牛魔一人燒肉

營業中

休息中

今日又黎到旺角shopping，之後搵左間餐廳食下野休息下。呢間餐廳已經食過幾次，但係今日依然吸引，入面好多人，我地等左一陣終於有位。我地點左個燒牛套餐（。呢道牛肉係自己燒，七分熟係最啱，入口即溶，味道新鮮得黎又十足滿足。每個套餐可以選三款醬料，我今次揀咗黑椒鹽醬、黑松露燒汁同檸檬鹽，真係特別，未試過咁出奇嘅味道，完全大開眼界。餐廳仲隨餐提供沙律同麵豉湯，整體真係非常豐富。整體肉質細膩，油花分布均勻，燒完色澤誘人，入口即化。每一口都充滿濃郁肉香，搭配簡單鹽或特製醬汁，都令味道更上一層樓。牛肩肉肉質結實，燒烤後香氣四溢，令人忍唔住一口接一口。呢個套餐有小份同大份選擇，無論輕食定重口味，都能享受到獨特風味。整體真係好滿足，值得再黎————-————-————-牛魔一人燒肉 (旺角)旺角豉油街50號富達大廈地下5號舖

今晚約咗屋企人嚟咗旺角一人燒肉 ，一人一份唔使爭食啦！🐮我就叫咗呢個A9. 牛魔三重盛宴，有牛舌，牛五花，牛板腱，牛魔蘭王紫菜月見拌飯。我就最鍾意食牛舌，口感爽彈！牛五花同牛板腱既牛花好靚，好有牛肉味！另外升級咗牛魔蘭王紫菜月見拌飯，真係好正🙌🏻另外叫左🐷🐥A8. 白肉三重奏，有西班牙黑毛豬五花，豬頸肉，雞腿肉，忌廉烏冬。我地一致認為豬頸肉最出色，咬落去勁多肉汁！西班牙黑毛豬五花同雞腿肉燒到香脆金黃。忌廉烏冬都幾好。🧂每個餐都有三款醬汁俾你選擇，個人最鍾意嘅居然係佢哋嘅檸檬鹽，味道清新。🍹飲品我哋叫咗佢哋嘅生薑蜂蜜茶同巨峰特飲，超足料！

今日食呢間係位於旺角既一人燒肉!! 吸引到我入去既原因係晚市唔洗$100就有交易, 食到燒肉+套餐!! 超誇張睇返個menu其實由平到貴既套餐都有, 當然最大分別就係d肉既質素, 如果只係過下癮既話平到5x都可以食到我點左既係牛魔王重盛宴, 包括左有牛舌, 牛五花同牛板腱, 150g都只係$128, 仲有埋沙律同湯同飯, 完全係夠飽有突!!我叫左係250g, 同友人另一個set一齊share, 多100g都只係加多$40, 其實幾抵沙律新鮮既, 沙律醬唔算多, 不過都可以叫佢fill既白飯係日本飯既質素, 本身已經好好食, 夾埋燒肉食真係無得彈湯就不過不失最重點就係呢個醬, 一份餐可以選3個唔同既醬, 每一款醬其實個味道都係溝出黎, 唔係就咁普普通通既醬料, 我平時其實食燒肉都唔點醬(真味道), 但係呢個點完發現味道真係升華左!! 我嗌既係黑松露燒汁, 熔煎胡麻汁同檸檬鹽, 最出色係黑松露, 令我有驚喜既係檸檬鹽!!肉質真係無得頂, $128既價錢食到呢個質素真係街市都買唔到!! 肉既pattern+口感都十分的滿足!! 最後真係飽到捧住個肚走人!!

接完老公放工就係旺角搵好野食, 我地兩個唔算大食, 平日都好少食放題, 好似牛魔呢種套餐就最適合我地。一人一個套餐就夠晒飽，又唔會話太滯。牛魔三重盛宴呢個餐有牛舌、牛五花、牛板腱，肉量我覺得係足夠，每種肉都會有三片，肉質素不過不失，望落同食落都係新鮮有牛味，上到枱亦都唔會見到佢雪到硬晒，唔算太薄，燒起上黎都要少少時間先熟，個爐都幾大火，要小心控制火喉，建議教最細火就夠晒。成餐最不得了嘅就係蘭王鵝肝炒飯，舊鵝肝係煎炸過好脆，再配蘭王蛋真係好惹味，雖然係有啲邪惡，不過配埋個柑橘特飲又好似清返少少熱。和牛自慢系列-豬頸肉套餐見到有和牛真係流晒口水，再豬頸肉送飯真係一流，同樣係每種肉有三片，個餐又有菜又有湯其實清晒成個餐係一定會飽。肉量依舊係不過不失，望落新鮮，食落都有肉味，豬頸肉啲肥膏望落真係好正!

今日又黎到旺角shopping，之後搵左間餐廳食下野休息下，呢間已經食過幾次但係都想再黎，今日好多人，等左一陣終於有位。首先我地點左個A9牛舌&牛五花&牛板腱套餐（牛魔三重盛宴），呢道啲牛係自己燒既，七分熟係最有口感，入口即溶，味道好新鮮。每個套餐都可以選三款醬料。今次選左黑椒鹽醬，黑松露燒汁，檸檬鹽。呢幾款都非常特別，出別都未見過，今次可以大開眼界。另外再加配牛魔蘭王鵝肝炒飯，鵝肝入口即溶，非常好味。可以比美五星級酒店。隨餐重有沙律同麵豉湯，真係非常豐富同滿足。另一款就選左A10 M9和牛眼&牛肩肉套餐（和牛自慢系列）。牛肩非常厚身，一定要七成熟係最有口感，肥瘦適中，好好味。和牛眼非常大塊，食起入口即溶，非常有和牛味好香濃，真係無黎錯，無食錯，樂而忘返。呢個餐就選左黑松露燒汁，蘋果燒汁，生薑燒汁。每款醬都非常特別，一定要黎多幾次試曬先得。

位於旺角的牛魔一人燒肉，店內座位蠻多亦設有不少卡座，所以頗適合家庭客或一大伙朋友來個燒肉聚會😋每個套餐均附送御飯或烏冬一碗、沙律及牛骨湯一客。另外客人更可隨個人的胃容量去選擇A1-A13套餐的肉類份量，同時亦有多款醬汁可選，例如蘋果燒汁、柚子胡椒汁、生薑燒汁及檸檬鹽等等。. 🐂牛魔三重盛宴150g（$128） 🟡🟡🟡🟡⚪️(4/5)A9套餐內含牛舌、牛五花及牛板腱，我認為此套餐的150g份量剛好足夠胃口小的人果腹👍.🐂M9和牛肉眼、牛肩肉套餐100g（$118） 🟡🟡🟡🟡⚪️(4/5)A10套餐內含的和牛肉眼頗大的一片，蠻厚切的牛肩肉也挺好👍但100g的份量確實不夠讓人大快朵頤，所以大家可以參考一下～.🍚牛魔蘭王鵝肝炒飯（升級價*$58） 🟡🟡🟡🟡⚪️(4/5)炒飯粒粒分明，再配上生的蘭王蛋及經煎香的鵝肝拌飯蠻好！/店舖名稱 Restaurant Name：牛魔一人燒肉.店舖地址 Restaurant Address：旺角豉油街50號富達大廈地下5號舖.營業時間 Opening Hours：⊿星期一至日 Mon to Sun 11:30-23:00

今日收工約左朋友去旺角睇聖誕禮物🎁，睇完剛好有啲肚餓可以去個晚飯~天氣凍最岩就係燒肉，於是就去左食一人燒肉.餐廳裝修光猛，環境舒適，可以慢慢邊食邊燒邊傾計.A9. (牛魔三重盛宴) 250g $168牛舌、牛五花、牛板腱套餐岩哂牛魔王，可以一次過食到三款唔同牛既部位。牛五花油脂分布平均，牛舌咬落幾爽口，牛板腱幾嫩，每款都各有特色，仲可以配搭唔同醬料，個人鐘意食黑松露燒汁好香松露味，而食到漏嘅時候可以點檸檬鹽夠唒清新，另有150g提供，可以根據自己既飯量而決定叫既份量，唔怕會食唔唒.每份餐都會跟沙律、麵豉湯同白飯或烏冬，亦可以加錢升級牛魔蘭王月見紫菜拌飯、純蟹粉蟹黃蘭王拌大光烏冬、牛魔蘭王鵝肝炒飯等等，好邪惡！.A11 和牛自慢系列 200g $188M9和牛肉眼、西班牙黑毛豬套餐有兩塊大大塊嘅M9牛肉眼，牛味濃郁咬又夠嫩，輕輕一燒就食得~黑毛豬頸肉，燒到金黃脆口，正！另有100g可以選擇

壓力大最好就去食肉 😍 今晚兩位趕完 project 嘅小薯就約咗喺旺角嘅牛魔一齊慶祝加吹水 😋 一人燒肉份量剛剛好，一人一份慢慢燒，又唔使驚會太飽，仲可以叫兩個唔同嘅餐互相試吓對方揀嘅肉 😆M9 和牛肉眼 & 西班牙黑毛豬頸肉套餐（配牛魔蘭王紫菜月見拌飯）我就揀咗呢個和牛自慢系列，塊和牛肉眼肥瘦均勻，輕輕咁樣燒一燒，入口充滿牛脂同牛肉嘅香味 🤤 另外西班牙黑毛豬頸肉燒到嗰邊焦焦地，一咬落去真心香口 🫶🏻 套餐有三款醬料可以揀，我就揀咗柚子胡椒汁、生薑燒汁同埋檸檬鹽，個和牛柚子胡椒汁超惹味 👍🏻 最正係個檸檬鹽，將充滿油花嘅豬頸肉點上呢個檸檬鹽，酸酸鹹鹹鹹鹹中和左個油膩感，亦都提升咗肉嘅香味 😋 另外今次都叫咗佢哋嘅牛魔蘭王紫菜月結拌飯 😍 蘭王嘅蛋香配埋紫菜仲有醬油嘅味道，一口氣已經食咗半碗 😍封門柳 & 西班牙黑毛豬五花套餐朋友呢個封門柳都好香口，我哋就鍾意燒到佢個面熟熟地，咬落去口感好好，而且牛嘅香味好重；至於個西班牙毛豬花都好好食，呢度肉嘅質素好高！最後我哋點咗杯金橘特飲同埋乳酪特飲，酸酸甜甜好適合肉嚟飲 👍🏻 最鍾意呢度夠光猛，位都夠闊落，坐得好舒舒服服，一人叫幾款燒肉再叫杯

《牛魔の食評》 by@ihungry.hk今日小編將會同大家介紹「一個人吃飯的樂趣」！位於旺角嘅牛魔🐂，主打一人燒肉，一個人就可以食到唔同種類嘅多款燒肉，以超平民價錢就可以食到高質牛肉或豚肉😍！👍套餐包括肉、飯、面豉湯及飲品🔸『M9和牛眼&西班牙黑毛豬頸肉套餐 - $158』高級的M9嘅牛眼肉和西班牙黑毛豬頸肉，擁有大理石狀雪花紋路，肉質鮮嫩多汁👍！🔸『牛舌&牛五花&牛板鍵套餐 - $158』話明係牛魔，又點可以唔試🐮！牛舌&牛五花&牛板鍵肉質非常鮮嫩，肉味特別香濃，入口即化，加埋日本米飯，簡直係Perfect match💯！🤪iHungry肚餓指數：8.5/10

今日旺角同同事做完野行左陣有點肚餓路過見到間一人燒肉天氣凍左食燒肉都好睇下餐牌見一人燒肉餐好抵食就入左去試一人一爐 自己燒自己一個人原來都可以盡興 呢個概念幾好//A9 牛舌牛五花牛板腱套餐 (牛魔三重盛宴) $186//套餐跟沙律同味增湯另可以選擇白飯或者不同款式的和風飯我就選擇左溫泉蛋紫菜月見拌飯色蛋黃好吸引呢個餐仲有好多款特式醬汁選擇當中我選擇左黑松露燒汁 蘋果燒汁 同 柚子胡椒汁這個A9套餐牛魔三重盛宴有三款唔同部位包括牛舌、牛五花、牛板鍵一人份性價比唔錯牛五花油脂分布平均牛舌肉香Juicy 咬落爽口 口感不錯牛板腱好嫩 另外同事點了A10 套餐M9和牛肉眼牛肩肉(和牛自慢系列) $200佢果個就點左黑椒聯醬 韓國辣汁 同 檸檬鹽另外點了白飯 我地將兩個餐的肉都share甘大家都可以試多D唔同款式M9和牛肉眼肉味濃郁牛肩肉口感就較厚身 另外加了串燒雞頸肉 幼嫩香口整體兩個餐用呢個價錢有呢個質素 相當不錯最鐘意係佢有好多好多特色醬汁選擇每一款都係為燒肉特別調製都係以清新為主 可以減膩但同時又可以帶出唔同既味覺效果 出色

今日路過旺角做完野，又想慢慢嘆個dinner，咁岩想食下焼肉可以慢慢火燒熱辣辣咁食，就去左「牛魔一人燒肉」試下佢既極尚定番系列😍😍😍各款set都有多種肉類同各個不同部位，由澳洲和牛、黑毛豚肉、雞肉到海鮮不等，一定唔會悶👍🏻我最鍾意比較多油脂既A4和牛霜降，燒到半生熟，配上檸檬鹽夠晒清新✨仲有肉味較重既和牛牛臀上蓋肉，呢個加埋焙煎胡麻汁就可以再提升肉味😋而每個餐都會跟埋沙律、白飯同味噌湯，所以食到好飽飽大滿足〜

A9牛魔三重盛宴有三款唔同部位的肉：牛舌 、牛五花、牛板鍵，一人份量，性價比唔錯，當中牛五花都幾出色，油脂分布平均，肉紋都幾靚，有一個小小的爐，可以慢慢燒嚟食～～A11 M9 牛肉眼 、西班牙黑毛豬套餐有一大塊M9牛肉眼，咬落肉質幾軟嫩，西班牙黑毛豬頸肉，燒到香脆金黃色，幾有咬感！另外可以升級至全新蘭王蛋系列：牛魔蘭王月見紫菜拌飯、手拆純蟹粉蟹黃蘭王拌大光麵/烏冬、牛魔蘭王鵝肝炒飯，勁吸引，一睇到係蘭王蛋已經好吸引，蛋滑味濃，今次叫左紫菜、鵝肝炒飯，有蘭王加持，特別好味，另外鵝肝都唔錯，兩面都金黃色，好香口！

天氣凍,想食燒肉.依間一人燒肉抵食,肉質又靚,多選擇.1️⃣牛魔三重盛宴有牛舌,牛五花,牛板腱.有齊哂想食嘅部位. 牛板腱好靚,好嫩.薄切牛舌,幾彈牙.加配左蘭王鵝肝炒飯.橙色蛋黃好吸引.撈飯食一流.定食仲有埋湯,沙律.沙律新鮮爽口,夠多醬汁. 燒肉醬汁都有好多款選擇.我就揀左蘋果燒汁,柚子燒汁同胡麻汁.清新一點,冇咁漏.💰HKD$2012️⃣M9和牛肉眼,牛肩肉肉眼確實出色,重肉味又夠嫩,但較薄. 牛肩肉較厚身,有咬口.加配左蟹粉蟹黃蘭王拌飯.超多蟹黃,好Juicy,💰HKD$191乳酪特飲,菠蘿特飲,夠哂清新

旺角開咗間一人燒肉店，環境舒適，地方乾淨企理，每張枱一個燒爐，最多可以兩人分享。午餐都有好多選擇，又抵食。呢度除咗牛肉之外，仲有西班牙黑毛豬。午市一人燒肉套餐：西班牙黑毛豬五花.豬頸肉.雞腿肉套餐一個人份量好豐富，每份套餐都配有沙律、麵豉湯同埋白飯，仲可以自選三款醬料，配肉一齊食，唔會咁乾身。平時成日都食牛，今次試試黑毛豬先，好似都幾多人嗌嚟食。豬頸肉同五花腩都好大片、厚切，肥瘦相間，放上燒爐上面燒，油脂滿滿，唔會咁易燒燶。五花腩油脂豐腴，食落口有種入口即溶的感覺，好邪惡呀。豬頸肉嘅肉質帶點爽脆，幾有口感，點燒汁都幾鮮味。

好友約我去食燒肉，我地去左位於旺角鼓油街50號富達大廈地下5號舖的《牛魔一人燒肉》，環境舒適，坐得舒服。我點左個 A10 和牛自慢系列：M9和牛肉眼＆牛肩肉套餐(200g) $188，有味噌湯，沙律，醬料（蘋果燒汁、柚子燒汁、生薑燒汁），配牛魔蘭王鵝肝炒飯 $58，追加封門柳（100g) $88，牛小排（100g) $88，餐飲係熱生薑蜂蜜茶$15（跟餐）；好友點左個 A9 牛魔三重盛宴：牛舌＆牛五花＆牛板腱套餐(250g) $168，有味噌湯，沙律，醬料（蘋果燒汁、柚子燒汁、生薑燒汁），餐飲係熱柚子蜂蜜茶$15（跟餐）。整體黎講係高質素的新鮮牛肉，燒起來牛味香濃，三款醬料都好味，好欣賞個牛魔蘭王鵝肝炒飯，樣靚飯香。