燒肉LIKE (新城市廣場一期)

營業中

休息中

今日晚上7時到達沙田新城市的燒肉店，係門口排左40分鐘就1行5人入到店內。我地就坐係吧枱位置每人1爐，點了5個餐，包括有，牛五花同豬腩200g，牛小排同牛板腱200g，三部合奏300g，like 150g，牛五花200g，每份套餐都包泡菜或沙律，湯，白飯或加錢紫菜飯與生蛋等。上餐時間都好快，雖然人好多但基本上用手機落完單5分鐘左右已經到齊。牛小排，牛舌都非常之好味，入口即溶也冇咩渣，當中雞肉都係一個不錯既選擇，燒到個皮少少濃脆脆地，個爐都好大火會燒到肉片有網狀。埋單600蚊左右，每人百蚊多少少，算係一個幾好的燒肉店，單拖去都得。

今日行完街，諗住早啲食晚飯，行過呢間燒肉Like見都幾多好評，就決定去攞飛。其實當時都有啲人等緊位，但唔算好多。之後再行咗一陣再返去等，一等就等咗大約一個鐘頭多啲，無諗過要等咁耐，之後到食飯時間仲誇張，等位嘅人簡直多到係人山人海，可能價錢比較便宜，不過每枱限食一個鐘，結帳方法係用電子付款，不設現金付款。點完餐後其實好期待會有驚喜，但結果係燒肉一般，但最令人意外滿意嘅居然係碗大白飯，因為食完個碗飯一定會飽。

屋企人都好鐘意食牛肉，沙田開左間燒肉，一睇價錢好抵，再睇勁多人排隊，咁啱果日星期五下午同屋企人過去行街就諗住去試，點知勁快有位👍👍一入去未食已經覺得好香流口水，五個人叫左五個餐再加左幾碟牛都係600幾，最便宜既餐係48蚊，有碟燒肉，沙律或者泡菜，一碗飯（可以選擇少，正常，多既份量）因為我哋勁肚餓所以個個都選左多飯，好彩佢用珍珠米，好好味😋加12蚊可以有幾條生菜🥬用黎包住燒肉食基本上係自己QRcode落單比埋錢，自助燒，好方便去親日本都好鐘意食燒肉，今次係燒肉like都覺得係日本食緊燒肉，個環境好有feel😊中學生話下次要約同學仔過嚟食，因為佢都覺得好抵👍而另一個小學生話要食曬所有牛，下次仲要再食，食到唔停口。家長們見到小朋友食得開心，我哋都燒得好開心🥳期待下一次再食，都會選擇平日下午去，唔使得又少人🤭🤭

今日同朋友突然想食燒肉，攞飛後大約等半小時有位，入坐後用餐時間1小時還枱，一人一爐，QR code 落單即時Alipay 八達通，credit card付款，每張枱餐具醬料全部齊全，差唔多全自助！一個和牛set 200g肉 ＄158，飲品，紫菜飯等可另加＄配搭！也有單點食物，order 左牛舌$68！味道ok，以百零蚊算幾好！

今日來到沙田做野，經過見到有燒肉like,即刻排隊攞飛，因為咁啱係Lunch time,等咗大概45分鐘終於到我首先燒肉價錢合理，我叫左其中一個最平既牛五花100g 定食，跟餐有湯，個湯就偏咸左少少，泡菜同沙律二揀一，咁我就揀左沙律，啲菜都算新鮮配合咸既麻油汁，可以解油膩，而牛五花本身就有調味，係甜口既豉油味在場有不同醬汁選擇，我就最中意蒜味醬油，好惹味而飯亦可選擇大中細，不用另外加錢咁多野加埋都只係48蚊，十分超值如果大家有時間或者撞正唔洗排隊，一定要試PS: 只收電子支款

性價比極高的一人燒肉店😆諗住平日下午唔洗點等位點知都係要等半小時先入座不過唔緊要 因為我食完覺得值得👌😋叫左一個牛小排&牛板腱加飯湯沙律套餐額外再追加一份豬五花🧡一人前燒肉果然有趣又過癮我覺得感覺比牛角更好雖然似速食，有限時90分鐘但一人前,時間一定足夠兩個人都還好 都係邊傾計傾燒但價錢一定比其他燒肉店更加經濟實惠一百蚊左右可以滿足左燒肉條癮而且肉既質素亦唔差！牛味濃!而且有調味料供應,鍾意配咩醬汁都得十分user friendly😆😆回頭率勁高！果然燒肉like👍

放假同肥貓睇完戲，突然想食燒肉🥩，有間燒肉like之前成日排長龍，唔知今日多唔多人，都係滿足下想食燒肉🥩既慾望，去睇下啦，去到攞完飛，唔知要等幾耐，行個圈返黎差不多入得✌🏻牛小排&牛板腱套餐（跟🍚、泡菜、湯）- 牛小排🥩肥瘦適中，肉質嫩滑，食完唔夠單點叫多碟。 而牛板腱🥩相對黎講瘦d，無咁多雪花，肉味濃🤤厚切牛舌🥩 - 因為厚切，燒得比較耐，但完全唔韌且有口感👍牛五花 🥩 - 睇落去似肥牛，好肥美呀😉，但燒完食落口一d都唔油膩👏🏻隨餐加左隻溫泉蛋🥚, My favorite😍仲有各式各樣既醬料，可以揀自己鐘意既🫙

與朋友相約喺新城市廣場等之際，突然諗起嗰度有我一直好想食嘅燒肉Like，所以到步後就急急腳去拎飛。果然，有好多人等候入座進食，當時已經叫到170幾號，但我手上係290號。好在店員叫得快，成個等候過程只需時30分鐘就能夠入座。入座後自己用手機掃QR code落單，落單成功後直接付款，無需接觸員工付款。Like套餐-超值套餐（性價比高👍🏻）雙重滋味（牛五花&豬五花腩200g) $78-套餐包括飯、湯、泡菜/沙律，另外加$15飯升級為紫菜飯150g+溫泉蛋🥚，再追加$12生菜🥬-將燒好嘅肉（可加泡菜）沾上韓國辣椒醬&蒜香醬油放上生菜，包住放入口，肉汁喺口內散發，味道簡直一流👍🏻。-牛五花同豬五花腩切得薄身，油脂分布平均，放落爐大概燒3-4分鐘就熟，口感鮮嫩柔軟。-名副其實有得食又有得玩嘅一人燒肉。👍🏻⚠️無加一收費⚠️手機支援付款程式有：支付寶、信用卡、Apple Pay、Google pay、payme、八達通app

❇️牛小排·牛板腱套餐(200g)$145牛小排🥩呢個價錢嘅質素係有驚喜✌🏻肥瘦適中 肉質滑嫩 多油花 燒完都唔會覺得韌 送飯一流👏🏻而牛板腱🥩就大大塊 較薄身 脂肪比例小 肉味較濃😉❇️牛五花套餐(300g)$108睇落去好似肥牛🙊脂肪組織比較多 油花味最重 燒完食落口又唔會覺得成口油 性價比相當高👅每個套餐都有配菜🥗同白飯跟🍚有150g 200g 300g 三個選擇 而個湯就有小小油🍴加$10有罐可樂🥤同$12 有樽茶☕️醬油方面🧂有好多選擇 分別有原味BBQ醬 蒜香醬油 鹽味醬 辣味噌醬 韓式辣醬 胡麻醬 海鹽同黑胡椒☺️個人覺得海鹽加黑胡椒係最好食 蒜香醬油都唔錯 🔍用膳一個鐘 全程自己掃code下單 再用電子貨幣直接付款 非常方便 整體CP值高 係不錯嘅燒肉體驗✅質素冇令人失望🎉🎉🎉

我生日 同屋企人一齊去食呢間 燒肉店後啲嘢食好快上啲嘢食都好好味 而且啲米飯好 軟淋淋 好似棉花咁 軟淋淋個湯都好 熱辣辣 燒肉都好好食推介大家生日可以嚟呢間度慶祝 你哋可以自己去食下 然後去寫食評

🕰平日無論午市或晚市時段，這家都經常有好多後生仔女等位。今日難得早放工，一個平日的晚上6:00，新鴻基app內已暫停取票，唯有親身嚟到這店walkin，等了40分鐘20個號碼。🪑大部分為4人枱，每枱兩個爐。亦有1-2人的自修位，二人一爐。餐具收於桌下的抽屜內。要人齊才入得，入座起計時 60?90?分鐘，唔記得，只記得餐廳播住快歌，個心覺得好趕。😂📝1. 嘟QRcode自助點單2. 線上電子付款3. 完成後廚房才會收到單。🫙桌上放部著各種醬汁和調味料，我個人口味就幾中意蒜香醬油。每片燒完的肉，輕輕點少少醬油，完美！🥢🥢🥢🥢🥢🥢🥢🥢🥢<Like套餐 $135/250g> （牛舌、牛五花、橫膈膜肉）👉🏻結合三款港人最愛幾片薄薄的牛舌，燒一陣就出油了。橫膈膜肉的肉色較深，亦切得較厚牛味都會濃啲。<牛五花套餐 $108/300g> 👉🏻肥美！較相宜的價錢！燒的牛肉比打邊爐的牛厚好多，肉味都幾足，性價比十分滿意！！👍🏻👍🏻每片牛五花都會癡住啲肥皂，爐是熱管，可以平均地熱燒牛肉，當熱+油，就有機會起火舌 😂（我就到尾聲，牛五花覺油不斷滴到爐灶，所以有啲火光）<

每次去都咁多人攞飛仔，可能食慣沙田這間啦😂食完可以行下消化吓🤭第一次去等咗三個鐘呀🙄先有得食真痴線囉🧐第二次去都要等個半鐘😯無可厚非食牛喺好多人都鐘意食，一人一爐非常好合乎衛生要求😘想食燒肉就會想起這間囉🤭加上牛份量都差👍色澤睇落去唔會瘀黑囉🤭而且人流多，食材去得快😋一定要有碗飯去食👍👍👍

依間日本過江龍嘅燒肉店一早已經想試好耐，主打一人一爐無煙燒肉，《美味快捷超值》，咁啱嗰日行開沙田經過就決定要試試平日中午都要等個半鐘左右，果然人氣十足，果次我同友人分別點左一份Like套餐同一份牛小排&牛板腱套餐，等左咁耐果然冇令人失望，價錢相當性價比高全部套餐都有白飯，泡菜，麵豉湯，牛肉好高質，食落又香又Juicy好香肉既油脂味，餐廳提供好幾款醬汁可以揀，我個人覺得辣豆瓣醬最配燒肉，太好食嘅關係，我地另外叫左份和牛扒試下，厚身大塊分量十足，和牛扒入口即溶，推介必試

一個人食飯的選擇比較少，而燒肉LIKE 正好解決咗我既難題，餐廳的座位是一人一燒爐，非常衛生，自己一個人食燒肉都唔會覺得尷尬。而且價錢100蚊有找，喺大型商場來講算是很抵，而且肉質很新鮮，烤爐的架亦不會癡底，薄薄的牛肉，配上珍珠飯粒，性價比極高👍🏻

沙田開咗哩間日本過江龍，我同朋友都慕名而來，試下哩間一人燒肉。嗰日我哋午市時間去食，午餐時間都幾多人，我哋等咗差唔多一個鐘。我哋係等嘅時候梗係打開餐牌諗定食邊一個餐先啦，我哋都不約而同揀咗Like套餐，有齊牛五花、牛舌同埋橫隔膜肉。當我哋入座，我見到餐枱上有6種唔同嘅醬，又有黑椒同海鹽，隨時可以轉下口味。而上枱速度都十分之快，電話📱落單之後過咗一陣就嚟咗飯、湯同配菜 (雖然哩啲都唔算得上啲乜，𢳂飯、裝湯要幾耐，但係對肚餓嘅人嚟講，都幾恩惠㗎) 無耐，肉都嚟埋啦。牛五花當然係燒肉入面嘅標準配置，有肉味又有油味。除此之外，牛橫隔膜肉都值得一讚，佢充滿肉味，唔輸俾牛五花，但係唔鍾意厚肉嘅就可能唔好點哩一道，因為佢要咬好耐。至於牛舌就略嫌唔夠厚，燒完縮咗好多，牛舌咁都正常嘅，不過食落就無咗份口感。記得帶卡、八達通或者其他電子付款工具呀，因為我當日去食係唔收現金㗎 (唔知係咪間間分店都係咁🧐)