燈籠滷味 (朗豪坊)

營業中

休息中

燈籠滷味究竟有咩魅力,可以o係香港連開三間分店呢，今日我就去一探究竟。其實呢個品牌本身係0係台灣三元街夜市既一個老字號品牌來，2022年來到香港啦，今次試係剛剛開業既中要分店，打開菜單第一頁就係招牌鹵水台灣蛋麵，價錢係$98蚊 ，呢個價錢 嚐鮮我覺得可以既，作為一碗滷水麵來講呢， 性價比就差少少啦。佢呢個 鹵水汁 原材料係桂皮、花椒、甘草、十種唔同嘅藥材，其實食落去既味道係幾香既，唔同d流野 鹵水汁既，而配料有雞亦、大豆皮、蘿蔔、 甜不辣 、麻吉燒等， 食落去鹵水雞翼唔係好入味wo,銅鑼灣新記車仔麵隻雞亦就真係入味啦，其他野都還可以既， 總括嚟講 中規中矩 下次有機會再試下其他嘢。燈籠滷味 T.P.E. (威靈頓廣場)網址: https://s.openrice.com/QrbS0wLSB00~uogh6Aw地址: 中環威靈頓街2-8號威靈頓廣場地舖電話: 23382208=====================#燈籠滷味 #中環 #威靈頓廣場 #香港 #foodie#picking #strawberry #berries #blueberries #smoothietime #p

.📍燈籠滷味📍#饅頭去旺角 #饅頭食台灣菜------------------------------1️⃣ 牛腱肉豬肚杏鮑菇高麗菜冬粉 ($74)Em...佢哋嘅滷水好一般，完全飲唔出佢哋所講嘅10幾種藥材味，齋得豉油同味精鹹味嘅混合，even加咗辣椒油都冇咩味道層次可言，感覺我自己去買包滷水料去煲再加生抽老抽，香氣層次都要再豐富過佢。主食我揀咗冬粉，嚴重懷疑佢係咪將「少麵」理解成less is more，份量多到痴咗線... 加上冬粉質感係爽彈個款，嚼起嚟更飽肚，然後店員仲要因為落錯單，冇額外收錢咁又補多咗碗冬粉比我，小編當下十分崩潰，一邊嗌店員攞外賣盒畀我，一邊反思自己當初嗌少麵係為乜。配餸方面，牛蹍有3塊，中等厚薄，肉身嘅紋路好靚，但食落並非想像中嘅軟腍帶漿口嘅膠質，而係Q彈口感為主，牛肉味非常濃郁，呢個我幾鐘意；豬肚亦ok，沒豬毛殘留喺表皮，肉質爽彈；但其他餸菜就真係唔掂當，高麗菜唔係想像中淥得軟腍帶鮮甜，杏鮑菇淨係得幾片薄切片，有汁但冇口感可言，整體體基本上所有配菜都滷得唔入味，食落好寡淡。而且唔知係咪因為冬粉索汁嘅關係，小編同友人都發現碗餸，特別係蔬菜類有種越食越乾嘅感覺，滷

坐位比較窄，舒適度一般，服務也一般，叫佢俾四個碗，其中兩個有啲醬定咩，有啲污糟，叫佢換，佢好似覺得好煩咁，睇暈成個碗邊度有污糟，先換俾我哋，其實個污糟就係在碗邊上，佢就睇個碗底..講返食物，甘梅香脆地瓜條，D話梅粉分佈得幾平均，唔會話一啲好多，一啲無，花生醬火腿蛋餅，超多花生醬，花生醬控必叫，但食多有啲膩，另外叫咗佢個牛展便當，偏油，至於招牌滷味，味道不過不失，配稻庭烏龍麵食幾夾，整體來講，一般.#朗豪坊#台灣菜#晚餐#dinner#台式#蛋餅#芋泥#肉鬆#花生醬#火腿#ham#peanutbutter#ピーナッツバター

一開始留意到燈籠滷味係因為佢嘅裝修好有台灣夜市嘅感覺，之後就搵日去咗試下！🤩「豪豪」吃二人套餐有：招牌燈籠滷味+一款自選麵滷味包括：蹄膀、豬耳、甜不辣、花枝丸、百葉豆腐、高麗菜和杏鮑菇稻庭烏龍麵有啲似烏冬，不過幼少少同有咬口啲～ 因為一碗麵兩個人食，所以加咗底。每樣配料嘅份量都啱啱好，唔會太少，不過滷水味比潮州滷水野食淡，所以味道鹹少少會好食啲。跟住再食咗兩款小食：芋泥肉鬆蛋餅同台式香蒜腸芋泥肉鬆蛋餅嘅餅皮好脆，而且芋頭蓉份量好多，但係唔會太甜；加埋肉鬆一齊食，鹹甜嘅味道幾好食！香蒜腸就係一般台灣餐廳可以食到嘅味道，都唔錯嘅～飲品方面就飲咗茉香奶綠同古早冬瓜茶。茉香奶綠飲落都幾香，但係冬瓜茶就唔似出面嗰啲咁甜，味道非常淡🤔所以最推薦嘅係芋泥肉鬆蛋餅！

💛 #旺角 #燈籠滷味好耐之前同朋友食過一兩次燈籠滷味，覺得好好味，一直都念念不忘🤤 佢哋嘅嘢食好味之餘，仲超大份，一定夠晒飽🤭👯‍♀️ 豪豪吃二人套餐 （$198）🍜 招牌燈籠滷味 🍚 燈籠古早滷肉飯（小）🌯 芋泥肉鬆蔥抓蛋餅🧋 台式飲品 （兩杯）招牌燈籠滷味包括咗：蹄膀＋豬耳朵 ＋甜不辣 ＋花枝丸＋百頁豆腐＋高脆菜＋杏鮑菇，超級多餸😋 仲可以自選麵底💓唔好睇滷肉飯細細碗，但其實都好飽肚㗎😝 滷肉粒同汁撈埋個飯，係古早經典台灣風味☺️蛋餅係我嘅all time favourite 💛 餅皮脆脆，裏面超爆餡😋

依間喺朗豪坊4樓嘅台灣菜 長期都係大排長龍🙉雖然價錢係抵食 但係個人就覺得味道就唔算太掂🥲上次食左呢到個手抓蛋餅 算係最值得食嘅！芋泥做得幾綿密 帶淡淡芋香 不過就偏甜 肉鬆嘅份量都多 唔錯嘅😋

朗豪坊入面嘅良心小店少之又少 燈籠滷味係其中一間性價比高可以經常食嘅餐廳雖然條晚市人龍比起新店個陣短左 係入座率都有九成 好彩我一條友去食咁就直接入得去要感受夜市風味 我就叫左小食台式香蒜腸 推薦指數****食台灣腸最緊要就係配生蒜頭食 超級惹味甘梅香脆地瓜條 推薦指數*****淨係係台灣嘅炸物先會落梅粉！！ 超級懷念 ！！薯條係粗切同都脆嘅！芋泥肉鬆蔥抓蛋餅 推薦指數****其實食完薯條都已經飽飽地 但係個蛋餅其實先係我嘅target！ 蛋餅係台灣早餐店嘅代表！ 入面芋泥同肉鬆份量都多 每一啖都會食到個餡 鹹甜鹹甜咁 蛋餅要趁熱食 我食得太慢 去到後期個皮有啲難𡁻了 但一開始冇呢個問題的想支持良心小食 又唔想係旺中企係到食嘢 就要黎燈籠滷味！

滷味：難食，滷水藥材味太重，得個死鹹鹽酥雞：沒有惹味嘅鹽酥雞粉，等如沒有了靈魂香腸：味道偏淡，但有附生蒜片，比較認真二人餐（連兩杯飲品）共230 ，偏貴，性價比低

piggy平日下午茶時間經過旺角分店唔使排隊直入，咁梗係要試下啦，piggy喺台灣就冇食過呢間嘅，通常係貪方便是但一檔🙈香港呢間比起piggy係台灣食嘅就淡味啲，牛肚、大腸同鵪鶉蛋都好入味，鴨血喺香港嚟講都算唔錯，豬耳朵正常發揮，唯一係冬粉係香港粉絲，而唔係台灣嘅冬粉，同冷泡桂花烏龍茶冇桂花味冇烏龍味得好淡嘅茶味😅 但佢不停播住幾十年前piggy迷臺劇時候嘅台灣歌，係仲未飛得嘅2022年，都不失為一個掛住台灣嘅好去處😌

嘢食份量算唔錯，不過啲肉丸都唔知整好咗好耐，一啲口感都冇。啲員工唔係路，一啲喺度吹水，一啲十下十下，問佢有冇得食麵但要豬扒做餸，佢叫我叫一個便當加個麵，真係俾佢吹脹！

今日下晝出街行行吓街覺得肚餓就去咗食燈籠滷味 諗住可以重拾下台灣美食嘅回憶而家朗豪坊店做緊優惠買$200 Coupon 可以送會員卡 以後每餐都可以有八八折 所以我哋就用咗優惠 叫咗二人套餐 主菜係滷味王子麵 其實我哋嗌嘅時候唔知道王子麵係乜嘢 後尾睇英文發現係台灣嘅即食麵麵嘅味道算係唔錯 麵質偏軟 索晒滷味汁非常入味 但係覺得佢嘅蹄膀唔係好入味 肉質偏硬 成碟野入面仲有榨菜 豬耳仔 花枝丸 同埋百葉豆腐 唯一想再食多次嘅係嘅係花枝丸 其他都一般推薦指數：2/5小食我地簡咗細碗滷肉飯滷肉有肥有瘦非常均勻非常入味 但係白飯嘅口感少少奇怪 成碗入口不過不失 推薦指數：3/5第二碟小食我哋嗌左芋泥肉鬆蛋餅之前我屋企人食過係好好食 但今次係同一間店舖 事隔一年芋泥太甜 甜到有啲膩其實佢嘅醬偏鹹 夾埋甜嘅芋泥 理論上係甜鹹相輔相成加上肉鬆非常香口 蛋餅鬆脆有蛋香 所以唯一美中不足就係調味失色嘅芋泥推薦指數：3.5/10冬瓜茶不過不失 但係我嗌左半糖出嚟嘅結果好似無糖咁樣 嗌少冰但係杯野有一半都係冰推介指數：3/5總括嚟講呢間野水準下降左唔少 希望店家用心改善食物質素 用心整出嚟嘅食物我相信大眾都

燈籠滷味嚟咗香港好一陣子但一路都未有機會食啦因為排隊人數好多咁啱見到朗豪坊週末下午嘅時間冇乜人就去咗試吓啦叫咗甜不辣牛展通菜豆腐王子面滷味嘅味道好有中藥藥材味 同香港嘅好唔同佢嘅鹽酥雞好香脆仲有特別喜歡佢嘅嘢飲大甲芋頭鮮奶雖然芋頭同鮮奶磨得好碎但做食到一粒粒芋頭嘅口感而且味道好食😋

1）冬粉+雞腎+大腸+白蘿蔔冬粉份量好足，無烏冬咁跣，都幾入味，大腸大細啱啱好，保留左少少脂肪，增加左口感，處理得好乾淨，唔會有豬臭味，白蘿蔔夠稔，但唔係太有甜味2）烏龍麵+香菇貢丸+甜不辣+百頁豆腐烏冬偏身，應該係稻庭嗰隻，好彈牙，香菇貢丸好正宗同埋好有口感，甜不辣煙煙韌韌，百頁豆腐食落有啲似魚蛋，但又有少少豆腐口感，滑身啲，如果多啲滷水汁應該會再入味啲3）大甲濃厚香芋鮮奶芋頭味好香，不過飲到後面會變淡，因為碎冰太多😢4）金黃糖心滷鴨蛋唔知係咪雪得太耐，無蛋香，口感都比較實，醬油味都唔係太食得出

員工落錯單客人要求void單 員工又話void單唔係太好 你void左之後張單要等好耐 之後我地堅持void先死死地氣打返張單。。。但最後再對返張單都係收多左錢😅食物普通員工態度參差😑原本只是因為見到多好評先試點知原來係咁樣😑…

多會中午開鋪時進場，因為不用排長龍，滷水質數不俗，每次必定添加一小碟辣油，而珍珠奶茶的茶味也挺好，不濃不淡，最重要是一邊吃一邊聽著一班台灣歌手的歌曲，由小虎隊、王品源、張艾嘉、周杰倫⋯⋯⋯真是聽出耳油！剛剛買券做了首100名VIP了😋😋😋店子繼續努力呀！