爭鮮迴轉壽司 (始創中心)

營業中

休息中

話說今晚唔知食咩好，就近近地去左食平價日本野，等位都唔係等左好耐啦🫣
一入到去即刻睇住條帶有咩食，
雖然爭鮮唔覺唔覺加左價，不過都係8 蚊，12 蚊同16蚊，之前就係樣樣都係8 蚊既
回歸正傳，大家都食過唔止一次爭鮮，不過唔知大家又知唔知？
如果大家既運氣好啲，12蚊係可以有普通三文魚刺身同埋三文魚（腩）刺身呢？無錯上次食既時候就發現在依個唔知係唔係秘密既秘密㊙️我就會㨂三文魚腩食啦
另外，就係三文魚壽司，有時三文魚腩壽司一件係8 蚊，但係好彩既話三文魚腩壽司2件都係8蚊，出面食三文魚腩壽司就一定會貴啲，去到爭鮮我就會一眼關七咁睇住啦佢個藍莓芝士蛋糕都係好食既，8 蚊重想點呀，合理價錢。

最後，我極力奉勸大家千其唔好食佢個炸蝦壽司，一食落去成口粉，個蝦完全唔知去左邊，又凍又唔知食緊咩咁，所以NO NEXT TIME，但OVER ALL 都係對得住佢個價

今日突然心血來潮去食爭鮮，其實爭鮮真係冇乜特別嘢好介紹，哈哈。我覺得，有幾款壽司既口味係真係好特別，好好食。芝士蟹柳壽司，蟹柳一絲絲，芝士味好濃，我每次去都必定會點黎食。油甘魚壽司，非常厚切，好肥美，魚味濃郁。腐皮壽司孖寶，配埋中華沙律係好食既。蟹膏大蝦壽司，膏灸燒過之後味道好出。芝士飛魚子壽司，味道濃郁豐富，邪惡肥仔首選。個人推介，灸燒之後嘅壽司係最好食。其實， $8一碟壽司，仲有熱茶飲，仲有咩好投訴。****************評分 : 7/10簡評 : 平靚壽司首選

呢間爭鮮，我哋已經食過無數次，每次去到等位又唔算太耐，如果比旺角嗰間呢間係first choice，每次去到佢哋都認得我哋，知道我哋有個小朋友，都會專登安排卡位俾我哋坐，真係超級細心，整壽司嗰啲都開始認得我哋，大家都會有講有笑，以平價壽司來講，仲要有卡位坐，真係已經好開心！特別係個女最開心，又有得玩又有得食，最開心係呢度有免費泊車兩個鐘，個女每次去到食嚟食去都係果幾樣嘢，波波壽司，玉子壽司，蟹柳壽司，之後就瘋狂叫甜品甜品同甜品，好開心平價嘅體驗！

行過旺角心血來潮想食下花之戀🍣就行咗入去爭鮮食啦無乜人排隊，馬上入得去花之戀赤貝壽司🍣三文魚腩壽司🐟其他壽司🍣個樣好似擺咗好耐唔係好吸引所以都冇特登再食

一直以來除咗元氣壽司之外鍾情於爭鮮壽司🍣，每一碟壽司都係$8之餘普遍來講質素新鮮又好味😋今次嚟咗始創中心嘅分店，呢間都算幾整齊同埋新淨，開業左冇幾耐今次我哋兩個人食咗十幾碟壽司，包括有赤背壽司、帶子甜蝦特選、油甘魚壽司、三文魚飯小碗🍚、周魚壽司、海膽櫻花魷魚軍艦、檸檬汽水🍋等等，雖然食物嘅質素冇壽司郎咁高，但以呢一個平民化嘅價錢，食到咁多元化嘅壽司，而且仲有酸味好瀧嘅香醋薑同埋綠茶任飲任食，認真唔錯！個人特別喜愛食三文魚小碟飯😍，魚味好新鮮同埋甜美，啲pattern 仲好靚添，性價比真係幾高㗎！雖然曾經試過喺其他分店嘅枱面見到曱甴仔，但係呢間分店新淨得來職員服務態度又好，係一間可以過嚟嘅平民晚市飯堂！

晚上在太子附近行完街， 都唔知食乜好🤔， 見到有爭鮮迴轉壽司🍣🍱， 就入去試下啦！ 食了16碟😚， 可能餐廳人流多，所以整體都幾新鮮😃，有些軍艦味道都唔錯， 壽司種類都有很多選擇， 還有剌身、 小食、甜品和飲品，當然唔可以跟貴價的日本壽司店比較😉， 食完之後先發現原來壽司每碟$8😲，性價比都算高。間唔中食下感覺都幾爽🤣， 超值的價錢， 怪唔知餐廳到晚上九點幾還有這麼多客人啦！ 爭鮮迴轉壽司地址: 太子彌敦道750號始創中心地庫B10-B12及B14號舖

已經有一段長時間無幫襯過D壽司店! 近日天氣太局, 攪到無咩胃口, 於是乎想幫襯吓D壽司店.去到始創中心, 未行到去元氣已經見到人成十多人係門口等位, 局住轉場, 想話離開, 先發現原來地庫開咗間爭鮮!最緊要係晚飯時段居然無咩人排隊, 雖然唔多想幫襯爭鮮, 但女友熊熊想食爭鮮, 唯有乖乖坐底....唔多想幫襯爭鮮, 原因係幫襯過一次官塘廣場外賣店就屙到七彩, 從此6年都無再幫襯, 如果唔係女友熊熊想食, 相信都唔會坐底.今次幫襯堂食店, 第一個感覺係服務唔多掂, 例如.... 係門口等咗好耐無人理, 我坐嘅位地下又唔多乾淨, 壽司膠蓋砌到山咁高係條輸送帶又無人理, 壽司又唔見出得多, 但廚房位就人多多, 鄰枱一男一女投訴落咗單等咗好耐無聲氣要取消單....但我食完離場, 見到門口突然排長龍! 奇怪....論食物質素, 飯團份量係細咗少少, 鬆散咗少少唔夠實, 三文魚, 魷魚等份量算適中, 話哂8蚊一碟兩件, 一份錢一份貨.論餐廳質素, 選擇唔夠多, 想食吓D小食八爪魚仔又無, 無墨魚仔, 無手卷, 連飲品都無咩選擇, 想飲凍嘅綠茶都無.突然間....好掛住明將....

 [#紅白對決］🔥熱到冇胃口，食件壽司就最好不過啦🍣黎爭鮮迴轉壽司試下佢地新推出嘅親子三文魚腩、極上油甘魚刺身同比目魚二點盛！🔴紅肉魚長時間迴游，身上需要存有充足的能量，油脂比較高⚪️白肉魚游泳能力較弱，肌紅蛋白少，因此肉質上油脂部分亦較少。紅肉魚🆚白肉魚你又最愛食邊款呢？我就偏好白魚😋🐟比目魚二點盛($16)-肥腴比目魚邊鰭，輕輕燒炙魚肉更甘香細嫩，雖然雙碟價錢，但雙重滋味🤤#爭鮮迴轉

之前第一次黎食都好好，之後黎食，態度又差....叫佢整既野，佢放到勁遠，轉都唔轉過黎，最後比人拎埋....仲要理直氣壯話比左我.......除左個經理有禮貌，其他都唔得，有個男壽司司傅完全聽唔明廣東話..母親節期間限定8蚊既款色完全唔知係咩，叫我問其他職員，其實職員話母親節做咩優惠，係咪應該培訓下😤😤😤產品都唔熟悉，d台長期無人清潔執台....叫我地自己揀位，但唔執又點揀位...愈做愈差...壽xx真係做得好過你....寧願貴d,起碼心中舒服d

第一次黎始創到食爭鮮...食材新鮮，環境好乾淨舒服、職員好有禮貌....8蚊食到有質素既壽司，超值👍🏻👍🏻👍🏻👍🏻會再黎食😂😂呢排成日去太子都會去食，希望keep 住水準

突發性想食壽司🍣但又唔想幫襯食開嗰間，因為之前發現呢度開咗間新嘅所以過咗嚟食。新開冇人唔使等，仲有40分鐘時間食，雖然食得有少少急，因為壽司帶好長，雖然款式唔少，但係想等到我想食果樣到就有啲難，要花好多時間。厚切巨型鰻魚壽司，呢件要收兩碟價錢，味道OK醬汁夠，肉質厚，但係好多細骨食嘅時候要小心。朋友叫，自己冇試，但望落幾靚，而且啲飯冇散。火炙三文魚腩不得了，好好食，兩個人一共拎左4碟😻油脂滿瀉，火候啱啱好，面頭有啲七味粉調味。朋友覺得可以，爽口。唔係放題黐實晒張口嗰啲質地，味道對版，質地細緻。紫菜有啲淋扣分，本來想叫三文魚子，但係見到喺輸送帶上面散開咗所以冇拎。貝貝爽口，中上品質。魚比較薄身，飯細細舊。火炙三文魚抵玩好食，忍唔住total一個人食咗四件。熟蝦不過不失，賣相OK。蟹子上得唔夠飽滿，紫菜有啲淋。鯖魚係期間限定，擺得幾靚，質地唔鞋。食後感：近來比較貧窮，見到好多人一個去食，開喺始創幾好，一定會經常去食。