牛大人台灣火鍋吃到飽 (銅鑼灣廣場二期)

營業中

休息中

台灣人氣吃到飽火鍋今次去咗銅鑼灣分店 星期日5點門口已經有人排緊隊想試嘅朋友記得早啲訂位啦🧚🏻‍♀️今次點咗極上和牛吃到飽可以任食M5和牛🤍 除咗和牛之外 私心覺得手切封門柳好驚艷比起普通火鍋牛肉片有厚度吃起上來更有口感但一點也不會韌牛味濃郁沒有太多脂肪 怕肥嘅朋友都可以放心食.湯底方面點了鴛鴦鍋 秘方麻辣鍋辛香味十足 唔會太辣太油 配鴨血真係好有台灣風味另外養生湯底都好香濃 大骨原湯配上養生藥膳非常鮮甜除咗牛肉之外 牛大人嘅火鍋配料同小食選擇都好多小食有炸甘薯、台灣香腸、皮蛋豆腐等台式小食自助火鍋配料都一樣好有特色 炸芋頭、芋頭貢丸等都可以任食芋頭控覺得好幸福🤍-極上和牛吃到飽 （19:30前離座） $278

今日出咗銅鑼灣行街，一早BOOK咗牛大人既晚市首輪!準時去到好快就獲安排入座。店員告知最近新出左北海道十勝豚，試完真係有驚喜，ENCORE左好多次!!湯底想要清清地，揀咗阿嬤養生濃湯鍋，以大骨原湯做基底再加入大量新鮮蔬菜烹製，淡淡清香回味，仲有好香濃既養生藥膳味。必點極上和牛吃到飽套餐，有得無限任點澳洲和牛M5牛肩卷！紋理清晰，肉質鮮嫩，香甜又多汁，正。推介安格斯牛小排油花分布均勻，肉質結實帶油筋！同埋店員推介既北海道十勝豚，豬肉味道濃郁，口感細膩，食落透出一股自然既清甜味，口感特別鬆化～套餐附送既和牛牛丸都好正，彈牙又帶肉香！牛筋含豐富的膠質，好滑嫩有韌勁～花膠夠爽滑，大大塊好有口感！晚市每人奉送一客甜品，可以揀仙草或者雪糕，期間限定味係Häagen-Dazs蜜瓜味，最後揀咗呢塊同MOVENPICK朱古力味雪糕杯，打完邊爐再食返杯雪糕，真係好滿足啊～

朋友期待咗好耐食呢間牛大人，今次食埋銅鑼灣分店。個晚係星期六，見到都好爆場。個次係晚餐食，揀咗最貴既澳洲極上和牛，有好多唔同款既牛肉，全部都係切到好薄，所以湯底滾起既時候，涮幾下就食得。除咗打邊爐既配料可用QR code order ，出面仲有啲配料區可以自己拎野食。佢仲有小食可以試下，過下口癮。加錢$25有杯 #冰荷青桔梳打 ，都幾大杯，中意 fresh d 既朋友都可以試吓。食到飽仲有得揀甜品，有雪糕同仙草芋圓揀，食極都覺得仙草芋圓好吸引，有好多材料！

牛大人牛大人一直係我最鍾意食嘅台式火鍋，離開香港之前一定要食多次。今次同閨蜜黎到銅鑼灣分店，當然叫最貴嘅澳洲和牛套餐，仲有每人兩粒和牛牛丸添，2小時任食真係好抵！湯底揀左經典紅燒牛骨湯同埋麻辣小辣湯底，兩款湯底各有特色，啱晒唔食得辣既朋友仔！澳洲M5和牛牛肩肉肉味濃郁，唔會好肥，食落嫩滑有咬口安格斯牛小排呢款肉會同牛肩肉唔同，會更加嫩滑，嚼勁冇牛肩肉咁勁，不過都好好食。和牛牛丸一咬就會爆曬肉汁，食得出係用牛肉打成，絕對唔係啲垃圾丸再加味精製成既牛肉風味丸。桂花烏龍 白桃烏龍牛大人最正嘅冷泡茶，每次黎都會飲兩枝，可解膩，又無糖，好健康

牛大人🐮｜銅鑼灣 台式任食火鍋 出色番茄酸辣鍋｜🙉難得呢排有幾日假，所以都約啲朋友周圍去食嘢。今次就約咗個好耐冇見嘅朋友去牛大人食打邊爐。我哋就叫咗個極上和牛套餐，揀咗個蕃茄酸辣鍋😛牛大人質素其實都幾穩定，之前食過幾次，質素都唔錯。佢哋就出咗名多唔同嘅火鍋配料同埋亦都可以用電話落單，會有更多嘅火鍋配料選擇。例如有唔同嘅丸類，蔬菜，麵食，仲有海鮮花膠，同埋有各款飲品可以選擇。最尾仲可以有一款甜品食😚😚今次我哋就揀咗極上和牛套餐，附送左兩粒和牛肉丸，真係超級爆汁，牛味好濃郁。牛肉方面，質素都幾唔錯。我哋兩個人最鍾意就係主打嘅和牛，同埋封門柳。和牛黎講，唔會有異味，肉質都好嫩滑💕而唔知點解最尾上嘅一盤和牛就係最靚仔嘅，真係好好味。而封門柳方面，唔好見佢好似切到好衰，好似冇和牛咁多雪花，但係其實佢食落牛味都好濃郁，同埋好Juicy，推介大家試吓😛丸類方面，我就好推介芋頭肉丸，除咗肉汁好Juice之外，佢啲芋頭都好綿滑，同埋好香芋頭味，我都encore左幾次🥺另外一樣我好鍾意嘅就係佢嘅湯底啦，佢係蕃茄酸辣湯，辣度方面唔會話好高，所以就算食唔到辣嘅人都可以享受到酸辣嘅風味。湯底好濃郁，無論係配蔬菜

上次食完荃灣牛大人真係食過返尋味， 牛大人咁多分店，今次轉場去左銅鑼灣廣場2期食。 五點前上到去都開始有人， 銅鑼灣分店地方都幾大， 職員都好有禮貌。 今次都係加50蚊要個鴛鴦鍋，牛大人秘方麻辣鍋係我必點外，今次試左台灣鳳梨雞鍋， 味道酸酸地，打邊爐都幾夾， 幾好唔錯。 一坐低梗係QR code落單， 之後就出去攞嘢飲先， 我最鍾意佢的冷泡茶，桂花烏龍真係好好味呀， 唔鍾意飲茶嘅朋友，汽水嘅款式都好多，仲有啲特飲可以免費選擇， 加少少錢仲有其他啤酒嘢飲添。 一返嚟已經有四粒澳洲M9和牛牛丸嚟咗， 真係要講多一次，呢度嘅牛丸真係好好味， 試過你就知，真係想買返包看門口。 又係食爆食牛嘅時間，上次喺荃灣我覺得手切封門柳做得好好， 今次喺銅鑼灣分店我發現安格斯牛小排質素都好高，大家睇圖都知，切得算大塊，顏色又靚，油脂分佈平均， 係我今晚既主打。 第二主打係澳洲和牛M5牛肩卷， 和牛味道真係唔同，入口好軟滑， 又有和牛油香，好正。另外，美國PRIME極品肩里肌都係好值得推薦，PRIME肉味夠油脂又夠， 鍾意食肉味濃同埋有口感真係不容錯過。 除咗牛肉，海鮮都好正， 蝦同沙白都新鮮大隻， 另外鯇魚

地址－牛大人台灣火鍋吃到飽 (銅鑼灣廣場二期)銅鑼灣駱克道463-483號銅鑼灣廣場二期5樓💋台灣鳳梨雞鍋，呢個湯底一上枱時首先呷一呷先，一飲首先有一股清新的蔬果味湧現，後尾再有一陣輕輕的雞湯味同埋少少薑味帶左出黎，好特別，呢個湯底用黎煮肉類一定好正。💋魚香皮蛋豆腐，係等湯底READY時就叫D熟食試下，呢個皮蛋豆腐可以話每次黎都會食的，唔會令人失望，佢D豆腐口感滑溜，配埋皮蛋香味一齊食，好正！💋肉燥飯，呢個都係等待時間最好的食物之一，佢D肉燥食落香口牛肉味濃，配埋鹵水汁同白飯一齊食，如果唔係陣間好多野食的話，我相信我會食多好多碗呢！💋真豬小香腸，呢個腸咬落表皮香脆，有一陣甜味，內裡咬落多汁而且結實彈牙，而且佢肥瘦均勻，好有台灣夜市香腸的味道。💋澳州M9和牛牛丸，安格斯一口牛肉粒，安格斯牛小排，佢個和牛牛丸果然好重牛味，咬落仲有少少油份流出，正，牛肉粒方面佢比個SIZE都好大粒，食落好有口感，一口一粒咁，正！而佢個牛小排雪花均稱，唔算切到太薄，食落都好滿足。💋韭菜水餃及瓜仔雞水餃，佢個韭菜水餃好香韭菜味，而肉餡好彈牙，最緊要層皮唔厚，而瓜仔雞好搞笑，食落會有種卜卜脆的感覺，仲要肉汁豐沛，

牛大人喺香港已經進駐幾年，但依然大受歡迎💥餐廳店面好大，火鍋食材很快就送到枱，店員的服務態度仍然很不錯😃👍 澳洲極上和牛套餐🐮 $318 小編同朋友揀咗台中蒜頭雞鍋，古早味同蒜味濃，套餐每位贈送澳洲m9和牛牛丸兩粒，牛丸彈牙，爆汁之餘，香味更濃郁☺️ 澳洲M5和牛牛肩胛油脂均勻，食落香口，牛肉味香濃、軟身易入入口😝 安格斯特選牛板腱呢一款牛味重，油脂分佈好靚，肉質嫩滑，牛味濃，又不覺肥膩🤣 蟹籽墨汁漿 鮮味十足，墨汁香氣四溢，而且咬落仲好彈牙☺️ 冰荷青桔梳打❄️🥤 (堂食顧客即Like 社交平台 即送) 夏天呢D熱辣辣🥵 無乜胃口嘅時候，飲由牛大人調配的青桔仔、薄荷再加上梳打水組成超級清爽配搭，味道酸甜🥰 ， 入口超級Fresh🧊另外，其他飲品選擇真的非常多😁，多款冷泡茶、無糖綠茶蘋菓西打等任君選擇。去到用餐尾聲，又有得揀Häagen-Dazs/Movenpick/仙草芋圓其中一款甜品作結☺️ 牛大人台灣火鍋吃到飽銅鑼灣廣場二期463-464號5樓 #牛大人火鍋🐮 #牛大人台灣火鍋吃到飽🐮 #牛大人 #大人嚴選  #台灣直送 #台灣風味 #投奔初夏 #冰荷青桔梳打 #打邊爐必選 #台灣火鍋

銅鑼灣廣場二期勁多嘢食🤤，今次就來咗💰性價比好高嘅牛大人😋，呢度全層地方勁大🤩，醬料區有多款醬料，我就覺得腐乳醬🥰幾特別，可以一試，而且仲有有滷牛肉🐂同埋白飯🍚俾你自製台式滷牛肉飯，台灣風味十足。呢度嘢飲款式同日式放題一樣咁多選擇，仲有近期新出嘅 Ooha 零卡氣水添！除咗凍飲之外仲有熱嘅無糖綠茶🍵同埋養生桂圓紅棗茶👍。另外自助區亦都有唔少食物任你揀，丸類多而且好多係流心款。食火鍋🍲前可以試吓佢哋幾款台式🤤小食，台式香腸，甜不辣同埋鹽酥雞🐓都係我心水，而且可以飲埋東瓜茶🍹，感覺幾有台灣夜市風味。火鍋🍲湯底有唔少選擇，我哋今次就揀咗台灣濃香🍅番茄鍋，味道鮮甜🤤濃郁十分之高質素。而套餐就揀咗最貴嘅極上🏯和牛吃到飽套餐，主要係因為佢有🇦🇺澳洲和牛M5牛肩卷😋任食，而且💰價錢只係二百幾蚊一位，仲每人送兩粒🐂和牛丸添，好抵食！🇦🇺澳洲🏯和牛M5🐂牛肩卷好薄🤩，所以好快熟，而且油脂均勻又豐富🤤，食起上嚟有和牛香味😋，可以任食😂真係好正！另外佢嘅手切🔪封門柳🐂亦都十分之出色👍，軟腍鬆化🤤而且牛味濃郁😋！私房🦆鴨血少少🤏辣好惹味，牛媽秘製滷🐖大腸好入味，🇯🇵北海道十勝豚🐖入口豬味濃郁🤤，紐西蘭🐑羊卷肉

週末放假去咗銅鑼灣廣場二期「牛大人台灣火鍋吃到飽」晚餐。牛大人主打三個價錢的吃到飽火鍋套餐，當晚就揀咗$318澳洲極上和牛🐮精選肉類無限量供應，另有自助火鍋配料吧台灣鳳梨雞鍋以鳳梨搭配苦瓜，絕佳配搭，清甜開胃又溫補！湯鍋裏面有大大件雞，好足料醬料、丸類、蔬菜及粉麵設於自助吧。有唔少都係台灣特色丸；另外醬料選擇都好多元化多款台灣特色飲品及冷泡茶自助任取，桂花烏龍茶及白桃烏龍茶都香濃而不澀口每位贈送澳洲M9和牛牛丸2粒，口感彈牙，充滿肉汁，正呀安格斯特選牛板腱脂肪含量低，入口柔軟，口感有彈性，牛味香濃美國Prime極級肩里肌略帶油花，富有嚼勁，肉味同樣好香濃澳洲和牛M5牛肩卷油花分布均勻，吃起來軟嫩適中，牛肉味道最香濃糖醋甜不辣一份有四件，大小適中，微微脆，外層酸酸甜甜，幾好食私房鴨血餐廳自家製私房鴨血，鮮嫩彈牙，盡吸湯汁冰荷青桔梳打味道清新，帶青檸薄荷香，冰凍解渴，打邊爐飲就啱晒

由於太掛住台灣嘅火鍋同鴨血，已經第4次食牛大人了😛因為牛大人真係做到台式火鍋風味。鍾意食牛嘅朋友一定要揀「極上和牛吃到飽套餐」🐮有多款牛可以揀，每人仲送兩粒澳洲和牛牛丸，牛味濃郁JUICY👍🏻平時有食開辣，都覺得牛大人嘅麻辣湯底小辣已經好辣，因為會愈食愈辣🔥次次一開始就會擺幾件麻辣鴨血先！滾耐少少吸哂麻辣湯超入味！大大件又嫩滑多汁，同台灣食嘅一樣咁好食😋然後當然第一時間order牛！🐮有澳洲M5和牛牛肩胛、安格斯牛小排、安格斯牛板腱、手切封門柳等等。「澳洲和牛M5牛肩卷」油脂分佈好靚，肉質嫩滑，牛味濃「安格斯牛小排」牛味香濃「手切封門柳」肉質軟嫩呢度嘅漿類都好鮮味彈牙~「章魚珍珠漿」有章魚粒粒 有口感🦑「墨魚漿」好鮮味🐙仲有多款台式小食如鹽酥雞同地瓜自助配料區都勁多野拎 自助飲品種類多到唔知飲咩好😂套餐送嘅甜品有雪糕

雖然係夏天😂😂不過都阻唔到我想打邊爐嘅心🤭所以今日就買左牛大人嘅火鍋湯包同材料翻屋企打邊爐😚因為個湯包實左好有驚喜，所以都想分享下牛夫人秘方麻辣鍋($68)本身其實佢哋有兩款口味，分別係牛夫人秘方麻辣鍋同牛大人紅燒牛骨鍋🙈但因我真係好想食辣野，所以就揀左麻辣鍋🙈佢嘅湯包都幾易用，如果係成個鍋嘅話，加3000ML雞湯或者開水就得🤤勁方便😍當然方便就唔係最主要推介佢嘅原因，係因為佢個湯底真心好濃郁🥰 成落超香辣味，好有花椒八角嘅香味，又唔會話好油膩🥳加上平時嗰啲越煮會越淡，但佢反而會越煮越香😝拎黎煮完野食，連醬料都唔洗點，都已經好香好辣🤗愛辣之人一定鍾意如果你哋都想試呢個湯底，就快啲去ieat online或者佢哋個門市買啦😍真心好好食

之前食過一次，不過係坐房，個時覺得其實都唔錯，一直念念不忘想食多次，終於有時間book 到位今次一行4位大人連同一名小孩，人數上黎講係5位但係佢安排左一張4人枱俾我哋，我話其實我哋實體上有五個人，個名小孩亦都需要BB椅跟住我地同侍應講咁樣好難坐到，安排坐位嘅人亦隨即走入黎，我地話咁樣張BB椅可以安排係邊，跟住佢竟然話：咁你想坐邊呀！咁我哋都愕然，今時今日咁嘅服務態度都得嘅咩。我哋都唔想再爭論，咁我哋就話你放張BB櫈喺邊， 結果係喺兩張櫈中間再加多一張BB櫈，真係好迫打晒交咁，好無奈咁食完就走咗，雖然我知你多人幫襯，都唔係夾硬咁樣迫入去。原本想不斷再返去食，但係今次咁嘅服務態度真係唔會再想幫襯。我明白小朋友係唔計錢，你有你做生意嘅理由，但唔係咁嘅態度！

打邊爐最重要係乜？係湯底啊🫕🤩一個好食嘅湯底係成個火鍋嘅精粹/精華，適逢今個復活節假期咁長同埋天氣又凍凍地，喺屋企同家人或者朋友打個邊爐就啱晒😋牛大人最近推出左2款新嘅打邊爐湯包，分別係「秘方紅燒牛骨鍋」同「秘方麻辣鍋」，今次試左「牛大人秘方紅燒牛骨鍋」，咁就足不出戶都可以食到滿滿嘅台灣味道。打開湯包嘅時候已經聞到濃郁嘅香味，食用方法亦都非常方便，加入湯包嘅醬，再加入3000ML清水或者雞湯煮滾就搞掂，然後就可以慢慢再加火鍋配料享用。湯底經煮滾之後味道亦相當濃郁，充滿牛骨同紅燒牛既風味，亦都帶有陣陣甜味，配埋牛肉，響鈴，蜂巢豆腐，豆卜等等嘅火鍋配料一齊食，朔晒湯底嘅精華一齊食，已經好夠味，甜甜辣辣咁勁惹味呀

一直想去牛大人食餐勁，連放幾日假特登揾日泥食到飽😂泥得緊係要食極上和牛吃到飽套餐，每位仲送澳洲M9和牛牛丸2粒😍勁juicy! 湯底我地揀左鳳梨雞湯，諗住幾開胃，可以食多幾碟😎牛牛嘅款式好多，有澳洲和牛M5牛肩卷，牛小排，牛板腱等，所有牛肉個牛和都好香，最滑唔洗講一定係M5牛肩卷！除左肉食，仲有海鮮，小食，炸肉，仲有食台式火鍋必食嘅麻辣鴨血，真心正😍值得叫嘅仲有台灣直送嘅章魚珍珠漿同干貝鮮魚漿，好爽好彈牙😜出面自助區都有好多麵食，飲品，丸類同菜~飲品有我愛嘅桂花烏龍，勁清香解膩！食完仲會每人送杯movenpick雪糕，畫上完美句號~ 雖然d座位都迫迫地，完全唔夠位放d碟，但都明點解咁多人會泥食，因為都真係幾好食😂