燒肉LIKE (新城市廣場一期)

營業中

休息中

正如上圖所示，再好吃的餐廳，安排不妥已經係致命傷。當天的人流流量不多，但店員的安排及解釋完全失望。 三人行安排的桌面，中間的人只能伸手向左右發展，如果安排對坐都可以說服到我有半邊爐可以燒，左右開弓的燒法，我一生第一次體驗到！中間的朋友看著一樽樽調味樽，看著左右朋友燒，這個安排真的很貼心。問店員有無別的枱，他的解釋只是說安排唔到，一係你重申排過。一人燒肉，真的只適合一個人來燒肉。光顧這間分店都有四五次，一直都覺得性價不錯，可是今日這個體驗真的以後不了。

燒肉like之前都係旺角食過，行開見到沙田開左，都要去踩踩點😋鋪頭11:30開門，我11:45到已經滿座12:00門外已經排滿哂人叫左個豬五花牛五花雙拼，飯量都可以揀100g/200g/300g，都幾貼心，我就叫左200g就啱啱好💛豬五花牛五花雙拼豬五花肉厚，咬落半肥瘦，肉質鮮美，好好味牛五花稍薄，但牛味都好濃，都係好好味個餐包左飯、肉、沙律、湯200g肉加200g飯$80好抵食，得閒都會食下😋

呢間主打一人前燒肉店，終於第一次可以唔洗點排隊就食到佢喇~ 😃第一次食呢間燒肉店，用自己電話落單就唔係一件好新鮮嘅事（個人唔建議（唔鐘意）食肆要用客人自己部手機落單...），揀完野食之後要比咗錢先會送上食物~ 都唔緊要...但感覺不太良好，因為想再加嘢食係冇得追加，加上先比錢後送上食物好某國消費模式... Anyway ，之後比錢，要用自己手機比錢...由於慢活子就冇綁任何信用卡係部電話到，不過佢都可以用實體卡比錢嘅，如果冇嘅話諗住唔食㗎呆喇~~😆枱上有6種醬油、鹽同黑胡椒，胡麻醬最好加係沙津菜上面食，就更加好食喇~😃 若果你鐘意食淡味嘅話；BBQ醬同蒜香醬油就啱你喇~ 😁 鐘意食較濃味，辣味噌同韓式辣醬就👍🏻👍🏻喇。肉質方面，無論牛五花、豬五花腩、雞件、牛舌；都好好好好味！👍🏻👍🏻👍🏻燒完有好多肉汁，加埋飯一齊食就非常之好美味喇😋😋😋！ 唯一唔太鐘意，係服務員嘅語氣有點....唔耐煩咁....食物質素，呢個價錢，👌🏻啦。🙂

一個人又想食燒肉，燒肉LIKE 就啱啱好，坐位獨立，份量大小可選，又性價比高。而家要用自助手機點餐及付款系統，即時埋單，仲方便。- LIKE 套餐 (牛舌，牛五花，橫膈膜肉)No.1 之選，全部都係牛，150g已經夠食。牛舌切成薄片，唔韌，加少少海鹽，已經好好食。牛五花油脂就多啲，容易燒焦，要小心啲。牛横膈膜就麻麻地，肉質實啲，難咬啲。全部套餐有飯，湯，泡菜，如果唔夠，可以隨時追加。泡菜配燒肉係幾好食。

我地四個人去食，星期日預咗要等位，攞飛⋯等叫⋯攞飛大約大半個鐘等到，侍應哥哥一叫就叫咗幾個號碼(因為冇人應機，一叫就要咗4、5個⋯)，同行嘅老人家喺同一層坐低等，已經即時叫老人家行過嚟，同時亦向侍應哥哥講行緊嚟仲有一分鐘到，但係侍應哥哥堅持「未齊人唔入得」(當時我地已有三個人企咗喺度) ，老人家真係一分鐘行到，仲叫咗幾個號碼之後先俾我地入！最好笑嘅係，老人家行到嚟直接問侍應哥哥可唔可以行開去洗手間，佢又話可以喎！究竟係一定要見到4個人認證一下人數，定係入去嗰陣一定要企齊4個人呢？如果侍應哥哥認為我地冇4個人但係要4個位，我都見到有2個人坐4人枱！我唔係因為佢俾人入咗先而唔高興，而係唔係好明點解唔等一分鐘？如果真係一分鐘行唔到嚟，俾其他人入先也應該⋯。我好想知點解，有人知正確原因請答吓我，想知答案！我個人認為，食品唔算特別好食，就係因為呢位侍應哥哥嘅處理手法，令我冇咩興趣再去食了！

一共4人食叫左4個餐..............................3個餐係250g 既肉，1個餐係300g 既肉60分鐘限時黎講，要燒晒依堆肉有少少少少少困難，因為爐偏細，而且2人用同一個爐。..............................過程中就瘋狂燒肉，食，燒肉，食唔太合適聚餐聚會悠閒人士食..............................但250g set 肉類味道真係唔錯，但油脂偏少少少少300g 既牛5花set就油脂豐富，仲燒到搶火而且好容易就燶。..............................除左食物，排隊等位方面。店員叫籌比較細聲，企係店門前都完全聽唔到。雖然立即補票，但仍然要等多十幾分鐘。前後等左大概45min

一間我非常喜歡的餐廳。他們的菜式多樣豐富，而我最喜歡的是他們的牛五花套餐、Like套餐以及牛舌。牛五花套餐是我在這裡的必點之一。這個套餐包含了美味多汁的牛五花肉，肉質鮮嫩，入口即化。肉片上的油脂和肉汁相互融合，讓每一口都充滿了濃郁的香味。配上新鮮的生菜和醬料，每一口都帶來了絕妙的口感。另外，Like套餐也是一個非常受歡迎的選擇。這個套餐包含了不同種類的肉片，例如豬肉、牛肉和雞肉，每一片都經過精心烹調，保持了肉質的鮮嫩。配上醬料，每一口都帶來了獨特的風味，令人回味無窮。而他們的牛舌更是一道絕對不能錯過的美食。牛舌切成薄片，口感嫩滑，肉質鮮美。每一片牛舌都帶有微妙的牛肉香氣，搭配上餐廳特製的醬料，絕對令人驚艷。無論是作為主菜還是配菜，牛舌都是一個絕佳的選擇。

我自己一個去食，都唔係第一次食，亦係當日第一個到嘅客人，咁排返以往排隊個位，但係職員冇理我就俾其他人入先，真係R曬頭，仲要望咗我一眼之後冇理我俾人地入先，繼續R曬頭

人氣極高嘅日本過江龍，主打一人一爐無煙燒肉嘅「燒肉LIKE」🥩每次經過都見到源源不絕嘅客人正排隊等候入座，餐廳提供多款精心設計嘅燒肉套餐，份量由50g至300g不等😚款款高質惹味，而且價錢親民，一眾燒肉控千萬不能錯過✅🔸牛舌&牛板腱&橫膈膜肉套餐150g（$118）🔺配：白飯200g (中)、和風湯、迷你沙律🔺加配：天日鹽窩夫雪糕（+$28）🔺加配：伊右衛門抹茶入煎茶（+$5）美味又豐盛嘅餐點✨牛舌肉質鮮嫩有嚼勁，入口即化👏🏻牛板腱口感彈牙，橫膈膜肉油脂豐富🐄三款牛部位各有特色，蘸上燒肉醬汁後更添風味😺除咗一般燒肉必備嘅黑胡椒同海鹽外，餐廳仲有供應香甜惹味嘅原味BBQ醬，非常適合配搭牛胸腹肉或豬肉🙆🏻‍♀️而鹽味醬則同牛舌成絕配，六款醬汁任君選擇，總有一種合你心意💕另配日本優質米🍚飯量可選150g、200g或300g，入口細膩軟綿，更散發陣陣米香💫最後再享受甜品，天日鹽窩夫雪糕🧇兩面各燒10秒後即可食用🔥窩夫酥脆帶絲絲甜蜜，清新嘅味道有助消除口腔油膩感👍🏻再飲啖消滯解膩嘅煎茶，令人相當滿足🍵🔸三部合奏套餐300g（$108）➿豬五花腩、豬頸肉、雞腿肉🔺配：白飯300g (大)、和風湯、迷

老實講我真係好細食但係我見加其他嘢都好抵食咁所以加加埋埋就叫咗好多嘢食🤗🤗🤗六點已經好多人啦好彩用app拎定飛先又方便又快捷又可以預時間入咗之後自己掃code俾錢非常快啲食物就送到啦價錢又唔貴喎不過啲牛小排肥咗少少有啲人鍾意食肥嘅就好啲不過燒吓燒吓就多油咗啲囉油脂再少啲啲就好啦牛舌我好鍾意😍😍加啲黑椒好惹味佢啲醬料好齊全如果加埋夜魅辣醬就好啲啦因為我覺得個辣醬唔夠辣整體感覺好衛生不過係啲位間隔迫少少

之前新開張嘅時候經常都會食呢一間餐廳呢間餐廳主打一人燒肉 套餐性價比都好高而且仲有超多人排隊 每日都有源源不絕嘅客人但係近幾次食，真係感覺到水準越嚟越差比客人嘅肉質係好恐怖切到爛晒 啲肉質咁恐怖都可以俾人食一上枱已經嚇親 肉質仲要暗黑色㗎反映過 最後拎出嚟都係類似咁樣即係成批牛肉都係咁？而家附上一張以前嘅圖片(以前好好多)以前全部都係鮮紅色 而且師傅力工都係正常，切得唔錯一定唔會好似而家咁切到爛晒對呢間餐廳真係好失望希望佢會改善

呢間嚟自🇯🇵日本東京嘅過江龍一人燒肉專門店 「燒肉 LIKE」，每次經過都見到大排長龍，今日去開沙田shopping一於試吓先！壽喜燒牛小排＆牛五花套餐🐮（$135/200g）牛肉新鮮、薄切，燒一陣就食得👍🏻 用咗地道嘅壽喜燒汁醃，味道正宗，仲有一隻溫泉蛋🥚、味噌湯同沙律🤤美國頂級西冷牛扒套餐🥩（$132/120g） 西冷牛肉質地細嫩，入口即化，而且牛味十足！前菜揀咗沙律🥗牛五花套餐（$80/200g）🐮牛肉有嚼勁，脂肪比例適中，點唔同醬汁食，味道更豐富～前菜揀咗泡菜🌶️🥬特大皇帝蟹柳（$12/碟）🦀蟹柳好鮮甜，用3度火燒一陣就變金黃色😋天日鹽窩夫雪糕（$28）🧇🍦窩夫酥脆，淺藍色嘅雪糕唔太甜，味道似芋頭雪糕😆✨值得一讚嘅係店內通風唔錯，食完燒肉都唔會成身燒肉味👏🏻。枱上仲有各式各樣嘅醬汁可以自由配搭，夠晒方便～🫙

環境： 自助手機點餐畀錢一條龍 座位有個人/共享式無煙烤爐，除煙技術出色，燒完都唔會成身油煙味.食物：牛肉選擇豐富，可隨心追加各項單品食物，我今次叫咗：.//LIKE 套餐150g//一次過食到三種牛部位，包括牛舌、牛五花同橫膈膜肉，牛舌爽口彈牙，牛横膈膜有嚼勁，胸腹肉油而不膩.//【稀有部位】「日本產和牛上級肩肉&牛五花」套餐//呢個餐正，牛肉全部都係取自和牛最精華嘅稀有部位—上級肩肉😍肉味濃郁，比其他部份有嚼勁，油花紋比例恰到好處。

想食燒肉，最近超人氣店 #燒肉LIKE 就有超高CP值又有水準嘅日式燒肉喇😛 除左有好抵食嘅燒肉套餐，仲可以因應食量單點燒肉，想每款都試下，就可以好似Caca今次咁，單點幾款燒肉，吃過夠喇✨🔥Caca今次食乜嘢？🐮壽喜燒牛 五花50g 溫泉玉子 $25 -醃製過的五花肉，燒烤至兩面轉色後，隨即沾蛋汁吃下，非常滋味！🐮牛舌50g $42 - 牛舌厚薄適中，不會韌！🐮牛五花100g $32 - 愛油脂感的可嘗試一下，油花從烤肉的火光可見。🐮美國頂級西冷牛扒120g $122 - 厚厚的西冷，切好一小件，更容易燒烤，肉質較厚實。🐮宮崎牛肩胛肉50g $88 - 吃起來有點嚼感。

香港有不少深受歡迎嘅日本燒肉餐廳🇯🇵 呢間就係喺我公司附近 新開咗無耐嘅日本過江龍一人燒肉專門店「燒肉 LIKE」💓午市食飯時間真係人山人海😂價錢性價比好高份量又多 設有單人座位 最緊要係一個人食都唔驚尷尬！「燒肉 LIKE」分店眾多 如銅鑼灣、旺角、中環信德中心等 同時憑著打造「美味、快捷、超值」嘅一人燒肉體驗😍令到舖頭長期都好多人🙌🏻 全線分店沿用「無接觸」自助手機點餐及付款系統 並具備除煙技術嘅個人及共享式無煙烤爐 成個環境唔會好侷促！▫️牛五花 300g 💰108(泡菜+紫菜飯200g+溫泉蛋+津路鳥龍茶)呢一款真係超值，推介！份量好多 呢款油脂比較豐富 食落都有咬口 配埋個靈魂蒜蓉醬油 味道一流！而且可以隨心追加各項單品食物 價錢有半份🙌🏻▫️壽喜牛小排、牛五花 200g 💰135(生蛋、泡菜、白飯200g、溫泉玉子、伊藤園綠茶)叫咗呢款正宗日本滋味嘅壽喜牛小排套餐 呢款牛小排肉質軟嫩 有肉汁 肥瘦適中 滿滿既油脂感 配埋生雞蛋 食落有種甜甜地 又不膩嘅口感！