燒肉LIKE (新城市廣場一期)

營業中

休息中

今日經過燒肉like見到佢有新野-宮崎和牛，又忍唔住入去試下☺️我叫咗250g嗰set，呢個餐有三款牛！宮崎和牛前胸肉、牛舌同橫膈膜肉。講咗重頭戲和牛先，好食係好好食，牛味亦都夠，但係油脂分布得唔太平均，佢捲埋左一舊，成舊脂肪都會喺度嘅😳呢嗰位都扣幾多分😅 牛舌切得好薄，好食，好易入口，但無牛舌嗰種味道。橫膈膜肉都好好食，似係牛小排啲fd，都算高質，如果唔驚肥嘅朋友仔，最好都係叫返牛小排！驚嘅話就食牛板鍵！

#抵食燒肉 好耐冇燒過肉啦，太掛住肉香😆😆，lunch 燒肉set一向都平過夜市，就諗住同彤彤家姐去過下口穩🤣。點解搵到間任何時段都係均一價平價抵食超值優質燒肉🥓🥓。原來已經係好出名，一人都可以燒肉，最平$48有一個餐，包咗飯、湯、100g肉。醬汁任你揀。唔夠肉仲可以追加, 按肉款有唔同定價，最平$25有100g!💥💥講真我揀咗最平嗰隻，平平哋燒下，但味道真係好正。定係因為我太耐冇燒肉😂😂飲品價錢合理可樂$8罐。 我追加咗幾次肉埋單多$100唔使，仲要唔使加一，唔怪之2點後時段都咁多人排隊😂睇網上面講話五點後食要等三個鐘🤪🤪。嘆完燒肉順手去接小朋友放學😉😉時間啱啱好🤣🤣下次一定要再嚟

扺食燒肉之選$78 200g 牛五花 肥牛片啦即係，只係個名好聽啲！我鐘意燒得燶d，脆脆地咁佢既肉已經有初步醃料，其實都好夠味，所以可以唔使點任何嘅醬汁。不過重口味嘅朋友都可以有好多選擇，有燒烤醬、蒜香醬油、鹽味醬、韓式辣醬、麻醬、鹽同黑椒等。餐已經包括左飯、前菜（泡菜/沙律）同埋湯。牛肉都有牛味，而且燒完後，油脂被迫晒出嚟，特別香口惹味！飯用日本米，食落特別香同埋軟熟！湯就係典型日本開出嚟嘅味精湯。一人燒肉，私隱度夠，唔使怕尷尬，而且冇乜油煙味，抵讚！小朋友都啱玩！

提前在家攞飛 去到唔使等入去都算幾方便 雖然餐廳人好多但係上菜速度都算幾快 都幾好食 和牛扒同埋豬五花都質地都唔錯 價錢都幾平 幾好食 下次應該會再去多次 值得推薦 平平哋食到唔錯嘅燒肉 yummy

見美心集團旗下開左燒肉，現場仲好多後生仔排隊支持！即刻排埋一份食啲肉同服務都一般貨色，勝在夠熱鬧多後生仔食同打卡，重點係美心圖就後補，最平$48有交易！有牛、豬、雞等燒肉選擇，部位更有日本和牛、牛舌、橫膈膜、豬腩肉等，還有壽喜燒套餐，入座後可挑選自己喜歡的部位和想要的份量，份量由50g至300g不等，可自選醬料，亦有提供套餐選擇，相當豐富！一人獨享私家燒肉位，獨佔一爐，有一種自己口水自己負責的概念。入座後首先用手機掃掃QR code，直接進入燒肉LIKE餐單選取畫面就可以開始點餐，除多款套餐組合之外，單品及配料也清晰顯示選擇。無接觸不限於點餐，就連付款一樣盡量做到無接觸，因為這裡不接受現金付款，近20種電子支付方式，總有一款用到吧，的確很方便！

I arrived at around 11:20 and the line was very long already. I thought I won’t be able to get in the first round but found out the place is pretty big so I managed to get in. It’s very convenient as we just need to order through the QR code. I ordered the popular set which includes three different parts: ox tongue, fatty beef and brisket. There were lots of sauce to choose from too, I tried the Korean spicy sauce and soya sauce with garlic. The presentation of the food was good and the meats we

😅🤟🏻食物就不過不失，但個爐真係把鬼火，我d野食黎先，個爐教到最大，d肉整左好耐都唔熟，紅色，我朋友遲我5分鐘到d肉，佢仲快食過我，仲要佢燒橫格膜我燒最平既薄牛，有d嬲🙄叫員工幫手睇睇，佢話開左火😱😱😱但係我朋友個爐火位係紅色，而我係無顏色😤😤😤😤😤😤衛生方面，員工只會換走個網，下面個火既位唔會清洗，我見格離位用筷子黎燒肉，燒既時候成隻筷子叉左落網下面😰其實都幾易交差感染肉方面，算真係好平，味道亦不過不失，係個爐慢到傻，最後係朋友個爐燒埋座位上甘既價錢都算合理

店員提早派出下單紙，我仍需門外等候，入座後仍需等待送餐。明白餐廳多人亦有時間限制，但侍應把用餐時間計成為派發下單紙的時間，然後把我尚未完成的餐收下，以强迫離開餐廳。當員工入店時，有提示用餐時間為一小時，但我被收下餐的時間不足入店後的一小時，希望管理層能了解前線員工的服務態度和情況，以提升良好服務質素！

呢間係日本過江龍嘅燒肉店～bookmark咗好耐終於食咗😝食完好驚歎d燒肉又平又好食😭我係平日下午3點幾去到都排咗1個鐘，真係太好食吸引好多人嚟朝聖😍🐮牛小排&牛板腱套餐200g ($128) 叧加溫泉蛋($8)同伊藤園綠茶($12)全部套餐都會包白飯(100/200/300gram唔會額外收費)、泡菜或沙律、麵豉湯，咁我就揀咗泡菜同200gram嘅白飯😇牛肉好高質，牛小排嘅油花分佈均勻🤤牛味香濃，燒肉味真係好香😍配埋溫泉蛋白飯真係無得頂！餐廳有幾隻醬提供，分別係原味BBQ醬、蒜香醬油、鹽味醬、辣味噌醬，我就十分推薦原原味BBQ醬，更突出燒肉香味😋要留意餐廳得60分鐘用餐時間，所以要食得快d～總評分：9.5/10🍽 燒肉Like 📍 沙田沙田正街18號新城市廣場1期4樓408號舖

長期都人頭湧湧既燒肉店🤤想食就要預早係app㩒飛！如果唔係去到先發覺截人龍就冇得食嫁喇套餐有8款，有牛、豬、雞肉俾大家揀套餐價錢以gram數區分，唔大食既可以揀份量小既都可以，套餐已經包埋飲品、湯、前菜同白飯全程用電話落單，超方便～送餐時間都好快位同位中間放有調味架，可以自己揀鍾意既用Like套餐🐂肉類份量都多，右邊碟牛舌都有9塊咁多左邊牛五花好好味，一啲都唔”un”一路燒一路食😌真係食到冇停口🐂牛五花&橫膈膜肉套餐朋友話橫膈膜肉相比牛五花冇咁好味，但價錢黎講真係好抵🤣唔怪之得門口一直都有人等緊

行行下見到呢間日式燒肉超級多人排隊，心諗有冇咁好食啊？望一望個menu，哇咁抵食，唔怪之得咁多人排啦，上網一查發現係日本過江龍嚟嘅，好出名嫁，一於跟住排隊啦！🍴like套餐 $125 (牛舌，牛五花，牛橫隔膜肉)套餐包一碗海帶湯，一碗飯，一個沙律或泡菜牛舌切到好似紙咁薄，但都有11塊，幾彈牙，覺得厚切會好食好多😂牛五花有啲似肥牛，好香嘅油脂味，送飯一流，食得多會有少少膩！牛橫隔膜肉比較韌，燒熟啲會比較好食，甜甜哋。湯好好飲，好濃海帶味，清香。飯有得揀100-300g，係日本米，比較黏口，飯粒飽滿。沙律食得出都新鮮爽脆！醬汁基本上每一種都好食😋推薦指數: 8/10真心係抵食，味道都唔錯，食完好飽！朋友食嘅牛小排，牛板腱好食好多，肉高級啲，牛味香濃好多啊，差唔多價錢，下次我會食呢個！

下午四點多，想食早飯，不是太肚餓，決定去吃燒肉like。取了308號，在叫275號，便在附近行吓。十幾分鐘後望下，在叫286號，又行開了。十幾分鐘後再到店，已經叫313號了。好險，超過五個號就要重新排隊。入店前，侍應介紹了解期間限定的「和牛」，我們便下了一個「和牛套餐」100g，包一碗飯、海帶湯，以及泡菜或沙律。另一人不吃牛及配菜，便散叫了五花楠200g ，雞腿肉100g。職員好細心，留意到有一個人散叫，自動送來托盤、吉碗。因為橙汁已經賣晒，我們有不飲汽水、茶或啤酒，侍應又主動送上兩杯水，真是10分細心呢！份量比牛角多，好鮮味。雞腿肉比較難熟！美中不足是沒有橙汁，又沒其他非肉類追加。下次都係去番牛角食。

下晝行開沙田見到間燒肉like好多人排隊，就試下攞飛，要等一個半鐘頭，心諗唔會中伏掛等咁耐，見咁多人食應該好野。咁等左個半鐘有位入去，發現幾有新派日式嘅感覺，好簡單嘅一人燒烤設計，諗住平食要求唔好太高心態啦，我就叫左個200G牛小排及牛板腱餐及牛舌。結果個餐一到就真係有驚喜，質素好高牛扒望落去好靚仔，跟住燒完之後發覺仲好好食，啲肉唔點醬都已經好入味點燒肉嘅醬都有幾款，幾款都好好味，另外個海帶湯都好好飲，整體CP值極高嘅一間燒肉店。

上次夜晚七點嚟到已經派哂飛🤯今次醒目，未夠六點就攞飛喇，不過都已經好多人，我諗都水尾嚟架喇，一於試下呢間燒肉啦🐂注意，我星期一去食，都等左兩個鐘🥲————————-———————————————入正題！俾餐牌大家睇下先👀👀👀其實佢野食價錢都算公道，而且都叫選擇多，唔食牛又要陪另一半食既話都有個雞肉拼五花腩餐俾大家選擇🐮🐔🐷—————————————————————————呢個套餐有分唔同份量，價錢睇返餐牌啦👍🏻佢呢個餐有牛舌、胸腹肉同埋橫膈膜肉。仲有和風湯、白飯同埋沙律或者Kimchi俾大家選擇✅✅✅食牛，加隻生蛋就基本啦，你明既😏整體嚟講呢個餐唔錯既，一分錢一分貨，鍾意食牛既都夠滿足架喇🤝留意返，個白飯用日本珍珠米，呢度加分既✔️—————————————————————————唔食牛但又鍾意食肉既話，呢個套餐都滿足到哂架，雞腿肉滑既，五花腩亦都好香，睇你燒得好唔好啦😏同樣地，套餐都係有和風湯同埋配菜送既—————————————————————————仲有多款醬料，絕對生色不少架👍🏻👍🏻👍🏻—————————————————————————總評喇📣用兩個鐘時間去等既話，感覺上有啲唔值

點完餐，自己d食物可以去左人地到，材料亂哂，仲要搞一輪，做野咁婆婆媽媽 hea我，d員工亂比食物非常令人失望 價錢唔同咁多 差少少比貴左又食少左 睇留眼少陣都唔得 非常無奈