燒肉の牛太・本陣 (已結業)

牛陣大家都食得多，就算未食過都知AA制事件從而更「出名」！但我今次就食佢個集團旗下另一間餐廳就係本陣！本陣喺日本已經有過百間分店，喺二零一一年七月份係香港進駐首間海外分店！首間分店喺尖沙咀厚福街，來延續日本優秀燒肉之使命！佢呢度係＄428就可以任食日本黑毛和牛放題！另外有五款飲品任飲， ＄428比＄288多隻啤酒選擇。開頭佢會俾霜降西冷扒，特選三品盛合同海鮮拼盤 ，之後你就要自己再嗌你想食嘅指部位！佢開頭擺落你嘅相個細纜扒個雪花程度不多，食落去都係仲有啲un嘅，同日本黑門市場街邊食嘅和牛差好多，不過嗰陣時我哋食幾塊都成$500 邊有得比！🙈不過諗起都肉赤真係有啲貴，但係又好好食喎🤤之後霜降牛肋肉 口感似返啦！ 雪花分布多及均勻而且較薄身，容易咀嚼，一食落去入口即溶一定唔使講啦，食兩三塊就會開始覺得漏，但係又要不停叫，因為就係想食佢呢個口感，油脂滿佈你嘅口腔！另外亦叫了牛舌，真係好厚切！起碼半吋！燒完之後成塊鵝肝咁樣😂不過食落有啲un 。另外再食羊架，味道肉質唔錯還有肉汁。再叫了一些豬系列， 我都後尾食肉都已經食到個腦實左😂已經唔知自己喺度食緊咩肉了！但印象中豬腩肉唔錯！再叫一個椰菜大雪

今次都唔係第一次黎呢度食燒肉依家d燒肉唔似以前韓燒d肉咁全部得個咸字發現八點前埋單有八八折（最平個set冇呢個優惠）不過因為遲收工這些機會不是我的每次去食都未見過坐滿人抽煙設備十分好燒完唔會成身油煙呢度食燒肉有分散叫同放題今次都係食288個放題不過都係暫時未捨得食最貴個個set牛舌（左）、黑豚豬腩肉（中）、上級牛肋肉（右）基本上每次去食之前侍應都會送一個肉類拼盤同海鮮拼盤不過因為裏面d肉同埋海鮮自己散叫都叫到而且知道自己鍾意食乜所以同侍應講唔使上柔軟身筋扒黎過食幾次每次覺得牛舌、上級牛肋肉、絕稀少胸腹扒、柔軟身筋扒都好食牛舌多薄易燒又夠爽牛肋肉同胸腹扒味道較濃柔軟身筋扒夠軟牛腸充滿牛脂的牛腸燒透後十分香口放題限時一百分鐘爐中心火力較集中適合燒肉類蔬菜同菇菌類可以放在較邊位置燒在燒蔬菜時沾上少許牛腸上的油可令蔬菜燒完後保持水份若火力太太可以叫侍應或自行調整一下燒肉食到一半可以叫侍應幫手免費換一次網第二次開始要收錢食燒肉最重要係食質素有時見到隔離枱放到成個網都係肉肉又唔可以平均燒熟又燒到乾總覺得有d浪費若用爐中心位置五分鐘可以燒好四塊肉計落一百分鐘可以燒好八十塊不如慢慢燒慢慢食好過啦又容易

唔得。雪藏肉就當然，但係澳洲和牛這樣肉質，又沒咩肉味！嗰個鐡網只可換一次，之後要收5紋一個。我去食韓燒好過。又話幾十種部位，其實一無一能樣。同牛陣一Q樣 （應該同一集團），賣D陳年平價肉被人食！無下次。

We had reservation in advance so that we didnt have to wait for entranceWe ordered $288 set and could enjoy most of the meat and food.There was a great variety of meat and vegetables, and they were tasty.If you are not a meat lover, I am sure you still can have lots to choose!Some of my friends didn't eat beef but still enjoy the BBQ as you could choose pork or chicken.But of course, the beef was so good and it got my attention for the whole night.I highly recommend thin cut beef instead of thin

最近食燒肉一定揀本陣，佐敦店唔太多人，即日book都會有枱。次次都揀$288個款,成個menu得一頁唔叫得，抵食👍🏻一開會比個拼盤，有海鮮同唔同肉。之後就任你嗌。食左幾次最鍾意XL肋肉條，身筋扒同埋上級牛肋肉，另外仲有厚切牛舌同埋蔥盛牛舌。小食上面佢都有好多款，沙律，泡菜，紫菜都係必嗌。今次仲叫左白飯，你覺得傻都好，真係估唔到咁好食，因為有碗飯我地好似仲食多左肉。佐敦店好就好在佢d staff 勁nice,你每次叫親野都唔會小左漏左，問佢地野又會好nice咁答你，成日都有笑容，我地食都食得開心d。無論你分幾多次叫，就算每次只係叫一，兩款，佢地都好有禮貌幫你落單，真係好抵讚👍🏻甜品方面我會嗌菠蘿同埋年糕，今次個waiter仲特登提我要換左個網先燒，唔係年糕就會癡晒d 黑色野，仲比左綠茶粉同埋紅豆蓉，教我地要隔幾秒反一反先冇咁易黑。最尾仲有雪糕haagendazs,同埋埋單送糖，正👍🏻

星期日一家人去食放題燒肉，一早都知有三個價錢我地兩大兩細（小朋友都已是大人價）出得街食都唔吝嗇叫左288價錢食，一開始就有一碟併盆同計人頭送嘅海鮮食到咁上下爭取時間散叫左餐牌全頁海鹽味的牛肉其實唔係好覺有海鹽，原味都有食😋除左牛肉餐牌上嘅嘢都有叫但種類唔算多點了數款熟食，我地一心食燒牛肉所以餘下嘅時間都係叫牛肋肉。 餐牌上嘅牛肉多數都係厚切，其實唔好燒因爲比小朋友食都唔會燒咁生，燒耐少少的油出哂來仲好嘢火燒焦，唔好話小朋友咬唔到連我地大人都有的難度，唯獨得一款上級牛肋肉係薄片，所以我地就只叫這一款。 100分鐘嘅時間食左60分鐘就last order，但從30分後我落單嘅上級牛肋肉同少量熟食，牛肉兩次只係來四片😡😡😡我見時間唔多就同侍應講我地鍾意食呢個上級牛肋肉叫侍應落單落雙份，但來左兩次都係四片😡😡😡。 到last order我再同侍應講原全冇來過雙份，只好最後機會叫多次海鹽同原味雙份，侍應又應酬我話會跟，last上枱嘅仲離譜係四片加一塊厚切👿同侍應講唔係厚切佢仲答係同一樣嘢只不過係厚身，咪玩啦😑我要厚身一早叫左啦，因為只食上級肋肉浪費左好多時間，所以到最後

難食到不堪!!$678兩個人食擦子膠!Book左9點,8點50黎到。坐低自己睇餐牌,冇人話可以點咩唔可以點咩,餐牌指示唔清晰你hea極都整個 label落去啦下話。好喇,咁是但啦,話黎左海鮮先!點知望到果4粒帶子我已經冇胃口。完全蠔屎咁既味,蝦同大家講既一樣好霉又話澳洲和牛,其實就肯定唔係和牛,陣味“蘇”到又un,我好想問牛點解會有豬蘇味。叫左碗蔥花溫泉蛋飯,直情冷飯撈隻水蛋。朋友完全唔食飲品冇seke,甜品帶年糕燒,飲asahi加錢4x蚊杯,食日本和牛餐先唔洗加。攪左一輪等啲厚實既擦子膠熟都等好耐,唔知點解50分鍾就話last order。呢個我是但你啦,反正難食到想起身走,但其他食家可能介意你咁做總括黎講唔會再幫襯,同啲正點食評差太遠

之前去過APM個間牛太.本陣，日本燒肉放題，食後感都好唔錯，今日突然間又想食燒肉，想book返觀塘嗰間牛太.本陣，但係唔知佢full晒咁，我就想我Open rice再睇下佢有冇其他分店啦,原來佐敦都有一間，嗱嗱聲打電話試吓book位,點知佢又有位喎!唔使諗咁多今晚就一於去食本分日本燒肉放題啦! 佢哋嘅燒肉放題分開幾個級數嘅第一種大概$200可以食到Menu裏面少量d嘅款式，＄300到可以食到差唔多Menu裏邊八成嘅牛肉款式，第三種就係可以食埋日本和牛嘅大概＄400到上次我哋都係是中間嗰款大概＄300嘅牛肉所以今次都照舊， 我哋又點左絕稀少腹胸扒，厚切牛肋肉，厚切牛舌，蔥盛牛舌，粟米，芥末八爪魚（魚生），XL肋肉條 最令到我哋回味無窮記得吃厚賜牛舌同埋絕稀少腹胸扒，後設牛舌有趙口咬落爽脆口又有剛剛燒好牛舌嘅香氣，但係薄切就比較輸蝕好似冇味味，另一個絕稀少腹胸扒都唔錯既，燒到啱啱熟熱辣辣擺入口都唔鞋唔un，濃厚嘅牛味係個口腔度慢慢慘出嚟，呢款牛夠香濃，二零一款X L肋肉條比起上黎口感就冇咁好，雖然肉味都濃郁但是肉質比較鞋口嫩， 魚生方面芥末八爪魚做得相當唔錯非常新鮮配上芥茉恰

心血來潮午餐想吃燒肉,近近地去公司附近開餐到了本陣,竟然一檯客也沒有,心想中伏,但一場來到決定試一次午餐選擇不是太多,同行兩人又不喜愛燒肉,故選了拉面,腩肉飯和燒牛三品隨餐附送前菜沙律入正題,牛三品有牛肋肉牛舌和一口牛,三款牛肉質都不錯,有牛味拉而除了叉燒有驚喜外就只是一碗很普通的面腩肉飯的豬肉有少少騷味,本人不太喜愛整體來說,以這個價錢吃到的燒肉算很不錯了,當然要吃其他午市定食我相信會有更好的選擇...

經過附近，入到商場揀野食就梗係行暈全層，最後揀左本陣，燒烤燒肉好美味，入到嚟揀牛肉都有分幾隻，貴至平都有佢既特色，我揀左中等價錢既放題，牛肉都幾新鮮，食完一碟又一碟，燒烤既特別之處就係香口，加上特製醬油入口份外好味，誠意推薦本陣既燒烤放題，真係值得一試。

話說勞動節同女友慶祝週年紀念，上一次已經食過$288覺得質素唔錯，打算今次食好啲$428黑毛和牛。一早打定去book枱，果日去到入到去坐低，就打算叫啲有金牛嘅肉，點知個侍應話賣晒。我好震驚，下，8點就賣晒？我再追問之下佢話放題就無架喇，散叫就有，因為個和牛數量少。我都O晒咀，同時又好㷫。散叫就有，放題就無？神邏輯！！！我知我無問清楚佢我都有問題，但如果你無做$428放題就唔好show出黎啦。睇返上一篇食評都係剛好一個月前嘅事。算啦，其實我已經好㷫，但費事再諗去邊度食，於是叫$288啦，點知點完肉之後佢話轉頭送個肉拼盤畀我地，我心諗，唔通你知我地週年紀念，幫我用肉砌朵玫瑰出黎？Hi,原來係送左盤質素勁差嘅肉黎，一啲油花都無。我心諗，都已經放題，仲送咩肉拼盤呀？原來佢送啲差嘅肉畀你塞飽你，等你唔使叫咁多。之後來果啲肉已經唔再係半年前食過嘅質素喇。啲海鮮，之前有大蝦有手掌咁大，宜家得海蝦仲幼過手指咁，好失望，服務態度又差，係有一個男仔好好態度。成餐飯都食得好唔高興，埋單先知原來要加一（半年前食都唔使加一），已經質素下降，仲要收埋加一。真係

（已經係幾個月前食，宜家放假得閒先寫食評）🐮🐮🐮🐮🐮都市人工作辛苦，壓力大食和牛就係舒悶減壓又可獎勵自己既方法！（純屬個人想法😂）喜歡食牛肉既我，平日行supermarket，都會痴住個和牛櫃，望好耐，欣賞肉間雪花，奈何價錢昂貴，一塊大d既扒都動輒三四百元，自己煎燶埋就喊都無謂！比我發現本陣有得食放題，即刻仆去食啦！睇左openrice，比較下佐敦分店評分好過apm分店，咁當然揀間好架啦！點了最貴既日本黑毛和牛放題$428一位餐單上所有94種食品都可以任點，飲品都係任飲嘩！ 正呀！不過我就淨係重複點幾款黑毛和牛，肚子變成和牛黑洞！狂吃嚴選霜降黑毛和牛助肉同西冷 侍應遞來碟碟牛肉，油脂分布均勻，色澤鮮美，非常誘人 夾到火爐上面，見證住牛肉變色，係一個令人感動既過程，燒烤時發出滋滋聲，提醒我食得喇！食左唔知幾多碟，唔同既和牛位置，食到翻本！最好味既係～嚴選霜降黑毛和牛牛助肉分數：滿分嚴選霜降黑毛和牛西冷分數：滿分除左和牛，淨係點左兩條雞串，一碗白飯share食（食緊和牛食咩肉都無味～^_^）埋單送來 雪糕每人一杯，如果雪糕都可以任食就好喇！和牛放題，好正！好爽皮！但唔可以

早兩天友人先訂台五位20:00，特意提醒不要卡位再加一張櫈，到達時等了五分鐘就可以入席，當時座無虛席很爆場啊！ 聽友人說平時晚上不是這樣的 一坐下職員就提醒放題只有100分鐘的時間然後我們選了每位288的級別, 餐牌上註明不需要加一(另有$218和$428的牛肉級別選擇~)先講任飲飲品有錫蘭檸檬茶，鮮奶忌廉和忌廉等,我飲錫蘭檸檬茶，無氣的，偏甜，但配合某些牛肉和熱烘烘的火爐實屬不錯餐牌上面有多款牛肉選擇, 由於是友人每次負責落單,因此我都唔知食左邊款, 哈但可以一提,聽友人說牛脷非好好吃, 見他們無限翻回又翻點也感受到雞中亦和魷魚是完全沒有醃的, 淡到無味~大蝦很新鮮, 亦唔細隻~~年糕可以燒到脹卜卜, 個外表金黃很脆, 會跟一些紅豆蓉做甜食, 正正配食有生菜, 芥辣魷魚, 麻醬蕃茄, 韓式紫菜也不錯可以無限翻點~最後食到100分鐘前, 職員來了幫我們last order~之後再坐多一小時, 已經有很多吉台, 所以無被趕走~~

本身想去同商場某火鍋店，但礙於等電梯人龍及沒有訂位的情況下，臨時決定食本陣，因為勁耐冇食燒肉，係台灣的時候經常去唔同的燒肉店大吃特吃。Walk in 等位大概等左20-30分鐘，其實都有幾多空枱，不過都係比人book左既。本來只係諗住過下口癮，估唔到有驚喜。有三款不同價錢的放題選擇，分別係$218、$288，$428，滿$288仲送haagen daz。感覺$288最划算所以就揀左，而且免收加一。第一次黎咩都唔識，隨便點左M6牛肉拼盤、洋蔥、厚切牛舌(超推介!!!)我都幾鐘意將牛肉燒完夾生菜食，不過呢度D肉雖然唔錯，但可能係比較厚身，好似燒完又有D"鞋" 所以我後來都係主攻牛舌同蝦D蝦都幾大隻，幾新鮮韓式紫菜，食左勁多!!小吃-芥末章魚，生食的雞軟骨口感好特別厚切牛舌真係好正，應該有0.5cm 厚最後一定要用燒麻糬夾雪糕做為ending!，麻糬燒到脹卜卜再放雪糕入去，內冷外熱好好食!不過要記得燒既時候要常翻面，唔係好易燶!

今天一點半入到去，叫了三食set lunch包牛肋肉，牛脊肉，一囗牛。這set還包沙律，前菜，飯及昆布湯，飯及湯可以任添，我食了二碗飯，二碗湯，很滿足。燒肉很好食亦都幾好玩，牛肋肉最嫩滑不鞋囗，牛脊肉細塊一些，但都好滑，一口牛很大粒，怕它不熟，燒久了有些鞋同難咬開。如不怕生生地可燒一陣會更好食。如連汁同肉一齊燒更好食。待應很有禮貌，是主動欠少少。服務ok，坐得舒服，食了75元佷抵食。