牛角日本燒肉專門店 (荃新天地2)

營業中

休息中

相信大家都食過牛角唔需要我點介紹😆不過我好想同大家分享呢個蒜蓉牛油醬🧄🧈😍真係驚為天人啊~!💕大胃王我平時食得牛角放題多 都冇遇上佢🥺今日諗住收斂啲食單點牛角 先知道原來有呢個咁好食嘅醬 真係發現得太遲😩只要點一份香蒜牛油一口牛🐮 之後其他肉都可以瘋狂點呢個醬😂另外蒜香碳燒醬牛胸腩都一樣好好食👍🏻(圖4)食完真係飲成支漱口水都搞唔掂吖🤣就係呢個醬 大大碟👆🏻上級牛肋肉都好夠油脂👆🏻呢個就係蒜香碳燒醬牛胸腩 好惹味👆🏻

這一兩個星期都很想吃燒肉，所以今天午餐就去食牛角。幸好訂了位，要不然應該要排很久隊。今次點了牛舌和豬頸肉，我覺得豬頸肉真的很出色，下次再來的話可能我會點兩份豬頸肉😂 另外我也點了牛角飯，我覺得是去牛角不能夠不吃牛角飯的。 這個午餐真的很豐富和滿足！唯一美中不足的地方就是侍應都很忙，他們都是非常有禮貌的，但可能我光顧的時候他們人手不足吧，有時候要等一陣子才會有人過來幫忙。

🐝牛角🐝…相信大家都應該聽過牛角，牛角係好出名嘅日燒，好多分店㗎！我今次就同左friend一齊去牛角食lunch！👍…平日2pm等左5分鐘就入得！超快！🤩…我同朋友嗌咗一個lunch set B同埋D一齊share， 入面包咗牛嘅唔同部位，例如牛舌，仲有豬同埋雞，例如雞翼。 個人覺得啲牛真係好好食，一啲都唔韌，雞就有啲難燒，但整體都ok!😋…除咗肉之外，我覺得最好食嘅係牛角飯，啲紫菜同埋飯撈埋一齊真係好好食， 紫菜比例都好好，唔會有一啖係食唔到紫菜嘅。😍…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍價錢：🤍🤍🤍…🐝🐝@bee11foodie

食開荃新天地呢間牛角，之前食都冇乜野，食物/服務態度都正常。今次去之前特登喺app到check咗冇人等，先至落去。去到門口，咁啱冇店員喺度，就拎咗張飛企係門口等(下午4:43分)。呢個時候係完全冇人等緊飛，下一個就係我。因為唔係lunch hour嗰啲繁忙時段，冇店員喺門口都正常，心諗應該係入面忙緊，等店員見到我就會出嚟接待。我係企喺門口個窗望到嘅視線範圍內等，方便店員可以見到我，其實中間有幾個店員都有望出嚟，仲有一個經理(？)(著shirt+西褲)都有望出嚟，我仲以為就快入得去。點知企左成20分鐘都冇人出過嚟，去到5:02分先至有個女店員行出嚟，一句唔好意思都冇🤬開頭以為入面好忙，入到去10張枱都冇🤡 serve咁少客都分唔到一個人出嚟接客入座，我真係大開眼界👏

今日去咗city walk商場的牛角食日本燒牛肉，我一同三人叫了每人一份午餐燒牛肉，還另外叫多一份剩燒的牛肉，內𥚃包含牛肉粒，牛舌，牛肉片，還有帶有平均牛脂的肉片。本來我哋的午餐經有不少的燒牛肉和牛舌，還有一碗紫菜飯，一碗清湯和一杯飲品，我就叫一杯柚子蜜，飲品正正常常，無乜特別。我先要贊下我叫所有的燒牛肉，件件美味可口，無什麼可批評的地方，相當滿意，雖然午餐來說三個人要八百多元，都就點貴，但間中豪下都無乜所謂。我只有一點有一些批評，就係我個燒烤爐好似有少少問題，連工作人員都要打幾次火先點得着，令我有點覺得危險，希望你哋可以改善吓啦。

入到牛角最難諗嘅一定係食咩因為太多選擇 不過我入到牛角最鍾意食嘅係牛舌，喺外面係未食過呢種質素，不過帶返個頭盔先，我都有試過一次好難食今次嚟就叫咗牛角十品燒肉盛盒，打卡一流，佢個擺盤係幾有趣，又可以樣樣試吓，不過老實講都幾貴 要$538。雖然樣樣都有得食，但食落嘅質素比平時單叫無咁好食😬 唔知係咁啱得咁橋定係點，但係如果你平時會叫和牛嗰啲嘅話，呢個牛嘅質素唔啱你，因為有啲好Un😥 直接叫塊和牛西冷或者肉眼仲好食！

因為要趕住用埋啲積分佢，所以今日特登嚟食牛角，自從食咗沙田嗰間燒肉like之後就覺得牛嗰啲性價比真係好低😅 牛角嘅食物好普通，但係收嘅價錢一啲都唔普通😂 食過佢嘅和牛，係真係好食，但係好似唔值嗰個價雖然自己係金會員，但越嚟越覺得牛角唔太值，反而佢旗下其他嘅仲好，不過值得一讚嘅係佢嘅牛角飯，配合得好好仲有牛舌都係值得一讚 因為牛舌要切到好薄先容易咬，其他餐廳都好厚，唯獨是牛角嘅牛舌，不過我食過咁多次都有一次係好難食㗎😂 (帶返個頭盔先)

✅牛角日本燒肉專門店相信牛角大家都唔陌生想lunch time食得豐富啲於是就黎左燒肉啦！好似都係第一次食牛角既lunch🔆牛角特選牛五品燒肉盛合 $138呢個定食set有5款唔同既牛有牛肋肉，肩脊肉，厚燒牛舌，牛舌同腹胸肉係落單既時候可以揀啲肉有冇醃製我哋叫左兩個set 就揀左原味同辣味原味係真係一啲調味料都冇😂 淨係得啲肉辣味就會係每塊肉上面都有辣汁 每款肉都好好食 唔會燒到好乾好韌最推介係牛舌！可能係我自己都幾鐘意食🤣佢會跟埋一個檸檬醋去食！ 係令到成個味道昇華左😍呢個定食都跟左沙律，麵豉湯，牛角飯同一杯飲品！黎牛角一定要食佢個牛角飯啦🤣果然牛角飯個個汁真係好正😀另外我地加左個金菇(+$22)同蠔(+$22)⭐️為左令佢地更加好食，淨係靠入面既牛油係唔夠㗎！😤於是我加左係枱面用黎配燒肉既蒜鹽醬😎成件事正左好多！係蒜蓉牛油金菇同生蠔呢😍感覺黎食lunch set真係抵食好多🤣🤣味道: 3.6/5賣相: 3.5/5

開返晚市10點堂食，長期多人排隊，等左一個鐘，但值得！必點辣豬肉豆腐，好惹味👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻本人唔太好牛，所以冇點牛，點左幾款豬腩，果然牛角既豬係唔會令人失望👏🏻👏🏻👏🏻👏🏻👏🏻👏🏻特別係厚切個款日本豬腩，好有豬味😜😜😜😜😜再點左雞髀肉同雞爽肉，都好好食！牛角水準依然，冇令人失望🤩🤩🤩

我唔想「安心出行」，唔想填紙仔，又冇打乜針物針，唯一方法就係買外賣。買個外賣飯盒返到屋企食，方便又衛生，又唔怕肺炎。玉子汁煮豬軟骨飯 (燒肉汁)，豬軟骨好入味，texture又淋又嫩，仲好厚肉，味道係又有肉味又濃又香口，唔係果啲未學滿師就出嚟開餐廳果啲馬虎味道，呢個完全係高質日本料理店嘅味道，燒肉汁真係招牌，好好味。可以講話淨係個肉汁已經可以撈幾碗飯嚟食，之前真係冇諗過，咁簡單嘅豬軟骨飯都可以煮得咁出色，下次一定再叫番哩嗰食。

雖然週末下晝去食牛角午餐冇七折，但對於上班一族嚟講，可以喺weekend享受吓好食嘅日本燒肉，都係好吸引的～今次介紹吓每次去到都會食嘅組合！-1）燒肉定食B 網燒一口牛+丹麥皇冠豚扒（半塊） $85其中一份餐點我通常都會叫燒肉定食B，因為可以用比較平嘅價錢去食曬牛同埋豬，而依個皇冠豚扒質素係好高的🐖豚扒建議一開始放喺網嘅正中間去燒大概5至7分鐘，受熱會比較平均；至於網燒一口牛，鍾意口感比較Raw嘅朋友記得燒4至5分鐘就好食啦！（當然時間都取決於當日爐嘅火力）-2）燒肉盛合定食F $135另一份每次必點嘅就係F餐！對於熱愛息口嘅人士來講F餐應該可以滿足到大部份願望，特別係厚燒牛舌！真係每次食都特別Juicy🥴盛合定食免費送埋牛角飯，上面紫菜都多，可以同普通定食嘅飯share食～（而且仲有得免費追加，所以好抵食！）所以一個燒肉定食+一個盛合定食=抵食夾好食の組合(ง'̀-'́)ง-3）會員優惠！海鮮二品盛合星期一至日食夠$200都可以用呢張優惠券，呢個set有兩隻蝦同埋兩隻廣島蠔🦐出乎意料隻蝦竟然好好食🤫本身都以為冇乜特別，但食落鹽香幾重，唔會好淡，廣島蠔就不過不失～-真心分享🤭我認為鍾意食日

等咗多於1小時超級之耐三至四人，多於兩人的枱勁耐先叫建議假期唔好食雖然食物係幾好但是如果多人食要等好耐所以如果黎呢度食要預咗等餐死本身對間店滿有好感而家有反感編排座位方面冇為多於2人的考慮佢既做法係期望兩枱人同時走先有B飛但係如果可以考慮1枱走後旁邊枱亦差不多完餐之時考慮留給B飛效果會好好多望考慮多顧及B飛好多B飛都因等太耐走灑即使係咁我都等咗多於一小時

有時懶起上嚟飯都唔想煮，就走咗去買外賣啦！真係好味又好過自己煮，外賣夠晒平，今次食咗個A餐溫泉玉子蒜香牛肉飯，同埋D餐牛角燒牛肉飯，店家煮定放定喺門口，幾乎去到就即刻買得走人！返到屋企仲熱㗎😘😘啲牛肉質素唔錯！呢個價錢食到呢啲牛角名物真係開心呀🍾🍾

老公生日話想食燒肉而家又無晚市 所以就帶佢去牛角食午餐平日都幾多人食等咗差唔多半個鐘先有得入發現原來入面都好多張吉枱不過人手唔夠 所以未執得切ʅ（◞‿◟）ʃ如果人手夠我諗一早就入得 好叫咗一人一個餐 F牛角特選牛五品燒肉盛盒$135同G和牛3品&牛角2品$228 湯同沙律都上得好快過5分鐘左右都上埋個肉我地先食F餐嘅肉 每種肉有兩片我同老公全部一人一半 當中有兩款係牛舌牛舌真係牛角最好味嘅肉！食到咁上下 肉都無咗大半碟 個飯都未到都差唔多等咗15分鐘見到格離兩枱都追緊個飯 我地唯有再追追佢 講完都過咗5分鐘先出到 其實真係幾失望始終有時淨食肉咁「漏」都想食兩啖飯中和下同埋本身都好期待個牛角飯食完我F餐就食下個G餐點知當中有兩款肉都唔係好靚 肉質好多根牛味都欠奉 只有一款牛肉好少少 應該真係和牛入口即溶 又多油 好好食！不過成個餐228都真係唔太抵食下次情願叫多個F餐 好似抵食d 食到中間又再叫多兩碗牛角飯（因為午餐牛角飯係任食）但又係等咗超過15分鐘 真係唔係想怪d員工 因為見到佢地都好努力做野 無停手 真係睇得出佢地好唔夠人不過始終食野又限時但成餐飯我就已經白等咗30分鐘 等牛角飯

一直都好想試吓牛角，但每一次都要排好耐隊，今次就問朋友借咗佢張會員卡，可以喺網上面預約，可以唔使等位就入去坐，真係爽！入到去因為我同女朋友都係懶嘅人，所以就叫咗個二人餐因為唔使諗哈哈！你可能會擔心二人餐會一啲都唔夠飽，但係放心一定唔會有呢個問題，我同我女朋友都係好鍾意食肉嘅人，而且我哋都好大食，食完你個二人餐我哋兩個都捧住個肚走。雖然係簡單一個餐，都有齊晒前菜、配菜、主食、甜品。首先講吓佢嘅肉嘅質地，絕對唔係啲普通嘅肉，油脂分布10分平均嘅牛肉，燒香左之後，有入口即溶嘅感覺。而且，配餐嘅肉盤，除咗牛肉之外，亦都有雞肉、豬肉等等，一次過滿足晒唔同嘅願望，啱晒食肉獸。