燒肉801

營業中

休息中

今日收工同男友渣車黎左荃灣食飯，上次食完燒肉之後，又想再食😙 見到呢間唔洗排隊等位就入左 ，點知有驚喜😋我地叫左個2人套餐 - 志盛＄498我地再加左＄38會有埋水冷麵 泡菜套餐有六款肉：包括鹽味牛舌、黑毛和牛小排、黑毛和牛上肩肉、極尚厚切牛胸腹柳、黑毛豚無骨小排。鹽味牛舌- 比較薄 但味道唔錯黑毛和牛小排、黑毛和牛上肩肉：2款和牛都好好食，入口即溶 醃製得入味👍🏻極尚厚切牛胸腹柳、黑毛豚無骨小排 ： 厚同大份👍🏻水冷麵： 個湯汁較酸 呢到價錢唔算貴，而且肉質都好好 冇根 👍🏻抵讚岩岩上OpenRice 搵間餐廳發現 原來尖沙咀都有分店 ，下次想食燒肉又多個選擇啦

燒肉801（荃灣)三两个好朋友聚埋一起吃飯。当然首选是烤肉啦！燒肉801，听朋友介紹以親民價格為特色，主打九州產的黑毛和牛.美味肉質好，来自日本料理的厨师团队，对食材品质和味道，都很有讲究，你要做的，就是享受美味的食物！//皇盛Single $218(細)套餐1:黑毛和牛裏腹小排這款肉質嫩滑，油香十足2:大判燒（黑毛和牛肩胛肉）這款肉質柔軟，牛味豐富，油花分佈均勻。撈溫泉蛋漿一齊食。咀嚼時能感受到牛肉汁濃郁。3:蔥鹽味雞腿肉雞腿肉經過醃漬和煎烤，保持了肉質的嫩滑。完美又平衡大判燒!黑毛和牛肩胛$128油香和肉味兼备，味道香浓，口感软嫩，肉本身腌制的酱汁非常入味，轻轻一烧已经可以吃美国肩胛肉眼$78呢个几大块，肉质好结实，有濃厚的牛香，烧到四五成就刚刚好，非常美味喎！美國牛肋骨條肉$68呢个系带小雪花、肉质最香嫩的肋条，脂肪较少，筋也较少，稍经烤制，肉嫩飙汁无敌好吃！牛小肠$58牛小肠爽弹，适口，沾汁后入口鲜香，开胃好滿足。日本米飯(大)$25米飯飯香濃郁甘甜爽口，配上惹火和牛，口感味道对比鲜明，绝对能唤醒高温带来的食欲不振！燒肉801（荃灣)地址：荃灣大壩街4-30號荃灣廣場3樓321

近期工作都好忙，好朋友一聽到荃灣Yakiniku 801 出左新和牛套餐，多款頂級燒肉，平民優惠，好吸引，我哋決定去探下店。🌟安盛套餐: #黑毛和牛腹柳小排 + #黑毛和牛上肩肉 + #葱塩味雞腿肉🌟匠盛套餐: #黑毛和牛腹柳小排 + #塩味上牛舌精選自日本的黑毛和牛，從腹柳小排到上肩肉，每一件都展現出極致的肉質和風味。和牛入口即化的柔嫩口感，搭配餐廳特製的醬汁，實在是一大享受，大推！葱鹽雞腿肉軟嫩多汁，渾身散發著誘人的香氣。而塩味上牛舌，滿滿牛肉味，口感軟腍，令人難忘。🌟跟餐冷麵:泡菜冷麵酸酸甜甜，10分開胃！棉質煙韌，湯汁好清涼，和泡菜食，消膩解暑。用餐環境十分寬敞舒適，店員仲好細心教我哋點烤最好味，唔會錯過最佳口感！讓人大滿足的一餐，想食燒肉嘅朋友，不妨一試。

話說已經係旅遊完日本一段日子，但至今都念念不忘日本燒肉味道，朋友知道荃灣有一間質素唔錯，話可以幫我解決『燒肉之苦』。但我就抱住懷疑態度同朋友去食。見到個餐牌，選擇都好多，而我同朋友就揀左個抵食二人套餐『志盛』，個餐包左牛舌、黑毛和牛霜降小排、黑毛和牛上肩肉、極上厚切牛胸腹柳、蔥鹽味雞腿肉同黑毛豚無骨小排嘅燒肉，另外叫左個冷面解下膩，叫多個海鮮帆立貝。 見到D牛送上黎個下，望落牛肉都好新鮮，而且油花分布平均。成個志盛二人燒肉，最推薦就係黑毛和牛小排，食落啖啖肉汁，一放入口好似溶化咁，完全同拍得仕我係日本燒肉質素。仲有除左牛肉質素高之外，雞腿肉食落都好嫩滑，好入味。而個冷麵，麵條有彈牙口感，係檸檬汁底，食落酸酸甜甜，完全解左燒肉食得多個種『 膩』。最後，估唔到個帆立貝，除左新鮮之外，真係啖啖肉，好好味。今次呢餐燒肉，真係完完全全可以一解我對日本燒肉思念之苦。

我早排喺日本返黎，朋友又喺台灣返黎。而佢第日又飛日本，所以要把握時間交換手信。趕時間到一個點係晚飯都食唔到。但趕時間，又唔代表要求其食，見到就知我食個快lunch食得有幾豪！第二次黎燒肉801，點解要出多次食評？因為唔黎食過lunch都唔知，原來佢地有lunch set，有燒肉set，包括係801盛呀，黑毛和牛盛之類，呢d佢全部會跟一個飯同湯變做set。而佢仲有d拉麵呀，咖哩飯、鰻魚飯之類。咁其實普通返工食個lunch都ok喎！黑毛和牛盛($298)＋牛舌($78)我不嬲食牛一係唔食，一食就食最好。但其實大家可以叫返801盛，會平$100。果日因為我地都唔係好肚餓，所以就叫一個set加個牛舌share。個set包一個用左黑毛和牛肩胛肉嘅大判燒，肉質非常柔軟，真係入口即溶。呢個上次都有食過，記得點埋個溫泉蛋漿，真係好滑好享受！另外佢配多個黑毛和牛小排，牛小排係我最鍾意嘅一個部份，性價比之王！入口比肩胛肉結實少少，牛味重d，和牛的牛小排我覺得平衡度係一流。又唔會太油，又有返個肉味！次次都會叫。而個牛舌就係我必點啦！我係薄切派，因為脆身爽口。牛舌都係叫鹽比較好！個人覺得呢間其實價位比出面同類

去開荃灣，朋友想食燒肉就試下呢間燒肉801。叫左一個叫做Omakase三人餐，份量足，薄燒牛肉味道可以，但全部都有大量醬汁，燒板好容易燶之餘，肉味亦唔突出。牛肋骨比較韌，其他中規中矩。

好想食日式燒肉，荃灣就搵到呢間❤️燒肉801，性價比好抵食，食物都夠高質，值得一食👍🏻唔想用腦諗食咩，仲有Set簡🤣，非常貼心皇盛 Single 黑毛和牛裏腹小排：勁嫩，牛味勁香大判燒！黑毛和牛肩胛肉：呢個係世一，今日既MVP，近乎入水即溶咁，牛味勁出，仲可以沾埋蛋漿食，更juicy😋蔥鹽味雞腿肉：雞腿肉好嫩，調味偏鹹加左個冷麵🍜set，冷麵好酸爽，食落夠哂開胃🤤腹前牛小排（汁燒）特上牛胸腹肉（汁燒）最中意食就係汁燒，甜甜既汁融入去啲牛到，更加帶出牛香☺️，兩款牛都牛香味好足，雖然唔係入口即化，但愈咬牛香愈出🤗辣牛肉麵牛肉麵好大碗😂😂😂，一上枱就聞到濃濃既蒜香辣味，牛肉份量都幾多，麵既份量仲多🤣，仲有好多蛋花咁，麵質彈牙，味道惹味👍🏻麒麟一番搾啤酒（600 ml樽裝）可樂

突然燒肉癮發作，第一次試咗燒肉801，味道都唔錯呀！叫咗個二人套餐志盛$498，加$38一碗叫咗兩個冷麵，適逢有信用卡優惠仲可以減$100，埋單$500幾，晚餐嚟講價位可以接受。套餐有六款肉，包括鹽味牛舌、黑毛和牛小排、黑毛和牛上肩肉、極尚厚切牛胸腹柳、黑毛豚無骨小排。最好食係黑毛和牛小排，入口油脂甘香，肉質甜美。鹽味牛舌是薄切的，味道濃郁帶點嚼勁，唔錯！值得一提，冷麵煙靭，帶啲酸味，好開胃呢！環境及服務方面，可以接受。

皇盛Single $218神戶茶房 綠茶 +$16大判燒（黑毛和牛肩胛肉）肉質厚實又軟嫩，油花細緻，肉質燒烤後滑身，搭配日本蛋，散發出獨特濃郁的和牛味香氣。黑毛和牛裹腹小排肉汁多，入口即化，黑毛和牛香氣表現明顯，油香滿滿。喜盛Single $198日本忌廉汽水 +$12黑毛和牛腹柳小排油脂充足，入口即溶，口感味道出色。黑毛和牛上肩肉黑毛和牛上肩肉品嚐到肉的鮮味與脂肪的美味，配上醬汁調味，非常柔嫩多汁，具有濃郁的牛肉風味。兩個套餐都有蔥鹽味雞腿肉，雞腿肉肉質嫩滑多汁，加上蔥鹽調味，香氣及層次更加豐富美味。腹前牛小排 +58油脂感比和牛低，但肉質不錯，牛味濃。鹽味牛舌 +$48薄切的牛舌烤至上色，以鹽調味，就吃得到牛舌的原味，也很推薦！米飯set +$25/人 （日本米飯、味噌湯及泡菜）

今日過荃灣大會堂參加活動，完畢後行過荃灣廣場搵食，燒肉801嘅門面好搶眼，店内用餐環境寛敞舒適。今日點左兩個801盛大判燒！黑毛和牛肩胛肉、牛小排和蔥鹽雞腿肉。黑毛和牛肩胛肉～肉質鮮嫩多汁，油脂分佈非常均勻，雪花紋理清晰可見，咬下去香氣四溢，入口即化。牛小排也同樣出色，肥瘦適中，肉質肥而不膩。蔥鹽雞腿肉採用最簡單的調味，反而凸顯到雞腿肉的原汁原味，雞皮經過燒烤，焦香可口，肉質爽嫩，非常美味。整個套餐分量十足，有米飯、麵豉湯及汽水，$198非常實惠，性價比極高。

今日同朋去咗荃灣廣場，食咗性格比好高嘅燒肉801！我哋叫咗志盛(二人前)，入面有牛舌、黑毛和牛霜降小排、黑毛和牛上肩肉、極上厚切牛胸腹柳、雞脾肉、黑毛豚無骨小排嘅燒肉料理，2個人食份量十足！牛肉新鮮，肉質好軟腍，肉汁調味啱啱好。鹽味牛舌有咬口，完全唔會韌。豚肉燒到焦脆燶邊，一啲肥膩嘅感覺都冇，亦唔會硬。雞脾肉加咗蔥鹽嚟燒，味道昇華。今次食嘅每一款燒肉嘅調味都適中，唔過搶咗本身肉嘅味，鮮嫩多汁，高質抵食！

位於荃灣廣場三樓的燒肉801，裝修紅噹噹好易搵到～午市都幾抵食，由幾十蚊到豪食幾百蚊嘅餐都有～午市燒肉801盛 $198, 加$38轉冷麵set呢個盛包左一塊特盛和牛肩胛肉，油脂分佈好靚，每面各燒5秒左右已經食得，燒好點一點溫泉蛋一齊食，oshi～仲有一份雞腿肉同埋牛板腱肉（本身set係牛小排，店員話因為假期太好生意，賣哂haha），雞腿肉好柔嫩，牛板腱肉就好香嘅牛味～加左$38轉冷麵，麵質好彈牙好清新～日式鰻魚蛋包飯 $108 除左燒肉之外，呢到嘅lumch set仲有唔洗燒嘅定食～朋友叫左呢個鰻魚蛋包飯，鰻魚勁大條，仲大過一隻手掌～蛋包飯嘅蛋半熟嘅狀態，好正～套餐仲配左一個麵豉湯同沙津～醬油昆布小蕃茄 $38試左呢個蕃茄仔小食，個汁酸酸地，蕃茄仔就好甜，開胃之選～

前排喺荃灣廣場發現開咗間日式烤肉餐牌提供2人/4人套餐最平人均$150就可以食到唔同部位嘅肉類啱晒我呢啲有選擇困難症嘅人🤫🔸絆盛2人前 HKD398鹽味牛舌 · 美國牛肩胛肉腹前牛小排 · 美國牛肋骨條肉蔥鹽味雞腿肉 · 黑毛豚無骨小排日本熟成豚香腸一個set入面有哂牛 豬 雞真係啱晒食肉獸🤤本身諗住2人前嘅份量都唔會多點知上枱嘅時候見到超大一碟每款肉類起碼4塊或以上個人最推薦牛肩胛肉 牛肋骨條肉 兩款都係厚切 分別用醬汁調味燒至7成熟左右咬落依然多汁 肉味濃厚牛小排亦相當出色 肥瘦比例約8:2就算燒完都唔會非常油膩比起其他餐廳 呢度嘅選料更加優質！🍚米飯set +$25 / 🍜冷麵set +$38另外加配主食 食住燒肉再食啖酸酸地嘅冷麵 透心涼~🔹辛辣味味噌牛腸 HKD68喺香港好難搵到嘅牛腸！牛腸油脂豐富 咬落煙韌 辛辣味噌調味特別 咸味之中有點甜辣令牛腸更加入味🔸帆立貝 HKD58三大粒肥美帆立貝溶咗嘅牛油令帆立貝味道更加突出

【荃灣區】【燒肉801】同真正哥去咗荃灣，之前見過呢間日式燒肉嘅其他分店都好想試，點知原來荃灣都有，就試吓佢先啦。入去就覺得佢哋幾整潔，唔會話油淋淋咁。我哋都係試佢哋嘅「燒肉盛合」，首先試嘅係 $198 嘅「801」。見佢係同餐廳名同名嘅套餐，咁就當然要試。佢係有「黑毛和牛肩胛肉」、「腹前牛小排」同「蔥鹽味雞腿肉」，前者有埋溫泉蛋，撈埋食超級正，其他嘢都唔錯。跟住試埋 $108 嘅「樂」，佢嘅組合係「腹前牛小排」、「黑毛豚無骨小排」同「蔥鹽味雞腿肉」，兩個餐都似，啲肉嘅質素都係唔錯嘅。個餐免費配「日本米飯」同「味噌湯」，亦都可以加 $18 將個白飯轉做「紫菜飯」，個紫菜飯入面仲有隻溫泉蛋。嘢飲我加 $16 飲「神户茶房烏龍茶」，唔錯，佢就飲「零系可口可樂」，再加 $48 試埋「三得利優質麥芽啤酒」，正。埋單 $427，差唔多啦。。。（地址：荃灣大壩街4-30號荃灣廣場3樓321-323號舖）@yakiniku_801#1amfoodie #foodie #hkfoodie #thatfoodiething #hkfood #food #instafood #yummy #foodlov

想搵間高質嘅日式燒肉店同朋友食生日飯，喺荃灣廣場見到呢間紅噹噹嘅燒肉801，相當之吸晴，呢到主打日本九洲產嘅黑毛和牛，而且價錢公道，就決定同朋友喺到食返餐好嘅，好好咁慶祝下～志盛(二人前)💰HK$498呢個套餐有燒汁黑毛和牛小排、燒汁黑毛和牛上肩肉、鹽味牛舌、鹽味極上厚切牛胸腹柳、蔥鹽味雞腿肉同埋鹽味黑毛豚無骨小排等等，好豐盛！當中最推薦燒汁黑毛和牛小排同埋燒汁黑毛和牛上肩肉👍🏻另外黑毛豚肉同埋雞腿肉都同樣風味十足～大判燒!黑毛和牛肩胛肉配溫泉蛋💰HK$128呢到嘅名物之一，油脂分布平均，肉質薄得來又軟嫩多汁，帶有醬汁嘅微甜味道，點埋蛋汁，入口更順滑～上級牛肋眼卷肉💰HK$88相對上冇咁多油脂，但係牛味濃郁，味道同樣出色～美國牛肋骨條肉💰HK$68燒過嘅牛肋骨條肉油脂香氣四溢，係咁多款肉之中最有口感嘅～紫菜飯💰HK$38紫菜碎碎滿瀉，飯嘅中間有溫泉蛋，撈埋一齊之後，成碗飯充滿麻油香，配燒肉一流～