牛角日本燒肉專門店 (德福廣場2期)

營業中

休息中

突然想食烤肉，諗起附近有牛角就去食lunch，叫左牛餐set。有五種肉，有飯有湯加杯野飲，其他普普通通，但係個厚牛舌有驚喜到，好彈牙即刻又追加左一份。d位坐得幾舒服，可以再試

因為男朋友信用卡有優惠，立刻比左個原因我黎食牛角啦！我地嗌左牛角大皿燒肉盛合溫泉玉子凱撒沙律辛味青瓜大皿燒肉燒野菜廣島蠔雖然係2人餐但有4杯飲品！因為太愛牛角飯，所以另外再嗌黎食♥永無失望。

牛角出名就係食日式燒肉嘅餐廳。但其實如果你唔識燒肉嘅話都有其他好選擇嘅。Lunch去食其實佢都有一啲set lunch可以俾你選擇。當中就包括左我同同事都好鐘意食嘅韓式石鍋海鮮豆腐湯。跟餐本身就會有一個牛角飯同埋沙律，仲有杯嘢飲添。由於餐廳支持環保嘅關係，所以凍飲係唔會俾飲管你既，有需要嘅話就自己問待應攞。啲豆腐好滑，跟住嗰個泡菜湯嗰個味道適中。同事叫咗呢個石鍋嘅雞飯。我就覺得我個泡菜湯好味啲啦！不過有樣嘢唔好嘅係...因為lunch個個都叫lunch set，廚房會湊埋一埋單，一之過整同個嘅食。所以上菜方面，成日都係會有一個人遲遲都未有嘢食。如果等齊嘢食先一齊開始動手食嘅話，咁早到嘅嘢食就會凍哂。如果唔等嘅話，當你食完，有可能另一個人既嘢食都仲未上到台。

牛角如果係平時諗唔到食咩 又想唔太貴嘅首選。d 肉雖然唔多 但慢慢燒傾下計 係好好嘅option.最鍾意佢我珍珠飯加紫菜加溫泉蛋。無限添係好正。完咗之後加埋個綠茶雪糕，咁就好完美。

同朋友慶祝生日.. 去左食牛角。去到見到有人等緊位, 但我一早用app book定檯, 所以唔洗等位..一埋去就安排我地入座。環境好舒服, 每檯同另一檯中間有d距離..唔太迫..同埋都唔算大煙..仲放得落架bb車tim*由於太肚餓..點左好多野食..先點左d熟食先*大板燒餅*唔錯..唔會好似食緊粉漿咁..比例岩岩好柚子冷麵*點解會係一間日式燒肉食到韓式冷麵😅我唔會係日式鋪頭叫韓式野，不過朋友想食..好清新柚子味，都可以接受又係韓式，豆腐海鮮湯都係朋友叫，都可以接受啦之後就開始燒肉啦..點左牛舌，一碟有6塊，薄薄既牛舌，燒一陣就食得，千祈唔可以燒太熟。仲有其他牛肋肉， 雞.. 不過職員放係無講係咩，講果陣又勁細聲都唔知係咩..不過唔緊要，整體黎講唔錯。而且又有會員9折優惠..又可以用coupon ..好抵食

跟朋友去德福買野，行街之前梗係要醫飽個肚，諗起好耐都無食燒肉，咁岩朋友又想食，於是就決定近近地食牛角。拎左飛之後等左一陣就入得。食燒肉無可能無牛，首先我們點了極上佐賀和牛套餐和牛味道確實係唔同，牛脂分佈適中，入口近乎即溶。之後又叫左豬頸肉同埋雞肉蛋黃醬蝦食左咁多燒肉其實都係要食反D澱粉質，所以我地又叫左豚肉玉子拉面。整體黎講，燒肉質素中上，價錢合理，最方便係分店比較多，想食燒肉就差唔多有一間係附近。

張檯好細，坐得唔舒服，頂手頂腳經常整跌餐具囉，想叫多幾樣野食都無位放 ﹗馬馬虎虎求其食埋單都要千一蚊，用 ipad 落單好方便呢，自己又可以隨時 check 單 check 價錢真好。海鮮不多，幾乎全肉，以牛為主，有牛舌、肋骨、牛胸、肉眼、西冷、和牛，對我食肉獸而言，當然完全無問題，不過菜牌感覺硬係有少少悶。美女不太愛肉，要叫多點海鮮及蔬菜體貼一下啊。剛剛日本北海道回港個兩星期，真係好懷念、好掛住啊，唯有飲住 Sapporo 生啤頂住先啦。提供幾款醬料配烤肉，有烤肉醬、芝麻醬、果醋，其實肉只要夠靚就根本不用再調味啦。辛辣牛舌，其實牛舌、內臟類都不是全部人都受落，用來做前菜十分創新又大膽。厚切牛舌軟棉棉，不是爽彈款，輕醃咸香沾上辣椒渣，油味濃而辣味弱，整體唔難食。牛角沙律，食大量肉類海鮮都想清一清味蕾，爽嫩多汁的蔬菜混上少許牛肉及胡麻醬，開胃醒腦，可以讓舌頭，稍作休息。流心蛋辣牛肉飯，辣椒就唔多辣喇，肉碎加蛋醬豉油撈飯更係無得頂啦，最衰飯粒太黏太濕。石鍋泡菜豆腐海鮮湯，吱吱喳喳送到，熱騰騰的石鍋盛著滾湯，噴住煙出場 ﹗先呷幾口湯，酸辣並重好好飲，濃濃的泡菜味十分開胃，還有最緊要的滑豆腐，

歡樂組組長話呢間燒嘢食好好味重點係九點後有折所以相約一個星期五放工之後就去刷餐勁😆因為組長遲收工搞到有兩個朋友仔先去攞位但係組長又講啲唔講啲，原來只係有一個Menu有九折咁男仔頭朋友仔同埋為食同事以為全部Menu都係九折，所以嗌左D冇折又貴嘅肉吖😱😱😱組長到左先話比我哋知🤦🏻‍♀️咁冇計啦我哋即刻補返嗌返啲平又抵嘅肉首先推介佢有一個泡菜豬肉連個兜一齊燒，泡菜嗰啲汁撈埋喺嗰啲肉度一齊真係好好味呀😋其實所有肉都係非常之好味，除咗一個長條形比較難燒之外，因為燒得唔好就會好銀🙊所以都係推介大家嗌D薄切嘅肉會好啲

星期天午餐想吃燒烤肉, 女兒介紹牛角; 她在將軍澳有很好經驗, 這次我們到了德福這一家。不用等位已經可以入座, 入座時日語歡迎頌叫滿全場; 其實這招待方式沒必要, 叫的人是習慣性不能感到内心的熱誠, 但卻騷擾其他客人的寧静。我們選了2份假日燒烤肉套餐, 下單時女兒特別查詢是否跟將軍澳分店一樣, 套餐碗飯可以免費添加, 服務生表示可以。幾分鐘後送餐了, 先來的是帶子, 應該有3顆但有一顆只有裙邊, 我們要求更換, 服務生表示要請示經理; 我們奇怪這麽明顯的缺陷還要得到上司批准才處理?!食物沒啥味道必須有醬料調味，可惜醬料偏咸我們都不喜歡。用餐中旬經理經過我們餐枱, 我們向他表示要添加碗飯, 他回應假日套餐只提供一碗飯, 我們告訴他下單時服務生表示可以的; 他沒有查問是那位馬上找開脫藉囗。 說服務生才第二天上班所以信息有誤。儘管他真的知道跟我們下單的是那位服務生, 沒來由餐廳培訓不足要由客人承擔後果。我們沒有跟他爭論，因為已經不打算再來了。最奇怪是入座後餐廳特別在餐桌上放了張告示, 鼓勵客人向服務生投以鼓勵和感謝; 說明餐廳管理層很著重服務和與客人間的互動, 可惜真實卻是兩回事!!!

今日下午茶經過 haha見無乜人唔使排隊同埋又有小小想食燒肉~~於是就入左去啦牛角不嬲高質就唔使多講啦~~而家Tea set 好扺食 仲有7折 超級扺啊值得去食架真係！兩個人食到飽都唔使200蚊！！！平時夜晚食真係無可能而個價啦送個沙律都好好食紫菜飯可以自己整 放哂d紫菜係上面自己撈！ 自己又可以玩下 哈哈燒肉方面 肉質勁軟綿綿就算燒烤都唔會令肉質好乾真真無水份~點埋d汁一齊食好好味啊另一個就叫有個類似泡菜湯既！而個唔會太辣 味道岩岩好

今日屋企冇煮飯！難得有人問我食咩！梗係選好耐冇食既牛角啦！放工去到九龍灣仲成堆人捉精靈嚇親 🤣🤣 澎澎聲上去拎位！唔知係咪我好耐冇黎食過...依家竟然唔駛等位咁慘慘豬！去到門口諗住拎飛，點知俾個三人家庭入左去先...但姐姐叫我等佢睇下...我仲心諗...咁滿！唔通要等...入面得半滿咋...入座後姐姐話匯豐餐，但睇唔岩！就散叫算！我地兩個人叫左兩個小食+3個牛+2個飯！量份都算岩岩好！臨尾想叫多個...但又好似多左！最後放棄！三味牛肋肉，太多蒜溶！第一個味就係蒜味...係一堆...第二個就加左辣油...但都一堆蒜...第三個就係蔥！除左對佢蒜太多有少少唔 like 外！牛都係好食既 🤣🤣牛角飯係最愛 😘二人份量都可以！厚切牛舌！勁正 😋王樣！味噌牛胸腹！味噌勁正！兩塊雖然唔大！但我剪開左4細塊 🤣🤣

由於朋友有vip會員既關係，成門口人都可以等一張就入得，真係好彩。燒肉盛盒，有牛肋肉，雞胸肉，牛舌，腹胸肉，猪頸肉。$238咩都有d，岩曬選擇困難症既人。腹胸肉有d羶，牛助肉稍為鞋，豬頸肉爽口，雞算滑。三味牛肋肉(香蔥、黑椒蒜蓉、香蒜辣油)$138蒜蓉配落牛肉度零舍香，比原味更好食。熊本豚腩肉$88勁厚身，半肥厚，好香口。廣島蠔$65勁肥美，但好似燒好耐先熟。食左咁多肉，點都要叫d 菜食下。牛油金菇$25，本菇$25， 好香牛油味。菇菇爽口。成晚最讚係支梅酒$78, 梅味重，酒味淡。岩曬送肉。

本人首次惠顧貴餐廳，一進入已感到職員不想招待，查詢點餐時，職員態度更差，本人誤以為是來求乞，想真一點，原來本人是來消費的。肉類極鹹，港式日燒。侍應態度極差，沒有專業知識，藐視顧客。

一想食燒肉，就會諗起牛角，因為價錢合理，服務又好，所以我成日幫襯宵夜黎食，指定餐牌有半價，有啲係7折，最好既係有得加$28飲啤酒放題！有得揀Asahi或者Sapporo！超正囉！開心！之後叫左燒肉拼盤，有厚切牛舌，豬腩肉，雞脾肉，本菇，金菇，燒宵黎講都夠食！啲本菇同金菇都超好食，落左牛油去燒，燒到啲菇吸晒啲牛油，好香好好味！雖然好肥，但絕對要食！個燒肉拼盤包左兩杯飲品，我揀左牛角特飲，飲完牛角特飲再飲啤酒，今晚飲左好多野另外我都好鍾意牛角既鹽醬，牛角鹽醬配埋燒肉係最夾！我之前去日本旅行都特登去supermarket買左枝返香港，有時係屋企煎牛我都會用。因為真係好好味，落左鹽醬，煎牛排就唔使落鹽喇。提一提，宵夜時段都多人食，要預返等位時間。

等左1.5小時先有得食既lunch黎牛角緊係食燒肉牛肋肉 骨付牛肋肉$96玉子葱飯$21配昆布湯 沙律 熱檸水好食指數:7.2/10牛角最出名就係食牛個人特別喜歡骨付牛肋肉 肉質較厚 比較juicy 不過牛肋肉較快熟 薄薄一塊配飯吃一流玉子葱飯係必叫 半生熟既蛋撈成碗白飯 好好味 係簡單既美味雖然lunch 黎講 加埋一要百幾蚊但質素係唔差而且個葱玉子飯可以追加(食左兩碗)久唔久一次係唔錯既不過真係要排好耐隊 雖然我知會員會等得快 但我又無乜興趣張會員卡😌整體係唔錯 但唔洗排隊先會食