牛角日本燒肉專門店 (荃新天地2)

營業中

休息中

成功下單不代表能夠餐廳接受訂單？那你們沒有溝通的嗎？你是一個媒介去俾客人訂外賣，係咪應該確保所有餐廳都能為各消費者送上外賣。點解可以咁理直氣壯覺得好似自己完全冇問題，一句對唔住都冇。最離譜係收已經收咗錢，你收得客人錢係咪應該俾返客人基本服務？如果你哋冇溝通好咁不如唔好再整啲咩外賣自取啦，隨時都俾人取消訂單，完全浪費客人時間，咁做生意仲得了？而且牛角話因為忙而唔接外賣，話唔接就唔接，咁你不如唔好再用外賣自取服務呃啲客啦好心，嬲爆！

我喺大概19:17叫了左OpenRice 嘅外賣自取服務，apps就話會喺19:34到達。但到19:34之後頁面竟然變成訂單取消，白白浪費了消費者時間，而且仲未即時收返訂單嘅退款。話咩舖頭太忙冇接訂，唔做我生意，咁想知OpenRice 係點同店舖溝通？話唔做就唔做？呢個服務態度認真好差，仲要收左錢先話做唔到，如果餐廳係做唔到嗰訂單，係咪應該即時提出，而唔係等左二三十分鐘後先話俾消費者唔做你生意。再冇下次！！

中午食牛角就非常抵啦， 我哋嗌咗燒牛肩肉同埋牛舌， 包沙律菜和飲品。 牛肉嘅質素一如以往嘅優質， 放喺鐵板上稍為加 熱，就香氣撲鼻，很快就燒了幾片，沾上醬汁，別有風味。

it was a quiet Saturday afternoon.but since the restaurant offers 90% table with 2 people only, customers of 3 or more would wait forever!the restaurant manager is not flexible to accommodate needs by re-arranging the partition between the table and let customers wait forever!

牛角宵夜四人套餐。平靚正睇完戲唔知食咩好。見到牛角宵夜套餐好似幾抵。就衝左入去lu可能太耐冇得去日本嘅關係。食返啲日本燒肉好友去咗旅行嘅感覺芝麻椰菜好好食好開胃。。燒肉就普普通通啦。。正常牛角級數。不過個價錢真係幾抵食。四個人除翻開都係幾百蚊

之前試過一次食午餐，感覺抵食又飽肚。今日經過荃新天地又過嚟食。照舊揀咗個A同E餐。紫菜飯依然好好食、牛肉多汁又新鮮。每個餐包湯飲、沙律同埋任食飯。每次食完都好飽好滿足。

心血來潮想食燒肉，可惜年紀開始大，已經負擔吾到食放題個種飽到上心口嘅感覺(但係唔食多啲又好似好蝕底咁🤣🤣),最後去咗牛角食佢啲燒肉set。成個set有一個沙律, 麻油椰菜, 蔬菜拼盤同埋兩個牛角飯。我成日都覺得日式燒肉同日本飯係prefect match, 牛角飯更加係至愛，食幾多都吾會厭🤣🤣🤣雖然冇得任食牛肉，但係明顯食落啲牛肉係靚啲嘅，同埋有一碟海鮮拼盤，有生蠔、帶子、元貝同兩隻大蝦，勁豐富💕 食完份量岩岩好～

假日中午同兩個女黎佢地最鍾意嘅牛角（其實佢地可能只係鍾意樓上嘅Namco)。點左三個午餐，裡面分別有牛、雞、豬。兩個女鍾意食牛角飯（即係飯加紫菜），所以就每個餐加了$18, 將白飯改為紫菜飯。講真，$18加幾塊紫菜真係好貴。啲肉好普通，燒牛肉黎講個火亦唔係好夠猛，整體一般。

態度極差，預約8:30取外賣，見張單顯示等候提取，我8:25到，問咗門口白衫小姐幾次：第一次比手機佢睇，敷衍望一眼，行左入去，以為佢跟緊，佢走返出嚟就繼續叫票入客第二次問，佢又問我攞手機睇，然後繼續行出行入叫票帶客，話外賣有入面會出第三次，見巳經8:55，我再問，我話我入咗時間8:30喎，佢先行去放外賣張枱度，攞左幾份外賣出嚟，其中一份係我，根本就放左係度🔥🔥🔥如果覺得外賣幾十元不用重視，咁你哋就唔好做外賣

香港而家咁，已經成差唔多兩個月冇嚟過牛角，某人話派咗一萬蚊，見感染數字受控制，所以就出嚟食下牛角！只不過幾日時間，用餐後幾日喺香港嘅感染數字就增加左咁多！真心，有少少驚講返餐牛角先，其實牛角，最鍾意食嘅都係要數月見和牛薄片，但期間靜雞雞加咗價，以前係三塊，而家得返兩塊！不過職員都會幫你燒同以前一樣！值得一讚另外，叫咗牛角飯，又係必點項目十盛，包十種部位！亦很美味

今次係因為會員有優惠券，好抵食，只要食夠$300就可以用一張，我哋用咗一張送嘅六品盛盒，所以兩個人都食唔晒，帶咗一佐賀A5和牛，真係冇得輸，天時暑熱食返碗凍冰冰嘅冷麵，麵質Q彈爽滑真係透心涼，我覺得佢送嘅嗰啲仲多過我嗌嗰四樣嘢，今次好抵食

個人都幾鍾意食牛角，以呢個價錢來講，啲燒肉係幾好味嘅。今日父親節無留係出面食，費事同人迫，經過牛角就買咗兩個外賣。買咗燒牛肉同燒豬頸肉飯，要讚嘅係同小朋友玩咗一陣先返屋企，但啲飯都仲keep得好熱。整體感覺都叫幾好味，唯一唔滿意係啲牛肉太鹹！都係堂食啲燒肉吸到啲🤣

牛角日本燒肉專門店 💛荃灣💛-一向質素穩定嘅日式燒肉店👍🏻 最重要係就算食完燒肉都唔會成身燒肉味😌 而且係難得集團連鎖式嘅黃店，所以一向都鍾意去食😋。-🔍 燒肉六品盛合 $249🔍 塩味牛油帶子 $52🔍 牛角生菜拼盤 $22🔍 肩脊肉（6片）$65-燒肉盛合一次過包晒牛肋肉、肩脊肉、牛舌、雞脾肉、豬頸肉、豚肉，一次過滿足晒食唔同肉嘅願望😍 食咗咁多次牛角，第一次先知道原來叫燒肉盛合會配埋個檸檬汁，每一次都係點燒肉汁，有時覺得食到個口鹹鹹地，配返個檸檬汁即刻開胃晒，仲覺得唔會太膩添😋 而且食咁多肉，再配返個生菜包肉即刻滿足晒😋-食物質素：8/10環境氣氛：8/10回頭指數：9/10-📍 牛角日本燒肉專門店 (荃灣)荃灣楊屋道18號荃新天地二期地下G69號舖

牛角-疫情之下牛角好似自動延長左會藉？！送左張100蚊現金卷，口痕痕於是去食下😎-今次同朋友嗌左厚切牛舌、鹽味雞髀肉、佐賀和牛牛肋肉、牛角飯、壺漬牛肋肉同埋雪糕銅鑼燒😛-全晚最好味非壺漬牛肋肉莫屬。我會再一大條切兩條，再燒曬6面🤣岩岩好7成熟再食。有肉味又有肉汁，表面仲要脆口🤭-雪糕銅鑼燒係每次既必食！燒之前記得叫侍應換左塊網先！另外佢建議你每面燒30秒，但根據我既經驗係一定唔夠！起碼每面1分鐘，仲要用個夾壓一壓，咁燒先會表脆而雪糕融融地！-埋單既時候見到逢星期一有85折！抵呀！

今日突然間好想食燒肉，就同屋企人去咗荃灣呢間牛角去食燒肉套餐，好耐之前食過覺得肉質都不錯價錢又幾抵食！😍見到佢嘅午市燒肉套餐其實都有成十幾種選擇，我哋叫咗燒肉盛盒定食E ($159), F ($135), G ($125), 牛角流自選三食($105), 同埋一個石頭鍋飯頭先上枱嘅係石頭鍋飯，份量都好多，五個人share每個人都有一小碗，味道都唔錯啦～ 之後各款燒肉set 都黎左，除左2塊肉同牛舌好食d外，其他都好普通呢～有d失望啊🤧🤧