熊貓小雲吞 (西九龍中心)

營業中

休息中

今日去左深水埗西九龍中心，行街再食野~經過見到有間叫熊貓小雲吞既餐廳，就坐低去食下雲吞同水餃~我地叫左個2人餐，$148兩位，包左一碗雲吞，肉燥撈麵，手撕雞同糍粑，仲有兩杯飲品，另外我地仲叫左個麻辣金錢肚蝦肉雲吞有得揀不同魚湯，我地揀左紫菜蝦皮，雲吞一口一粒！一碗有好多粒好豐富！肉燥撈麵係米線，醬汁豐富，手撕雞嫩滑夠味，金錢肚好惹味！飲品有好多選擇，不同口味既茶飲~原來仲有好多分店，可以多啲去食，仲有獨立包裝可以買返屋企！

熊貓小雲吞 · 深水埗西九龍中心行開西九龍中心揀咗呢間雲吞店買外賣返屋企食。招牌一口豚肉雲吞蒸雲吞可以揀兩款，每款10隻。20隻一共$48。我揀咗爆汁韭菜、同埋Q彈鮮蝦，呢兩款豚肉雲吞。由於屋企人唔食辣嘅，所以我就揀咗湯底就揀咗滋補養生魚湯，淨雲吞嘅湯底係有生菜。拎返屋企仲暖笠笠，全部都一啖過好好食。熊貓紅糖冰粉 $18呢一隻甜品由寒天、熱情果、仲有仲有透明嘅珍珠粒粒調製而成。寒天自然凝固，有啲似大菜糕嘅感覺係有啫喱嘅口感。酸甜甜甜好開胃🤤！雪凍咗更加好食。香脆紅糖糍粑 $33外層鬆脆，內裏煙靭有糯米製作味道。有一種食緊香脆炸嘅糯米餅嘅感覺，上面嘅紅糖比較甜，好滋味。

這間餐廳主打手工雲吞、川菜麵食，簡直是我的食堂，很久之前介紹過他們的大角咀分店。最近行開西九龍中心，發現有他們的分店，即刻拉埋家姐入去食番碗「酸辣粉」😎😎 -二人優惠套餐-二人餐包括兩碗麵食，兩個小食，以及飲品兩支。 •傷心重慶酸辣粉麵質彈牙，湯汁酸辣開胃，而且配料非常豐富，有肉末、花生、炸豆等等，每一口都充滿了層次感。 •肉燥熱撈麵選了幼細而爽滑的上海幼麵，搭配上醬汁和肉燥，味道更加豐富。 •芝麻鹽焗手撕雞手撕雞肉鮮嫩多汁，搭配上香氣四溢的芝麻和鹽焗，不錯不錯！ •香脆紅糖糍粑口感軟糯，入口即化，加上濃郁的紅糖味道，讓人感受到了濃厚的甜蜜。 •氮氣茉莉花茶•氮氣青蘋果茶兩款飲品茶香怡人，消暑解膩。 •啖啖豬扒麵選了上海粗麵，口感煙韌，配上特濃番茄湯底，每條麵都掛滿濃濃湯汁，味道豐富！而豬扒分開上，唔會因為湯底而沖淡豬扒的味道。 家姐見到餐廳的展櫃擺放了不同款式的醬料，最後都買了樽辣椒油回家。

今日一個人在西九龍行街街～見到一間🐼主題雲吞麵店被吸引住～見有啲肚餓就去食個下午茶🥰高麗菜豚肉雲吞雞湯米線豬肉鮮嫩的口感，與高麗菜的脆爽搭配，讓每一口都帶來豐富的口感層次🙂雲吞皮薄順滑😅 米線比較柔軟～而且完美吸收湯汁的風味，使每一口都充滿滿足感🤩香脆紅糖糍粑外皮經過炸製，讓它變得酥脆可口😌 外觀呈現金黃色～它具有獨特的黏性和彈性。內餡散發出的糯米香氣，與紅糖的甜味相融合，帶來濃郁的口感😙青蘋果茶是一種清新、爽口的茶飲，具有清涼的口感和蘋果的天然風味🫰環境～以快餐店形式～先買票後取餐😍然後慢慢去就美食😚座位尚算闊落坐得算舒適～最緊要簡單方便快捷👍另可加購自家製辣椒油

依間熊貓小雲吞雖然好平，但味道都相當唔錯，佢除咗小雲吞出名之外，嘅其他嘢食都好食。我今次就叫咗一份二人套餐，首先揀咗兩個主食，包括重慶小麵同埋一個熱燥麵，然後有一款小食同甜品。小食就係手撕雞，甜品就係涼粉。手撕雞有黃色嘅光澤，食落都嫩滑。涼粉可以額外自己加糖漿，想加幾多都得。至於主食方面，熱燥麵真係超級推介，特別係佢嘅幼面！而重慶小麵更會有都佢嘅自家製菜甫，菜甫非常之爽脆。如果大家都想如果鍾意食佢菜甫嘅話，不妨喺隔離可以買一樽裝嘅菜甫，辣椒油或者花生亦都有得買。

經過餐廳，俾佢哋嘅🐼招牌及手工麻辣賣點吸引了🌶 呢度係自助形式，落單後自取食物🤗 我仲買咗支佢哋自家製嘅麻辣醬返屋企，不過未試🤭Sichuan-style cuisine (below HK$100@) located at Dragon Centre in Shum Shui Po. No extra 10% service charge. 🔸️🔹️🔸️🔹️🔸️• 芫茜豬肉餃 (8隻 $48)大推，有驚喜～ 水餃大大隻，芫茜足料新鮮夠味，建議加埋佢哋免費提供嘅自家製菜莆一齊食～• 重慶酸辣粉正常發揮，可以加錢加餸，我哋加咗鹵水肥腸 (HK$20) • 鮑魚小雲吞雞絲撈麵 新出品，用上安記小鮑魚製作一口小雲吞 🥟 撈麵應該加入咗鮑魚汁，所以食落甜甜地，可以揀幼麵或者粗麵🍜• 飲品特別啲嘅有支裝水果茶 (香🍑/雪梨/青蘋果)，飲落清新又健康🥤🔸️🔹️🔸️🔹️🔸️

四川美食喺香港越來越普遍，但係可以食到涼皮嘅餐廳反而唔多，上網搵到呢間熊貓小雲吞有得食涼皮，而且分店又多多，今次出開深水埗，就可以順便去西九龍中心食好野啦～一口鮮蝦豚肉雲吞(20隻)💰HK$47呢到嘅招牌菜之一，湯底揀咗蝦米紫菜湯，味道同鮮蝦豚肉雲吞好夾！雲吞皮又薄又滑，而且餡料多，推薦推薦～極致清湯牛腩上海粗麵💰HK$69湯底好清甜，牛腩肥瘦均勻，粗麵口感彈牙，仲有兩舊白蘿蔔同埋生菜，好味～麻辣雞絲涼皮💰HK$44叫咗BB辣，呢度嘅涼皮唔係平時食開嗰種，呢款比較煙韌，而且成碗涼皮材料都好足，有埋青瓜絲、花生、炸豆、雞絲做配料，整體口感更加豐富～自家製茉莉花茶💰跟餐+HK$9每一啖茶都充滿住淡淡嘅茉莉花香～自家製香桃茶💰跟餐+ HK$13好香果味，感覺清甜解渴～熊貓冰粉💰HK$18冰粉配料有提子乾、山楂碎同花生碎，紅糖漿就可以按照自己嘅個人喜好睇下落幾多，成個感覺食落去個質地好似落咗啲果仁嘅啫喱咁，幾特別～香辣菜脯丁💰HK$22堂食可以試到呢到自家製嘅菜脯丁，用來撈落去啲麵到夠惹味，忍唔住買返樽返屋企食～#自家製 #熊貓小雲吞 #pandawonton #一口雲吞 #川式風味 #麻辣

啲口味真係正！鮮蝦走青嗰20粒，彈牙到不得了，每粒都咁新鮮，咬落去“啪啪”嘅聲音都好滿足。而家講到嗰碗蕃茄湯，完全係呢個涼快天永遠嘅開胃菜！湯頭酸甜適中，啖啖蕃茄嘅鮮味，真係飲到心都暖哂。再嚟嗰個水晶拉皮，真係食過無數次嘅粉皮都冇咁過癮，食落去噉滑噉爽，嗰啲BB辣嘅提味，可以話係拍案叫絕！話哂，講真，個黑醋涼拌既海帶既爽口既木耳絲真係攞捏得好，個醬汁既味道掛住每根木耳絲，每啖都吸晒味，夏天食多幾碗都得！另一邊，依家仲有香桃茶西柚茶，揼咗塊西柚落去，一口飲落去既清新，提神醒腦！食完嗰啲小吃，特別適合來個麻辣手撕雞，啲肉質溫潤，微辣帶勁，想辣啲嘅話記住要落多啲店家自製辣椒油！最後甜品嗰碗冰粉都唔馬虎，解辣又解暑，花生碎既香脆，啱啱好。總之，依間店既菜式一於過癮，又實惠，令我忍唔住想再去幾次，試吓其他嘢！ Emoji就嚟幫襯下：🍤🐾🥢

呢日去完貓cafe 後去左西九龍行吓，之後屋企人話想坐低食吓嘢就揀咗呢間食，因為想試吓個紅糖糍粑🤣之後屋企人食齋雲吞，我就另外加左紅糖糍粑。根據屋企人複述：韮菜豚肉雲吞皮薄餡靚，鮮嫩夠肉味，同埋餡既比例都算多，加埋個湯鮮味十足。 至於個紅糖糍粑，熱食時外脆內煙韌，加埋紅糖同黃豆粉超match! 食到停唔到口🤣我哋痛另外加左兩枝飲品，分別係雪梨茶同青蘋果茶，兩款試左都比較普通。總括嚟講，下次會想再嚟試吓個雲吞同埋一紅糖糍粑必叫！推薦！

難得放假去深水埗行街買野，緊係去西九龍中心食晚餐喇！今次見到有間新開既餐廳，仲要係食新鮮小雲吞！首先佢有好多湯底可以選擇，例如：酸菜湯底、酸辣湯、蕃茄湯、青雞湯、紫菜湯、麻辣燙。套餐都有幾款，分別有自選湯底套餐（包八隻小雲吞）、二人套餐、自選系列等等上海粗麵 一口韭菜 酸菜湯底餡料叫咗韭菜，用了十足，韭菜味濃郁，湯底唔會太酸或者太辣。不過辣到可以自行選擇。香脆紝糖糍粑紅糖糍粑唔係度度地方都有，仲要做到咁抵食又大份真係好難得！咬落煙煙韌韌，再配上紅糖，真係好正呀。酸辣泡椒雞腳雞腳好入味，超級有泡椒辣味！泡椒控必食！一口鮮蝦 重慶酸辣粉雲吞皮好薄，餡料用咗鮮蝦，咬落淡淡蝦肉非常新鮮！御翠烏龍茶、黃金大麥茶冷泡茶茶味好濃郁清香，大家飲完仲可以自己加水落去，咁就可以飲多一杯喇！佢哋嘅麻辣醬、辣菜脯等等自家製醬料，可以自行買番屋企架！我都買左麻辣醬返屋企食！中📍地址:熊貓小雲吞 (西九龍中心) (深水埗)深水埗欽州街37K號西九龍中心3樓319號舖#自家製 #熊貓小雲吞 #pandawonton #一口雲吞 #川式風味 #熊貓 #撈麵 #食辣 #麻辣 #串串香辣鍋 #麻辣雞絲 #酸辣粉 #紅糖糍

《熊貓小雲吞》簡單又價錢親民的四川菜 。一口韭菜雲吞配重慶酸辣湯 ($43/20粒+$2湯) - 初時以為粒雲吞會好迷你，但原來都幾唔細粒，而且餡料都幾多，雲吞皮亦好滑。酸辣湯底唔會好辣，加埋啖湯一齊食更滋味。 。紅燒肉撈撈 ($58) - 紅燒肉煮得夠哂入味，肥肉部份爽口，個幼身撈麵有蔥醬油香，非常香口，個麵帶少少辣，食返啲入味嘅上湯蘿蔔可以清一清味蕾。 。芝麻鹽焗手撕雞 ($38) - 芝麻鹽焗手撕雞肉多，皮爽肉有嚼口，鹹鹹香香，但唔會死唔會死鹹，幾中意盒中的青瓜絲，可以清一清口腔。 。山楂紅糖冰粉 ($18) - 食完啲鹹辣嘅食物黎番碗清爽嘅冰粉真係好正，加埋啲酸甜開胃嘅山楂提子乾同甜滋滋嘅紅糖漿作為完滿嘅總結。 。自家製熊貓海涼粉 ($18) - 涼粉簡簡單單，口感似龜苓膏，幾有飽肚感，建議加糖水或糖漿食用。 。冷泡洛神花茶/冷泡御翠烏龍茶 (+$12/枝) - 冷泡茶味道都幾出，整體唔錯。

每個星期都要帶小朋友黎上堂上堂有成個鐘有時都會去搵野食E下肚呢到最好就係好多小食叫有時唔係好餓都會揀黎呢到食今次2個人黎食可以叫多D野一口韭菜豚肉雲吞如果平時一個人食可以加麵底我地就叫左10隻當小食咁呢到最好就係有得自己揀湯底鍾意食辣既我地梗係揀麻辣湯, 夠哂惹味麻辣手工雞絲涼皮同平時既涼皮有少少分別, 一般係好似水晶粉咁但呢到既有比較有口感既另外都欣賞佢地既川式涼麵有好多配菜一個人食有時都想食多幾款唔同既配菜就岩哂涼拌豬耳既味道都係正既如果我住附近應該會成日買黎送啤酒

話時話宜家好多香港人都鍾意食川菜同川味美食，食好既川菜都唔平架。今次就推薦超級好味平民川味小食堂——熊貓小雲吞🐼🥟來到西九龍3 樓的熊貓🐼小雲吞🥟，餐廳名甘突出，首先當然一定必食呢度既小雲吞啦，另外仲有酸辣粉，甜品糍粑都想食啊，咩都想食既話，直接點個二人套餐最划算最抵食啊。二人套餐$138，有主食有前菜有甜品🍮有嘢飲🥤，都咪話唔抵，我們二人就選擇左以下美食，可以推薦比大家：高麗菜雲吞10 粒 （清雞湯）一口雲吞細細粒但足料，清雞湯就較為清淡，想口味重D可以隨時自己加自家製菜脯，超正架。重慶酸辣粉（小辣），酸酸辣辣超開胃，最鍾意佢多花生🥜，夠曬正宗。鹽焗手撕雞，開胃小食肉食，用來送酸辣粉不錯的選擇啊。紅糖糍粑——食完小小辣嘢，甜品糍粑係常識吧，好彈牙的紅糖糍粑，唔會太甜，味道剛剛好哦。飲品就有冷泡茶🥤，多款可選擇，點左洛神花🌺茶同黃金大麥茶🌾，解膩又養顏，食飽飽再飲下茶，舒暢啊～P.S呢度仲有好多自家製菜脯可以購買啊，我次次都會買番屋企送粥送飯，誠意推薦👍🏻

今次黎左深水埗西九龍中心度行下，雖然food court出名好多野食，但food court d櫈係斜既，我地行得有d攰，想去一間坐得好小小既餐廳食，就揀左呢間熊貓小雲吞佢地有個二人餐（$138）都抵食，可以揀2款主食，1款小食，1款甜品再加2支飲品佢個主食係可以自己再加餸，主食揀左傳統重慶川式涼麵，再加墨魚肉卷2條（$13），呢個涼麵整得幾爽滑，加埋d菜圃同醬汁夠曬惹味另一個就揀左10粒一口豚肉雲吞，我地揀左韮菜雲吞同揀左清湯底，間舖個名已經叫熊貓小雲吞，點可以唔試，又真係幾好味，一啖一粒好快食曬小食揀左芝麻鹽焗手撕雞，呢個手撕雞係預先整定用盒裝封好，貼住每日新鮮製造既牌係上面，份量都唔細，個底仲有青瓜絲，雖然係整定既，但味道仍然都係唔錯，如果外賣攞番屋企應該幾好甜品揀左軟糯香甜紅糖糍粑，總共有6條，甜甜地又煙煙韌韌咁樣，幾好咬口飲品佢地係有各種自家製既茶，我地就揀左雪梨茶同香桃茶，果味好香另外再叫多碗老北京擔擔麵（$35），加長洲大魚蛋（$13），擔擔麵個湯唔算好杰，長洲大魚蛋都真係超大粒，幾有長洲水準呢間餐廳算係平靚正，個2人餐咁多野食都係每人$65，鐘意食呢d川味雲吞類都值得黎

今日經過西九，突然好想食四川野😂，於是去左呢間價錢唔貴嘅餐廳，買左少少外賣返屋企食🤭~ 餐廳入面唔係好大，但座位都寬敞😆~🌟鮑魚雲吞雞絲撈麵 $58新推出嘅紅燒鮑魚系列，緊係要叫返碗啦🤩! 咬開粒雲吞，入面真係有粒鮑魚，好真材實料😆~鮑魚爽口又有鮮味，而雲吞皮亦好薄😜!除左雲吞，碗撈麵仲有雞絲，cp值頗高🤗!🌟涼拌海帶絲手工涼皮 $32 呢度d涼皮同出面嘅唔同😉，偏厚，食落似豆皮😚，口感爽口彈牙，帶d煙韌😁🌟老北京擔擔麵配小棠菜雲吞 $38麵條較粗身，有咬口😋~ 配料有菜脯，花生，更滋味😆!唔好睇小棠菜雲吞細細粒，其實入面d饀料好飽滿😍~🌟雞絲油蔥酥撈麵 $32撈麵加左辣油，菜脯，青瓜絲，花生，炸黃豆，夠惹味😊!雞絲份量頗多，幾鮮嫩，冇骨😁~🌟涼拌海帶絲 (跟下午茶餐+$10)海帶絲爽脆，醬汁酸酸地🤪~🌟黑醋涼拌木耳(跟下午茶餐+$10)醋味濃郁，酸辣開胃😄🌟自家製熊貓涼粉(跟下午茶餐+$10)食完辣野最啱就食碗涼粉下火😗~涼粉滑滑又清涼!落埋蜜糖更好食🙂~🌟青蘋果茶(跟下午茶餐+$3）青蘋果味好香濃🥰🌟香桃茶(跟下午茶餐+$3）桃味幾突出，味道幾自然，甜度適中😚🌟雪梨茶(跟下午茶餐+