牛扒先生 (德福廣場2期)

營業中

休息中

放假屋企人北上了, 又係得自己一個人。想起之前响德福廣場見到的 Mr. Steak, 不過 D 食評又好壞參半! 再諗起將軍澳 Mr. Steak 的可怕經歷, 又有 D 卻步。不過一個人真係唔知食乜好, 但放假喎, 又想食得豐富 D, 一於去試下呢間 semi buffet 啦。因為早去, 所以比左一張近門口但 corner 的位置我, 夠開揚不錯! 點了餐就出去拎 salad and dessert 了!甜品選揀頗多, 忍唔住先拎一碟埋位, 再出去影相。回來已見到我 order 的五成熟烤美國安格斯肉眼扒來了!是厚厚的一塊, 不是坊間那些薄切牛扒可比! 即時心心眼 😍😍😍, 未開始食已經加分啦!一切, 內裡是十分 juicy 的鮮嫩粉紅色牛排!啖啖肉之餘滿口牛肉的香味, 沒有筋也沒有肥膏!廚師的火喉控制得太好了。單是 $198 的main course 已令我吃得心花怒放, 心情大好! 其實自助沙律吧也不錯, refill 也快, 可以出去拎多幾次 ~ 但食完塊牛排已經很飽很滿足了。最後以一杯凍檸茶結尾, 埋單 $217.8, 個人覺得好抵食! 推薦! I will be

諗去邊度食 lunch，人多意見就更多！响呢個時候，我哋都會揀 Mr Steak 做最後方案！Mr Steak 嘅半自助午餐，有任食沙律吧、餐湯、甜品，連主菜＋餐飲都係$98-168，真係非常抵食。餐湯方面，通常每日都有一款餐湯配三款歐陸麵包＋牛油，可以無限添飲添食，基本上都飽咗三分一。沙律方面，可謂花多眼亂，非常精彩！有蔬菜沙律、水果沙律、薯仔沙律、通粉沙律。仲有冷盤 - 日式涼拌螺肉、煙鴨胸、煙火腿片 甜品方面，天天新款，日日不同。有水果（西瓜、菠蘿、哈蜜瓜）、朱古力撻、芝士蛋糕、慕絲蛋糕、Brownie 、曲奇、啫喱糖、麵包布甸、忌廉泡芙。主菜方面，當然有牛扒啦！但係如果想食平啲、清淡啲、份量少啲嘅話，亦有多款意粉選擇！我試過幾款意粉，無論係扁意粉定天使麵都煮得剛剛好，配獨門醬汁。意大利海鮮飯亦係推介之歌一，海鮮新鮮配意大利飯，份量少剛剛好！平日放假嘅話，同屋企人一齊嚟慢慢食慢慢歎，個人覺得好過去食Lunch / Tea Buffet 啦！

大時大節，周圍啲餐廳都加晒價，難得行過mr. steak 🥩 見又冇加價，都係跟返平時嘅價錢，不過每人最低消費都要一個甜品沙律吧！所以就決定左食呢間其實都係貪個沙律🥗甜品🍮吧任食！最後order左份牛扒，但唔記得左影相添不過其實佢啲扒唔好食肉質十分鞋，而且好細份，相反豬肋骨反而好淋好入味，反而價錢比較平🙈沙律吧款式唔算多，甜品件件都細細件，方便個款試一件正最特別係竟然有豆腐花桶，可以自制豆腐花⋯

今年返左份新工！老闆說做冬問食咩。最後食呢間半自助餐。老闆食更係食安格斯最貴。個安格斯唔係最top。但個廚真係有一手。做到我要求的五成。好多廚做不到這些基本技巧。五成變7成。7成變全熟。其實高級扒最好食係三成。講返任食的沙律。甜品。我個人就覺得湯類太小choice 。甜品的種類真係算多。沙律有7-8款屬有心餐廳。

未食過呢間，跟朋友嚟咗，佢話呢度食半自助餐幾抵食！入去見到幾驚喜，因為佢嘅半自助餐無論係前菜、沙律同甜品款式都幾多同幾吸引！主菜都唔錯，不過係因為係半自助餐嘅原故，所以就冇平時食西餐咁抵嘞！其實主菜未黎之前，我已經掃左一輪，都食到幾飽，不過朋友話前菜沙律嗰啲會不定時轉款，佢話覺得今次嘅款式已經無上次咁吸引！餐廳都好醒目，主菜嘅份量相對比較少，等大家可以留肚食其他嘢！但我見甜品午市時間原來只會出一次，比人拎哂就無，所以如果早啲嚟食就着數啲嘞！

成班同事一齊食午餐，揀咗Mr. Steak 貪佢有semi-buffet，可以食多D食飽D距離聖誕節仲有兩個幾星期，但個餐牌已經變咗聖誕套餐，即係已經加咗價了沙律吧款式足夠，有餐包餐湯，各式沙律，沙律菜，火腿同埋炒雜菌甜品都唔少，有芝士蛋糕，啫哩糖，芒果布甸，大菜糕，仲有朱古力蛋糕同埋一啲迷你cup cake。呢個價錢，唔好預前菜同甜品都好好食，但質素總算不過不失，朱古力蛋糕最好食叫咗個黑毛安格斯肉眼扒，叫Medium Rare ，可能呢舊比較薄，有1/4 變咗well done，肉質鬆軟，有肉汁但略欠牛味最後飲碗龍蝦湯，濃郁蝦香味，成為全餐最驚喜嘅地方埋單$208再加一，聖誕節回復正價食會抵D

晚市的基本上是西餐course dinner。有沙律、麵包、肉（豬扒、牛扒等等）、馬鈴薯等等。味道不錯，適合喜歡用刀叉切大塊肉的朋友。另外，有一些看似美華混血兒的仔仔在工作。有興趣可以光顧。

蜜桃小丸子有幾次經過德福廣場的Mr Steak，都想試一試，今天終於有機會來到這裏吃午餐，卻令人大失所望，不會再來下一次了。因為近排吃得多牛扒，所以叫了煙三文魚漢堡和雞肉卷意大利飯。是日餐湯是雜菜湯，就是紅色的酸酸的那種，可是卻弄得太酸，不好喝。沙律吧有沙律菜、野菌炒帶子、三款火腿、粟米、豆腐、腸仔等，賣相並不吸引，好像是小朋友幼稚園大食會的食物。圓形的火腿太咸，帶子很小沒有什麼味道，野菌沒有香菇味，只有沙律菜是接受到。雞卷意大利飯，忌廉汁不夠濃郁，沒有香味，飯煮得不夠挺身。漢堡包沒有烘過，不香脆，煙三文魚小得幾乎看不到，只有薯條是熱的。蜜桃餅太酸，軟冧冧的；芝士蛋糕質量低，一叉即散；朱古力蛋糕ok，頗有朱古力味；忌廉泡芙冧的不好吃，最好吃是天然水果。這次的經驗令蜜桃小丸子很失望，食物真的不能接受，坐得很迫，很容易撞到隔離枱，這個價錢可以吃其他更高質的午餐了...

今日同朋友去左試新嘢，之前未試過呢間，今次係第一次。行過見到個menu係半自助晚餐，所以比佢吸引左入去。個半自助都算多選擇，有幾款沙律，有湯，仲有幾種甜品。主食我叫左個意粉，份量岩岩好，有少少龍蝦味，但如果啲汁可以多少少就好，有三定四粒帶子，有少少乾。另外甜品我拎左兩件蛋糕，對我泥講甜左少少，但口感過得去，而且會不斷refill，所以都唔錯。整體上滿意，環境食物都幾好。

Nice sitting and the shop provides baskets for putting bags which is very good service.Food were very average and price was not really worth for I think. Food on the bar table are not very attractive and I didn’t take much. Also, not much space for so many people to pick on their plates at the same time, I don’t have patience to queue up in such small place.The main dish portion was quite small and not really tasty. The pork was quite fatty!May be you could take more from appetiser & dessert

$98+1假日可以食到個地方舒服 食物又有質素餐廳係件唔容易既事！ 有三款沙律菜、南瓜沙律 （半生熟）薯仔沙律（極高質）貝殻沙律（好味）紅菜頭、吞拿魚沙律（有少少腥）螺肉、栗米、蕃茄仔！全部都好新鮮。蔬菜湯！仲有5-10款的甜品、5款水果，仲有個main course。牛肉burger非常高質又大份，絕對值回票價，仲有薯條。飽到非常滿足。仲有一杯free drink 大享受。朋友覺得個青口意粉就冇咩味。鍾意清淡既朋友可以選。鍾意重口味既千祈唔好選😂

呢日係某個星期五既晚上7點20分，我地去左 九龍灣既Mr. Steak食Semi Buffet, 餐湯甜品可以自行出去拎，我們只需揀個主菜同飲品便可~來到牛扒先生，咁就點西冷牛扒試下，點知。。。真係好好食，d西冷扒都算厚身，塊牛扒都好淋同juice,正呀Happy Friday來呢到relax, 据下扒享受下都唔錯

老公的安排午餐😜🎂✨💕🍽半自助午餐之驚喜👍🏻😋環境衛生好👍🏻💯服務員友善👍🏻💯我叫了一個安格斯牛扒👍🏻💕✨😋超好的質素七成的剛剛好👍🏻👍🏻👍🏻👍🏻老公的是扒、燒雞、紅酒腸👍🏻👍🏻👍🏻👍🏻味道很好燒得剛剛好不會乾好正💓沙律吧甜品樣樣都幾好😙我試咗朱古力批同埋芝士餅味道剛剛好不會太甜😋亦都試咗沙律很多配搭👍🏻👍🏻👍🏻👍🏻雜菜湯都係熱騰騰的😬大家都係叫咗兩杯凍檸茶茶味一流😋😋😋😋值得推薦再試👍🏻👍🏻👍🏻👍🏻✨💕✨💕✨💕

午餐時間黎到九龍灣，間間食肆都排滿人。我又得一個人食飯，想坐得舒服啲就入左Mr. Steak. 一個南瓜汁Risotto 要$1xx，不過質素唔錯，飯係軟硬適中的。最surprise 既係佢係半自助的，前菜，甜品都高質，食多啲都番到本

今日去銅鑼灣逛街，因為晚上約了家人吃飯，所以專程回到九龍灣這家有半自助餐的餐廳一齊吃晚飯。剛好坐在沙律bar旁邊，看到場內的環境非常吸引，上面畫的晝好漂亮呀！🤩點餐以後就去沙律bar拿點東西吃，選擇都不算少，我只是拿了一點點蔬菜， 然後看到有洋蔥湯， 馬上要試試。洋蔥湯很有驚喜😍， 味道非常濃郁，因為怕喝太多會過飽吃不下主菜，所以只喝了一碗🤣主菜方面，家人點了精選雜扒拼盤，裏面有安格斯牛扒，羊鞍扒，香草燒雞，昆布蘭腸。我就點了豬肋排，醬汁味很香，肉質非常腍，簡直是骨肉分離😂食完主菜，仲等咩呀，梗係甜品啦🤩好忍手只是選了幾件，不少得我很喜歡的brownie，好吃👍🏻，最讚的就是這裏的甜品不會過甜，剛剛好。