燒肉ONE (已結業)

同friend行街最鍾意揀銅鑼灣，貪佢夠方便食肆又多。Sogo 附近人頭湧湧，所以轉咗去東角道搵食。無意中見到間外型非常新潮型仔嘅日式燒肉店，朋友仔即刻拍板決定係佢啦🤣店內乾淨整齊，裝修用咗霓虹燈同漫畫做點綴，真係幾有日本熱血嘅感覺。店中間放咗張長枱主打一人燒肉，而四周都有唔少嘅四人枱，真係自己放工食又得、約埋三五知己食都得😌一坐低，就俾佢嘅味架吸引咗，因為竟然有過十種調味料任君選擇，仲要同一牌子都可以有三隻口味揀，真係好有誠意🤩講返正題，食燒肉當然要食靚啲，我哋決定叫一個套餐再追加大量肉類🥰澳洲安格斯肉眼套餐 200g ($247): 非常滿意之選，特別係加咗$70升級左個套餐，所以有一碟滿滿嘅安格斯牛😍。安格斯牛雪花均勻而且唔油膩，而且牛肉味好重 (出面嘅牛有時食唔到牛肉味)，超值之選。海鮮三皇天 50g ($98) (甲羅燒🦀、大虎蝦🦐、扇貝☄️): 成個海鮮組合好豐富，亦特別俾佢個甲羅燒吸引咗。甲羅燒即係味噌釀蟹蓋，係日本傳統嘅燒烤美食，香港本土比較少見，滿滿嘅蟹膏香味入口甘香👍🏻。大虎蝦同扇貝都係鮮味十足，而且亦都好大隻，呢個組合簡直冇得頂。美國牛板腱 50g ($38): 個

超貼地價錢： 2個人 食到勁飽都只係 $508 重要無service charge ! Set I 美國牛小排 + 美國牛板腱$148 （200g) 牛小排又係必叫items 因為佢油脂同肉質嘅分布係啱啱好 你既可以食到牛味 又可以食到彈牙嘅肉質牛版腱係比較「un」 但係牛味比較豐富 而佢會幫你切咗中間條筋 所以都係不二選擇Set F 美國牛胸腹 + 美國牛板腱 + 牛舌 $122 （200g)牛胸腹比較肥 多油脂d 後尾冇咁濃牛舌係薄切 好快就可以燒熟 仲可以加配一份半貨燒肉（ 任你揀） 我哋加配左 亞洲豬頸肉 $19 😍由於肉質彈牙油脂充足 一定係冇得輸🤣美國牛頸脊 $24😍牛味超濃 油脂較少 海鮮三皇$98 必叫items! 淨係個甲羅燒出邊就咁買都要$40/個 依家有一隻超大嘅蝦同埋超大嘅元貝 都只係$98 超抵 必叫！ 甲羅燒仲係白飯殺手😋重點係佢提供好多唔同嘅燒肉汁味道你選擇 如果你啱食嗰隻燒肉汁 仲可以俾錢買走嗰啲燒肉 唔使你平時係超市要成支買返去試

作為牛魔王🐮🥩嘅我睇到朋友分享話呢間性價比高梗係馬上去食下入到去睇到大大塊圖係和牛三角肉（應該係推介食品叫一個先）另外有個板係「元気」解釋，係等嘢食嘅時候可以望下嘢都幾好呢個轉盤真係經典成十幾個樽喺度轉轉吓超級多味可以揀，平時出面最多都係5-6個味呢個餐廳仲有還原水可以飲（比埋紙杯可以帶走飲）真係好貼心今次兩個人去食叫咗兩個餐，另外再加左啲肉喺餐個方面就揀咗牛胸腹+牛頸脊同埋牛小排+牛板腱呢度嘅好處係100g可以加大到200g所以大細胃人士都適合兩個餐都係跟左個紫菜溫泉蛋飯我覺得一個好嘅位，就係冇落啲飯素喺度阻住晒啲味個甜品放喺呢個盤，睇落個樣好似飛機餐嗰啲呢個就係日本A4和牛三角肉油花同肉嘅質地好均勻食落唔會靭、肉味香濃連續食好多片都唔會因為太油膩而停口真係好正（如果呢個可以加大，下次加大呢個🤤）幾十蚊可以食下和牛，真心好抵之前係其他餐廳都接近成千呢間鋪仲要係銅鑼灣，冇得頂啦一定會encore另外仲叫左個厚身啲嘅M2西冷扒如果鍾意食大啖肉嘅朋友，可以叫呢個呢間啲肉都做得幾好，燒咁厚嘅肉唔會韌見到有得燒海鮮，都叫咗兩個嚟試吓扇貝同埋日本甲羅燒店員仲特登走來問有冇燒過甲羅燒如果冇嘅，就有

呢排流行食一人燒肉，勝在性價比高份量唔需要太多滿足一人享受。今日去銅鑼灣發現呢度有間新開嘅一人燒肉排晒長龍好受歡迎，我哋都唔例外。入面座位都好多，所以等候時間唔會太長，大約15分鐘就已經入得。我哋要咗一個c餐牛胸腹加五花腩，同I餐牛小排加牛板鍵。小食有日本枝豆，再加焦糖布甸。食日本燒肉點少得飲啤酒我哋都要咗兩罐日本啤酒啤啤佢。同額外加咗海鮮三寶，包括大蝦、帆立貝同甲羅燒。同埋呢間特別之處係如果你唔鍾意食燒肉嘅話，可以轉食日本壽喜燒都冇問題，所以種類都較彈性可以隨意配搭。肉類都比較新鮮，枱上面有好多唔同種類嘅醬料任君配搭，油脂分布平均充滿肉汁，再配埋個溫泉蛋，紫菜白飯非常惹味。其中一款轉咗做生菜包住啲五花肉一齊食，簡直係完美配搭。而最期待嘅海鮮都冇令我哋失望。甲羅燒嘅蟹膏非常多，仲可以自製蟹膏撈飯非常有驚喜，蝦肉同帆立貝肉質新鮮十分彈牙，咁嘅價錢絕對物超所值。

食盡銅鑼灣之日式 — 燒肉ONE————————————————今日又嚟到銅鑼灣食lunch， 發現咗一間門面好大間新開嘅食燒肉店😮， 而佢嘅燒肉定食選擇好多，價錢有平有貴實有一款啱！🔸 美國牛小排加美國牛板腱套餐 肉既份量叫左100g， 加$19可以轉紫菜溫泉蛋飯😋， 味道啱啱好唔會太鹹， 牛小排不嬲都係我的燒肉最愛😋🔸 日本鹿兒島黑毛和牛牛肩胛 壽喜燒套餐本身以為呢間正係得燒肉食，估唔到居然都有壽喜燒套餐😮， 黑毛和牛肉質冇得彈， 個人建議唔好點其他醬汁，因為壽喜燒湯底本身已經好有味道，更易食得到和牛既質感同味道🤩🔸 海鮮三皇係一個大蝦，帆立貝，同甲羅燒嘅組合，幾出色，蝦好大隻而且食得出係新鮮既，而甲羅燒味道都好濃郁😋💭Overall comment:新店開張人手安排上都做得唔錯， 唔需要等太耐就食得，中午時間都多人食，記得早d去就唔洗排隊！😆

燒肉套餐配日本新潟A+珍珠米飯 亦可升級紫菜飯和可配日本生雞蛋 配菜可以選擇沙律 日本枝豆或升級各款甜品 最吸引嘅係可以用半價加購一份燒肉 而且肉部位仼選 強烈推薦大家要加購 因為抵食得黎又可以一次過試曬兩款肉😆I.美國牛小排+美國牛板腱套 $98.0 🥩升級至200g +$50.0日本A4和牛三角肉 +$54.0一上碟就睇得出係靚A4和牛 三角肉是位於第1-6根肋骨附近嘅肉 肥瘦肉交錯 油脂分布平均 燒完食落口好柔軟多汁 入口即化日本鹿兒島黑毛和牛牛肩胛壽喜燒套餐 🥘壽喜燒套餐包括一份牛肩胛 娃娃菜 金菇 讚岐烏冬澳洲42西冷扒 +$84.0西冷肉味較濃 肉質彈牙 脂肪較和牛少冇咁油膩 可以達到香嫩又多汁嘅口感最值得讚嘅係餐廳採用還元水 應該係香港第一間 證明餐廳好注重客人健康 還元水機可以十秒消毒 清洗農藥 有效改善皮膚同腸胃問題👍🏻

日式速食燒肉店，價格親民貼地，體驗新奇有趣。美國牛小排+牛板鍵套餐每個座位面前都有細細個燒烤爐，火力可自由調節，方便易用。牛小排的油花分佈均勻入口柔軟甘甜，牛板鍵則較為有彈性，肉味濃郁，配上溫泉蛋紫菜飯增添風味。首次落單如果追加單點肉類仲有半價優惠，點可以放過！加咗個澳洲M2西冷扒，肉質鮮嫩juicy，半價之下性價比好高。壽司燒套餐店員把甜醬油湯底放到爐上。湯底份量不多，但無須加湯，保持濃味，煮烏冬時會索晒啲精華。牛肩胛捲成一卷，每片肉質厚實卻又軟嫩。我加碼美國牛頸脊，牛味濃，就算湯底甜都冇蓋過牛味。本身會跟娃娃菜、芝士竹輪，甜品+$8黑糖慕絲，成個set好多野食，更冇諗過一個人都可以食到壽喜燒！除咗肉類仲有海鮮類選擇，叫咗個甲羅燒，燒大概3-4分鐘再攪拌均勻就食得，燒完香味不斷湧出來，餸飯食一流！

同事介紹我食尼間一人燒肉店，話lunch 食最貴都係70蚊，性價比超高！於是我就約左男朋友收工過黎試下尼間燒肉店🤭套餐種類繁多除咗一般既豬、牛、雞之外，仲有一人壽喜燒😂唔怪得知咁多人食，而且醬汁選擇都好多有10款左右 ，真係一間可以滿足唔同人願望既燒肉店.❗️溫馨提示 每個座位隔離都有一個QR code，大家可以跟返自己嘅QR code黎落單，因為餐盤比較重，送餐時會方便同事知道邊個坐位，減少意外發生。✨Yebisu 惠比壽啤酒之前食居酒屋試過尼款啤酒100％麥芽製造既啤酒，飲落好香麥味，口感濃厚，未試過既朋友可以一試。✨套餐E (西班牙豚五芯、亞洲豬頸肉、日本新瀉雞爽肉) 300g 一次過滿足哂三個願望既套餐，300g 都係$148‼️真係抵食架🤤🤤雖然好平但肉質一D 都唔劣架，豚五花肉質軟化，豬頸肉外脆內軟，雞爽肉肥瘦適中有嚼口，食落肉汁多，日本雞真係好好食🤭另外再加購左紫菜溫泉蛋飯🥚🍙，配埋肉食一流！✨套餐H (美國牛板腱、美國牛頸脊）200g $148左上係牛頸脊，石下係牛板腱，依兩個部位都唔係以油脂作為賣點，牛頸脊脂肪唔多，油花適中，有咬口且爽嫩。牛板腱筋就較多，肉質感覽厚實一點

“美國牛小排+美國牛板腱套餐”($148/200g)“西班牙豚五花+亞洲豬頸肉+日本新潟雞爽肉套餐”($148/300g)宜家愈開愈多一人燒肉店🔥價錢實惠啲所以間唔中都會食吓😝今次去咗銅鑼灣開冇耐嘅燒肉ONE😋我地叫咗2份set share😆一份係美國牛小排+牛板腱🐮一份係豚五花+豬頸肉🐷+雞爽肉🐔另外仲用優惠價追加咗牛舌+牛胸腹咁樣就可以一次過食齊哂豬牛雞🤣每個套餐仲會包一碗白飯/生菜+沙律/枝豆亦都可以加錢轉做溫泉蛋紫菜飯😍呢道仲有個特色就係調味醬汁超級多😝想試哂每隻味都有難度🤣肉質品質正正常常😚當中牛舌幾唔錯☺️店員行過都會幫你較吓個火,幾貼心

上星期見到新店推介銅鑼灣黃金地帶有一間新開業嘅日式燒肉店，重點係開業優惠下午茶都只係$38起，雖然我地今日係嚟食晚餐，但晚市套餐連前菜、甜品都只係$68 起，單點項目有齊牛、雞、豬、大部分都係$50內有交易🤩🤩，無論係份量定質素都對得起個價錢，性格比超高👍🏻👍🏻平日晚市都全院滿座，座位方面就分雙人爐同一人爐，如果想嚟獨樂樂速食燒肉，咁燒肉One 就係一個唔錯嘅選擇😉我地兩個人就諗住單點可以揀多幾款肉類試，用QR code 自助落單後就可以先調醬汁😌因為淨係醬汁都有超過10款，大辛、中辛、小辛，連芝麻醬同柚子醋都有齊，放齊係台面任君選擇👍🏻美國牛胸腹 - 又稱牛五花，脂肪豐原且牛味濃，無論係火鍋定燒肉都係必食之選南美洲牛舌 - 牛舌厚度適中，燒烤時間唔需要鬼太耐，又可以保持口感同爽感美國牛頸脊 - 牛頸脊係牛牛活動最高嘅部位，所以脂肪較少，肉味更濃厚日本A4 和牛三角肉 - 雪花紋路明顯，油脂分布平均，和牛牛味最濃，記得要留意火候，烤得好唔好就睇大家功力啦西班牙豚五花 - 五花腩油脂含量較高，燒嘅時候要小心搶火😎油香豐腴超滋味澳洲M2 西冷扒 - 一客有150g 份量足夠兩三人分享，一大

之前番工偷撳電話嘅時候收到朋友WhatsApp 話睇到一間銅鑼灣的烤肉店做開店優惠$29有燒肉套餐，有肉有飯有小菜?!舖頭支援網上取票，但我到既時候都係要等一陣。舖頭係用QR code落單，而且係電子付款，當日都見到有啲老人家唔係好識用，但係啲職員都好幫手上菜速度還可以，因為個日新開張第一日人超級多，而且每個人用餐時間只有45分鐘。除左$29套餐以外，仲可以用半價追加一份肉，我追加左一份牛肉，但感覺仲係有啲唔夠原價追加左一份雞爽肉，雞爽肉好好食💓💓老實講，以岩岩一開店$29呢個優惠價錢真係冇嘢好挑剔。牛肉有啲薄，冇咩味但旁邊有好多唔同嘅醬汁，同埋鹽你可以自己加雞爽肉真係超級推薦

依家去食燒肉，唔使一定要約埋一大班朋友，一個人都可以好好enjoy燒肉嘅過程餐廳座位都好寬躺，就算一班人過嚟，都有啲四人枱，唔使同人哋share一張大枱，燒肉嘅選擇除咗牛肉，仲有豬肉，雞，海鮮，想打邊爐仲有壽喜燒選擇枱面上邊已經放咗大約10支燒肉汁同埋柚子鹽，綠茶鹽，俾大家自由調味今日我哋叫左兩個一人套餐，美國牛胸腹+牛板腱+南美牛舌套餐（250g) $148，加$28可以有溫泉蛋紫菜飯，牛胸腹油花旺盛，肉質肥美，入口嫩滑，牛板腱肉味較濃，肉嘅顏色粉嫩，證明好新鮮，牛舌質感非常爽口，唔會太乾仲加咗兩蚊叫咗三粒泡芙，裏面係忌廉餡，超抵食✨美國牛小排+牛板腱（200g) $148牛小排位於肋眼下方，油脂分布均勻，肉質柔軟甘甜，用嚟燒烤最適合不過餐廳而家仲做緊優惠每個套餐可以半價加一份燒肉✨日本和牛A4三角肉(100g)$54和牛屬於罕有部位，油脂分明，但係食落唔會有好重嘅油膩感，每邊燒10秒就食得，入口即溶✨澳洲M2西冷扒（150g)$84澳洲和牛喺日本黑無毛牛和美國黑安格斯牛配種而成，特色係牛味比較濃，又可以減少和牛嘅油膩感，肉質好嫩滑✨汽水$12套餐加配$12就可以加支樽裝汽水🥤，燒肉

食日式燒肉通常都比較貴 今次同大家介紹嘅係一間抵食嘅一人燒肉🫢 所以晚市時段都可能要等位㗎😗 我哋嗌咗兩個套餐 一個係F餐 美國牛胸腹+美國牛板腱+南美洲牛舌套餐 另一個係I餐 美國牛小排+美國牛板腱套餐🐮 啱晒我呢啲牛魔王肉類美國牛小排 紋理分明 牛味出眾🐮 美國牛板腱 牛味濃郁 份量充足😗 美國牛胸腹 充滿油香 肉質肥美☺️ 南美洲牛舌 口感軟腍 👅 每個餐仲可以半價額外加肉㗎😗 日本A4和牛三角肉 半價加配 牛油味香👍🏻 亞洲豬頸肉 外脆內軟 爽口彈牙🐷配菜 有飯或者生菜揀🥬 我地嗌咗一份紫菜溫泉蛋飯同埋生菜😮 紫菜溫泉蛋飯淨係個汁同面頭嘅紫菜已經好好食🤤 生菜就感覺好清新 想食得輕盈啲可以選擇呢個前菜或甜品有好多款揀 我就揀咗沙律同日本泡芙😻 泡芙去到最後先食都唔會融晒啤酒仲有優惠添呀 50蚊兩罐咋😝 我地揀Asahi同埋Suntory The Premium Malt‘s🍻 同友人各有喜愛整體嚟講 想食個快靚正嘅燒肉晚餐 呢間餐廳絕對係你嘅選擇之一啊🥰

銅鑼灣SOGO後面呢間燒肉店，就啱晒啲唔想食太大份量，又想過吓癮食燒肉嘅人😙一人一個set，揀想食的肉類，又有飯/沙律、小食。我哋叫咗兩個set，可以半價再加多1分肉👍🏻食靚少少有日本A4和牛三角肉，油脂多啲靚啲，所以燒起上嚟個火都勁啲🤣牛舌都推薦，一碟仔都有幾多塊。牛小排肉質幾腍，本身有啲燒汁味道都唔錯。加左兩隻扇貝，好大隻好厚肉😍套餐個飯可以加錢轉紫菜飯，或者好似我咁要左生菜，包住肉食，無咁肥膩😛🔸美國牛胸腹+美國牛板腱+南美洲牛舌套餐🔸美國牛胸腹＋美國牛小排套餐🔸扇貝2隻🔸日本A4和牛三角肉🔸日本新瀉雞爽肉🔸日本枝豆🔸日本伊右衛門抹茶玄米茶📍#燒肉ONE (#銅鑼灣美食)銅鑼灣東角道26號怡安大廈地下1-3號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_銅鑼灣

前排去開銅鑼灣總統戲院睇戲，經過呢間位於世貿對面嘅日式燒烤店，俾佢非常有日本特色嘅門面吸引咗，就一於試吓啦！餐廳裡面係貫徹日本燒肉店嘅風格，地方雖然唔係好闊落，但係就好熱鬧！呢度係主打一人前嘅日式燒肉，除左可以食燒豬、牛、雞肉之外，都有一啲其他嘅熟悉，例如丼飯、串燒等等，最緊要嘅係價錢合理。由於係qr code用電子menu落單嘅緣故，我無影低度我當晚就order左加大份（200克）嘅牛小排+牛板腱（$217）套餐：前菜可以選沙律、枝豆等選擇，後者係我最愛，梗係要order啦！飯係標榜日本產嘅米，可以選擇多飯少飯，也可以加錢轉紫菜飯。牛肉好新鮮，油脂分布平均，而去份量都夠！見隔離位order A4和牛好吸引，忍唔住都跟佢一齊叫！係呀係呀好彩原來跟慘叫可以第一份半價額外order，50克A4和牛都只係$54咋，超抵！甲羅燒只係$49，好划算。蟹膏好香，燒黎食一流！飲品+$15，可以order日本茶。解膩一流