燈籠滷味 (朗豪坊)

營業中

休息中

總店黎自台北師大夜市既燈籠滷味，主打台式熱食滷味，又係人氣既排長龍店🙈第一次去食，menu感覺好親切，十足我地平時食車仔麵既形式😆唔知邊樣出發既情況下，點左鴨胗、大腸、蘿白等，想地道d配埋台灣既王子麵✨意外既係，碗麵原來唔會好多湯汁浸住，係俾適量既滷水汁做撈麵咁食法😳 滷味都算入味，唔會死鹹，不過有別於潮式個種滷水，香料味就爭左d~飲品方面選擇比較普通，揀左杯荔枝紅茶，要少冰既～不過黎到d冰估左半杯，為左唔想杯野淡晒唯有自己手動少冰🙈

前日星期六晚去食同朋友叫咗個二人餐share嚟食咁就一大碗主食+兩個小食+兩杯嘢飲-主食就叫咗個油麵，啲料就係又甜不辣又花枝丸又菇又菜咁肉就得3舊，完全就係一堆嘢烚埋一碗加個麵同湯-小食就叫咗個滷肉飯同麻辣鴨血冬粉首先個滷肉飯就普普通通，正常發揮啦但個麻辣鴨血就又唔辣又唔鹹仲好甜同埋淨係麻完全唔掂-嘢飲就叫咗個茉香奶綠同冬瓜茶茉香奶綠就都係普普通通，加冰就+$3，仲加咗珍珠但就真係好普通咁個冬瓜茶就嗌咗正常嘅，但一啲味都冇，唔甜-重點係咁嘅二人餐要$198服務態度又唔好埋單嗰時前面仲有位客人嘅，咁職員就問：現金定八達通？客人就話：想比visa。唔知係職員本身就咁串定佢真係聽唔到啦，就又講咗句：現金定八達通？但明明我地見到有部卡機喺度嘅，真係睇唔明？？？-咁耐以嚟第一次啲嘢食唔抵食到上嚟打食評大家食之前要三思

今次係第二次試旺角朗豪坊這間分店，亦係最後一次，因為令人太不滿。以下我簡單列出這次的用餐體驗：入座時間：27/08/2022 晚上7時42分食物質素：味道可以。柯打2杯飲品全已加了$3轉半冰，但到來時仍是全杯冰到底。用餐過程體驗：1. 入場時没有人提示只有一小時用餐時間(兩次體驗也没有)。2. 落柯打時主菜是選擇了冬粉(粉絲)，但來的時候變了烏冬(這個可體諒，職員亦幫忙更換，故没有特别不滿)。3. 等候了約15分鐘重新將對的柯打送上4. 到了8時多的時候職員竟告訴我們已用餐1個小時，並要求我地準備離開。但當時的時間只是8時31分，所以我們並無太大理會。結果在5分鐘後(8時36分)，職員再次要求我們離場，但時間確實未夠一小時，他們說是繁忙時間所以要限制用餐時間。最後我們唯有不滿離開感想：非常不滿！一開始無任何人跟我們提及用餐時間限制，一小時的用餐時間，過了45分鐘便請人離開😅隔離枱早過我地坐低又冇人干涉請離開。加上佢送錯食物重新等待的時間不用補回？真的非常差的體驗！不會再有下次了。在這裡提示各位決定要試的朋友一定要在入座前問清楚。

格格這種年青人，總是要吃“懶台灣”的台式餐廳，人氣是不錯的，食物水平又怎麼了？點了個“稻庭烏龍麵二人餐”，澱粉太多，麵我就只吃了兩條，連拍照都忘了，味道嘛，還可。“人氣爆漿蔥抓蛋餅”，又是澱粉，不知道自己在吃什麼，味道不懂欣賞，反正滿口是粉。“金梅香脆地瓜條”，又是澱粉，其實就是炸薯條，但有獨特的番薯香味，加上酸梅醬，是一個很好吃的炸薯條。我們有三個人，所以多點了一份“惹味塔香鹽酥雞”，味道不錯，也終於有個正常點兒的台灣小食，又有兩杯臺台式飲料，奶茶和柚子綠茶，這晚到那刻才有點台灣感覺。兩人餐的蔬菜終於來了，“花生醬火腿”，味道ok。總的來說，套餐的組合太單調，味道還可，但沒驚喜。

叫左2碗九份經典芋圓伴蕨餅,2碗燈籠芋見你,非常難食,除了甜到漏,都不知食左D什麼?杰撻撻乾爭爭,份量少,價錢貴,無下次,真是不知所謂.所以沒有信心試其他食品,自己做好過,失望失望

叫左個王子面加雞翼大腸伴面，王子面原來係indomie,可以食到二啖咁多😂雞翼就二隻中翼，味道就一絕！淨係得皮係有味，肉是雪藏肉味，完全無味，皮有淡淡滷水味，但我估唔到台灣滷水味就係李錦記🙈，大腸四小舊（駁埋唔知有無一節手指長？）每舊應該得0.5cm厚🤣🤣🤣🤣🤣加多杯唔知咩茶，半杯冰黎，埋單差不多$90（lunch)重要加一收費🙈萬萬想唔到一碗滷水伴面，就是中學時成日係X萬果種撈面🙈🙈🙈🙈

星期六嚟食，多人就預咗，都排咗35分鐘，都算，啲人食完有枱都唔放人入去。要啲人問先至放人入去。去到order嘅時候，見到餐牌寫小吃問吓佢有幾大碗，佢竟然答你嗌一碗你咪知囉。問得你就梗係想知道佢個份量係幾大先嗌㗎啦，得兩個人嗌三碗嘢？而且佢哋問非所答，問佢凍飲係咪加$3 佢話係，點知最後出嚟係要加$28😂真係俾佢吹脹😂叫碗冬粉明明叫咗走蔥，點知就走咗第二碗嘅蔥…無言到極點嗌咗碗鴨血通菜大腸豆腐冬粉，鴨血冇味，通菜又少，大腸同冬粉叫有少少味，湯極少，我以為我自己嗌咗撈粉….唔會再有第二次，可一不可再啲嘢又唔好食，態度仲要咁差千祈唔好嚟！

「豪豪」吃二人套餐 $198🏮招牌燈籠滷味 配稻庭烏龍麵份量算幾多 有好多種餸🍢但啲滷味唔係幾入味 雖然係佢嘅招牌菜 但小編同朋友都覺得略為失色🍳人氣爆漿蔥抓蛋餅［芋泥肉鬆］上菜嘅時候已經有啲散 個芋泥幾好味 而醬料係類似大阪燒嗰種估唔到整體味道幾夾 🍠甘梅香脆地瓜條咁多款食物之中 小編最鍾意食呢個🤍炸得好脆 擺耐咗少少先食都仲好好食梅粉同地瓜條味道好夾 食得多都唔會漏梅粉嘅份量啱啱好 唔會太酸🍯蜂蜜荔枝紅茶同朋友怕太甜叫咗半糖 整體算唔錯 茶味幾濃但略嫌唔夠荔枝味☕️古早冬瓜茶唔知係咪因為嗌咗半糖 味道有啲淡🍧燈籠芋見你 $48一開始同朋友見到覺得幾吸引 但成碗都太甜 所以最後都食唔晒😥可能因為位置比較方便 所以平日夜晚都等得算耐 而食物方面雖然冇想像中咁出色 但食物質素都算不過不失👍🏻 不過唔推薦食個芋圓甜品😮‍💨 價錢相對算抵食 整體來講都算唔錯味道: 7/10服務: 7/10環境: 6/10回頭率: 7/10總評: 7/10💰人均消費: $80

路過朗豪坊，隨便找間餐廳，被門口的滷肉飯相片吸引，就試一試點了是日便當：眷村懷舊排骨便當🍱 （$75）豬扒較薄，但煎得外皮脆卜卜，配有滷蛋、粉絲和炒椰菜，粉絲和椰菜都是古早滷水汁的味道。至於滷肉飯有不少冬菇，肉碎不多，食落比較多肥肉的口感，味道尚可跟餐可用半價點特飲：（前）香烤碳焙烏龍奶茶；（後）燈籠黑糖珍珠奶茶（各加$16）茶味淡，偏向奶味多2個人埋單連10%service charge 剛剛$200未算十分好吃，但可以一試

燈籠滷味,   聽人介紹過好多好多次,  一直都未有機會食,  今日本身想食嘅 竟然 一間無開一間落左場,  咁天意如此,  就一於試下佢. 叫左「豪豪」套餐,  先嚟係佢地嘅招牌滷味,  揀左配王子麵,  成碗都好豐富,  佢包左好多唔同款嘅野食嘅,   初初直頭以為佢個麵係另上,   原來係畀啲餸遮住左喺下面 ,  不過就覺得佢個滷水 色水可以但係唔係好夠味..     爆醬漿蒽抓蛋餅,   本身想叫花生醬火腿果款,   但係已經賣晒 mola mola ,  咁唯有試下另一個款, 芋泥肉鬆,    個蛋餅本身其實幾好食,  但係加埋上面果個醬(好似鐵板燒, 章魚丸果啲醬),  覺得有啲怪,  整體味道...  唔係好夾.  至於滷蛋...  其實好基本啦,   如果咁都整唔到似返啲樣  都開唔到咁多間鋪喇.... 整體嚟講,    其實OK 會回頭嘅,    但係店員們可能因為都幾忙,   明顯做野就有啲亂,   但係都好好禮貌嘅.    

佢有個朗豪坊限定set，有拌麵+幾款滷味，有個小食+2杯飲品，我地左個芋泥蛋餅，拌麵同滷味正常，味道適中，至於芋泥蛋餅幾特別，甜同鹹既味道都好夾，太多芋泥堆滿蛋餅，所以食到第2件開始有d膩~

之前見銅鑼灣間燈籠成人都好多人排隊，原來朗豪坊都有，滿心歡喜諗住終於都可以試到，點知......令我懷疑人生....懷疑緊到底銅鑼灣個間同呢間係同一間？咁既食物都可以有咁多人排隊？到底點解咁多人黎食？是咪我揀錯野食？唔係吹水，食完係會諗....點解我要俾錢食d咁既野，偷聽到隔離個pair情侶，食緊既時候都話“點解咁淡，台灣d滷味係咁ga mei?"哈哈哈然後我心想，可能台灣d奶茶都係咁淡...失望.....最後去左對面食mcDonald而mcDonald ge奶茶比佢好飲... 無影到食物相...只係最後影左張單...我真係試過架想懷疑人生既可以試下（包你唔會失望）哈哈哈

落完單遲左成10幾分鐘先幫我哋入機 隔離枱遲過我哋落 啲野都到齊 好明顯唔記得入機 啲野食完全唔值呢個價 鴨血冬粉 都唔似鴨血 似豬紅 便當75蚊 冇味既😨 唔明點解咁多人會幫襯

呢間位置朗豪坊非常方便🔥但係真係好多人排隊🥹我喺平日夜晚仲要落雨都等咗20分鐘左右😢同埋佢係冇得拎飛，排咗10幾個人😣但係好彩啲嘢食係好食既🤤心情都好返1.豪豪吃二人套餐 ($198）米線、麻辣鴨血冬粉、甘梅地瓜條呢個餐啱晒選擇困難嘅人😍😍可以試晒咁多嘢。-番薯條都算大份，條條好大條，仲要啲番薯條係甜薯得來又脆😍😍💥評分:9/10-東粉都幾辣🥵🥵🌶但係索晒啲麻辣汁好入味🤤鴨血都幾大嚿，加埋酸菜好開胃🔥雖然辣但係都忍唔住一啖一啖食😋💥評分:8/10-米線勁多配料😨😨好抵食😗百業豆腐好好食，但滷味汁偏淡，所以我麻麻哋呢個🙌🏻💥評分:6.5/102.人氣爆漿蔥抓蛋餅芋泥肉鬆($48)好中意食蛋餅😍個皮外脆😋啲肉鬆爆曬出嚟🤤🤤但美中不足嘅係內凍外熱（可能呢個係佢嘅特色😂），但我自己覺得成舊熱好食啲😌💥評分:8/103.惹味塔香鹽酥雞 ($46)啲鹽酥雞炸得好脆好好食😍😍😍好惹味份量幾大份🔥💥評分:8.5/104.冷燈籠芋見你 ($48)超級甜🥴甜到食咗一啖就想放棄成碗🫤完全覺得自己食晒成碗會糖尿病，同埋啲醬都好奇怪😵‍💫💥評分:2/10💥總性價比: 7.5/10👍🏻如果唔洗再排咁長隊，我會再嚟

＜燈籠滷味＞主打台式加熱滷味，常肥慕名而至既食客&常大排長龍，今次早左可以直接入店，一於試試環境幾有台灣夜市feel, 各式招牌、大紅燈籠，而且坐得迫迫“豪豪喫”二人套餐198元 唔太岩食，指定滷水太多內臟，小食鹽酥雞就冇蛋餅，決定叫散叫糖心蛋：糖心ok,蛋味濃滷味$75 鴨珍 鴨血 大豆皮 貢丸 鵪鵫蛋 冬粉 ，滷水唔夠濃，而且得好少汁，食物亦唔入味人氣漿爆蔥抓蛋餅（芋泥肉崧）$48:芋泥夠綿又香，可惜成件蛋餅只係微溫，很尷尬飲品係全餐最差既，我一杯冬瓜仙草檸檬🍋半糖，超多冰仲冇咩味，仙草很碎，後來更發現店軼自行幫我加冰收左$3， 質素絕對唔值$29 杯朋友杯紅茶仙草豆乳（冰）$26仲伏，超淡奶白色，仙草更碎更少，味道係預期但確怪同唔值惹味塔香鹽酥雞 $46.00夠熱夠脆，但超遲上枱，齋食感覺又膩又寡兩人連加一食左$249，除左失望都冇其他comment