燒肉男 (已結業)

【西貢區】【燒肉男】好耐冇搵過東海棠食飯，呢晚趁大雨濕濕就搵佢一齊，兩條佬汗水貼雨水咁去搵嘢食。點解要咁，因為有人好自信帶咗遮，點知落雨嗰吓先話原來出門口之前執咗出嚟。唔緊要啦，入到商場就贏，見到呢間燒肉男有位就食佢，其他嗰啲要等太耐喇，無謂啦。我哋都係食「燒肉放題套餐」，套餐包「即點即製甜品吧」同「自助飲品吧」，我哋就叫最平嗰個 $238 嘅「喜 Set A」，有雞、豚共 72 品。頭盤有「雞豚拼盤六款」，之後係豚六款、雞五款、海鮮兩款、野菜十一款、日式小食同其他四十八款都係任食嘅。我哋覺得又唔係話好差，正正常常咁囉，不過我要澄清返我呢篇就唔係嗰啲商業飯局，而係我同東海棠自費食嘅，真係有遵守 100 分鐘時限嘅。埋單 $524，呢個價又唔係話真係咁差，做好個口碑先，隔離嗰間都冇位啦。。。（地址：將軍澳唐德街9號將軍澳中心1樓135號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：屯門區：1am0767#1amfoodie #foodie #hkfoodie #thatfoodiething #hkfood #food #i

平時過嚟食晚餐，其實冇$500都好難食到牛肉放題，不過好多時候食放題嘅話，其實都唔係食到好多肉，冇諗過依度會有午餐同下午茶，上星期同老婆過咗嚟呢度食午餐定食，只要加$38就可以任食Movenpick雪糕，超鍾意！而且牛肉定食都唔係好貴，好夠飽，我覺得咁樣食法仲抵過食夜晚。而且優惠平台app仲可以儲分，牛肉質素又高，只可惜冇得食shabu shabu，如果唔係嘅話，我諗可以食埋第二日嘅份量😋

After off duty, I enjoyed a great dining experience with my wife here. There is a promotion of Buy one Get one Free set. With the $100 Coupon from discount ordering platform, we only spend $7xx for two. The high quality service and dining experience made our day. We try this for lunch or tea next time. I wonder if there’s any chances of having shabu shabu alone because the the CP value of Sabu Sabu is much better than the other dishes.

晚市set C 1148$ 兩個人 人均592$呢個價位絕對唔係食呢啲質素嘅野食先講頭盤和牛西冷嚟到散開兩件 就知雪壞哂我唔緊要 最緊要好食食落冇味冇油香 一般貨色 點知已經係呢間野嘅最頂尖貨色其他咩友三角 連油花都欠奉 其他低級牛仲加唔使講燒左都唔想食全店最好食嘅牛係個猛男挽肉飯個漢堡丟架刺身赤蝦浸水解凍嘅 食落成口雪水冇哂味嘥晒啲蝦 拎嚟燒 熟食都仲係成口雪水味 好差個爐噴灰噴到啲野食黑哂我同店員反映點知個侍應塊面仲黑過個爐一野丟低個換網筒 勁大聲好似我得罪佢咁真係唔好話好唔好食 呢間野係直情唔可以擺落口食嘥錢 又激氣最後係食甜品填肚 唔係話好食 但起碼食得入口先 啫喱 暮斯呢啲大路野 仲有一球球啲牌子雪糕咁 未食嘅唔好再入嚟試伏啦

臨近聖誕節淘小姐都幾忙真係要食餐好嘅去慰勞自己🥹🥹今晚就去左將軍澳中心食燒肉男 @yakiniku.otomi 都幾有驚喜喎～地方都闊落好好坐唔會有一大陣油煙味都幾乾淨企理值得一讚佢地一共有四款套餐最平$238就有交易不過淘小姐就好想食宮崎牛套餐因為除咗宮崎和牛套餐入面仲有和牛刺身🤤先嚟好震撼嘅頭盤：原塊A5宮崎和牛西冷+A5宮崎和牛拼盤5款＋刺身拼盤3款+A5和牛刺身⭐️ A5和牛刺身雖然唔係第一次食和牛刺身但係仍然都係好期待因為我知道唔係好多地方有得食呢款A5和牛刺身上面有金箔額外矜貴餐廳提供柚子味嘅汁醬點黎食整體都唔錯⭐️A5宮崎和牛拼盤分別有：🐂宮崎牛A5和牛粒🐂宮崎牛A5和牛頂蓋🐂宮崎牛A5和牛腩🐂宮崎牛A5和牛肉眼🐂宮崎牛A5牛三角牛肉味都好香濃特別係和牛粒油香豐膄肉質嫩滑令人齒頰留香⭐️A5宮崎和牛西冷兩片和牛西冷就個個好霸咗一個爐肉質比較稔油香口感豐富⭐️刺身拼盤有帆立貝、蝦、三文魚、吞拿魚款款都勁厚肉同好鮮甜比得上酒店buffet質素除咗以上頭盤食物仲可以任叫日本A5黑毛和牛、澳洲M7和牛、澳洲M6和牛同特選牛豚肉、雞肉、刺身、海鮮、野菜、日式小食應有盡有聖誕節仲每人半隻龍蝦

第一次食日式燒肉放題，難食過$158漢x韓式放題☺️☺️第一次食燒肉放題要用熟食 & 麵類充肌 🍜澳洲牛肉？ ？ 牛肉韌，無牛肉味比普通肥牛更差，寧願比肥牛都無咁嬲甜品部收22:00，21:47拎甜品時，因為拎甜品雪糕，阻住員工在甜品部煮自己宵夜比黑面不耐煩對待☺️菠蘿唔去芯，又硬又無味，最難食的菠蘿🥹全晚熟食正常，真係奉勸大家唔好浪費錢去食熟食~$300幾去食韓式放題都無咁難食🙏🏻餐廳持續提供比肥牛更差既牛肉客人食，🤷🏻‍♂️🤷🏻‍♀️

肉質奇差，和第一次來的時候明顯不一樣，點的是C和牛套餐，都不算便宜，但是即使最貴的肉也很硬，和圖片完全不一樣，客人也越來越少。沒有用心在經營，太失望了🙍‍♀️

去左將軍澳見客，系將軍澳中心食左呢間燒肉男呢間燒肉男晚市應該系做番燒肉放題，午市有得簡燒肉或lunch set，燒又得唔燒都得鰻魚午餐Set $98午餐Set 可以系自助區任拎飲品同甜品飲品有平時放題見開的罐裝同紙包飲品甜品都系放題見開細細杯個種，唔算太好食叫左個滑蛋鰻魚Set ，包左一碗蒸蛋同一個鰻魚飯鰻魚碎上，大食妹覺得骨有點多，同無咩鰻魚味的鮮味滑蛋太生好水狀，搞到有點似生蛋撈飯食，大食妹麻麻地個口感

第一次喺度寫食評，真係覺得咁難食嘅嘢要公諸於世見呢間嘢星期六日好多人排隊，難得平日冇咩人就入去試試晚市set C同set D有八五折優惠，於是叫咗個set C一開波就嚟咗個和牛拼盤，有A5和牛，m6同M7和牛等等，唔知點解啲牛好似解凍咗好耐咁，一夾起軟身同冇平時見到和牛好靚嘅油脂分布樣，食落都冇令你失望，好嚡口諗緊會唔會係拼盤所以難食，所以單點個A5和牛試試佢，依然係好嚡口，係食過最難食嘅燒肉基本上其他食物全部都只係一般水準或以下，唯一好彩係啲炸物係熱嘅真係越食越嬲，講真連鎖一人燒肉水準都高過佢，完全唔係和牛嘅質素最後兩個人埋單九百幾蚊想同大家講，如非必要千祈唔好入嚟食

開張時去，感到驚喜！之後陸陸續續去了八九次，只可以話：愈嚟愈差！之前有嘅任食蝦赤身好快就取消了，牛肉柴，牛肉粒更加不敢恭維！和牛款式少！感覺所有的食物愈來愈無味！唔理當初幾旺，做衰咗，生意就會越來越差！

$688 買一送一，聽落價錢好似幾吸引，埋單加一要照原價計，埋單826$，好難想像$638原價食會有幾抌心口😭。肉類：頭盤嚟咗六款和牛，肉解凍得幾好，五樣都係佳寶質素，無味，唯一一款兩片唔係任食嘅叫做正常啲，雞軟骨同埋免治雞肉正常，但係好乾，要自己加汁燒。海鮮：頭盤松葉蟹冰鮮、冇味、鞋，其他普通，任食蠔係廣島蠔，但係未解凍有腥味，唯一可取嘅係任食三文魚刺身，嚟咗一盤魚腩新鮮好味，其他刺身都OK炸物：大部分同最cheap放題同款蔬菜：質素低，蘆筍有苦味，茄子乾柴，飲品：啤酒麒麟生啤任飲，條氣都順番少少甜品：款式唔多，個窩夫竟然係牛角包嚟…

頭盤既所謂和牛唔好食，叫其他牛都唔好食，叫熟食味都冇。燒佢d菠蘿酸仲要酸。唯一可以既係飲品（普通既汽水）。他個c餐寫就寫5款A5和牛，但佢得嗰1款，老到唔知係咪黎。真係純呃錢，等執咁既款，唔建議入執幫襯，感覺趕住執咁。

幾個月前曾幫襯過此店，當時提供的牛肉和魚生質素唔錯，雖然價錢水位算高但仍可接受，但昨晚（16-Aug）再訂枱，牛肉肉質明顯比以往老又有根（點的已是N6、M7級），再加上魚生種類比以往少和新鮮度較低，的確有點失望…令我再想幫襯嘅意慾下降😪😩除此以外，自助取甜品時，要求師傅取雪糕/雪葩時，那位同事態度麻麻，好像客人在麻煩他似的…極待改善!

係商場搵飯食嘅時候行過見到燒肉男有個恆生信用卡優惠 享用最高級別燒肉放題 (Set D)專享低至85折優惠《原價$598》價錢唔貴，望落環境又唔錯，於是就入去試一試燒肉放題 Set D (盛)✅宮崎和牛套餐，多款牛部位可以試下A5和牛刺身入口即溶 每個位置脂肪分佈不一，有多有小，口感唔同真係刺激我味蕾 😎頭盤有宮崎和牛樓梯級 (A5宮崎和牛肉眼、A5宮崎和牛頂蓋、A5宮崎和牛三角、A5宮崎和牛腰脊、A5宮崎和牛上腦)，A5和牛刺身及A5宮崎和 牛西冷👉🏻 其後可追加和牛及各類食品除咗和牛套餐外肉類仲有牛小排，雞翼，雞軟骨，五花腩等⋯⋯有多款熟食，刺身，超級鮮甜美味🤤任食即點即製甜品吧 😏😍牛角包窩夫、香蕉新地配Mövenpick雪糕🍧猛男挽肉と米 呢個名好搞笑🤣佢係炭火即叫即烤漢堡扒配飯，香口美味🤤

今日我就去咗食燒肉呢度有燒肉放題或者燒肉定量加放題野飲同甜品我覺得其實自己都食得唔算好多嘢咁所以揀定量就已經ok啦佢有四個set可以揀本來我以為唔同set係唔同價錢原來都係158蚊揀咗兩個set一個係雞加豚肉定食一個係海鮮加燒肉定食坐一兩分鐘佢就已經即刻攞咗set上嚟佢都整得幾靚你見到佢放喺個木盒裏面然後分開好多格不過佢嗰啲肉就唔係話入口即溶嗰啲唔知係我燒得太耐定點啦我覺得佢有少少韌嘅不過佢有一個即刻整嘅牛角窩夫甜品我就覺得幾有驚喜佢啱啱整起嘅牛角窩夫就熱辣辣咁樣再加咗啲cream係真心好食仲有movenpick雪糕有四款揀我就比較鍾意佢嗰個合桃味仲可以整迷你香蕉船佢會加藍莓 士多啤梨 同香蕉同埋一粒黃色嘅生果 唔記得叫咩名但都睇到佢哋用心製作其他喺凍櫃裏面嘅甜品就冇咩特別啦食燒肉放題通常都對呢啲凍櫃入面嘅甜品冇咩特別嘅期望嘅唯一佢有一個叫做榴槤奶凍就特別少少另外我覺得啲員工都幾快手快腳一食完就好快會收咗啲吉碟走所以張枱都keep住乾淨呢個我覺得都幾好埋單我見到枱面上面有個qr code做咗會員之後即刻有會員迎新優惠有九折今餐嘅價錢我都覺得ok啦