影片
營業時間
今日營業
12:00 - 16:00
17:00 - 23:00
星期一至日
12:00 - 16:00
17:00 - 23:00
以上資料只供參考, 請與餐廳確認詳情
又來食牛站，還回味之前的大頭蝦／脆肉鯇，這家CP值真的很高，多吃幾次不為過。還是選了皇牌2號：SRF美國極黑和牛這個放題Set，任食美國極黑和牛／美國安格斯牛板腱／封門柳，以及各種新鮮海鮮。湯底：清甜椰子雞鍋這次吃得清一點，天氣熱，椰子雞湯夠清潤，湯色雪白，好多雞肉，還有椰子片。肉類／海鮮主要用QR Code 點餐，還有其他食品安排在自助區，可以自由取用。開始先點了一堆海鮮／牛肉蜆：好大隻，好肥美，相當鮮甜，必點😋。大頭蝦：大大隻，隻隻爆膏，好甘香。脆肉鯇：肉質非常爽脆，令人食不停口。白蝦：新鮮，但相對沒其他海鮮出色。美國安格斯牛板腱：有牛味，有口感，必點。美國肩胛肉：脂肪少，但牛味濃，相當不錯。美國牛脷托：口感不算太爽口。美國極黑和牛：肉質可以，但沒有安格斯有牛味。黑草羊：羊騷味輕微，所以我也可以吃。自助區美食，竟然有任飲清酒，汽水／冷泡茶／蔬菜／小食／甜品／飲品／生果／乳酪都有，非常豐富，我朋友臨走前都要食多兩杯藍莓乳酪😋😋😋。總結，是可以無限reloop的一家火鍋放題，食物環境很好，價錢又實惠，期待下一次。
繼續閱讀
對上一次食打邊爐都有一個月，今次約埋朋友一齊嚟到牛站食任食火鍋，平時食放題2個鐘就好快完，呢間牛站放題唔同中午食4個鐘，真係想坐幾耐都得。湯底方面有🔟款選擇，我哋揀咗鴛鴦鍋（金湯花膠鍋+香辣沙嗲鍋）肉類方面點咗呢幾款，牛肉色澤均勻，肉質好有咬口，食落好濃嘅牛味，質素唔差。美國極黑和牛片SRF美國特級肩胛肉眼美國安格斯牛板腱火鍋配料種類好多，有丸類、蔬菜、菇類、麵類等等比你慢慢揀。另外仲有自助區有小食、炸物、涼拌小菜、甜品區、雪糕區、酒類，各式各樣飲品，咁多嘢食真係未打邊爐已經開始食飽咗🤣。整體嚟講價錢唔算貴，仲可以食4個鐘真係好抵食，食物嘅質素唔差，種類好多，同一大班朋友嚟食就最啱，可以每樣都試到，下次會帶埋屋企人嚟食呢間火鍋放題。
繼續閱讀
已經很久很久沒吃火鍋放題了！朋友推介了牛站，食過覺得好抵，重點是食物質素相當出色！今晚就和朋友來吃，下午lunch吃了很少，今晚要大吃特吃！來到了銅鑼灣廣場的牛站，晚上超級多人，真的很有人氣！有3個任食價位，主要是牛肉的分別，我們點了2號餐！有美國極黑和牛片！很多客人都點麻辣湯底，應該是招牌吧，有不同辣度選擇，實在太人性化了，我們點了BB辣！湯底真的很香！食物方面，一部分手機落單，一部分在餐廳內自己拿，先點了肉和海鮮！美國極黑和牛、美國安格斯牛板腱、美國肩胛肉、羊肉片和牛片真的好嫩，入口軟綿綿無筋，但又不會油膩，重要是看到各種牛肉的顏色都知道新鮮，不是那種黑黑的，高質素！海鮮也要大讚，爆膏大頭蝦絕對值回票價，蝦肉超彈牙，新鮮新鮮新鮮！作為大懶人的me，要剝殼都無損我食慾！必食！其他海鮮也很出色，特別是蜆！飽滿鮮甜！想不到火鍋放題會有乳鴿，太驚喜！都是必點！出去餐廳走一走，看看有什麼好吃！很多醬料，餐廳真的挺用心！酒類和各種飲品應有盡有！冷熱清酒、梅酒、真露、啤酒等等！熟食區有各種熱盤、冷盤、炸物等等。小龍蝦好吸引！有不同小甜品，另外還有大家都好喜歡的Haagen Dazs！整體性價比真的超高！
繼續閱讀
食物無問題！職員亦勤快！間間商戶都話大廈嘅冷氣系統問題，所以唔夠冷氣！好似香港第一日有夏天咁…..😂 喂，唔好學埋大陸嗰套啦！我食到出哂汗！個客仲搶咗個風機對住自己！自私到爆！職員最後攞咗部私家風扇俾我用！怕熱既你！問清楚職員，搞好啲冷氣系統未先去！
繼續閱讀
牛魔王看過來！呢間火鍋放題店，牛肉款類勁多，仲可能係全香港最平有齊大頭蝦，乳鴿，häagen-dazs，movenpick任食嘅火鍋放題！一坐低就叫咗冬瓜瑤柱豬骨湯底，湯底夠晒濃郁，而且加咗冬瓜夠晒清熱氣，可以放心食我最鍾意嘅打邊爐！嗱嗱聲order返牛肉先，牛肩胛片、美國安格斯牛板腱、SRF美國極黑和牛，呢幾款自然係必食item啦，追求肥美嘅就食和牛，想要肉味爆燈嘅就牛板腱和牛肩胛片，而且上菜速度10分快，可以瘋狂享受肉類！海鮮選擇亦10分豐富，例如有爽甜海蝦、沙白、花膠、田雞、脆鯇魚片等等。當然重點係大頭蝦，食落去肉質爽實鮮甜，隻隻爆膏，真係大滿足呀！自助區選擇有好多，午餐肉同埋炸魚皮自然係打邊爐伴侶，打邊爐前又可以先享受一下前菜，例如醉雞翼尖、螺肉、中華沙律、雲耳，連麻辣小龍蝦都有，仲唔係flex！丸類例如牛丸、貢丸、花枝丸、墨魚丸、芝心丸、海膽丸，仲見到有特大皇帝蟹棒，即時心心眼！呢度仲有清酒任飲、夾糖、咖啡機、軟雪糕機，無論大人同小朋友都可以搵到滿足！
繼續閱讀