦意大利粉⭐️⭐️⭐️呢個意粉蝦味唔係好濃，有4隻蝦，都幾大隻、爽口🦐，但個人比較鍾意避風塘炒蟹意粉多啲。香草青醬雞肉蘆筍意大利粉⭐️⭐️⭐️香草味好濃，意粉食落幾creamy，蘆筍都幾爽口🥦。意粉可以加$58轉set，set有小食、飲品、雪糕。小食叫咗燒汁焗八爪魚丸🐙、雞翼🍗，飲品叫咗抹茶鮮奶🍵、水果茶、蘋果肉桂檸檬茶🍎。雪糕係一杯杯嘅Haagen-Dazs 開心果雪糕🍨，好味😋。

今天在坑口完成工作路過附近的單車館時，發現了牧羊少年咖啡館，被其裝橫吸引了，於是同同事入去進餐點了二人set包括了小食、意粉、主菜、甜品各一款以及兩杯飲品。食物比想像中有驚喜， 金沙咸蛋鳳尾蝦，咸蛋黃的味道很濃很邪惡，蝦尾炸得香脆，同事甚至可以連殼食。俄式牛仔意大利粉醬汁不錯，麵條煮得夠彈性，牛仔肉肉味濃郁， 口感亦軟腍。法式油封鴨腿伴牛油紅酒汁，鴨腿肉嫩，伴菜薯蓉口感綿密，澳洲西蘭花新鮮，口感清脆，減少了啖啖肉的膩感。甜點特濃半熟芝士蛋糕有驚喜，蛋糕外層是酥脆薄身曲奇皮，內層芝士綿密濃郁，味道不甜不膩。餐飲選了冷泡白桃烏龍茶及紅蘿蔔蘋果橙汁，茶味清新，果汁配搭酸甜適中，喝起來不錯。

牧羊少年咖啡館地點：將軍澳坑口寶康路105-107號香港單車館地下G53號舖原來呢度有個勁大勁靚架室內單車館，因為朋友話想來玩同見識一下，就專登來到！地鐵行8-10mins 到，館內同附近都好多餐廳，可以方便醫肚架$118 avocado mango chicken salad ，超健康啦，有牛油果，mango 好腍甜甜的很清新呀！$ 68 roasted chicken with lemon cream ，期間限定架，個雞胸使到好嫩，讚！個汁creamy 又唔會膩$ 78 特濃半熟芝士tart，😂忍唔住叫份dessert ,好滑呀富芝士陣陣酸香！加上脆脆同tart 曲奇口感，真係好寫意#cafe #牧羊少年 #單車館 #alchemist #dinner #健身

位於單車館的牧羊少年咖啡館，傍晚後比平時更寧靜，很適合一個人靜下來享受美食與書本的時光，只注於味蕾與文字。🥗 單點左希臘沙律，以新鮮火箭菜、黑橄欖和初榨欖油意式黑醋汁調和，酸香醒胃，如果啲芝士大粒啲口感會更好。係咪餐廳觀察到總有啲人係會自己黎食野，咁貼心出左alone bit not lonely自由自在1人套餐: 🥩 紅酒燴牛面肉伴薯蓉、烤澳洲西蘭花牛面肉慢煮至軟嫩，紅酒醬汁濃郁卻很柔和，薯蓉細滑。西蘭花烤得微焦帶點香氣，保留脆口的口感。🍗 是拉差醬雞翼（3隻），炸得脆脆的，點辣中帶甜既是拉差蛋黃醬好惹味，雞肉嫩滑仲有肉汁。🍹 芒果熱情果茉莉乳酪奶蓋，熱情果香濃郁，茉莉幽香，奶蓋有咸味中和冇咁膩，飲落有層次感，特別配炸物。餐後想睇一陣書，飲杯 🍑 熱騰騰味道淡雅既白桃烏龍茶，茶香悠長。配上一人餐既🍰 俄式蜂蜜蛋糕， 層層細緻，蜂蜜香甜，與熱茶是完美配搭。Here is not a place to impress you but always a place to relax and feel peace while enjoying the food.

呢一間位於將軍澳單車館嘅西式餐廳好有特色🌟，所以今日就決定嚟試下啦🥳照燒汁煎乾蒜美國牛柳粒牛柳粒煎得啱啱好😛，外層微焦但內裏保持嫩滑，咬落去肉汁爆出嚟好正！照燒汁甜度適中，同炸到金香嘅乾蒜片好夾😍蒜香牛肉碎松露醬雜菇意大利粉意粉炒得夠鑊氣😌，每條都掛滿蒜香同松露醬。牛肉碎份量足，雜菇增加口感，成碟味道濃郁得嚟唔會膩🤤紅酒燴牛面肉伴薯蓉烤澳洲西蘭花 牛面肉燜到超淋🤪，紅酒汁入味得嚟帶少少甜。薯蓉打得細滑，西蘭花烤得爽脆，整體配搭好平衡💯Haagen-Dazs 雪糕杯今日嘅口味係我好鍾意嘅開心果味道❤️，開心果味道好濃郁又唔會覺得膩😝旭日（凍）楊枝甘露乳酪奶蓋（凍）

單車公園俾人休憩散步嘅地方，就有一個華麗嘅咖啡室，連小朋友也愛上。餐牌選擇多，一般二人食二人餐好足夠，除咗冇pizza點之外都可以食到多款美食。下次唯有單點Pizza試吓⭐️⭐️⭐️⭐️⭐️蜜糖南瓜忌廉長通粉 大推💕😆又有南瓜醬嘅味道亦有腰果粒嘅口感，入味💕💕💕美國豬肋骨 多肉 唔係鞋 好滑入口鬆軟 而且大量蕃薯條 及配菜 二人餐好足夠！雞翼中的是拉差醬是靈魂嘅精髓 💗不是一般嘅黑糖茶/不喜甜可以選 /桂花味較重最後甜品係Häagen-Dazs雪糕，冇得揀嘅情況下亦都有最新最流行嘅開心果味雪糕，有驚喜！場內增添咗好多小朋友而設嘅/ 又有顏色筆派發好啱帶小朋友嚟食 ！

今次呢個將軍澳美食之旅真係好正🍽️我哋先食咗牛油果莎莎墨西哥脆片🥑啲脆片搭配新鮮嘅牛油果莎莎口感超級好 再加埋酸忌廉🥣經典配搭 好食然後就嚟到金沙咸蛋黃鳳尾蝦意大利粉🍝呢道意粉將鹹香嘅沙咸蛋黃同鮮蝦結合麵條 吸咗好多醬汁 跟住係咖啡羊架☕呢個羊肉用咖啡調味 肉質嫩滑 香味十足真係驚喜 配菜方面有烤澳洲西留花同日本南瓜🥦呢個搭配清新又唔膩 最後當然唔可以唔飲品啦 焦糖可可朱古力 濃郁又香甜 薄奶泡咖啡好幼滑 真係好幸福 再加埋Haagen-Dazs開心果雪糕杯🍨滑順又唔膩 完美收尾🎉

今日約咗朋友喺將軍澳跑步，跑完去咗單車館地下嘅牧羊少年食晚飯！單車館外面仲有個天空之鏡，超靚，靜靜地影下相、諗下野，都好享受～ 📸呢間牧羊少年的裝修真係有格調，同其他分店唔一樣，好新好靚，坐得舒服！❤️我哋加$58嗌咗set晚餐，有前菜同甜品。前菜就係係拉差醬雞翼，外脆內嫩，微辣既是拉差醬真係惹味十足，食完停唔到口！🔥主菜方面，我哋嗌咗金沙鹹蛋黃鳳尾蝦意粉，咸蛋黃包住鳳尾蝦，再配埋意粉，簡直係fusion菜既代表作！仲試咗白酒香蒜大蜆意大利粉，蜆肉新鮮冇沙，白酒加蒜味簡直係賣點，味蕾被刺激到飛起！🤩最後係開心果味嘅Haagen-Dazs雪糕杯，開心果仁香濃，唔會太甜，完美作為飯後甜品嚟個滿足句號！🍦呢度真係一流，大家去完單車館記得來試下啦！🌟

最近才發現將軍澳單車館內有一間裝潢雅緻餐廳。歡樂葡萄咖啡跟葡萄嘅元素好夾，隱約葡萄清甜嘅味道又不失咖啡嘅濃厚，比例恰當。希臘沙律沙律菜十分新鮮爽甜，醒胃。慢煮BBQ醬美國豬肋骨伴番薯條普羅旺斯燉菜豬肋骨肉會略為黏骨，但輕輕一撕，便會分離，肉質保持柔軟彈牙。肉味濃郁。惹味嘅醬汁夠曬入味。番薯條外脆內軟，軟糯綿綿口感，停不了。法國蘋果撻配冧酒提子雪糕餅底非常酥化，濃濃蘋果香，微酸的味道跑出來，不膩喉。

今日第一次去坑口參觀香港單車館，場館好大、設備好新。入面仲有埋餐廳，牧羊少年開張不久，入去chill下先。之前喺旺角鬧市雅蘭中心食過，今次去到人流比少嘅香港單車館入邊食，又別有一番風味。佢哋有一個好抵食嘅，$428二人套餐，原本個餐價值高達$568。［小食］：灸燒荷蘭汁豬肉排🐷--豬肉排啖啖肉又不油膩，而且好開胃。［意粉🍝］：有本土特色嘅避風塘炒蟹肉意大利粉。將香港人最熟悉的口味融入意大利粉入邊，食落有份特別情懷。［主菜］法國餐廳先搵到嘅咖啡羊架伴露絲瑪莉燒汁（烤澳洲西蘭花同日本南瓜🎃）。羊架🐑外脆肉嫩，而且咬落去唔會太膻，份量岩岩好。性價比高，選依款超抵食。［飲品🥤］黑糖咖啡半價加配：芒果熱情果茉莉茶乳酪奶蓋。面頭一陣乳香，飲到下面又有清新嘅熱情果果籽，為仲夏帶來一股清新的口感。甜品係Häagen-Dazs雪糕，兩份各100mL，好滿足😌

將軍澳貴為美食沙漠，想要揾間坐得舒服、啲嘢好食嘅餐廳都唔容易。單車館嘅「#牧羊少年咖啡館」重開之後第一次嚟，同朋友一齊食個tea傾吓計，的確係一個好地方👍🏻我哋每人叫咗個Tea Set：🥪#牛油果煙三文魚炒滑蛋 + #酸種無花果核桃包 ：自從近年開始返做gym生活，喺有得揀嘅情況下，我多數都會揀個健康又飽肚嘅🤭 味道方面係幾好食，餸多過包，但慢慢食真係食到有啲飽，最後唔洗食dinner咁滯😹😵‍💫 🌮#烤雜菌鷹嘴豆蓉多士：望落去細舊啲，但加咗啲芝士同調味料（冇記錯嘅話好似係七味粉之類）後，都幾豐富😀 味道亦唔錯，可以一試😉🍵#抹茶牛奶：通常去親cafe，我都會揀嘅飲品😻 個人認為抹茶味可以再濃啲～咁啱撞正長假，下午茶時間都係得好少人，所以可以盡情傾計同嘆茶🙂‍↕️整體嚟講嘢係好食，可惜地點真係唔太就腳，如果唔係住附近都應該好少人會想入嚟🫠