燒肉LIKE (新城市廣場一期)

營業中

休息中

日本燒肉LIKE ：一人燒肉店虎年第一燒就貢獻左比呢度喇😙之前食過好多次抵食🤙🏻上菜快🤙🏻新鮮🤙🏻唯一問題係等位難預時間，超多人排隊食😌🔹壽喜燒牛五花套餐 $52抵抵抵！有湯有蛋有泡菜有飯有肉分分鐘出面食茶餐廳仲貴～😏肉用壽喜燒汁醃好，烤出嚟甜甜哋🤭😋🔹牛小排牛橫隔膜套餐 $92肉靚啲自然貴啲☺️但一分錢一分貨食落係有分別🥰🔹LIKE芝士咖哩 +$12有少少印度咖哩感覺，香料味濃有啲苦苦地咁，次次都必點送飯good good👅不過碗紫菜湯就真係味精湯😌📍燒肉LIKE 沙田不過而家分店愈開愈多，通常都係開喺大商場入面

之前想試新野，見apps可以拎票就覺得實食到，原來佢籌滿就會唔比你拎😂今日特登早啲即場拎票，都見到有好多人係出面等⋯所以想食嘅朋友一定要預時間排隊，我嘅記錄係45分鐘牛小排&牛板腱套餐 200g $128男友大大叫左個大份200g, 大概有14塊牛，質素係不錯的，不過牛小排太薄一燒過龍就”hi”，牛板腱會更有肉汁同油脂香👍🏻佢嘅紫菜湯同沙律味道都ok，但就偏鹹要撈飯食😂和牛扒套餐 120g $158和牛都有薄薄一塊比你，不過顏色同平時超市買嘅貴價野當然有啲分別，唔會有好新鮮嘅鮮紅色，味道上當真食唔出有咩特別，牛板腱仲好食過佢😂總結：如果有一個純牛板腱嘅套餐，下次一定要佢！仲有一讚係佢有好多款豉油比你選擇，我同男友就一致用蒜香味+黑椒+鹽，唔知你又鐘意邊個combination 呢？評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

Black list 啦 叫完個號碼原來唔係到你得個叫字🤢 吹漲 問個staff 點解叫番成十個號碼前既number, 佢仲好串咁講：哦係呀，叫下你睇下係唔係度，個電子Mon number係叫嫁ja. 你幾號呀？我叫埋去你個號碼，幫你mark低你係度等緊呀🤡🤡嘩多謝晒wor 咁既服務叫完仲要等成半個鐘有多 百幾蚊唔覺得好食得去邊🤢你食埋我果份啦 服務態度又差 淨係行黎行去d staff 🤢

因為近日疫情關係 六點後只有外賣呢間平時堂食都唔錯 咪諗住試吓外賣囉 諗住拎去公園同條女開餐點知去到公園 一打開個袋嚇咗一跳冇餐具嘅 同條女望住盒飯呆左睇嚟要分手啦 點算呀

今日去完車公廟還神，就搭一個站過嚟新城市廣場行下街喇～呢度真係好多人來來往往，港島人表示不太習慣😂銅鑼灣都冇咁多人🤣行行吓六點幾有少少肚餓經過呢間燒肉店見好多人等緊位，咁我又唔執輸撳吓飛先😂上網見啲食評都唔錯就等吓啦行住街等😁點知等下等下已經到八點幾先入得，太攰了🥲好彩質素都唔差同連鎖店X角有得揮，用餐的1小時有啲少，兩個人晚餐都只係兩百令蚊～不過呢個價錢食到咁多嘢，飽住走都幾滿足嘅😋

位於沙田站沙田新城市廣場上邊的「燒肉like」，長期都係好多人等位，要食真係要提早好多拎定位，同埋有限時間食，用手機自己落單夠方便，店內係日式燒肉店裝修風格，平均百幾蚊一set唔算太貴，不過嘢飲係另計。我哋三人去食午餐，一共食咗五百幾蚊 。 燒肉質素不過不失，每枱有大量醬汁可自行選配點燒肉，食物份量都正常，唔係太多亦唔係太少，白飯可以自選大中小份量，呢樣幾好幾貼心，不過服務態度有啲問題，未食夠一個鐘已經吹人走，但係加咗單燒肉仲未嚟！

店員提早比定下單紙,仲要企門口等幾分鐘先可入座,ok,呢個都唔係問題.三個人三個餐,大女食得比較快一點收走佢個餐,可以理解.之後到時間還剩餘20幾分鐘再嚟收兩個碗剩餘15分鐘再嚟收兩個碟剩餘10分鐘第一個店員同我講,時間仲有5分鐘我指住下單紙時間,應該仲有10分鐘喎佢話再check一check之後行過嚟冇禮貌同我講,咁你跟返張單時間啦…!我心諗咩料呀？唔係一向跟單時間嘅咩,我作出嚟架?到仲有3分鐘時間再嚟另一個話小姐已經夠鐘要交枱我話我已經睇緊order紙同我時間對緊仲有三分鐘之後經理仲要話係跟佢出面電腦佢地都係打份工,習慣係要提客人姐我都知,但係比著係係客人遇著咁樣催促法你會點呀？我唔係三個人食一個餐囉小朋友食得慢少少又未夠鐘嘅大前提之下係咪要咁樣催個客呀？到我行到出去比錢正正是下單紙時間但唔好忘記,我拎下單紙時仲要喺門口等多一陣先可以入座架三個人食四百蚊,品嘗到嘅唔係燒肉嘅味道而係品嘗到一肚氣

第一次入去食，專登開埋個acc出嚟寫食評呢間舖好好嘢呀全部嘢都自動化電話落單，即場喺電話度畀埋錢先上餐成件事幾咁自動化，唯一要人就只係上餐果陣時叫左個壽喜燒套餐加支野飲，食到一半，望左眼隔離枱先知佢冇比燒肉鉗我，呢d都係小事到最後食完先發覺連佢個套餐嗰隻生蛋都係冇畀我，我又真係冇諗過估佢唔到走嗰陣時講返聲佢哋漏咗隻蛋，佢就笑笑口咁講下次記得早啲提我哋漏咗哇! 落單又唔使佢， 收錢又唔使佢，畀埋錢先上餐，成件事幾咁自動化，唯一要人嘅你就可以漏嘢，重要個食客負責任自己check番! 你話自唔自動？我指佢地乜都唔洗理果隻自動，連個客都自動化既一部分

又一間日本過江龍燒肉店，位於沙田新城市廣場，一人無煙燒肉冇難度。重點係唔需要排隊，大家可以透過電話APPS提早拎位，但難D預計時間，因為有時四點幾五點就停左拎飛。入到去座位都幾寬敞，用手機APPS就可以落單，好快上菜。無煙燒肉所以個爐個火力真係比較弱，但都係可以接受程度內！Like套餐250g $125套餐除左肉有配埋白飯、和風湯、泡菜/沙律，而肉就分別有牛舌4大薄片、牛五花(十幾塊左右)、牛橫膈膜肉4件，其實份量真係唔算少，都只係百零蚊，出去D日本燒肉店單叫一個類型嘅肉都差唔多呢個價錢。肉黎到個顏色都鮮紅，望落新鮮唔會出哂血水、變哂瘀黑色。牛舌食落唔錯，唔會太UN，牛五花薄身，但個油花感會重D，配飯食一流！而牛橫膈膜肉厚身有肉感，食落有咬口，牛味亦會較牛五花出，Overall都幾唔錯！牛小排&牛板腱套餐 200g  $128牛小排同牛板腱份量都差唔多一半半，兩者質素都幾好。牛小排肉質食落比起牛五花結實少少，但油花分佈幾平均，食落都係柔軟。牛板腱油花較少偏瘦，但係口感都屬於鮮嫩柔軟，而個牛味係比較下最濃。兩者牛配埋幾好，一個偏油感一個偏肉感。同埋枱面有好多唔同醬油俾大家簡，個人認為蒜香

今日同朋友到沙田行街，一路都好想試呢間燒肉但係經常都好多人，所以佢一開舖就用網上拎票，所以就唔使等好耐入得去😂市午套餐有多款選擇，我點了牛小排扒-牛脾腱200g.套餐包飯、湯同泡菜，$128，加18元有一小碟五花腩肉，牛肉都幾新鮮好味😋，燒肉店有四款醬汁供應，我特別喜歡蒜味和bbq味，朋友點左牛五花-牛橫膈膜肉佢都覺得好好味😋如果想食燒肉但係又唔想食太多嘅份量，呢一個係唔錯嘅選擇！價錢合理味道亦都唔錯👍

日式燒肉店開到成行成市 要突圍而出除咗靠食物質素同價錢之外 噱頭亦好重要燒肉Like主打一人無煙燒肉 由日本總店開設海外分店 已包括台灣新加坡和印尼 而香港已經開設咗三間佢哋有套餐及散叫選擇 今日我就叫咗一份套餐 包括牛小排和牛板腱(200g) 套餐包括前菜(可選泡菜或迷你沙律), 白飯(有大中細size選擇)本人比較喜歡肉汁較多嘅牛小排 但牛板腱份量較多 而且可以選擇唔同醬汁 試出唔同效果 個人比較喜歡原味BBQ醬和蒜香醬油👍另外佢哋個迷你沙律都好唔錯 芝麻醬做得好出色 能帶出蔬菜鮮味本人好鍾意食燒肉 俾一個小小建議大家 如果係自助形式燒肉的話 其實只要燒底面反一次已經夠(但時間當然要拿捏得好) 因為咁樣先至可以鎖緊入邊嘅肉汁 釋出牛肉嘅鮮味 有時見到隔離枱不斷反反覆覆咁去燒 會弄至overcook 咁就唔好味啦

位於沙田新城市廣場嘅燒肉店，主打一人一爐嘅無煙燒肉，不過要去食你一定要提早攞位囉🤦🏻‍♀️今日平日我吔中午提早一個鐘頭網上拎位，入面座位寬敞適中，裝修雅致日本燒肉店風格，叫野食係自己用手機落單非常方便，價錢適中唔貴嘅，兩個人食咗$3xx, 都好飽，食物份量味道正常啦，唔會有特別驚喜比你😂。另外可能係因為無煙燒肉嘅關係啦，我哋都覺得爐火力好似比較弱🤔，如果你哋唔介意等位等得太耐，都可以一試嘅。😂

沙田最近新開一間燒肉店，午餐都大排長龍，所以用新城市apps攞定飛排隊。有一人自閉位，自己一個食燒肉都冇問題。真係性價比好高，100蚊以下都有選擇，所以都多學生食午餐。不過我建議起碼食200g套餐，100g對一個女性成年真係唔夠飽。平日午市有八款套餐選擇，另外仲可以自由配搭我點左牛小排及牛板腱200g套餐，標注係頂級享受。套餐仲有湯、白飯、泡菜。白飯都有分gram數，不過我冇記低，只記得有三種可以揀。另外我加$12點like芝士咖哩。不過唔係咁好味，唔建議價錢點。點餐以QR code落單，我哋同枱四人，各自不同時間落餐，邊個落先就上邊個。都幾好唔使等。第一轉嚟嘅時候，我啲牛肉比較深紅色。同朋友唔同，所以我要求換過碟。照片牛肉係換過嘅。牛肉切得幾薄，容易燒熟，唔韌，加上醬汁幾好味除咗一人位自己一個爐之外，其他都係兩個人一個爐。不過要注意，相片中爐有網位置，最右手邊有銀色鐵片嘅位置，可能冇發熱線，唔係好識得熟牛肉。另外朋友叫五花腩肉同雞肉，都可以檯面有多款醬汁供應，我揀咗bbq醬&蒜香醬油，兩個都好味

超級多人排隊！！網上攞飛.首先 可以下載 新地商場 APP選擇新城市廣場 —取号lunch set $100上下 超平 ！有一份飯 （飯可以撿size）一份小食 （沙律🥗或者泡菜） 一碗湯！泡菜幾好食醬料選擇非常多！有6种酱料 仲有海盐同黑胡椒！肉的話切的比較薄…味道都算唔錯 牛小排 五花腩！好肥美！聽到滋滋聲最後兩人買單$276超抵！一共係兩個lunch set 追加一分牛五花 ，加多一份五花腩！不妨試下啦！記得要電話攞飛呀！

一人一爐無煙燒肉，無須擔心吃完以後滿身油煙味！供應多款平價好吃的獨食套餐和單點肉類選擇，跟餐有齊海帶湯、白飯、泡菜或沙律。人氣過江龍例必排長龍，當天11:45用手機app預先取飛，最後14:48入座。入座後首先用手機掃掃QR code，直接進入燒肉LIKE餐單選取畫面就可以開始點餐。套餐有多種size選擇，想不到除了肉外，就連白米飯也有3個不同size。Like套餐250g 牛舌每塊厚薄均勻，薄薄一塊好快已經燒熟。有肉質的口感，品嚐得到油脂，沾上檸檬汁再燒，鮮味大大提昇。 橫膈膜肉肉質鮮嫩，啖啖肉口感豐富，油香滿滿又有嚼勁。 胸腹肉油脂部分比較多，切得較薄身，經過高溫燒烤後口感香脆肉滑，咬落滿口油香，送飯一流。牛小排& 牛板腱套餐 200g 牛小排富大理石紋脂肪，肉質鮮美滑嫩、具有香味，受熱後油花與肉質熔為一體，汁多味美、入口即化。牛板腱富含油花，肉質略帶嚼勁，細嫩多汁，咬一口綿延滋潤的口感。