牛角日本燒肉專門店 (德福廣場2期)

營業中

休息中

星期三收工，唔知食乜，就去食燒肉啦！食燒肉又唔洗諗，再加上一定有野岩食，再飲下啤酒，正！掛住食，影得唔多相，不過牛角絕對係飯堂之一，因為本身好鐘意食燒肉，而牛角價錢適中 (尤其酒類)，又可以用 app 預先取票排隊，好方便。要推介幾樣食物:未來漢堡 - 不是肉的漢堡，好香，好值得食，食過一次後每次都要叫。黑糖蕃薯 - 呢個燒的時候都要有小小技巧，最好就燒到脆皮。但要 keep 住反下，因為試過冇理度，燶哂。黑松露月見汁 - 用呢個汁係美味過枱面三款醬，所有食物都好食哂。厚切牛舌 - 每次都會叫，都 ok。啤酒腸 - 都係唔錯，味道幾香。不過，係牛角就千祈唔好諗住食啲好靚既肉，始終價錢較平，要食靚肉就要去其他更專門的燒肉店，就當係食個便飯好了。不過如果你飲酒，就正，大支清酒 $168 已有。因為本人飲野特別多，所以飲品平，對我黎講係驚喜呀。當係 Happy Hour 都抵。仲有，牛角雪糕係好食的。

德福雖然都多餐廳，但係燒肉的選擇就好少，作為食肉獸，見6點牛角完全冇人等位，梗係要入去食。餐廳好寬敞，可能係時間仲早，D人都未收工，餐廳入面都好多空座位，員工安排獨立坐一張4人枱，有位放下袋，坐得舒服唔駛逼，正！餐廳其實分散都有D客人燒肉中，不過完全聞唔到味，抵讚！三味牛肋肉 $149冇想像中好食，三款有香蔥、黑椒蒜蓉、香蒜辣油，我唔太識欣賞辣油款，感覺燒完冇晒肉味，只係食到辣，當然唔係話好辣，但得辣味唔覺有牛味就失色少少，另外兩款係好食D，又香又入味，食完都想再食，細細塊其實唔太夠喉。丹麥雞胸肉 $52，味噌豬頸肉 $49難得機會當然要試下雞同豬，選擇左最普通的豬頸肉同雞胸肉。豬頸肉比較普通，問心真係覺得同平時BBQ個D分別唔太大，唔好太大期望去食就OK，亦可能因為我地選擇左味噌，本身有其他味道選擇，下次會選原味或燒肉味。雞胸肉反而有D驚喜，厚切得黎好有質感，冇醬料反而原汁原味，不過份量又係好少，每人2塊已經分完，係唔夠喉。石鍋香蔥拉麵 $52牛角最出名就係牛角飯，不過今次冇叫，就貪得意叫左個拉麵試下。個拉麵係冇餸，真係蔥+淨麵，抵唔抵食就見人見智，而我就最多叫一次咁。麵好快送到，比

放工後飛奔去九龍灣和爸爸撐檯腳然後看電影🥰 時間關係沒辦法吃燒肉呢！想不到牛角也有丼飯和拉麵！美中不足的是份量也太少了吧，我的話晚餐前吃了點零食剛剛好飽肚，可是爸爸說好像吃了空氣一樣😹到底是因為份量少還是我們一家都是黑洞胃🤤/1️⃣Rice w/ Pork Cartilage #汁煮豬軟骨飯💰HK$72🍚豬軟骨超級䭃，骨肉分離，醬汁非常入味，一咬肉香就沾滿成個口腔，肥瘦均勻，完全沒有油溢噁心的味道。雞蛋如果是半熟就更好了2️⃣Stone Pot Noodle w/ Pork and half boiled egg #石鍋玉子豚角拉麵💰HK$72🍜相比起豬軟骨，豚肉肉質比較粗糙，而且我不太嗜吃肥肉😫拉麵煮太久，有點淋，照片中也看得出太油了，而且不是麻油那種香，所以有點失望呢⋯⋯

男朋友生日這個大喜日子，特意訂了間友人推薦的日式燒肉於是早在一星期前已經經電話訂好座其實我一直以為這間牛角是任食的原來只有旺角的 牛角buffet 才是任食畢業是男友生日，只好硬著頭皮進去一張長桌上用屏風間開不同的位置，不會過於擁擠，而且還有空位可以讓我放包包基於資金有限，男友也是看著我的銀包點菜我會點了一個牛肉拼盤，雞肉，牛舌及香菇就算了牛肉拼盤很特別，每個部分的牛肉都很好吃，而且口感不一 個人私心推薦牛舌不論厚切還是簿切都很好吃重覆叫了2次啊不過香菇就很一般，放在錫紙盤及牛油上燒烤，還沒燒完香菇就烤焦了小結。總捨而言味道很不錯，特別是牛肉但其他菜式姑香菇，雞肉等就比較遜色以每位$400而言，比較貴及會有更好的選擇大家可能食buffet會比較單點更好小補充。威士忌梳打超級難喝。別點

今日難得同T小姐一齊放假，訓到12點諗住出九龍灣食牛角lunch等T小姐整裝出到去都3點，點知原來有下午茶時間，仲抵左係午餐價錢再七折，還掂我地都係share食，我叫個平價朱同雞定食，佢就叫個貴小小既全牛定食，咁就有哂雞牛朱啦，套餐仲有沙津，飯同野飲，朱同雞個餐雖然平，但雞腿肉同朱腩片都好好味，好有肉汁，牛就有好多個部位，個個部位雪花都好靚，燒完都好淋，好有肉汁，係差咁d牛味，埋單計埋七折，2個人都係163.2真係好抵食

通常去牛角都係午市去 因為午餐真係好抵不用$100既套餐 包左飯、肉、沙律、飲品前菜沙律細細碗 唔夠食 但至在開胃 味道唔錯 菜都新鮮肉有豬有牛 肉既質素幾好 賣相都唔錯飯方面 可加錢轉牛角飯牛角飯就係加左飯素、醬油、紫菜既飯 超好味 同燒肉好夾 食完想再食可以追加唔轉都得既 但個人覺得燒肉配白飯就比較遜色左 午餐$100內價錢可以有燒肉食 環境又幾好 坐得舒服 服務人手都足夠 因為電子自助落單 唔洗舉手舉到累同朋友邊燒邊傾計係唔錯既選擇 滿意滿意

Dinner時間，周圍都開始多人，見牛角門口冇人等位，仲擺住龍珠紙版，好似好得意咁，再加上匯款卡有獎賞錢優惠，就入去試下。門口唔大，估唔到入到去都好大，見到都好full，雖然2個人去食，不過帶位哥哥都俾張4人枱我地。menu好多肉選擇，其實我都唔多識分，就求其叫。美國SRF極上和牛板鍵肉+蘿蔔蓉柚子醋見餐牌話呢款肉係稀少部分，就試下啦！我本身鐘意食熟D，呢款肉燒完之後仲係好有咬感，唔會好乾身，入口好滋味，不過$88得2塊，仲係好薄切，個人覺得好貴，雖然好食，但下次唔會再叫。另外，個人覺得個柚子醋味道唔多夾呢款肉，所以只係稍微沾少少試食就算。唔識分邊款肉好食，就好似我咁叫呢盤燒肉六品盛合最方便，牛、雞&豬都有。當中牛肋肉&豬頸肉最好食，仲要唔係薄切，而且食落係新鮮嫁！ $249食到6款肉，都算抵食。食完六品盛合，真心覺得牛肋肉唔夠喉！所以再叫左三味牛肋肉 $149。真心覺得好好食，好新鮮！平時去其他烤肉店，都免不了會發現雪藏味，或者好難分開D肉，牛角冇呢個問題，望落已經好吸引，食落口覺得3款味道各有不同，價錢又平，真係推介。食燒肉梗係要食埋呢度特色牛角飯 $29，飯面鋪滿紫菜。我覺得冇想

牛角晚餐吃得多，以為lunch來人會少一點，點個都要排成30-40分鐘先有二人台。牛角的確是抵食，但不得不賺的是行入店內一點油煙味都沒有，其他燒肉店就算多好吃，一行入去總會有烤肉味。 牛角set lunch肉的份量也剛好，配一碗牛角飯完全夠飽，不過有些肉就比較乾身。

牛角係人都食過，今次整埋會員下次食會抵好多，仲有啲coupon可以即時用有啲set用creditcard俾錢仲有discount肉質一直都keep到水準如果唔係超高要求，牛角真係可以止到肉癮又高CP值有得揀醬汁嘅味道，我最中意食牛肋肉，冇渣

星期六又係四圍搵食既大好機會～做完一大輪運動，餓餓地，就選擇左去就近既牛角食lunch近排係龍珠主題，但好可惜除左店內旗仔同枱面都唔見有其他關於龍珠既野算啦食個飯姐廢話少講，開始睇餐牌啦！係好耐之前，呢度午市係無lunch set，但而家有就當然係叫套餐，貪佢唔洗煩。散叫次次都左思右想其實都幾浪費時間⋯有set就perfect適合我呢類選擇困難症患者～今次叫兩set $149，再另叫牛肋肉盛合～餐有湯，沙律，肉，溫泉蛋牛角飯，自選肉類一碟。其實普通人叫set已經飽，算幾抵食丫，肉都唔差。自選肉類有魚，帶子，青口同菇類可以揀～好多選擇。純粹係我地做完運動先叫多啲，如果無咩運動量叫一個餐都已經好飽架喇！

和朋友同事吃的午餐牛角有很多選擇午餐價廉物美 有60幾蚊到120幾蚊不等可以揀燒烤 或者要普通定食自己就叫咗個燒肉拼盤 再加牛角飯 牛肉超級好食 燒幾下就已經食得加埋啲牛角飯 係有紫菜同埋麻油喺上邊再包埋嘢飲~~超級豐富的午餐

第一次係香港食日式燒肉，就試下牛角啦。平時行街見到牛角d分店間間都好多人等位，所以次次都無去食。今日係九龍灣德福廣場二期行街見到有牛角，6點幾都已經好多人係牛角門口等位啦！今次就的起心肝去試下啦，拎完飛就去行下德褔，一個鐘頭左右就叫有位啦。（我諗我地拎飛果時放左一批人入去，所以要等一段時間等佢地走先有位俾我地入去）呢度每張檯都有部平板俾我地電子落單。我地叫左個唔係最貴嘅燒肉set, 泡菜豬腩肉，厚切牛舌，牛油金菇，一個石鍋飯。雖然我地叫唔係最貴嘅燒肉set （有雞、牛、豬）,但d牛肉燒完都好juicy, 鎖住晒d肉汁，真係十分推薦! 泡菜豬腩肉同牛油金菇就係分別用錫紙盤上菜，可以直接放上去個鐵絲網燒，好方便。燒完d金菇，仲可以繼續用個錫紙盤繼續燒，容易d控制肉嘅生熟度。呢間分店環境唔錯，檯與檯之間有塊板相隔，有自己嘅私隱度。侍應都好好服務，會自動添水。如果鐵絲網需要更換，都可以要求侍應幫手更換（免費的）。付款後，侍應俾幾粒糖俾我地清下口氣。

在海港城裡面，在朋友帶領下繞來繞去才到，如果自己找估計得找半天，因為早早就到，所以不用排隊，吃完出來看到門口還有人在等位。  「牛舌」有厚切和薄切牛舌，因為得自己烤，厚切烤的過老容易變韌，個人更喜歡薄切牛舌，點了辣味和味噌味，辣味更好吃，味噌味偏咸 「和牛牛肋條（6條）」和牛真的好贊！口感柔軟，肉汁鮮美，很好吃😋 「銅鑼燒冰淇淋」吃完肉來個甜品簡直完美，第一次吃這種，需要烤一下，皮會脆脆的，加上裡面冰冷的雪糕，口感豐富，強推！ 「柚子活乳酸梳打」酸酸甜甜，柚子味不是很濃  還吃了很多其他部位的牛肉，但因為是朋友點菜，也不知道叫什麼，這裡一份牛肉的分量不會很多，基本是4到6片，所以可以點很多不同的部位試試，雖然海鮮也有，但味道一般，還是牛舌和和牛好吃。

行街行到9點幾，經過牛角就心郁郁想去食下日本燒肉🤤見佢有優惠既宵夜set，一於去食啦！加$20 任飲Asahi生啤超級正，最後每人飲左3杯，最初佢係用呢個size既啤酒杯裝俾我地，last order我地追加一杯，就大大杯俾埋我地！超抵飲！啤酒泡勁soft🥰牛肉特上燒肉 $258有曬牛角上級牛肋肉、腹胸肉、豚肉燒、雞腿肉同厚燒牛舌。最好味係腹胸肉，咬落juicy，唔會好油，其他質素當然都好好啦😚仲要夾埋咁fresh既生啤，一流！

牛角真係次次都排哂長龍，今晚Happy Friday 就更多人。兩個人叫左好多野食😝最鐘意食辛味牛舌，好味過原味好多。其他牛肉都唔錯，仲有唔知點解次次都一定會叫牛角飯。