牛魔一人燒肉

營業中

休息中

跟友人在旺角開餐，見有間#牛魔一人燒肉 ，套餐都有成10多款，包埋味噌湯、沙律前菜同主食，進入都唔會覺得有油煙味，食完唔怕個身有陣味。點了2個套餐跟友人分享～M9和牛肉眼併牛肩肉，配上手拆純蟹粉蟹黃蘭王拌烏冬。和牛肉眼大大片，呈現粉嫩色，夾起時已覺得好柔軟，輕輕燒一會待轉色便食得，肉質嫩滑且入口即溶😋。牛肩肉則牛味香，肉質有咀嚼感，蟹粉蟹黃蘭王拌烏冬，拌勻一併食，真係好捧啊。牛魔三重盛宴，有牛舌、牛五花及牛板腱，配上烏冬再加$要隻溫泉蛋。3款肉都各有特色, 色澤均勻, 牛味香濃且肉質嫩滑，友人特愛食牛舌，話十分之爽彈。飲品都係要朝日啤酒，配燒肉就係正啊！