燒肉男

營業中

休息中

星期日下午經過將軍澳中心，見到呢間燒肉店好似好正咁，本身食量好細，所以唔選擇任食而選擇午市定食，我哋兩個人各自選咗一份牛餐（每人$158+10%），份量對我哋絕對足夠，而且飲品及甜品任食，不過限1小時內埋單，其實時間係剛剛足夠我哋燒晒成個餐再加好快咁每人食咗一杯雪糕及一枝飲品。個餐嚟嘅時候見到啲肉都足夠，而且睇落好靚，可惜全盤肉都係好難食，任何一款肉都係好韌好嚡，牛舌咬到牙骹軟都食唔到，最後有一部份牛要放棄，實在太差啃唔落，好彩叫做有杯雪糕補數，雖然$158唔算好貴，但絕對唔值，就算呢個餐$58我都唔會再食，呢個餐嘅質素太差….

餐廳有多款燒肉套餐及任食放題，放題而家買一送一，十分划算。不過第一次食，先試試個定套餐。揀左價錢$158加1嘅全牛套餐，入面包括有大大份牛、中華沙律前菜、味噌湯，同任食嘅甜品同飲品。另外店內仲有「即點即製甜品吧」，可以品嘗抹茶、提拉米蘇同士多啤梨口味嘅牛角包窩夫，及香蕉新地配 Mövenpick雪糕！

將軍澳的燒肉場又有新兵報到！今次試咗間燒肉店，真係肉控們注意啦，海面浪漫日式風格嘅座位區，就算周末都撲哂滿座。🍖開始戰鬥，先來個雪花和牛－金黃油花四溢，係咖喱味嘅炭火上陣，輕輕一炙，肉質維妙維肖，口感嫩滑得黎脂香四溢。呢個仲係我要讚賞個天皇雜錦拼盤－青口、章魚同三文魚壽司貴得禮，海味係咁鮮甜無人能抵。讚啦！🍣然後試埋店嘅招牌七層和牛盛。好嘅嘢來得就係遲啲，燒到微微焦邊，完美釋放咗每款和牛嘅獨特醇香。啲牛肋條實在太醒胃，我食到攞筷子攞到轉晒圈。🐄甜品部份，Mövenpick雪糕齊齊整整六款口味任揀，我選擇咗杏仁味，就算肚子已經警號四起，亦係禁不住嘅誘惑。🍨總結，呢家燒肉店實在太正，真係令我食到開心爆煲，值得推介比各位肉食愛好者！放心，無需銀行爆破，就能享受高質素嘅饗宴，下次定必重返戰場！✨

我已經第三次黎食，今次兩大兩細黎選左C餐，有7折/120分鐘放題，除咗海鮮靚，牛肉靚，今次仲飲埋清酒同啤酒（套餐已包），真係覺得質素同服務態度都好好，見到亞仔倒瀉水，有位員工即刻走過黎抹檯，眼見所有員工服務態度都好好。推介

好少食放題，因為唔想以價換質，但係今次真係忍唔住要分享呢間燒肉放題，因為真係太顛，勁多嘢食難得有質素仲有sake 生啤都在free drinks 之列，甜品選擇花多眼亂，星期一至四連埋早鳥同午餐買一送一優惠加左一人均都係兩百幾蚊. 重點係由頭食到落尾100 分鐘我都食唔曬所有食物, 豐富到丫， 真係超級滿足！ 上菜速度快, 經理哥哥態度好nice, 由佢推介我哋入去到離開時亦都同我哋傾下計熱心講解都真係值得回頭. 據說係開幕一週年慶祝，暫時優惠未知做到幾時，快啲去試下啦，特別係TKO街坊.食物種類好豐富超過百二款選擇，手機點餐勁方便又環保. 牛肉已經有：牛肋骨、牛肋條、牛小排、牛柳粒、封門柳、牛板腱、牛胸腩、牛頸脊、牛舌、和牛肉眼蓋、M6和牛板腱同埋M6和牛肩胛肉眼. 豬類亦有六大款包括腩肉豬頸肉梅片梅肉等. 雞肉亦有雞皮雞軟骨雞翼雞腎等. 海鮮類亦不計成本，有大蝦、廣𡷊蠔、帆立貝、燒生蠔、多春魚鯖魚秋刀魚等. 想健康啲唔少得蔬菜類供應一様齊全，菇類瓜類菜類夠新鮮甜美. 飲品櫃入面約二十款飲品自取另有涼茶供應相當窩心. 至於生啤同sake 就要同店員講但係不另收費. 食飽正餐除左可以到

今日係特別日子，就去咗好少少嘅一間餐廳食。見佢有買一送一優惠，又開張無耐，平時又咁多人排隊，一於試下喇。留意喔，買一送一唔包加一，埋單比想像中貴。佢算係一間幾正嘅餐廳，真係食得好驚喜！首先，要推介佢哋嘅和牛，真係食到口感超級軟滑，每一口都好juicy，輕輕一煎就食得，好正喔！仲有好多稀罕嘅牛肉部位可以揀，雖然我聽完都唔太分到係邊個部位，但咁多選擇真係令我嘆為觀止！另外，佢哋嘅刺身都 ＯＫ，溫度口感都適中！仲有佢哋嘅雪糕，都好滑好香。唔少得提一提佢哋仲有海鮮可以燒，都算鮮味嘅，但因為本來係黎食牛，所以無叫太多。最後，呢個真係估唔到，佢哋嘅露筍真係好嫩呀，每一口都好脆口，真係食得出新鮮！

間日式燒肉食到飽嘅燒肉男喺將軍澳中心，我最近去試咗佢哋嘅套餐，睇嚟係平時嘅兩倍嘅抵食！我約咗啲朋友去，但係只有我哋兩個先可以享受到買一送一嘅優惠。餐廳位於將軍澳中心商場一樓，裝修好靚，環境好舒適。服務員對待我哋好有禮貌，而且座位都好舒服。佢地詳細同我哋解釋套餐嘅內容，我哋揀咗C套餐，每人只要花548蚊，食飯時間係100分鐘。飲品、小食同甜品都可以自己去冰櫃度自取，或者加埋食。我哋剛坐低嘅時候，服務員已經送上一個九格燒肉盤，入面有好多款唔同部位嘅牛肉，仲有啲名貴嘅品牌。呢度有好多牛肉選擇：1. 牛頸脊2. 澳洲M5和牛肩胛肉眼3. 日式胸腹肉4. 牛小排5. 牛板腱6. 牛肋條7. 封門柳8. 牛舌9. 一口牛除左燒肉，佢哋仲有好多新鮮海鮮可以揀，包括：1. 鮮蝦2. 魷魚3. 帶子4. 鯖魚5. 蠔你可以試吓唔同款式嘅肉同海鮮，然後加啲你鍾意嘅調味料。仲有，佢哋仲有牛角包、窩夫同雪糕可以食，真係好正呀！

餐廳名：燒肉男地址：將軍澳中心唐德街9號一樓135號將軍澳嘅燒肉男係一間日式燒肉放題店！而家正係午市時段，佢哋有買一送一嘅套餐，好抵食！我今日約埋朋友去試吓。呢間店喺將軍澳中心商場一樓，裝修好靚，內外都好舒服。服務員接待我哋嘅時候好有禮貌，坐位都好舒適。佢地詳細介紹咗套餐內容，我哋揀咗Set C，每個人只係548蚊，限時兩個鐘。飲品、小食同甜品都可以自己去凍櫃度拎，或者加食。等我哋坐定嘅時候，服務員已經送上九格燒肉盤，裡面放滿咗各種唔同部位嘅牛肉，仲有名牌。1. 牛頸脊2. 澳洲M5和牛肩胛肉眼3. 日式胸腹肉4. 牛小排5. 牛板腱6. 牛肋條7. 封門柳8. 牛舌9. 一口牛除咗燒肉之外，佢哋仲有豐富嘅海鮮選擇，可以另外加訂。例如：1. 鮮蝦2. 魷魚3.帶子4. 鯖魚你可以試吓各種肉類同海鮮，然後按照自己嘅喜好加繼績。另外，仲有牛角包、窩夫同雪糕可以食，真係唔錯㗎！

有屋企人生日就揀咗呢間位於將軍澳中心嘅半放題燒烤，如果要食牛肉嘅話價錢都偏貴，要$595，不過好彩佢之後有七折，所以感覺上都幾抵食🤭一開始會有一個九格嘅高級牛肉，當中包括澳門同日本和牛，牛肉比較林身，而且有肉味得黎非常鮮嫩🫰🏻其後佢會有唔同嘅牛肉同小食，可以俾你任揀，個人認為佢嘅炸蝦同炸蠔都比較出色，牛舌同埋燒菠蘿都係必叫的‼️另外甜品方面佢都幾出色，佢有movenpick多種唔同口味選擇，配上戈夫，都幾唔錯👍🏻

將軍澳中心商場一樓有間以燒肉為題嘅店舖.佢哋做緊買一送一嘅套餐.呢日約埋家人試吓.我哋四個人.人齊先可以入去.舖內外裝修都唔錯.待應接待都好有禮貌.坐位都舒適.待應介紹咗一論.我哋揀咗Set C.每位$548元.限食兩小時.飲品/小食/甜品可以任意出去凍櫃自取或者添食.說那時.待應那時快已經送上九方格.格仔內罷放咗各類牛唔同部位嘅肉質及名稱牌子等.可以試吓各部位唔同肉質.然後可以針對個人喜好.繼績添上.我哋唔客氣啦！🚶🏻‍♂️👉📌燒肉男 (將軍澳)將軍澳唐德街9號將軍澳中心1樓135號舖

今天來到燒肉男吃烤肉，這裡的牛肉是很正，很好食。牛肉又大塊又多肉汁😆仲有很多不同牛肉部位，包括: 牛板腱，牛舌，日式胸腹肉，牛扁肉等等，仲有海鮮，大蝦，帆立貝😍仲有餐廳牛肉賣相非常靚，見到牛肉已經好想快d 烤黎食❣️❣️🥩除了牛肉之外，仲有刺身(三文魚刺身，大蝦刺身，我最中意食三文魚刺身，餐廳仲切得大大件😁仲有，餐廳有大量熱食提供例如海帶烏冬，枝豆，糖水蛋，燒菠蘿等等✨餐廳有無糖飲品，汽水，咖啡，茶供應, 有不同種類的雪糕，例如瑞士朱古力味，意大利芝士蛋糕味，藍莓芝士味，意大利奶凍味，楓糖合桃，呍呢拿味，仲有葡撻，窩夫❣️❣️😍餐廳燒肉放題買一送一😍限時100分鍾，價錢274一位(星期五至日), 價錢264一位(星期一至四)✨我們今天吃套餐D. 😍大家下次也來吃高質烤肉吧

平日四點前有燒肉午餐定食一小時， 非酒精飲品任飲，雪櫃簡單的甜品和生果杯任食，不過部份肉比較韌，其中一口牛，好想咬橡皮擦一樣，不可以燒太久，另外有短肋骨的燒了很久仍有血水。不過整體來說，有白飯和麵豉湯，性價比算高。

急Call 所有食肉獸集結：這間之前只是得屯門有分店，但出曬名嘅高質燒肉刺身放題，難得最近在將軍澳開分店，一向對於燒肉完全無怨念嘅我，當然要去試下！環境方面：以柔和木色為主調，希望客人可以感覺投入日本環境餐廳主打主打自選和牛放題，最平$208起，就可以任食日式燒肉！當然不同價錢不同時間，價錢也不一樣！那天我進餐是假期晚市！而我就選擇左Set D : 雞 ，豚，澳洲•日本和牛，刺身（128品）套餐：生啤，清酒，梅酒任飲頭盤：九州和牛西冷一客和牛的油花鬆軟，其分布平均細緻，味道甘甜、鮮美。輕輕一燒就可以！咬一口和牛已感到香甜濃厚滋味，入口即入口不用多咀嚼即化！頭盤 ：7款和牛樓梯級拼盤A5 日本黑毛和牛友三角澳洲M7 和牛牛腹肉心澳洲M6和牛牛肩胛肉眼和牛肉眼蓋封門柳日式胸腹肉牛板腱擺盤相當精緻，手機食先，打卡一流！7種牛肉，每款隔離都有個牌仔，清楚知道來自產地及部位！我特別喜歡A5日本黑毛和牛友三角及澳洲M7和牛牛腹肉心！頭盤；海鮮拼盤包括：大蝦、魷魚、帆立貝，鯖魚！所有海鮮都好新鮮任食放題：A5級數日本和牛類：A5 日本黑毛和牛友三角海鮮類：牛油廣島蠔 ，海蝦，帆立貝，清酒煮蜆，鯖魚，

甜品亞姐服務及語氣態度好差，我比咁多錢試妳哋衣間食店，相當唔值得，又要受妳的氣和面色，佢心情唔好應該唔好返工，麻煩再去Retraining,食物只是一般，唔好食，今日最差的選擇，以後不會再去！

我在2023年7月23日下午5:30用了$550 元，嘗試了一個最差食物的餐廳，一個人經過商場第一次光顧, 平日我也會到處嘗試食任何餐廳，看見OpenRice說燒肉男評分也高，就當時看見餐廳內的裝修堂皇，接待員態度也誠懇，告訴我任食時間有兩小時，也有和牛任食放題，所以進入去坐下，服務員態度也不錯，本來是很有期望的,選擇了任食澳洲和牛燒肉也有日本啤酒喎，清酒供應，但是令我太失望，牛肉簡直是垃圾，請不要光顧。我只是每一款是試了，已經放下筷子買單離開了。