影片
港鐵旺角站 E2 出口, 步行約1分鐘
繼續閱讀
電話號碼
23871118
66962382 (WhatsApp)
開飯介紹
價錢親民的一人主題日式燒肉店，供應的肉類以牛肉為主，提供不同分量照顧各類型食客需要。另外亦供應麵食及拌飯，帶給大家更多選擇。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
519 瀏覽
有朋友推薦我終於去左呢間牛魔，以一人燒肉為主，話說我未曾喺香港嘅一人燒肉店，佢話個情人節套餐好平之餘，仲有NMN送，話呢個牛魔YAKINIKU MOREx伊胞CYTOLOGICS雙情人祭二人燒肉Set，有朋友超推介呢個餐，隻日本出嘅NMN好唔好我未知，但我純粹覺得個餐都幾吸引，於是第二日走咗去食。有日本和牛西冷，海鮮，黑毛豬五花位，雞肉，仲有飯有湯有沙律，如果二人胃口不大，分分鐘食唔哂，$398，其實都幾超值。加錢可以要特別野，叫左個蟹黃飯，仲有海膽飯，全部唔止睇落好食，味道都好唔錯。另外試多個牛魔三重盛宴，牛舌，牛五花，牛板腱嘅套餐。牛舌好食到要再加。當日見樣樣好食再加串燒，牛肉他他等等，全部合格有餘。怪不得呢類一人燒肉餐咁流行，觀乎平日的下午有勁多中學生，可見想食好燒肉而又唔太貴，牛魔YAKINIKU MORE係一個幾好選擇。驚過左情人節無呢個set？唔驚呀，而家promotion 做到下個月白色情人節，白色情人節就送另一款適合男士嘅NMN，平時簡單食下好野又唔貴，去下啦。
繼續閱讀
估唔到1人燒肉都咁高質😳嚟到旺角「牛魔」諗住簡單食個快飯，點知俾佢個M9和牛肉眼吸引咗！仲可以加配甲羅燒，咁啱有2人枱立即入去試吓😋M9和牛肉眼&西班牙黑毛豬頸肉套餐 ⭐️⭐️⭐️⭐️⭐️呢個餐要加肉先夠喉，M9和牛燒2燒就食得剛剛好，肉味濃入口會化開，配少少鹽已經好好食😋黑毛豬頸肉夠晒爽口啖啖肉，唔好牛嘅可以食豬頸肉一樣咁正👍🏻牛舌牛五花牛板腱套餐 ⭐️⭐️⭐️⭐️⭐️一次過滿足3個願望嘅set，如果三心兩意可以叫呢個餐呀～朋友話一場嚟到所以都叫咗加大，肉片加至250g勁豐富😍牛魔蘭王紫菜月見拌飯 ⭐️⭐️⭐️⭐️⭐️基本上蘭王蛋拌飯就無得輸啦，配埋紫菜就更出色❤️加少少錢就有更好嘅享受認真值得呀！蟹粉蟹黃蘭王拌烏冬 ⭐️⭐️⭐️⭐️蟹粉蟹黃另外上，我問店員攞多隻碗仔，鍾意拌幾多落烏冬都可以！蟹粉蟹黃鮮甜好正，不過感覺同烏冬未算最夾，下次試埋拌大光麵先得！日本原隻甲羅燒 ⭐️⭐️⭐️⭐️⭐️見到有得加配甲羅燒，唔諗啦即刻加！蟹膏好甜好鮮味🦀用來配少少飯食一流呀！牛魔黑松露和牛他他 ⭐️⭐️⭐️⭐️⭐️估唔到一人燒肉都有高級燒肉店先食到嘅和牛他他🐮生和牛粒拌上酸酸甜甜嘅蘋果，加埋黑松露好惹味，配埋和牛嘅油脂真心推介！串燒：雞腎及雞軟骨 ⭐️⭐️⭐️⭐️⭐️食返串串燒令今餐更加完美，脆口雞軟骨調味唔錯，雞腎亦唔會有內臟腥味值得一試呢！
繼續閱讀
餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200g，價錢唔同，包御飯或者迷你烏冬，牛骨湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。M9和牛肉眼牛肩肉套餐(和牛自慢系列) 200g $188M9和牛肉眼兩大片，切得夠厚身，帶少少肥膏，燒一陣就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。跟有檸檬角比你自己調味。牛舌，牛五花，牛板腱套餐 250g $168牛舌牛五花各六片。牛舌好有咬口；牛五花就嫩口唔太肥。牛板腱就有四大片，好薄身。好欣賞呢度醬汁好flexible，可以從9款醬汁當中自選3款，好貼心。呢度肉類本身冇加醬汁，所以自選醬汁好重要。蘋果燒汁，焙煎胡麻汁，黑松露燒汁我揀左呢三款就真係唔錯。黑松露燒汁真係帶微微黑松露味道。焙煎胡麻汁好厚身。而蘋果燒汁比平常燒汁淡少少。同行友人就揀左蘋果燒汁，柚子燒汁，檸檬鹽。跟餐沙律係簡單雜菜加粟米粒沙律，醬汁係黑胡麻醬。跟餐牛骨湯有昆布，豆腐粒同蔥花，唔會太鹹。迷你烏冬大概有一碗份量，湯底呈奶白色，加有葱花。手拆純蟹粉蟹黃蘭王拌飯 加$58手拆純蟹粉蟹黃蘭王拌飯有滿滿手拆純蟹粉蟹黃，中間一隻橙紅色大大蘭王！蟹粉蟹黃撈有蟹肉加蔥花，味道好好唔過鹹，料夠撈嗮所有飯。鳳梨特飲，柑橘特飲 各加$15食燒肉點可以唔要凍飲？柑橘特飲同鳳梨特飲都有粒粒椰果可以咬，而柑橘特飲味道清淡，都夠解渴。鳳梨特飲就甜少少，不過都唔會過甜。總括而言，特別鍾意M9和牛肉眼牛肩肉套餐，個爐夠勁，燒肉時間唔洗太耐，而且食完唔會成頭成身油烟味。值得一讚係每個座位都提供較剪方便自己將燒肉剪細入口。餐廳新裝修，環境乾净衛生。
繼續閱讀
呢間新開的燒肉店環境舒適，讓你可以在輕鬆的氛圍中享受美味的燒肉。每個座位都配備了獨立的燒烤爐，令你可以隨心所欲地掌控火候，體驗自己動手燒烤的樂趣🤩店內的裝潢現代而簡約，營造出一種放鬆的用餐環境，無論是工作後的放鬆時光，還是獨自享受美食的時刻，都是非常適合😍牛舌、牛五花、牛板腱套餐這款套餐包含了牛舌、牛五花和牛板腱，三種不同部位的牛肉各具特色。牛舌肉質滑嫩，燒烤後散發出濃郁的香氣，口感獨特；牛五花則肥瘦相間，燒烤後外焦內嫩，油脂融化後的香味令人垂涎；而牛板腱則肉質緊實，適合喜歡嚼勁的食客。這三種牛肉的搭配，讓你在一餐中體驗到不同的風味與口感，無論是選擇小份還是大份，都能滿足你的味蕾😋😋M9和牛肉眼、牛肩肉套餐M9和牛肉眼是這間燒肉店的招牌之一，肉質極為細膩，油花分布均勻，燒烤後的肉片色澤誘人，入口即化😋😋呢種高級和牛的獨特風味，讓每一口都充滿了濃郁的肉香，令人陶醉。無論是搭配簡單的鹽或是特製的醬汁，都能讓這道菜的美味更上一層樓🤤🤤牛肩肉肉質結實，富有嚼勁，燒烤後的香氣四溢，讓人忍不住想要一口接一口。這款套餐同樣提供大小尺寸的選擇，無論是小份的輕食還是大份的滿足，都能讓你享受到獨特風味🤩🤩另外仲可以加錢轉蘭王蛋系列，我今次都試左個手拆蟹粉蟹黃蘭王蛋拌飯，超惹味🤤必點推介👍📍牛魔一人燒肉 (旺角)旺角豉油街50號富達大廈地下5號舖
繼續閱讀
#chuchu食在旺角📍 牛魔一人燒肉朋友推薦呢間牛魔，一人燒肉，所以就同🐷妹嚟食，超抵食CP值超高，最平$48就食到！夠光猛，坐得都好闊落，好舒服嘅！💡 抽氣做得好好，唔會食完成身油煙～—————————————————————❣️ A9 牛魔三重盛宴 $128（150g）有牛舌&牛五花&牛板腱，各有4塊；牛舌好有咬口、牛五花嫩口唔太肥、牛板腱薄身好易燒香.❣️ A10. M9和牛肉眼&牛肩肉套餐 $118（100g）和牛自慢系列 •M9和牛肉眼大大片，切得夠薄身，燒一燒就食得～牛肩肉有3件，超厚切，食落啖啖肉！兩款食落都好有牛味！✨細食嘅100g就差唔多～.❣️ 手拆純蟹粉蟹黃蘭王拌飯 （set+$58）賣相💯有滿滿手拆純蟹粉蟹黃，仲有啲蟹肉同蔥花 中間一隻橙紅色大大蘭王蛋黃！味道好香又唔會太鹹，撈勻晒！.❣️ 牛魔蘭王鵝肝炒飯 （set+$58）鵝肝表面炸過入口即溶，好好味！炒飯底都好香好夠味！.❣️ 生菜（set+$16）❣️ 冷豆腐 （set+$18）食咁多肉我哋都加左個冷盤同菜，解下膩！.❣️ 巨峰梳打（set+$15）❣️ 蜂蜜柚子茶 （set+$15）🐷妹話食燒肉一定要飲凍飲先夠爽🤣梳打有粒粒椰果.💬 好鐘意呢度有9款汁揀！呢到肉本身冇乜加醬汁，🐷就揀咗黑松露燒汁、柚子燒汁、柚子胡椒汁、檸檬鹽，全部都好出味！ —————————————————————不專業評分👅好味指數: 8.5/10 💰性價比: 8/10👍🏻推薦: 9/10 —————————————————————🏡地址: 牛魔一人燒肉 (旺角)旺角豉油街50號富達大廈地下5號舖🕑營業時間: 11:30 - 23:00—————————————————————#chuchu食日本野 #chuchu食燒肉———————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架
繼續閱讀