燒肉801

營業中

休息中

📍燒肉801 (荃灣)荃灣大壩街4-30號荃灣廣場3樓321-323號舖大熱天時涼住冷氣食燒肉～爽😜😜黑毛和牛肩胛盛同牛舌盛🐮有牛小排同雞腿肉🍗仲有麵豉湯同白飯加配帆立貝黑毛和牛堅🥩油花平均入口即化燒完香噴噴牛舌有醬油同鹽味兩款都好正爽脆牛油帆立貝口感一流絕配！二個人全部清晒大滿足🙂‍↕️#燒肉801 #荃灣廣場 #荃灣美食 #燒肉 #黑毛和牛 #hkfoodies

呢間日本燒肉真係好抵食，最近lunch試咗佢哋嘅801盛り同803神盛り套餐，都好豐富。首先講下801盛り。呢個套餐有大判焼黑毛和牛肩胛肉、腹前牛小排同蔥鹽味雞腿肉。黑毛和牛肩胛肉真係嫩滑，油花分佈均勻，燒到啱啱好，入口即溶。腹前牛小排肉味濃郁，燒完之後香氣撲鼻。蒽鹽味雞腿肉鹹香適中，肉質嫩滑，燒得好香口。至於803神盛り，特上牛胸腹肉油香四溢。腹前牛小排都不錯，有牛香。牛板腱肉肉質結實，有嚼勁。午市仲包埋湯同白飯。另外追加咗牛舌，厚薄適中，配埋特製嘅蔥更香。飲品方面，雪碧、可樂清爽解渴！

最近朋友去完日本旅行，問佢有咩特別野食正，佢話食燒肉最正，聽佢講形容d燒肉有幾好食，搞到我都心郁郁，一於捉埋佢去荃灣食燒肉！！！🌟🌟依間燒肉801未試過，決定試下佢，睇下夠唔夠日本好食！我地揀咗💡皇盛single餐，再加多個💡匠盛Double餐。皇盛single餐有黑毛和牛裹腹小排、蔥鹽味雞腿肉，仲有大判燒（黑毛和牛肩胛肉）。而匠盛餐有黑毛和牛腹柳小排、塩味上牛舌，Double餐肉量係有Double份量。我地配餐就揀咗🥬生菜同紫菜飯。黑毛和牛裹腹小排油脂最恰到好處，燒一陣就夠，面層焦香加油脂香，正到爆，加埋生菜食Fresh得黎又可以解油膩感。而牛腹柳小排就牛肉香味更濃，配埋店家嘅微酸燒汁，再加一淡紫菜飯，真係諗返起都覺得幸福！雞腿肉另外有一小蝶蔥鹽油，可以自己調節落幾多，燒爐將蔥香散發，同雞肉好夾！大判燒（黑毛和牛肩胛肉）肉質有多d咬口，牛香味都好濃。撈埋日本生雞蛋一齊食，層次較更加豐富！塩味上牛舌👅係薄切，食落爽口，好香口，再加一啖飯，一流！🍽 燒肉801 / Yakiniku 801(荃灣)📌 荃灣大壩街4-30號荃灣廣場3樓321-323號舖☎️ 2608 1338⏰ 星期

今日返完成日工好攰🥱咁啱都好耐冇喺香港食日式燒肉，就決定食返餐好嘅慰勞下自己！豐盛り•黑毛和牛腹柳小排，食落每一啖都充滿牛脂香，大滿足🤤•美國牛肩胛肉，呢款肉幾有牛味，唔會太韌，齒頰留香😋•美國牛肋骨條肉，呢款肉要燒耐少少，始終有一定嘅體積，燒耐咗仲擔心會燒過龍，點知食落出奇地keep得住咁嫩滑！跟餐仲追加咗個紫菜飯，面前佈滿咗大量嘅紫菜，鹹鹹哋似係落咗鹽，仲有麻油嘅香，令到成個飯好好食！匠盛り•呢個組合都有黑毛和牛腹柳小排；仲有鹽味上牛舌，幾煙韌幾有咬口，醃咗鹽令到個牛味都幾出。加配咗個冷麵，仲有份唔少嘅泡菜，浸晒落個冷麵度完全變咗泡菜湯底。麵質好彈牙，凍冰冰好啱而家大熱天時食！蔥鹽味雞腿肉雞肉肉質好滑，一啲都唔肥，就算有雞皮都只係薄薄地一層。最後仲加咗個沙律，大大碗好多沙律菜仲有紫菜，仲有落咗啲類似XO醬😆😂個醬令到成個沙律升華咗，仲可以幫手消下滯。

這間Yakiniku 801之前在尖沙咀都食過晚餐很不錯，今日在荃灣廣場行街見到有分店，購完物就過來吃午餐。 燒肉盛合共有10款，包各式肉類及汽水，食力強勁人士還可以優惠價加購肉類食個痛快。12pm-5pm 惠顧lunch set 送日本米飯和味噌湯👏🏻👏🏻食完燒肉全身都冇油煙味，個爐抽煙力強，環境都好乾淨企理！801盛 $198▫️大判燒！黑毛和牛肩胛肉▫️腹前牛小排▫️蔥鹽味雞腿肉我同老公都好鍾意食牛肉，所以點了兩個餐都主要係食牛，尤其是黑毛和牛肩胛肉係最愛，肉質又淋又滑，燒完之後混合埋溫泉蛋一齊食，更多一份蛋香和軟滑！雞腿肉燒完都唔鞋好有雞味，配蔥鹽醬。803 神盛 $168▫️特上牛胸腹肉▫️腹前牛小排▫️牛板腱肉每款牛肉都唔錯，份量都好夠，最緊要係冇渣冇根^.^啖啖肉，牛肉味濃。餐飲 雪碧、可口可樂

今日收工同男友渣車黎左荃灣食飯，上次食完燒肉之後，又想再食😙 見到呢間唔洗排隊等位就入左 ，點知有驚喜😋我地叫左個2人套餐 - 志盛＄498我地再加左＄38會有埋水冷麵 泡菜套餐有六款肉：包括鹽味牛舌、黑毛和牛小排、黑毛和牛上肩肉、極尚厚切牛胸腹柳、黑毛豚無骨小排。鹽味牛舌- 比較薄 但味道唔錯黑毛和牛小排、黑毛和牛上肩肉：2款和牛都好好食，入口即溶 醃製得入味👍🏻極尚厚切牛胸腹柳、黑毛豚無骨小排 ： 厚同大份👍🏻水冷麵： 個湯汁較酸 呢到價錢唔算貴，而且肉質都好好 冇根 👍🏻抵讚岩岩上OpenRice 搵間餐廳發現 原來尖沙咀都有分店 ，下次想食燒肉又多個選擇啦

燒肉801（荃灣)三两个好朋友聚埋一起吃飯。当然首选是烤肉啦！燒肉801，听朋友介紹以親民價格為特色，主打九州產的黑毛和牛.美味肉質好，来自日本料理的厨师团队，对食材品质和味道，都很有讲究，你要做的，就是享受美味的食物！//皇盛Single $218(細)套餐1:黑毛和牛裏腹小排這款肉質嫩滑，油香十足2:大判燒（黑毛和牛肩胛肉）這款肉質柔軟，牛味豐富，油花分佈均勻。撈溫泉蛋漿一齊食。咀嚼時能感受到牛肉汁濃郁。3:蔥鹽味雞腿肉雞腿肉經過醃漬和煎烤，保持了肉質的嫩滑。完美又平衡大判燒!黑毛和牛肩胛$128油香和肉味兼备，味道香浓，口感软嫩，肉本身腌制的酱汁非常入味，轻轻一烧已经可以吃美国肩胛肉眼$78呢个几大块，肉质好结实，有濃厚的牛香，烧到四五成就刚刚好，非常美味喎！美國牛肋骨條肉$68呢个系带小雪花、肉质最香嫩的肋条，脂肪较少，筋也较少，稍经烤制，肉嫩飙汁无敌好吃！牛小肠$58牛小肠爽弹，适口，沾汁后入口鲜香，开胃好滿足。日本米飯(大)$25米飯飯香濃郁甘甜爽口，配上惹火和牛，口感味道对比鲜明，绝对能唤醒高温带来的食欲不振！燒肉801（荃灣)地址：荃灣大壩街4-30號荃灣廣場3樓321

近期工作都好忙，好朋友一聽到荃灣Yakiniku 801 出左新和牛套餐，多款頂級燒肉，平民優惠，好吸引，我哋決定去探下店。🌟安盛套餐: #黑毛和牛腹柳小排 + #黑毛和牛上肩肉 + #葱塩味雞腿肉🌟匠盛套餐: #黑毛和牛腹柳小排 + #塩味上牛舌精選自日本的黑毛和牛，從腹柳小排到上肩肉，每一件都展現出極致的肉質和風味。和牛入口即化的柔嫩口感，搭配餐廳特製的醬汁，實在是一大享受，大推！葱鹽雞腿肉軟嫩多汁，渾身散發著誘人的香氣。而塩味上牛舌，滿滿牛肉味，口感軟腍，令人難忘。🌟跟餐冷麵:泡菜冷麵酸酸甜甜，10分開胃！棉質煙韌，湯汁好清涼，和泡菜食，消膩解暑。用餐環境十分寬敞舒適，店員仲好細心教我哋點烤最好味，唔會錯過最佳口感！讓人大滿足的一餐，想食燒肉嘅朋友，不妨一試。

話說已經係旅遊完日本一段日子，但至今都念念不忘日本燒肉味道，朋友知道荃灣有一間質素唔錯，話可以幫我解決『燒肉之苦』。但我就抱住懷疑態度同朋友去食。見到個餐牌，選擇都好多，而我同朋友就揀左個抵食二人套餐『志盛』，個餐包左牛舌、黑毛和牛霜降小排、黑毛和牛上肩肉、極上厚切牛胸腹柳、蔥鹽味雞腿肉同黑毛豚無骨小排嘅燒肉，另外叫左個冷面解下膩，叫多個海鮮帆立貝。 見到D牛送上黎個下，望落牛肉都好新鮮，而且油花分布平均。成個志盛二人燒肉，最推薦就係黑毛和牛小排，食落啖啖肉汁，一放入口好似溶化咁，完全同拍得仕我係日本燒肉質素。仲有除左牛肉質素高之外，雞腿肉食落都好嫩滑，好入味。而個冷麵，麵條有彈牙口感，係檸檬汁底，食落酸酸甜甜，完全解左燒肉食得多個種『 膩』。最後，估唔到個帆立貝，除左新鮮之外，真係啖啖肉，好好味。今次呢餐燒肉，真係完完全全可以一解我對日本燒肉思念之苦。

我早排喺日本返黎，朋友又喺台灣返黎。而佢第日又飛日本，所以要把握時間交換手信。趕時間到一個點係晚飯都食唔到。但趕時間，又唔代表要求其食，見到就知我食個快lunch食得有幾豪！第二次黎燒肉801，點解要出多次食評？因為唔黎食過lunch都唔知，原來佢地有lunch set，有燒肉set，包括係801盛呀，黑毛和牛盛之類，呢d佢全部會跟一個飯同湯變做set。而佢仲有d拉麵呀，咖哩飯、鰻魚飯之類。咁其實普通返工食個lunch都ok喎！黑毛和牛盛($298)＋牛舌($78)我不嬲食牛一係唔食，一食就食最好。但其實大家可以叫返801盛，會平$100。果日因為我地都唔係好肚餓，所以就叫一個set加個牛舌share。個set包一個用左黑毛和牛肩胛肉嘅大判燒，肉質非常柔軟，真係入口即溶。呢個上次都有食過，記得點埋個溫泉蛋漿，真係好滑好享受！另外佢配多個黑毛和牛小排，牛小排係我最鍾意嘅一個部份，性價比之王！入口比肩胛肉結實少少，牛味重d，和牛的牛小排我覺得平衡度係一流。又唔會太油，又有返個肉味！次次都會叫。而個牛舌就係我必點啦！我係薄切派，因為脆身爽口。牛舌都係叫鹽比較好！個人覺得呢間其實價位比出面同類

去開荃灣，朋友想食燒肉就試下呢間燒肉801。叫左一個叫做Omakase三人餐，份量足，薄燒牛肉味道可以，但全部都有大量醬汁，燒板好容易燶之餘，肉味亦唔突出。牛肋骨比較韌，其他中規中矩。

好想食日式燒肉，荃灣就搵到呢間❤️燒肉801，性價比好抵食，食物都夠高質，值得一食👍🏻唔想用腦諗食咩，仲有Set簡🤣，非常貼心皇盛 Single 黑毛和牛裏腹小排：勁嫩，牛味勁香大判燒！黑毛和牛肩胛肉：呢個係世一，今日既MVP，近乎入水即溶咁，牛味勁出，仲可以沾埋蛋漿食，更juicy😋蔥鹽味雞腿肉：雞腿肉好嫩，調味偏鹹加左個冷麵🍜set，冷麵好酸爽，食落夠哂開胃🤤腹前牛小排（汁燒）特上牛胸腹肉（汁燒）最中意食就係汁燒，甜甜既汁融入去啲牛到，更加帶出牛香☺️，兩款牛都牛香味好足，雖然唔係入口即化，但愈咬牛香愈出🤗辣牛肉麵牛肉麵好大碗😂😂😂，一上枱就聞到濃濃既蒜香辣味，牛肉份量都幾多，麵既份量仲多🤣，仲有好多蛋花咁，麵質彈牙，味道惹味👍🏻麒麟一番搾啤酒（600 ml樽裝）可樂

突然燒肉癮發作，第一次試咗燒肉801，味道都唔錯呀！叫咗個二人套餐志盛$498，加$38一碗叫咗兩個冷麵，適逢有信用卡優惠仲可以減$100，埋單$500幾，晚餐嚟講價位可以接受。套餐有六款肉，包括鹽味牛舌、黑毛和牛小排、黑毛和牛上肩肉、極尚厚切牛胸腹柳、黑毛豚無骨小排。最好食係黑毛和牛小排，入口油脂甘香，肉質甜美。鹽味牛舌是薄切的，味道濃郁帶點嚼勁，唔錯！值得一提，冷麵煙靭，帶啲酸味，好開胃呢！環境及服務方面，可以接受。

皇盛Single $218神戶茶房 綠茶 +$16大判燒（黑毛和牛肩胛肉）肉質厚實又軟嫩，油花細緻，肉質燒烤後滑身，搭配日本蛋，散發出獨特濃郁的和牛味香氣。黑毛和牛裹腹小排肉汁多，入口即化，黑毛和牛香氣表現明顯，油香滿滿。喜盛Single $198日本忌廉汽水 +$12黑毛和牛腹柳小排油脂充足，入口即溶，口感味道出色。黑毛和牛上肩肉黑毛和牛上肩肉品嚐到肉的鮮味與脂肪的美味，配上醬汁調味，非常柔嫩多汁，具有濃郁的牛肉風味。兩個套餐都有蔥鹽味雞腿肉，雞腿肉肉質嫩滑多汁，加上蔥鹽調味，香氣及層次更加豐富美味。腹前牛小排 +58油脂感比和牛低，但肉質不錯，牛味濃。鹽味牛舌 +$48薄切的牛舌烤至上色，以鹽調味，就吃得到牛舌的原味，也很推薦！米飯set +$25/人 （日本米飯、味噌湯及泡菜）

今日過荃灣大會堂參加活動，完畢後行過荃灣廣場搵食，燒肉801嘅門面好搶眼，店内用餐環境寛敞舒適。今日點左兩個801盛大判燒！黑毛和牛肩胛肉、牛小排和蔥鹽雞腿肉。黑毛和牛肩胛肉～肉質鮮嫩多汁，油脂分佈非常均勻，雪花紋理清晰可見，咬下去香氣四溢，入口即化。牛小排也同樣出色，肥瘦適中，肉質肥而不膩。蔥鹽雞腿肉採用最簡單的調味，反而凸顯到雞腿肉的原汁原味，雞皮經過燒烤，焦香可口，肉質爽嫩，非常美味。整個套餐分量十足，有米飯、麵豉湯及汽水，$198非常實惠，性價比極高。