牛陣 (大埔超級城B區)

營業中

休息中

記得牛陣最初開業既時候我同一班朋友經常都去食任食火鍋，最近發現原來佢有壽喜燒加任食，所以就同女朋友黎試一試佢。一開始上枱既配菜好似真係係日本食緊咁，中間既洋蔥、京蔥同春菊都好有日本壽喜燒既感覺。呢到仲多左冰菜，好清爽又好味。一開始其實用佢提供既牛脂肪起鑊加入京蔥同洋蔥之後就可以加汁同湯去煮牛肉啦。比大家睇下呢款日本和牛係任食既，今晚叫左三轉都仲keep到唔錯。大家都見到佢油花唔會好多，都好平均，食落好有牛味。一開始會有一碟牛脷，對我呢個牛魔王黎講的確係開心既。海鮮都係任食架，比較推薦係個蠔，同個壽喜燒汁都幾夾。最後要講一講半自助任食既部分，我唔知其他分店如何，但大埔呢到都幾大個水吧比你玩，入面有唔少好少有機會食到既菜，好似頭先講既春菊同冰菜，仲有雨衣金蘭等等。 另外熟食除左佢好出名既咖哩牛肉飯外仲有炸雞同薯條，都可以一試。總結我覺得好難得有任食放題店做到咁正宗既壽喜燒感覺，最正個位係連汽水同Haagen Dazs都係任食架。

同老公入大埔逛逛，黃昏時間揾嘢食，今日大年初七人日，人人生日，食壽喜燒慶祝下先，聽聞日本傳統慶祝喜慶節日就會食壽喜燒，今日啱曬。牛陣有正宗日本壽喜燒，識食嘅梗係要試下啦。餐枱上有指引詳細說明，逐步教你如何製作壽喜燒，或者由店員幫忙都可以。先用和牛脂肪於鍋上燒熱，加入洋蔥及京蔥炒香，燒熱和牛兩面幾秒，再加入少少壽喜燒甘露，夾起，放入蛋漿，勁鮮味，正呀！黑毛和牛是任吃的，先來兩盤和牛及一盤牛舌。先吃一輪壽喜燒和牛，加入甜甜的醬汁，燒出來的牛肉真的好香好好吃。跟住加入清湯變成壽喜燒湯底，這個有別於平時食開的火鍋湯底，冇加味精，味道甜美，愈食愈開胃，加了湯依然充滿洋蔥京葱的香味，推介推介。仲有一些海鮮，包括生蠔、帆立貝及魷魚仔，新鮮好好吃。新鮮蔬菜區有多種款式，任君選擇，特別的有冰菜及羽衣甘藍，皇帝菜娃娃菜也是我的喜愛；也有一些菇類、丸類、豆腐、豆卜、響鈴、拉麵等等。此外，也有一些熟食：炸雞、薯條、咖哩牛肉可以配健康穀物飯/白飯。最後一個環節少不了雪糕，呢度有哈根大師四至五款不同味道的雪糕，老公食咗兩round。欣賞這裏的店員殷勤服務，也很友善，負責帶位的哥哥好有禮貌，他們會主動幫忙壽喜燒，也

2019年2月10日午餐，其實都唔算午餐。我地食個陣都兩點幾。所以計佢下午茶。去左大埔食牛陣。因為佢冇乜人，所以一去到就入得。雖然冇乜人，但佢地啲台都唔算好乾淨。佢地既服務員又多。掛住傾計同玩叫左個平平地既任食任飲餐。佢個面好食！但一定要係甜是油！我覺得佢呢度係得個甜是油好食。所以個甜是油係重點！叫追加肉個陣，啲員工勁無禮貌咁拉部機出黎。野都無講就走左佢唔係唔好食。係員工服務既問題同埋佢地出明refill 既速度都幾慢。好多時啲野都吉好耐。（可能因為我晏食又冇乜人，所以唔點加野）。飲野都叫有啲選擇，有汽無汽，有糖無糖都有。如果人少，又想打邊爐，推薦牛陣，但唔推薦大埔店

團年飯想同屋企人食好啲，佢地話想食日本和牛。 嘩，突然咁識食，心諗真係要荷包出血了。 好彩之前經過牛陣見到有日本黑毛和牛任食，$289一位食到日本和牛喎，好似好抵，決定團年飯嚟一試！期間限定湯底做緊壽喜燒，聽說日本人喜慶節日或慶祝會食壽喜燒，咁又幾啱團年食喎。 有晒指引教點食，店員又會過嚟幫手製作。做法好正宗。先將和牛脂肪、洋蔥、京蔥炒香。再將和牛每面煎兩秒，落少少「壽喜燒甘露」。和牛嗦晒啲甘露，好香甜，蘸埋蛋汁食，又香滑又滋味。 食完煎香嘅香牛，就可以再放入甘露同清湯，食Shabu Shabu了。真係要激讚呢度啲日本和牛，供應不絕，每碟都咁高質素，唔會話越俾越差。 pink pink的，油脂超級豐富，片片雪花紋，牛油香味四溢。 和牛同壽喜燒湯底真係好夾，滋味無窮。豬、海鮮（廣島蠔、帆立貝、魷魚仔）都係任食，質素唔錯。蔬菜竟然有冰菜同羽衣甘藍，比較少見到可以任食，我鍾意！甜品有任食Haagen-Dazs雪糕，五款口味，好完滿嘅一餐。今次個正宗壽喜燒真係好正，無味精，味道好，家人好滿意，團團圓圓嘅一餐。

前幾天家姐生日, 我地去左食牛陣壽喜燒套餐, 因為之前聽朋友講日本正宗既壽喜燒係喜慶節日先會食😁牛陣呢個壽喜燒套餐, 我食完之後真係真心推介!! 首先係好味道, 其次係食法正宗! 可以選自製或留比侍應幫手整~ 我哋用牛脂肪燒熱個鍋, 再加入洋蔥京蔥, 炒一陣已經聞到好香嘅味!! 呢個時候就可以煎香和牛, 其實煎幾秒已經ok! 再加少少壽喜燒汁, 和牛真係超正超惹味, 食嘅時候仲可以加入蛋汁! 食夠燒牛肉, 就可以加入日式清湯 & 餘下嘅壽喜燒汁, 跟住就可以隨意煮自己鍾意嘅嘢食啦~ 個人來講燒牛肉嘅食法真心好味! $289和牛套餐, 任飲任食, 抵呀!

牛陣有新野 要試試喔🧐牛陣出咗冬の美鍋「牛すき焼き鍋」，即係日本傳統壽喜燒。日本正宗壽喜燒會喜慶節日食用今次係慶祝2019新年啦哈哈😄店員附上日本正宗壽喜燒製作方法教我地日本正宗壽喜燒食法先係淺鍋加牛脂，然後爆香洋蔥大葱鋪上帶油花嘅日本產黑毛和牛後，倒入壽喜燒醬汁黑毛和牛肉變色後就可以享用仲提供生雞蛋 可以沾蛋汁食架黑毛和牛好滑嫩 牛肉味好重啊 😝枱面有無添加味精「壽喜燒甘露」、鰹魚清湯 鍾意咩濃度自己落 火鍋配料可自行係自助取有蔬菜食材為主 生菜 西洋菜 南瓜 冬瓜 豆卜 雞脾菇海鮮同牛舌都係任食架 非常豐富😛

知道牛陣新推出了泰式冬蔭功鍋，我也想一試鍋是即場現煮的，先用一舊肥豬肉刷均整個鍋，再加入材料炒一邊看著湯底的制作過程，一邊期待著香氣四溢，旁邊的食客也紛紛看過來等待的時候最好就是去拿取食物，基本上想有的餐廳都有提供有些食材是用平板電腦點餐先上了肥牛、豬肉片、海鮮類全部看起來都是新鮮的～湯底滾起了第一次用冬蔭功湯作火鍋湯底感覺不錯，而且帶點微辣加上即食麵，好像在吃冬蔭功麵一樣美肌手工雪條雖然不知道為什麼叫美肌，但我相信手工是肯定的，雪條中有糯米飯，吃起來完全不會覺得奇怪，芒果椰奶份量適中，不會過甜，糯米飯的加入是一個極大的bonus

好耐無去牛陣，原來新出左泰山冬陰功湯底，一於試試佢😋穀飼上級牛套餐 $219 （任食100分鐘）除了牛任食😍仲有海鮮任食😋 象啤任飲😋冬陰功湯底誠意十足，非常多材料，現場即煮湯底。首先店員用一塊牛的脂肪在煲上煮，煎出牛油，再將冬陰功湯配料逐一加入😍慢慢越黎越香，瞬間覺得胃口大開😍 （店員好細心，查問我們辣度才放適量辣椒👍🏻可自行調節辣度）海鮮有：帶子，生蠔，魷魚，蝦，雖然款式不太多，但是夠鮮已加分。穀飼牛，牛味濃不覺肥膩，我們最愛，加左幾次單，真係越食越抵食。配菜款式好多，醬料齊全，除各種蔬菜還有不同的丸，豆腐，木耳魚柳，泰式圓茄，烏冬，飯等等。haagen dazs雪糕任食，有八種口味任君選擇，其中我最愛的兩種味道都有😍夏威夷果仁同焦糖脆餅😍正飲品選擇多，我花朵眼亂之時，朋友一早已拎左佢目標……象啤😅任飲真係岩曬佢😂呢度可以自己DIY泰式木瓜沙律咖☺最後好飽之制，原來仲有手工雪條，係好特別的味道~芒果糯米飯雪條😱😍原來好好味，仲話有飯香，真係好特別👍🏻👍🏻👍🏻今餐飯要俾滿分☺好好味，短期內要再食多次先得😋

牛陣呢期推出左個新火鍋主題，係以泰國冬蔭功做藍本既，主角當然就係個湯底啦，真係用上正宗冬蔭功配料，絕對充滿泰國味道架！除左個湯底係主打之外，如果大家揀呢個泰國主題冬蔭功湯底，重會每人有一支芒果糯米飯雪條！真係條雪條入面有d糯米飯係度架，真係夠曬特別呢d唔係火鍋配料黎，而係冬蔭功湯底既所有配料，全部都已經一份份按份量放好，店員之後就會逐一將佢地放落鍋，所以如果真係有d配料係唔食既，就記得要同店員講啦！呢個湯底唔只係放湯禁簡單，配料係會經過落穫爆香煎香先再加入湯頭既，店員首先用豬油膏搽均隻穫，煎出黎既配料就變得更香了湯底中既配料經過煎香，味道確實同一般湯底有分別，整體既味道都比較豐富，基本上所有配料既味道都滲曬係係湯底當中，所以味道都比較濃一D底湯都準備好曬，咁就梗係睇埋D火鍋料啦，肥牛一定唔少得，同D豚肉片一樣，D顏色都幾靚，感覺都幾新鮮，唔係雪到壞壞地果D，所以食落果陣D肉質都好唔錯，特別係牛肉，牛味重，一D都唔韌身架 !而海鮮配料當中，特別最令感驚喜既就係生蠔，雖然唔係即開新鮮生蠔，不過佢既生蠔質素都唔錯，大大粒而且都幾新鮮，重點係唔腥既，真係食多幾粒都回本了今晚呢一餐，另一個重點係

作為牛魔王，點可以錯過每一間食牛肉嘅機會！秋風起，打個牛肉邊爐啱晒！黎開大埔行過牛陣有款澳洲上級長期穀飼牛先至200零蚊，見佢價錢又唔係貴咁就去試吓啦！ 餐廳座位安排寬敞舒適，店員推薦我哋新出嘅泰國冬陰公湯底，然後悉心地用一粒牛五花煎香個鍋底，那種淡淡的牛脂香已經飄散四周，再倒各樣嘅冬陰公配料同湯，咁就大功告成啦！餐廳係用pad落單 環保得嚟又非常方便， 除咗肉類外大部分嘅火鍋配料好似蔬菜、豆腐、蘿蔔、牛丸、魚蛋、魚柳等同飲品可以喺出面嘅自助餐餐吧拎到。 主角澳洲上級長期穀飼牛一上枱，只見佢油脂分佈非常均勻，油花好靚！食落口感嫩滑，仲有好香嘅牛味😋任食200幾蚊真係算係CP值幾高！而其他火鍋配料中我尤其推薦魚柳，配搭冬蔭公湯底後，魚鮮香四溢，肉質腍滑無骨，仲一啲腥味都無👍🏻與其他嘅火鍋配料 都非常新鮮，湯底亦夠濃味，我地基本上都無額外沾醬料。甜品更送上芒果糯米飯雪條，聽落去 幾特別但覺得有啲膩，但原來芒果同糯米嘅分佈都非常好，清新嘅果香消暑又解渴， 粒粒糯米增添咗雪條嘅口感👏🏻

唔夠6點入座，當時只得幾枱食客。食物種類都可以接受，有自助水機，唔係揀任飲汽水既套餐可以自己斟水飲，另有提供玄米茶包。重點係！！！！食左半個鐘有隻大烏蠅飛黎飛去，飛落枱又飛上燈罩道，食都食得唔安樂。同職員講，佢地拎住條布想殺（？）烏蠅，拍左幾下就收左手，其實仲喺道飛黎飛去。最後係隻大烏蠅自殺式地飛左落我隻碗道。好，咁冇野飛就可以安心食啦。最後廿幾分鐘竟然係見到曱甴！喺張枱道行黎行去，想影佢既時候爬左落枱底唔見左！實在太差啦！呼籲大家出去食野記得要抺一抺啲碗碟餐具！唔好諗住眼不見為淨！

好耐冇嚟牛陣打邊爐，因為有著數，唔可以走寶!而家揀$219或以上嘅放題餐，就可以免費升級湯底做「DIY冬蔭美鍋」，時間仲會由90分鐘加到100分鐘。第一次睇住店員將香料炒香再煮湯做湯底我地就揀左$219澳洲上級長期穀飼牛套餐，好抵食。牛、牛舌、豬柳肉、豬肋肉、火鍋配料、海鮮（廣島蠔、帆立貝、原隻魷魚仔）都係任食。廣島蠔大隻又脹卜卜，好好食，回本之選。飲品就連泰國象牌啤酒都係任飲，而我最鍾意就係DIY香茅蜜糖茶，雖然係香茅茶包，但真係好香！最後甜品環節係任食Haagen-Dazs雪糕，今日有六款口味😋。每人仲有一條ISEE iSEE「芒果糯米飯手工雪條」，好攪笑，芒果、椰汁、糯米飯集於一條雪條，粒粒糯米飯口感煙韌又得意，好味道！

又嚟食我最愛嘅日式火鍋啦 今次竟然新推出泰式冬陰功湯底 仲可以diy 店員會攞出材料畀你自己係鍋上面炒香 仲有魷魚同大蝦 好似幾豐富 然後加上湯底 食落香辣 用黎打邊爐都唔錯而且海鮮配料可以任加 係呢個湯底先有 有生蠔 魷魚 大蝦 扇貝等等 食落鮮味完全唔似雪藏貨仲有泰國象啤任飲 飲啤酒都完全唔使加錢 性價比極高日式打邊爐最緊要就梗係高質嘅牛肉 今次食既嘅牛肉雖然係$219套餐 但都唔差 油花分明 夠鮮紅色 牛味濃郁 完全唔韌配料可以自己攞 份量自己控製 咪做大嘥鬼比較特別嘅材配菜又羽衣甘藍秋葵腐皮結海帶結蟲草花 芝士魚蛋等等我最愛嘅就梗係芝士魚蛋同普通魚蛋唔同 入面加咗芝士 而且芝士係較淡口嘅口味食落幾夾呢個泰式diy冬陰功火鍋 仲會每位送一條isee isee絲芒果糯米飯口味手工雪條 雪條上面係芒果味 完全唔似香精 下面就係椰奶口味 中和反芒果嘅甜 雪條入面就有糯米飯 不過糯米飯雪凍咗比較硬 可以等溶啲先食

今日去完行街，突然想打個邊爐 ，一直都好想試一試牛陣！ 今日終於可以同四五個朋友一齊去試牛陣火鍋放題🤗 冬蔭公湯底， 即刻要叫嚟試試， 先上個鍋同香料給我哋自己逐樣放落鍋裏面， 有可表現下廚藝👍🏻 好正呀😅先用牛油， 即係牛嘅脂肪！ 炒香再落香料同埋菇，將菇炒到金黃色再落海鮮 ！🦐🦑🐙🦀好香呀！ 先飲咗一碗湯先😋 酸酸辣辣咁， 由於所有配料都係自己落， 所以酸辣程度可以自己揀 ，用呢個湯再煮火鍋配料！ 完全係適合自己嘅食法😎冬陰功火鍋除咗牛肉任食外，還有埋海鮮同牛脷， 牛肉嘅 質素相當唔錯！豬肉也好好味，就連本身唔食豬肉的我都吃了不少， 所以後期我們再叫多一些海鮮同豬肉！ 因為海鮮好新鮮相當唔錯！豬肉味很好啊！ 好值得推介給大家！必試👍🏻👍🏻打邊爐除了肉之外！不少得嘅一定係菜啦！分別亦有不少菌類瓜類 有很多不同的類型！任君選擇菌類分別有金菇丶冬菇丶雞髀菇、靈芝菇等， 洗得好乾淨架！ 既爽口又新鮮， 瓜類亦分別有南瓜、 菜肉瓜 等等， 不得不提番茄 非常新鮮 加上酸辣湯底， 真係不得不試！ 好食到不得了！！整體嚟講 除咗 diy特別 之外， 服務態度亦好好環境亦好寧靜 和乾淨👍🏻😊

本身有食開牛陣既我，一聽到牛陣有新出既泰式diy火鍋，我就登特搵日放學同男友試試~湯底係冬陰公湯底，裏面有好多海鮮同香料，好足料~湯底酸酸辣辣，好開胃，好有投式風味！如果唔想DIY自己整嘅話，可以交俾店員幫你整，佢哋都好友善好好服務~成個套餐都超有泰國feel!木瓜沙律同咖喱好有風味，而香茅特飲可以按自己喜好加入蜜糖~~而牛陣最抵食既地方，就係牛肉豬肉同其他配菜都可以任添，但因為太多嘢食嘅關係我哋都無再添過牛同豬~唔想浪費食物！另外值得一提既係所有雪糕都係Häagen-Dazs，仲有6個味咁多！好抵食好正啊