牛陣 (大埔超級城B區)

營業中

休息中

記得牛陣最初開業既時候我同一班朋友經常都去食任食火鍋，最近發現原來佢有壽喜燒加任食，所以就同女朋友黎試一試佢。一開始上枱既配菜好似真係係日本食緊咁，中間既洋蔥、京蔥同春菊都好有日本壽喜燒既感覺。呢到仲多左冰菜，好清爽又好味。一開始其實用佢提供既牛脂肪起鑊加入京蔥同洋蔥之後就可以加汁同湯去煮牛肉啦。比大家睇下呢款日本和牛係任食既，今晚叫左三轉都仲keep到唔錯。大家都見到佢油花唔會好多，都好平均，食落好有牛味。一開始會有一碟牛脷，對我呢個牛魔王黎講的確係開心既。海鮮都係任食架，比較推薦係個蠔，同個壽喜燒汁都幾夾。最後要講一講半自助任食既部分，我唔知其他分店如何，但大埔呢到都幾大個水吧比你玩，入面有唔少好少有機會食到既菜，好似頭先講既春菊同冰菜，仲有雨衣金蘭等等。 另外熟食除左佢好出名既咖哩牛肉飯外仲有炸雞同薯條，都可以一試。總結我覺得好難得有任食放題店做到咁正宗既壽喜燒感覺，最正個位係連汽水同Haagen Dazs都係任食架。