牧羊少年咖啡館 (德福廣場1期)

營業中

休息中

水準一流，環境服務滿分的人氣西餐平時都好少少係九龍灣行街，今日經過居然見到有牧羊少年，就決定左要去大飽口福了！揀左非常超值既與你分享2人套餐($428)小食係金沙咸蛋黃鳳味蝦，鳳味蝦大隻又彈牙，加埋充滿口感既咸蛋黃包裹住，真係令人回味無窮！意粉方面揀左鮮忌廉黑松露醬雜菌長通粉，長通粉掛滿黑松露醬，真係啖啖滋味！主菜揀左紅酒燴牛面肉伴薯蓉澳洲西蘭花，香濃紅酒味，牛面肉非常軟淋，加上creamy既薯蓉，令人食慾大開！飲品方面就叫左flat white，重可以免費轉燕麥奶添！奶泡纖細綿滑，係滿分既flat white！另一杯係竹炭牛奶，真係超香濃，好creamy好驚喜！最後甜品係häagen dazs雪糕，重要係曲奇味，真係好滿足！早聞牧羊少年既野食好出色，而且價格合理，但都係試過先知道係如此出色，加上舒適寬敞既環境同埋殷勤既服務，好值得大家都試試架！

德福廣場數一數二好坐嘅餐廳，裝修雅緻佈置用心✔️最重要係食物質素唔錯，好適合朋友聚會☕️晚市二人餐有小食、主食、飲品及甜品🍨大部份餐牌見到嘅菜式都揀得，選擇有彈性🍝單點主食亦可upgrade做一人餐，$58配小食、飲品及甜品🔖［ 牛油果香芒烤雞沙律 配日式胡麻醬 ］新鮮沙律菜、雞肉、牛油果、芒果及碧根果配日式胡麻醬🥭份量好足，芒果同牛油果香甜creamy🥑令成件事好加分🔖［ 慢煮 BBQ 醬美國豬肋骨伴蕃薯條.普羅旺斯燉菜 ］豬肋骨肉質細緻軟嫩，味道甜中帶酸，食到濃厚燒烤醬香味伴碟嘅蕃薯條味道香甜，外脆內軟綿，配蛋黃醬好惹味仲有普羅旺斯燉菜，甜甜哋咁味道討好，亦可中和甜膩感，二人分享份量啱啱好🥳🔖［ 魚湯輕炒西蘭花 ］加配嘅西蘭花帶點日式風味🥦$58仲有飲品及甜品性價比好高🔖［ 竹炭牛奶 ］拉花好靚，飲落濃郁黑芝麻香☕️甜度剛好，推介👍🏾🔖［ 梳打濃縮咖啡 ］最近愛上espresso tonic，呢度都有得飲👏

今日係德福廣場附近行完街，諗唔到食咩好，然後見到牧羊少年cafe 開咗係度，咁不如試下，第一次係度食dinner，平時都係食lunch多😝 新裝修，環境勁chill，座位都寬敞，同朋友食飯傾偈都唔會同隔離位貼住咁尷尬🙈咁岩有折扣<與你分享2人套餐> $486 咋！ Appetizer- 金沙鹹蛋黃鳳尾蝦有超過8款食物揀，最後試左呢個蝦！好好味！可能我哋本身都鍾意鹹蛋黃，每一隻都裹滿鹹蛋黃沙，滋味爆滿😝 不過食哂都有少少膩🙈Pasta- 冬蔭功海鮮長通粉我哋揀咗呢款長通粉，覺得冬蔭功source好特別😝 食落口以為自己飲緊冬蔭功咁，好濃郁的味道，做酸酸辣辣既味道，呢個combination 都唔錯！幾開胃🤤Main dish- 咖啡羊架 呢款羊架唔同平時出面食燒羊架，做法類似吉列外層包裹住麵包糠，而咖啡羊架外層咖啡豆碎糠，食落外層脆脆的，入口嫩滑多汁，一d都唔騷！份量都大，有三件，兩個女仔要食清哂佢都幾飽🤣 Dessert- 焙茶心太軟蛋糕 配 冧酒提子雪糕(+58)呢個心太軟係流心架！淡淡既焙茶味，岩哂我哋呢d平時唔太鍾意好甜既甜品，雪糕又好味，一齊食好夾！食埋個甜品，

呢間係朋友超級推薦嘅Cafe ，首先入到嚟環境真係好有氣氛🎈成個格調都好高級，暗暗地咁樣✨以為會幾貴啦，點知性價比又好高！真心推薦情侶或者同啲朋友收咗工嚟食👍🏻粉紅香蒜醬水牛芝士杏片雜菌意大利粉（$118+$58升級套餐）首先要讚一讚意粉煮得幾唔錯，質地好爽口🙆🏻‍♀️大大份好足料～成碟嘢係粉紅色嘅好友少女感🤣因為升級咗套餐，所以就揀咗「燒汁焗八爪魚丸」鮮炸，所以上到台都仲係熱辣辣！日式大阪燒風味煙三文魚薄餅（$138）超級大Pizza 🤣🫶🏻我諗呢個四個人都夠分👍🏻調味方面佢係屬於燒汁味有少少重嘅✨煙三文魚都比得幾多🐟 Pizza餅底係屬於厚批同埋比較腍嘅～是日甜品（+$18）今日食到嘅甜品係朱古力奶凍蛋糕，朱古力同埋蛋糕嘅質地做得好好！好濃郁朱古力味又唔會太甜😳

牧羊少年咖啡館，德福分店，個人覺得食晚餐係最靚既⼀間🫶🏻因為燈飾裝潢成間酒店咁，又望到入去Chef煮野食，好有情調🤩書櫃都好靚，餐牌係⼀本雜誌📙主打西式Cafe菜式，有幾抵食既Dinner set，依家仲有All you can drink🥂照燒汁煎乾蒜美國牛柳粒，上枱已經好香蒜味，超多😎腍身鬆軟，牛味同牛脂都好夠，相當好味😋紅酒燴牛面肉，伴薯蓉烤澳洲西蘭花，薯蓉超滑，西蘭花香脆，牛面肉煮得超腍好入味😆半筋半肉既狀態，口感同味道都好正👍🏻配法國Château Montfollet紅酒，牛味更出😍飲杯Gin Tonic清下口，香草青醬雞肉蘆筍意大利粉🍝好好既賣相，青醬重芝士味，好creamy，意粉濃味又正👍🏻蘆筍同青醬都好夾，PASTA果然好出名🥳特濃半熟芝士撻加Haagen-Dazs 雪糕，擺盤好靚，真流心🌋芝味濃，好好味既甜品，飲埋HUNK SIR (Porter)黑啤🍺真係飲飽食醉😵不嬲都知牧羊少年又靚又好食，不過今次再食都俾佢食物既質素驚艷左🤤樣樣都相當高質素，又舒服又有feel仲有書睇，⼀人情侶多人聚會都無得輸🩵

今晚同男友嚟咗德福廣場新開嘅分店，晚上8點幾餐廳都幾爆滿，不過好快就入得去。發現原價升級自由自在1人套餐幾抵食，可以主食加$58就已經升級到套餐，有沙律、小食、飲品同甜品👏👏👏咖啡羊架伴露絲瑪利燒汁•烤澳洲西蘭花•日本南瓜呢份咖啡羊架出乎意料，生熟處理得剛好，加埋露絲瑪利燒汁，味道更加濃厚香濃。烤澳洲西蘭花清新爽口，配埋日本南瓜，啲菜色搭配得好平衡。望落唔單止好味，仲好靚。慢煮BBQ醬美國豬肋骨伴蕃薯條•普羅旺斯燉菜豬肋骨經過長時間烤焗，外皮焦香微脆，肉嘅部份吸收哂BBQ醬汁嘅風味，最緊要係本身既肉選料夠靚，吾會肥瘦不均🔥🔥🔥搭配金黃酥脆嘅蕃薯條，大滿足！是拉叉醬雞翼雞翼外皮香脆，肉質仲保持多汁，味道調味足夠，炸得剛剛好唔會太油，搭配特調嘅醬，真係食到一口接一口，嚟呢度必點呢款咁邪惡嘅小食🤤牛肝菌汁雜菌大啡菇意大利粉牛肝菌汁十分香濃，搭配各類新鮮嘅雜菌。意大利粉煮至彈牙，同醬汁嘅結合完美。魚湯浸西蘭花有鮮美嘅魚湯做底味，輕輕炒製西蘭花，食落爽脆。食咗幾款邪惡食物，點呢個清一清夠哂健康解膩🥬

開業多年仍然保持到的牧羊少年咖啡館九龍灣新店環境裝修暗黃燈光 是幾浪漫的 枱與枱之間有足夠空間 不會有壓迫感留意晚市限時90分鐘【千島香芒牛油果雞肉薄餅 $148】千島醬與芒果味道好夾 餅底是厚與薄之間 食落帶韌性 【鹽麴燒比目魚伴烤澳洲西蘭花·普羅旺斯燉菜$168】擺盤精緻 比目魚相當厚身及帶豐富魚油香 魚肉肉質細嫩 魚皮烤得香脆 好吃【香草青醬雞肉蘆筍意大利粉 $118)】雞肉不會柴柴的 意粉充滿著蘿勒及巴馬臣芝士香氣 整體味道很平均唔會覺得漏自由自在1人套餐+$58➨希臘沙律伴初榨橄欖油意式黑醋汁 (半份)➨飲品➨是日黑森林蛋糕 以上值得加配的 因希臘沙律即使是半份都量很足 而黑森林蛋糕味道中上

裝修以木系簡約設計，配搭綠色植物及吊燈，相當有格調，感覺幾舒服自由自在1人套餐，單點意粉或主菜+$58，就可以升級至套餐，有小食、飲品、甜品，好抵食！蒜香牛肉碎松露醬雜菇意大利粉 $118好多牛肉碎、雜菇，蒜香及松露味幾濃，乾身唔會太油，味道好豐富，意大利粉口感唔錯，幾彈牙，而且好大份，夠飽！慢煮BBQ醬美國豬肋骨 伴 蕃薯條•普羅旺斯燉菜 $198豬肋骨軟淋入味，啲肉幾滑，蕃薯條好甜，好酥脆，一啲都唔油，好好食😋仲有普羅旺斯燉菜，成個配搭唔錯，大份到兩個人share都冇問題😂燒汁焗八爪魚丸，有4粒，口感好彈牙，燒汁甜甜地，唔錯最拉差醬雞翼，雞翼熱辣辣，新鮮即炸，配上辣辣地的最拉差醬，香口惹味！甜品，係曲奇味Häagen-Dazs雪糕，+$18可以升級是日蛋糕，今日係朱古力蛋糕，朱古力味幾濃，唔會太甜~抹茶鮮奶，抹茶味濃郁，加上鮮奶，口感好順滑，甜度適中，鐘意抹茶嘅可以試下👍🏻+$29可以升級手工啤，果香味幾突出，唔錯哦餐廳環境好舒服，選擇多，價錢唔貴，性價比高，多個地方都有分店，方便！

今日女兒同我去九龍灣德福廣場行下，之後帶咗我去一間著名咖啡館食晚餐，「牧羊少年咖啡館」在九龍灣開設全港第10間分店， 餐廳裝潢設計清新優雅，有好多打咭位置。與你分享二人套餐：小食金沙鹹蛋黃鳳尾蝦：鳳尾蝦已經去殼，沾滿香濃嘅鹹蛋黃醬，啖啖肉鮮味又彈牙。主菜慢煮BBQ醬美國豬肋骨伴薯條.普羅旺斯燉菜：用真空慢煮技術製作的BBQ豬肋骨，加上酸酸甜甜嘅特製醬汁，不單味道特別惹味，而且肉質十分嫩滑，即炸薯條香脆可口，普羅旺斯燉菜軟滑清香。意粉俄式牛仔柳意大利粉：牛肉香濃有口感，意思大利粉軟硬適中，味道亦好惹味！飲品焦糖牛奶咖啡：焦糖、牛奶與咖啡混合後完美的味覺，甜蜜的滋味在口中慢慢融化，香濃甜美。芒果茉莉茶忌廉芝士奶蓋：芝士奶蓋質感醇厚順滑，入口帶有濃郁的芝香和奶味，搭配酸香甜美的芒果汁，正好中和芝奶的膩感，再配埋茉莉茶，整體滋味濃厚又不失清新。甜品Häagen-Dazs雪糕兩杯：香滑的呍呢嗱雪糕中，埋藏了味道濃郁的朱古力曲奇，誘人滋味越食越停不了口。

以往都成日去到牧羊少年咖啡館 佢差唔多係香港流行Cafe開始時嘅始祖佢嘅食物質素一直保持得好好所以越開越多分店 每間分店都有佢嘅特色 香蒜白酒蜆肉意粉一直係我嘅至愛 但係唔係間間店都整得好食有啲就會整到好油…意粉會好乾身…但係佢呢度味道適中!!辣椒仔炒香左 令成個意粉更加出色 蜆肉又夠鮮同肥大 加埋羅勒🌿感覺真豐富小食方面叫咗個牛柳粒大大塊蒜片同一粒粒牛柳炒埋一齊確實係完美嘅配搭 鐵板上令牛柳粒保持熱度佢嘅豬肋骨都係店裏面嘅鎮店之寶配菜採用了炸香的番薯條 金黃橙色好吸引 感覺無薯條咁熱氣😆味道自然又香甜 再加上少少凱撒醬汁 Very good 女生養生通常飲熱飲呢杯杞子鮮奶我覺得好適合唔會太甜 杞子嘅清香加埋淡淡嘅奶香係一個好新穎嘅組合

呢晚同朋友食咗$428嘅「與你分享2人套餐」，套餐包括一份小食、兩份主菜、兩杯飲品同兩個Häagen-Dazs雪糕杯😋金沙鹹蛋黃鳳尾蝦鳳尾蝦juicy彈牙，金沙為鳳尾蝦增加層次，唔會太油，好食🦐🥚俄式牛仔柳意大利粉🍝牛仔柳肉質鮮嫩，醬汁係令人熟悉嘅味道，意粉份量好足，相當飽🥩🐮慢煮BBQ醬美國豬肋骨伴蕃薯條及普羅旺斯燉菜🐷豬肋骨肉質軟嫩juicy，煙燻味嘅BBQ醬令豬肋骨味道更鮮甜，🍠蕃薯條外脆內軟，燉菜令營養變得均衡👍蘋果蜜桃鮮打紅茶🍎🍑🫖蘋果同蜜桃相然好夾，係夏天必飲嘅清爽飲品，茶底濃郁而且甜度適中🏖️旭日🥕🍎🍊好足料嘅蔬果汁，健康又好飲，仲可以幫助消化～牛油烤椰菜花配金槍魚蘸醬🧈🥦🐟（$68）椰菜花帶著牛油嘅香氣，甜甜地嘅金槍魚蘸醬裡面有好多魚肉，配搭椰菜花都幾夾😊

「牧羊少年咖啡館☕️」有多間分店，而我最鍾意嘅就係位於德福廣場嘅分店！呢間餐廳裝修得好靚，以悠閒書店為主題，加上好多植物同柔和燈光，令人感覺好舒適，非常適合放鬆心情。食物方面，以不同嘅fusion菜為主，意粉🍝、薄餅、扒類等等選擇多，而且質素非常高！首先「粉紅香蒜水牛芝士雜菌意大利粉」🍝🌸，意粉配搭新鮮嘅水牛芝士，加上香蒜同雜菌，炒得香滑可口，色澤粉紅好吸引，食落去真係好滿足，味道一流。加$58可配小食及飲品，小食「是拉差醬雞翼」🍗🌶️，用咗特製嘅是拉差醬，香辣可口，雞翼外皮香脆，肉質嫩滑，每一口都非常好味。而「意大利風乾火腿蜜糖柚子薄餅」🍕🍯非常特別，薄餅上面鋪滿咗風乾火腿，再加上蜜糖同柚子醬，味道非常獨特，咸中帶甜，口感層次分明，食過真係會令人驚喜。「牛油果莎莎墨西哥脆片」🥑🌮，呢個小食用新鮮嘅牛油果搭配上莎莎醬，配上香脆嘅墨西哥脆片，真係好味。總括「牧羊少年咖啡館☕️」真係一間環境舒適又好味嘅餐廳，無論係食物質素、環境定服務都非常出色。

牧羊少年咖嘛館一直係我至愛cafe之一，原來九龍灣都開咗分店，今晚約左舊同事黎chill chill🥰Cafe走一貫文青路線，木系傢俬加上柔和燈光，令忙碌左一日嘅我放鬆唔少。我地點2人套餐($428)，好豐富亦CP值高！<蘋果肉桂香檸冰茶>啖啖清新蘋果肉桂味，有少少聖誕感覺🎄，冰茶味道酸酸甜甜，唔會太甜💕<冰伯爵茶咖啡>伯爵茶香香而不澀，與咖啡完美結合🥰<照燒汁煎乾蒜美國牛柳粒>牛柳粒肉質軟腍，外層煎至焦糖化亦好脆身，咬落有juicy肉汁❤️<慢煮BBQ醬美國豬肋骨伴蕃薯條、普羅旺斯燉菜>慢煮豬肋骨非常軟嫩，醬汁甜酸好開胃，蕃薯條炸至金魚，重點推介檸檬刁草醬，淡淡檸檬香十分refreshing！<日式燒汁西班牙豚肉長通粉>燒汁配mayonnaise，係我至愛嘅組合🥰豚肉份量多，中意澱粉質嘅我表示滿足了。

九龍灣終於有一間可以打卡、坐得舒服的咖啡館啦！估唔到九龍灣竟然開咗牧羊少年咖啡館，一個非常適合大家坐低chill吓、傾吓偈的地方。裝修非常雅致，就算是平日夜晚都滿座，證明這間餐廳非常受歡迎。🔆 鹽麴燒比目魚伴烤澳洲西蘭花·普羅旺斯燉菜 比目魚相當厚身，底面煎得香脆，肉質軟嫩，好味！🍝 避風塘炒蟹肉意大利粉 這道fusion菜口感不錯，避風塘炒蟹配上意大利粉，意外地非常搭配！🍕 千島香芒牛油果雞肉Pizza 吃Pizza一定要選千島醬！配上芒果和牛油果，非常清新。🥩 照燒汁煎乾蒜美國牛柳粒 蒜香牛柳粒味道十足。🔆 金沙鹹蛋黃鳳尾蝦 充滿鹹蛋香味的鳳尾蝦，蝦肉爽口彈牙！🔆 紫蘇香蒜蔥鹽醬烤雞扒 每一口都是肉質鮮嫩的雞扒，配上香蒜蔥鹽醬汁，味道一流。🥤 抹茶可可朱古力 🥤 氣泡鳳梨Lemonade🍨 焙茶心太軟流心雪糕 第一次吃焙茶味心太軟，即叫即焗，焙茶味道非常濃郁。

今日去咗新開嘅位於九龍灣嘅牧羊少年咖啡室，雖然係夜晚八點幾，但係全場依然全場爆滿餐廳有唔同嘅西式料理，最好嘅係無論任何一款嘅主菜或者意粉都可以升級成為一人套餐，非常抵食❤️❤️咖啡羊架 伴 露絲瑪利燒汁烤澳洲西蘭花醃料非常有特色，有濃濃嘅咖啡味，搭配清爽的露絲瑪利燒汁，羊肉外焦內嫩，風味獨特。烤西蘭花則保留了清新的口感，成道菜配搭相當不錯，味道濃郁，但係保持清爽 💪💪紅石横大蝦菲達芝士沙律配紅莓醋汁一睇個名，就知道有啲中東風，搭配菲達芝士和清新的紅莓醋汁，口感清新。沙律的酸甜平衡了蝦的鮮美，非常清爽👌🏻👌🏻牛油烤椰菜花 配金槍魚蘸醬牛油的香氣讓椰菜花更添風味。搭配金槍魚蘸醬，增加了豐富的口感和風味，感覺健康🥹🥹金沙鹹蛋黃鳳尾蝦非常好嘅金沙蝦球，裹上鹹蛋黃醬，炸至金黃酥脆。外酥內嫩的口感，鹹香的風味，正👍🏻！