牛扒先生 (德福廣場2期)

營業中

休息中

好耐之前跟朋友嚟食過一次，記得之前食完感覺好差，食物質素同服務態度都好差，所以三年黎都冇再食過！今次朋友話想試吓，所以決定比多次機會佢😆首先佢嘅半自助餐都有好多選擇，隨意食咗幾款沙律、鬆餅、火腿、甜品、水果，感覺味道都唔錯。沙律都幾好食，啲菜同水果都好新鮮！鬆餅覺得好有牛油香！甜品食咗個綠茶芝士餅，好重綠茶味，唔算太甜！主菜我哋叫咗個龍蝦天使麵、漢堡包、肉眼扒、羊架配西冷扒。龍蝦天使麵無咩味，咁多款主菜嚟講佢算係最差。漢堡包都唔錯，漢堡扒都好有肉汁。羊架同牛扒都幾好食，煮得啱啱好，肉質鮮嫩、有肉汁！今次對呢間鋪頭嘅食評都唔錯，令我對佢改觀，下次有機會會再食

今次家人生日，來到了 Mr. Steak 吃半自助餐慶祝，事先預約七點用餐。餐廳環境舒適，侍應亦很友善。自助餐就吃得多，少取食多樣的形式，有時候還真忘記了吃過什麼。而在半自助餐可以點一個主餐，亦可以享受餐廳中央設置的自助bar，主要有前菜(各式各樣的沙律、湯和麵包)和甜品。前菜種類很多，十分吸引開胃，一定有款沙律適合，甜品就一般。三人同行，主餐方面叫了兩個SRF美國極黑牛($248)，是當日special menu 上的餐。 牛肉肉質嫩滑，烹調和份量剛好。另外亦叫了迷迭香燒雞配煙燻醬烤豬肋排($225)，但稍為遜色，有點失望。分量過多，雞肉肉質較粗和乾，豬肋骨烹調時間亦過長。難道來Mr. Steak應只吃牛? 不過尚未嘗試其他主餐，不敢下此定論，但要是吃扒類，牛肉應該較穩妥。

滑浪前要食飽飽，話說呢間餐廳係個fd約我地黎呢度食lunch，話cp值好高。係門口等位既時候，睇餐牌最平個burger都要98$，心諗對我呢d窮J，食個lunch覺得好貴下...排隊等左10分鐘左右，可以入去食啦，我其他朋友亦都到達，入場計限時個半鐘～睇緊餐牌個陣，我朋友話揀最平個餐得架啦～佢個沙律吧都已經夠哂食～行出去睇佢個沙律吧，wa!真係好多野食，有甜品，各式沙律菜、冷麵、意份，d野食唔係求求其其，係有幾個師傅不停fill番落去，所以d食材好新鮮，我剩係食佢個沙侓吧都食左2大碟，到我個main黎既時候，我已經食唔落～剩係食左burger入面塊肉～而佢個burger亦都唔係m記個隻，係d塊肉好juice既美式漢堡黎～所以98$既lunch係比得抵既！

好耐之前係葵芳食過，味道同服務都麻麻，加上睇食評一般，所以一直都無黎過德福分店。早2日咁岩想食扒，但又唔想等位，見佢無咩人就決定食佢。半自助沙律吧 +主菜 +餐飲 $100-$300 （中午）我地4個人，主食分別嗌左漢堡包，安格斯肉眼，羊架拼西冷同龍蝦天使麵。沙律吧選擇都幾多，可惜無煙三文魚。甜品區都幾多選擇，但味道一般。講返主菜 牛肉漢堡 漢堡嗌左全熟，煎得唔算乾，仲保留左啲肉汁，配合芝士蕃茄同生菜，唔錯安格期肉眼，嗌左7成熟。食落幾有牛香。羊架拼西冷，我無試到個羊，至於個西冷就普通左少少，太薄，又無咩牛肉嘅香味。龍蝦天使麵（最遲黎，忘記影），可能係最後食，本身有啲飽，所以食落覺得好漏。龍蝦亦都無鮮甜味，唔太推介呢個！

窮遊香港-mrsteak半自助晚餐.呢間半自助晚餐係先點一個主菜 大概$180-$300之後可以自助任食出面bar台既野食而且野食量都ok啦但半自助餐就當然冇 全自助咁多啦.一坐低落完單當然就出去拎野食住先出面例如有 幾種前菜沙律 鳳爪 芝士火腿 粉麵 甜品bar 水果 等等等等‼️強調個⭐️龍蝦湯幾好飲.呢日主菜質素都幾高點左⭐️法式芝士焗龍蝦配SRF牧場牛扒$298👍🏻龍蝦厚肉 👍🏻芝士量多 ‼️記住趁熱食🤔牛排唔算大塊 👍🏻冇根 易切叫左5成熟 👍🏻夠味多肉汁⭐️香煎三文魚柳。芝士焗帶子⭐️黑松露野菌意大利飯$258重點去左個飯到 真係好香黑松露味😍近睇可以見到大量黑松露粒粒 正👌🏻三文魚柳相對普通 唔夠特別.🤔野飲 就冇任飲 得一杯呢日主要飲龍蝦湯😋.同埋龍蝦餐 仲有跟 一碟小海鮮拼盤😋2隻生蠔 真係幾肥美 唔腥 冇碎殼望圖應該都感覺到👌🏻仲有蝦 蜆 青口.呢間比我既感覺係 係同出面西餐價格差唔多但比人多 一個任食（迷你）自助餐既感覺.#牛扒先生 (九龍灣) 地址：九龍灣偉業街33號德福廣場二期4樓415-417舖.⭐️評分：味道：3.8/5環境：4/5服務：4/5抵食：3.5/5

每次想食得好，總諗起Mr.Steak, 每次都冇令我失望。簡單又豐富。今期炎炎夏日，所以頭盤及甜品充滿泰菜味道，酸酸辣辣，十分醒胃，十分喜歡柚子沙律，泰色西米糕，彩虹糕。主菜叫了漢堡包及廚師精選，味道及份量中規中距。I pay what I eat. Fare enough.

同老公拍拖週年紀念,去左Mr. steak慶祝,之前情人節去過食buffet覺得都唔錯,所以一直想試下semi buffet成日經過見都好多人等位,所以一早book左位,剛好二人坐四人位,好寬敞舒服食物方面,我地二人叫左一個dinner set加出面buffet巳經好夠飽主食叫左扒set,有牛扒/豬扒/羊架, 牛扒OK, 但豬同羊就一般buffet款式比想像中多,有沙律/西湯/芝士/煙三文魚/腐竹雞蛋糖水/好多款cake有一款朱古力餅底cake好好食, 好彩食到last一件款式品道對比起價錢$2xx一位真係幾抵食

叫了一份安格斯肉眼牛扒&一份龍蝦拼三文魚柳套餐。先講安格斯肉眼牛扒，望落去ok，但係好多肥膏同根位，每咬一舊都要嚼好耐，同埋d肉係食唔出有味，完全要靠個汁先可以勉強食到。總之，我去大家樂叫個鐵板餐都仲好味份龍蝦拼三文魚柳，龍蝦無咩肉又無味，三文魚柳入面唔熟，我食左2啖已經唔食，因為我頂唔到個陣魚腥味兩份主菜入面，係得個黑松露薯蓉好味。出面自助沙律吧就中規中矩啦，但係我黎係食牛扒架嘛，但真係勁失望囉最後埋單差唔多$700蚊真係唔會再黎食

下午黎到九龍灣德福 就試試依間Mr Steak 既午餐🤪係個semi-buffet黎既😗個自助沙律🥗甜品吧都係自助式😋😋沙律同甜品都好多選擇🤪頌有個廚師精選餐湯😋今日款湯係蘑菇湯!!好味呢! creamy😋😋主食方面我就揀左芝士焗龍蝦米多 忌廉汁天使幼麵🤤🤤龍蝦鮮甜彈牙!個麵同汁都好食😋要小心前菜食得太飽🤣🤣🤣留番位食甜品!🤣🤣🤣

尋日夜晚去左九龍灣行街，行完有D肚餓行過Mr Steak，見到好多人排緊隊，就去睇下究竟排meh原來呢間野到晚市既時候就做Semi-Buffet，即係半自助形式，可以叫下main course又食下buffet咁坐底先叫左兩個main course德式鹹豬手個外皮炸得幾脆，肉質都很嫩，不過如果平時食開清淡既人就會建議去小小皮先食，因為都會有小小油膩😊意大利飯個汁較得好好，酸酸甜甜既蕃茄汁好容易入口，飯粒有口感，加上D蝦都好嫩，唔會煮得過老😋😋其他自助吧既野食都唔錯，食物質素都好高，見到有師傅會適時換D新既野食出黎，確保新鮮總體黎講，D野食都係有質素既，下次都應該會再食。即使係唔想食太飽既人，都可以淨係食自助吧既食物，都會有好多選擇)

豬柳扒伴蘋果蘋果有酒香肉質偏硬 難切像白烚雞胸味道還可以豬肋排只要輕輕一推就可以剝肉肉質纖維感強醬汁偏酸了一些基本我到Mr steak 都只是因為自助barMain course 只屬一般自助bar 選擇尚算多不錯的

燒豬腩排醬汁味道不錯骨肉一拆就分離但出奇肉質竟然唔稔唔入味 纖維感強香煎魚柳拼黑松露意大利飯亮點是我喜歡這個vintage 碟黑松露飯也可以魚係冇味 白烚魚柳 鞋口Mr Steak 我們幾乎一個月光顧一次今個月同上個月好似冇轉menu?!自從轉為半自助餐後Main course 質素每況越下是客觀變差了自從德福樓上開左outback星期日8pm Mr Steak 竟然係有吉位

某人成日話要去食牛扒先生🥩今次終於記得啦 btw午餐同晚餐好似一樣價錢🧐是日餐湯係蘑菇湯啊 勁好飲🍴西冷牛扒·扒春雞·黑啤豬肉腸 $178某人問我咩係扒春雞😂😂我話咪係雞扒果類囉，佢賦予好高嘅期望比隻春雞又係廚師精選 結果伏咗🤣🤣🤣雞扒由相可見唔大塊 食落好乾 無乜雞味😐佢自我安慰應該係牛扒太好先會凸顯差咗😂😂不過牛扒真係唔錯 香而滑口 一個字 讚👍🍴芝士焗龍蝦米多·忌廉汁天使幼麵 $178龍蝦焗得好脆身 甚至有啲過火 同埋好少肉😭😭😭 不過啲天使麵係啱啱好嘅 就算擺耐咗啲忌廉收曬汁都唔會好快乾身 仲有濃郁嘅芝士味😋😋至於自助沙律同甜品吧呢 款式就唔算多甜品亦都頗遜色 得啲啫喱同小小cake 但相比Ruby Tuesday係好好多 尤其果三款火腿食過翻尋味 如果甜品有雪糕就好嚕🤩臨走嘅時候見到隔離檯有人叫咗 牛肉漢堡配薯條 睇落都相當唔錯 而且$100都唔洗🤩下次可以再食另收加一

去完愉景灣一日遊，跟住搭地鐵大長征嚟到九龍灣同屋企人食母親節飯。不過呢餐食得好匆忙，因為餐廳分開咗兩層，我哋食頭一場，時間係5:30至7:00 ，只有1.5小時，只可以話未食晒啲甜品已經要俾人趕走，不過都明嘅，門口有咁多人等緊，所以我口中仲咬住舊啫喱咁離開餐廳Sorry真係趕到連餐牌都影唔切，食物都係就咁影一張就趕住食職員幫我哋影咗張合照，為呢場母親節飯局做結尾其實點都好，母親節都係一班仔女同母親表達謝意，食得趕啲冇所謂啦，食完咪係商場周圍行下散下步囉

同男朋友去九龍灣行街，順便搵野食。見到尼一間牛扒先生，有半自助餐，覺得好好奇就入左去食😂可以揀一個主食，可以揀牛扒，漢堡，意粉等等，我就叫左一個比較特別既韓式牛扒意粉。佢用韓式泡菜黎整意粉，個味道幾特別。可惜對我黎講太辣。 除了主食，自己可以自助裝湯及蒜蓉包，蒜蓉包超級好食，超香濃！亦可以到沙津吧到夾自己鍾意食既沙津，佢沙津既種類有大約十多種，有螺絲粉沙津，芥末薯仔沙津等等。最後仲可以自己到甜品區自助取甜品，甜品的種類也很多，味道一般。