爭鮮迴轉壽司 (始創中心)

營業中

休息中

一直以來除咗元氣壽司之外鍾情於爭鮮壽司🍣，每一碟壽司都係$8之餘普遍來講質素新鮮又好味😋今次嚟咗始創中心嘅分店，呢間都算幾整齊同埋新淨，開業左冇幾耐今次我哋兩個人食咗十幾碟壽司，包括有赤背壽司、帶子甜蝦特選、油甘魚壽司、三文魚飯小碗🍚、周魚壽司、海膽櫻花魷魚軍艦、檸檬汽水🍋等等，雖然食物嘅質素冇壽司郎咁高，但以呢一個平民化嘅價錢，食到咁多元化嘅壽司，而且仲有酸味好瀧嘅香醋薑同埋綠茶任飲任食，認真唔錯！個人特別喜愛食三文魚小碟飯😍，魚味好新鮮同埋甜美，啲pattern 仲好靚添，性價比真係幾高㗎！雖然曾經試過喺其他分店嘅枱面見到曱甴仔，但係呢間分店新淨得來職員服務態度又好，係一間可以過嚟嘅平民晚市飯堂！