牛角日本燒肉專門店 (德福廣場2期)

營業中

休息中

之前係屯門兩間分店食外賣，質素都好好估唔到九龍灣呢間咁差叫兩碗生薑豬頸肉，都超級多肥肉又好韌，超難咬而且明明係叫即整唔知點解都係唔熱既雖然個飯唔貴，但都應該維持水準！

「牛角」，一直都是我最愛的燒肉餐廳，因為無論是它的燒肉質素抑或是味道都非常出色，而且更有售賣我最愛的「獺祭」大吟釀不過對比起它的晚市任食放題，本人更喜歡品嚐它的假日下午茶套餐，因為份量剛剛好之餘，價錢亦相對「親民」，而最近因為疫情的關係，套餐已提早於午市時間開始供應，所以今天中午的時候我便和男友來到這裡品嚐燒肉午餐了餐廳總共提供了三款午市燒肉和兩款定食套餐，燒肉套餐的價錢分別是 $145、$169以及 $248，而我們當然是選擇了最便宜的兩款，勝在性價比最高嘛！No.1【牛肋肉四品燒肉盛合】$169很老實說，除了有標籤的和牛牛肋肉以及與眾不同的網燒一口牛外，其餘兩款牛肋肉我們需要非常仔細地細看，才能慢慢分辨出來，所以個人建議餐廳可以在每款肉類上都分別加上標籤，這樣便能讓食客更容易辨別出不同的肉類在四款牛肉之中，我們當然最喜歡和牛牛肋肉，因為它的肉質不單止非常柔軟嫩滑，滿口亦充斥著濃濃的油脂香氣，細嚼慢嚥的時候，鮮甜無比的的肉汁更立即傾巢而出，在唇齒間留下一絲絲濃郁的牛肉氣息，口感細膩而延綿，讓人口舌生香，回味無窮至於牛肋肉和上網牛肋肉，個人覺得無論是它們的賣相、味道抑或是質感，兩者都分

抗疫期間冇得出街食，餐餐都煮太辛苦了吧“”牛角””外賣都係一個唔錯既選擇 外賣自取有””75折””建議係網上訂餐去到可以直接拎去到先落單就會有排等揀地點>電話>自取時間>可以選餐由幾十一個飯到幾百蚊既燒肉套餐都有，用茶餐廳常餐既價錢就可以食到牛角既燒肉飯…..抵!!!!今次試左玉子煮豬軟骨飯-燒肉汁 & 牛角次男坊丼(美國草飼牛腹腩) 豬軟骨飯 好入味 肉質好稔 鹹度剛好 牛角次男坊丼 牛腹腩肥瘦適中味道偏濃 剛入口會覺得好入味 食到中段會覺得略鹹 總括黎講性價比高，值得推介

午餐真係超抵超好味真係唔講得笑！一定追加牛角飯牛未燒好就已經食左一碗牛角飯基本上其實d牛唔會係差先啦款式都多最鍾意呢就係呢啲牛嘅生熟程度可以自己控制因為自己燒而最緊要既係牛角飯午市係免費追加最少係2碗我最多食過3碗有紫菜又有果個醬汁真係好開胃邊打邊流口水啦

今天新聞宣佈又新增確診多百多宗，不過無助出外吃飯心情。今天到德福商場走走，順便在這吃飯。見到不同品牌食店，韓國燒肉吃的多就選擇日式燒肉牛角。這裡的日式烤肉為網狀燒烤，肉類直接接觸到明火，這種形式決定了日本烤肉的的肉類很少醃漬 均使用味汁混合，這也是高級肉類脂肪汁液濃厚的原因，所以日本烤肉對肉的級別要求較高。而韓國烤肉從真正意義上講為煎肉，使用器具多為石板，鐵板，鍋蓋，瓷板等，肉類基本上不會與明火接觸，這就要求肉類在外物導熱前要保持大量的水分，所以肉類醃漬調味兒多在液體汁液中浸泡，其中有稚嫩含維生素的物質比如梨的汁液，這種烹調方法對肉類等級要求不是特別高，所以韓餐的烤肉要比日料低一個價位。是日餐廳內因為疫症人不多，人都分開坐，門口亦多人點外賣因為6折亦算抵食。甫坐下侍應即送上兩張紙給你放口罩，不過衛生有點存疑。先選擇假日套餐，牛肋肉四品燒肉盛合及牛角嚴選六品盛合各一。比起韓燒的確性價比不高，每款肉類份量少，大胃口的話應該要額外再加肉。醬汁只有2款，烤肉汁及蒜泥。入口算不錯，不過未算驚喜。另外再加豬腩肉一小碟。

想試牛角Lunch好耐今日係九龍灣諗起有牛角即刻去試試。一行二人點左美國和牛三品&牛角二品燒肉盛合揀左原味😝另外再嗌左個燒肉定食B餐（雞腿肉同牛肋肉）～追加必點嘅牛角飯😜牛角飯仲要係任添ga!再加多一碟牛舌，每次食牛角都必嗌嘅牛舌，薄得黎好入味。兩個餐都包飲品同前菜沙律。肉質對比就牛三品係最好食😝環境每張枱都隔得好開👍🏻店員都細心講解每份肉同態度好好。lunch set真係幾抵食，有時食飯食到悶可以食下燒肉啊！

雖然味道不錯，但生薑味欠奉， 洋葱也近乎0， 豚肉不是薄切， 口感上大打折扣。跟選擇購買的食物完全不符，令人有點失望。@@@服務人員服務態度不錯，令人取餐心情也 好些！

外賣左一個玉子汁煮豬軟骨飯， 整體賣相同味道都非常好，飯面有紫菜碎條，豬軟骨煮得好淋，滿哂肉汁，食落完全無渣淋過腩，另外仲跟一支細枝裝道地解茶。雖然要等一個鐘但都值得。

難得放假，緊係去食抵食又好食既野啦👍🏻牛角下午茶好抵食，所有午市套餐都有7折，於是就過黎食，2點半開始下午茶，早少少黎拎位就可以，我大約等左10分鐘就入得👍🏻叫左牛角特選牛五品盛合，$135 仲有7折，抵呀，不過呢個優惠只限平日星期一至五，想試既朋友要注意😊燒肉係重點，但主角係牛角飯，可以任食，我本身唔大食，但都食左兩大碗😂😂，唯一缺點係個飯要等好耐，追加可能真係耐啲，大家想食好嘢就要俾少少耐性喇😂

The first time tried this restaurant. Despite restaurants offer a discount price for the takeaway orders. The portion relatively small and doesn’t meet the standard. Although they offer high-quality beef, the taste of the beef wasn’t satisfactory. Rice as usual. However, they have well packed the food and the half boil egg packing was unique. Offered free a drink with the menu. They may need to work on the taste of the food. I am saying based on personal experience. Overall average to me.

呢一日發現有外賣，好抵！ 75折！ 有5款，最平四十幾，最貴都唔過六十，仲有汽水跟。 吸引到女友同我即刻叫！我揀咗味噌膳良豬肉飯，女友揀牛角燒牛肉飯。 去到俾咗錢，等15分鐘左右就有得拎，店員好有禮，所有外賣包裝好整理，讚👍🏼我個豬肉飯賣相就正常，都好多料添，其實膳良豬肉係素食嚟㗎，叫新豬肉。 其實之前係店都食過，所以點咗呢個。 味道好夠，我就連店提供嘅汁都唔洗落，個味噌味都好夠😋跟一打開女友個燒牛肉飯，我哋兩個都一齊嘩咗聲！以外賣計，賣相極好😃 最重要係瘦牛！因我哋好怕係肥牛，尤其是女友，所以好開心😁 望落食落都少少牛肉乾 feel，但係係有肉汁個隻，雖然有部份牛食落少少韌，但都好味道㗎，至少我倆鐘意😋加上價錢真係抵！ 一定會再叫😁😁

牛角燒肉放題就有食過，但外賣燒肉丼飯就唔知咩味，所以要試下。其實應該同次男坊冇乜分別，但因為我連次男坊都無食過，位置太隔涉。今次就見距離唔算遠，德福牛角都有做丼飯外賣，咪行過去買。上網預訂左先，然後到店自取，本身正正想試次男坊丼飯但諗諗下而家冇咩錢，經濟唔好，算啦揀個半價「生薑豬頸肉飯」，免費包汽水，咁我順便搭多隻溫泉蛋，都係$35.5，OK啦。真係冇咩大預期，始終劈落半價，網站張圖又顯示好似得半碗份量，味道方面都冇咩大expectation。但拎返屋企發覺飯量都唔少，有平時屋企一個飯碗多d咁上下，肉一樣唔少，有𡁻口又有豬味，唔係茶餐廳level豬頸肉，最緊要係入晒味，好好食。再撈埋醬汁同溫泉蛋，超出預期唔錯，令到我有衝動再幫襯。咁樣拎一段路程返去雖然凍左d，但個人接受到。其實一直都因為工作上既原因，唔多buy牛角成個集團做既任何舉動，但試完呢個飯就發覺，點解人地終歸正正吸引到咁多客呢？喺食物質素方面至少唔可以求其，對我黎講公關技倆都係其次。

牛角燒肉一直都好高質！心血來潮又同朋友去咗食🤤一坐低餐廳好貼心比左個信封我地放口罩因為我地8:30到啦 係宵夜時段 所以平過平時好多我地就叫左B 餐 分別有雞牛豬3種肉 豬就有2種既 一個係薄切既五花肉 燒完之後既油脂都5會輸比牛！ 切得好薄 燒完會有脆脆地既口感另外雞都好驚喜😨 雞皮一樣都係脆脆地既 而肉質非常之嫩滑 唔柴👍🏼而牛既質素好好 係好淋好多油脂 一咬就開 唔係咬好耐好UN 咁如圖所見 油脂含量好多 非常滿足🤤肉既質素好好完全值得呢個價錢！😋柚子燒酌活乳酸梳打有少少酒精 濃度唔會太高 好多柚子好足料巨蜂燒酌活乳酸梳打甜甜地都幾大杯幾抵飲！總結係好滿足嘅一餐 而且物超所值！服務同環境都好好

一直都係牛角嘅忠實fans，近日仲愛上咗佢嘅A5日本佐賀黑毛和牛實在太好味！ 睇相都應該睇得出佢嘅油花幾咁飽滿均勻，真係入口即溶！侍應會問想自己燒定幫你燒？叫佢幫你燒，佢會問你想食生啲定熟啲。然後首先佢會用牛油脂搽個網，再放上兩片和牛，大約10秒就食得 個月見汁好正，其實類似壽喜燒嘅汁再加蛋黃。沾滿和牛食非常好味！另外lunch必點嘅就係燒肉拼盤lunch set，有齊燒肉拼盤、沙律、飯、湯，抵食。Lunch set嘅話推薦選擇埋石班魚柳。

九龍灣德福行街睇戲，突然想食燒肉，於是搵咗日式嘅燒肉牛角，好耐冇食過牛角啦，水準依然保持到，兩個人坐低叫咗一個兩人套餐，而且有某銀行有信用卡優惠。套餐包括有蕃茄沙律，明太子沙律菜，海鮮拼盤，牛，雞、豬肉拼盤菇類，還有好好味的溫泉蛋紫菜飯。第一次日式燒肉燒海鮮拼盤，海鮮雖然新鮮，但並不易燒，所以味道麻麻，還是建議大家叫肉類好啦。試左肉類拼盤之後，結論還是牛肉最好味，所以大家可不用叫套餐，還是自選唔同部位的牛肉，才能識到邊個部位最好味，拼盤入面的牛脷簿身，牛味濃但口感同日本嘅燒牛脷飯仍然有段距離，於是額外點了厚身牛脷，果然味道不同，都好好味。