燒肉LIKE (新城市廣場一期)

營業中

休息中

等咗60幾張枱終於都食到..真係好誇張..不過飛係晏晝五點幾拎定嘅..之後去行吓街其實啲時間都好快過..等位期間睇定自己想食咩先..見到佢啲套餐都有分g..最好嘅係可以另外再自由搭配仲可以叫半份添..價錢都真係好親民！一共有六款醬料同埋海鹽，黑胡椒推介個蒜香醬油真係幾香..我拎黎撈飯😂牛小排&牛板腱 200g 牛五花&橫膈膜肉套餐 200g套餐分別會跟一個昆布湯個昆布湯好香..一開頭仲以為係淡如水果種另外仲有個前菜可以選擇沙律或者泡菜白飯都可以選擇要細中大size以上呢啲都唔使再另外收費各款牛既脂肪分布都好好好重牛味感覺同出邊食嘅貴價燒肉差唔多..不過唯一嘅感受係食得好趕急..用餐時間只有60分鐘同時又掛住飲湯食飯又驚D肉燶但性價比係唔錯..親民價錢又有咁正既牛食..希望會開多小小分店啦因為真係排太耐了

日本人氣店終須來到香港站啦！進註在沙田新城市，這間人流勁多的但不可訂位只可以取票號等位，真的閒閒地要等成兩個鐘才能有得入座。牆身磚印有牛頭圖像很帥氣啊！醬料有好幾款，辣味噌醬、鹽味醬、蒜香醬油等。壽喜燒胸腹肉套餐(可選擇生蛋或溫泉玉子）胸腹肉已醃好壽喜燒醬汁，每人一個爐較好就慢慢燒，吃牛肉最正就是每邊幾十秒就已經熟，第一塊沒有落醬料，已經好夠味肉質鮮嫩，油脂分布均勻。LIKE套餐(牛舌、胸腹肉、橫膈膜肉）至愛牛舌，薄薄的燒得爽脆而橫膈膜肉比較厚身，咬一啖有牛香有嚼勁。

同男朋友兩個人4點攞飛，差唔多7.8點先食到，我地都好期待，入去即刻嗌左兩個餐上餐速度都好快，我同男朋友都覺得d燒肉好好味，始終發覺好味過牛角，超滿足，兩個人食左三個餐，但結果翻到屋企開始我地兩個都瘋狂飲水，我們先醒覺原來係因為味精超重先會同等肉但好味過牛角嘅秘密，好失望，其實間餐廳得一半開放比人入座，宜家咩時代了仲用裡d銷售手法，門口甘多人等左甘耐都唔理，唔值得等4個鐘食，除左當下覺得好味全程完全唔值，比日本差太遠

想試好耐的一人燒肉，今天終於網上取到票又不用久等了。✌✌今天二人同行，不過沒有一人免費店內環境舒適，清潔，地上有籃子放手袋，跟一貫日系作風。牆上的英俊牛牛，增添牛味，枱上有燒爐，調味汁四款及兩款醬，現磨海鹽及黑胡椒。座位有一個抽屜，內有义筷，乾濕纸巾及牙簽。燒爐火力可自行調較。點單是用二維碼從手機落單，可單點或套餐，圖文並茂，十分清晰。如不會用手機下單，員工十分友善及幫助，要讚讚他們的態度餐單的肉有牛，雞，豬，有不同部位，不同份量，任君選擇，豐儉由人。除外，亦可加配沙律，白飯，雞蛋，飲品。我點下兩個套餐及Asahi啤酒，擺盤很美，啤酒杯更是冰凍的，勁貼心❤套餐有白飯，沙律及湯。白飯是日本米飯，好黏糯，沙律,ok, 湯，夠熱，勁麻油香，其實係有味精，不過好夾個餐，我飲晒，好味。我點的主菜：牛肉是胸腹肉＋横膈膜＋牛舌，先講牛舌，我至愛食，係薄切，燒一兩下，反轉燒一燒，即食，好味，唔韌，有牛舌的香味，我乜醬都唔加已好味。 横膈膜，較厚切，而厚度適中，有口感，肉質鬆化，有油花，牛味好，最正係好滑，唔會韌，冇根，冇羶味，總之正。我一塊燒五成熟，一塊十成全熟，加鹽同黑椒，一樣入口順滑，飲啖麻油

收百零蚊一個餐嘅價錢，佢俾嘅食材肉質🥩都算OK！叫套餐有跟湯、前菜（泡菜/沙律）同白飯，限食60分鐘。呢度成日都大排長龍，最好用Apps預早一粒鐘攞定飛，咁就唔使去到等咁耐。店內油煙唔算大，食完個身都冇咩味！

聽人講呢間係排隊排到天荒地老都要去既一間燒肉，好彩download apps 可以免卻咗呢個煩惱！入到去坐低就可以掃描QRcode落單，餐牌既價錢絕對適合窮小子既我！100蚊樓下就可以食到高質，juicy，嫩口既牛呀！係牛呀！壽喜燒牛胸腹肉套餐再加個牛小排，真心推薦！粒蛋可以叫玉子或者生蛋，隨你喜歡，啲牛已經調好味，咸度適中，識食既你仲可以係燒既途中用桌上既海鹽同黑胡椒提升肉既鮮味，爐既大細火控制更加細心地安排係檯角既左近，配碗白飯，簡直早餐午餐下午茶都唔駛再吃，正正子唷！

想食這間好耐，自從第一次來摸空回去（食唔到，今次做哂資料蒐集，先用apps「新地」拎位🤗 由5點拎，8點可入坐（這是星期五的經驗）😂🤣😂場內整潔（有小小油膩）不過抽風一流沒有油煙😌 點餐以apps形式，方便！先點了「like 套餐」來到「燒肉like」緊係試下佢既主打套餐，內有3款肉位 「牛舌」簿簿的好正，而且容易煮理👍🏻「胸腹肉，橫隔膜肉」香濃牛肉味😌，有一款比較蘇😖「牛小排，牛板腱套餐」份量剛好for女仔🤪 而且肉質尚可🥰備註：每套餐都可揀前菜一份 泡菜/ 田園沙律也可揀 白飯 大/中/小 （好日本米呀❤️）抵食之選👍🏻

我平時係去開牛角燒嘅，今次見到咁多報道，就嚟試吓可能因為廣泛報道嘅關係，如果你喺商場攞位嘅話，起碼要等兩個鐘。如果你諗住係佢開舖嗰陣，做佢第一單生意，係要排隊㗎不過呢間舖頭等都係值得嘅，今次已經係第三次過嚟食，我哋今次三個女仔一齊燒，叫咗兩個餐，在家兩碟肉，計落每人都係百一蚊左右，但係我哋個個都係好飽咁走，好似放題咁😂 不過我哋就有食飯嘅，唔係只係食肉。啲肉好好味，牛肉豬肉都好食😋 最緊要係平，但係食物又有質素唯一要彈嘅嘢就係佢過燒烤爐太細，要密密咁燒！

美味+價錢實惠, 部份套餐 $100 以下已可食到, 連湯連飯一定夠飽.唯獨等位時間有點久, 建議去前自己就時間, 分別用兩部手機 (相隔半小時左右) 取票, 應該慳唔少等候時間.另Bar枱設計有少少問題, 各女士要留意, Bar 枱和對面座位會用一塊板分隔, 但不知為何中間一部份做透明, 如果坐對面的是一位男士, 對方是可以直視你的胸部, 但你係望不到對方的眼睛. 希望餐廳能改善一下這設計.  

同家人在沙田新城市廣場行街，看到這間人氣燒肉專門店，門口排了很多人，我5點取了票排了半小時就可以入內，所以早到都有著數！叫了三份套餐，全是100g 分量，No.1之選，有牛舌，胸腹肉，橫膈膜肉套餐（$$90)叫了三重滋味，有胸腹肉，豬頸肉，雞腿肉套餐（$75)叫了頂級享受，牛小排和牛板腱套餐（$90)兩人一爐，見到吧枱是一人一爐，都很貼心！每份套餐很豐富，有湯有沙律有白飯，不用$100便可以吃到很有質素嘅牛肉，大滿足後加了加倍芝士咖喱（$12)加配溫泉玉子（$8)Pokemon粒香橙果汁飲品（$18)可樂（$8)

新城市超高CP值燒肉 5:00用定個app拎位 差唔多6:30就有得食啦 去到先拎位一定唔會食到 一個燒肉set都係～$100 有飯 湯 前菜 仲可以加錢配唔同嘅肉我地叫左個$110 牛小排牛板腱set 再加左d肉D肉係有醃左同埋薄 燒一陣就食得 好香好入味 有牛味唔係d cheap野豬頸肉$38 100g雞髀肉 $25 100g壽喜燒胸腹肉$32 100g 味道一d都唔差 唔係將貨就價 一定要試呀!佢仲有8款唔同嘅醬可以揀 不過我覺得唔點醬要少少鹽就已經好好味啦唔洗加一 沙田新城市食飯埋單竟然可以$100一位

沙田新開的一人燒肉，一直都好想試！但每次都大排長龍，難得今日放假，諗住平日會少D人！於是就用新城市個apps網上攞飛，點知都要等左差不多兩個鐘！由12:41分攞飛，到差不多2:30先有得食！叫左一個餐250G，都係$110，肉份量都多！絕對夠食！我覺得最正的係，燒肉配醬汁，好好食！另外飯有三個分量可以選擇，隨自己食量。值得一提的係，跟餐碗湯，好飲！我覺得好有日本飲的味道！總結係，雖然等左兩個鐘，但絕對值得！

話說行開新城市見到呢間燒肉店好多人排隊，一路都好想試，上個星期已經用app拎定飛諗住返晏之前去食午餐，點知我地十二點撳飛，到一點都未有得食。只好放棄。今個星期我地繼續努力，十一點半撳定飛。結果同預期一樣。一點就有得食，大家可以參考下。今日我地一行三人點左兩個餐同兩份豬。因為有一位朋友係唔食牛嘅。我地叫咗頂級享受同No.1之選，另外單點豬頸肉同五花腩肉份量可以話非常之多。另外我地三位都有點到飲品。牛肉好有牛味。而且肥瘦適中，燒完配白飯入口即溶非常好食。豬肉亦都出色。不過略嫌個爐細咗啲啲。最後三個人食到捧住個肚走都只係320蚊。我會再幫襯呢間燒肉店。

春節期間來到沙田，這家新開的燒肉店人氣超級好，下午都要拍幾個小時，我用了app取號，等了十幾分鐘進入，我都不吃牛，就點了兩種豬，我都覺得不錯，兩個人最後才吃了200，真的超級抵食

提前上新地商埸apps攞位！去到都係要等，閒日午市等咗一個鐘頭。我都知道新開，再加上過江龍係日本開過嚟，自然係會排勁多人，都有曬心理凖備架啦！但最搞笑係，出面排隊的人，仲多過入面食緊嘢的人！唔係因為地方細吖，係因為吉住咗幾張台係度，但都唔會安排出面排隊的人入坐！一張枱從埋單、執枱、到可以入坐，閒閒地十分鐘！可能係時辰未到，唔可以安排客人入坐？？食物就係不過不失，冇乜特別驚喜。通常都係一set咁點的！如果可以有個幾鐘以上無聊時間打發下用嚟排隊嘅，可以一試