熊拉麵 (白加士街)

營業中

休息中

今日本來打算特登去佐敦既拉麵道場食拉麵，但.....原來好似執左？裝修？總之就係落到去乜麵無啦好啦.. 咁無辦法啦！好想食拉麵又無左間野，咪唯有上OpenRice搵其他附近既拉麵店😅搵到間叫 熊拉麵！見到食評既麵相好吸引咁就行去試下啦！去到等左一陣就有位啦～（唔係正餐時間都Full，好似幾受歡迎咁啵🤔）等位個陣已經決定左叫招牌熊拉麵，咁坐低之後就極速落單等麵到🤩店入面環境唔錯，我坐麵檔前面坐得舒服，唔會逼逼夾夾咁！呀～～～好香呀！第一樣做既野一定係飲啖湯先，湯好香好濃但濃得黎係唔膩架，所以湯我最後係飲晒！叉燒我圈左 火灸肥叉燒，真心要讚塊叉燒 肥瘦一層層又均勻 由於火灸過既關係令到佢既口感亦提升左！平時肥叉我好少可以成塊食晒，呢塊我可以！真係好正（不過我覺得可能會有人嫌佢唔夠肥）拉麵的硬度我圈左普通！來自熊本的熊拉麵.. 所以是我最愛的幼麵幼麵幼麵(1.25mm)🤩～我私心地再加左分，而且麵質既口感好好，對我黎講我覺得係岩岩好架！味玉亦係處理得非常稱職～旦黃流心、香濃、正！有圖有真相～我真係成碗清晒，超滿足！熊拉麵⋯ 一定會有下一次

發現今個月，原來我無食過拉麵，決定晚餐去搵間拉麵食下，所以就黎試下熊，聽人講唔錯大食的我選擇了超級巨熊拉麵，多幾塊叉燒，拉麵有幼麵和中麵選擇，其實我個人鍾意粗麵，不過唔緊要，只係口感不錯因為我選擇火灼肥叉燒，以為幾塊都係，但是除了第一塊，下面3塊都是梅頭瘦叉燒，不過唔緊要，兩種都好食，仲滿足埋我兩種都品嚐到，如果有埋切粒叉燒，就完美啦第一啖當然飲湯先，滿滿濃郁的豬骨湯味，而且真材實料，每人回味，而拉麵當然保持爽滑，食完雖然飽飽地，但其實都想再加多個麵，哈哈

一向都有食開熊拉麵，覺得佢湯底做得好之餘，配料方面都好出色，叉燒有夠大片但點解幫襯左咁耐，到而家先寫食評？咁係因為佢今次既期間限定拉麵，係黑松露什箘拉麵真是好好味架！如果鍾意食黑松露既朋友，真是一定要黎食返碗！！黑松露份量都唔少架，切到細細既黑松露會掛在拉麵上，令到啖啖麵都食到黑松露，到食完個麵，都會見仲有松露係個湯底到，真是令到你好想連個湯都飲埋架

經fd介紹食熊拉麵，因為幾個原因：1、少人知2、好味3、地點方便食完感覺真心唔錯雖然我覺得都係一蘭好味啲～但係熊拉麵真係質素高。熊拉麵選擇比一蘭多，而且我認為湯底濃又唔會好鹹，（其他拉麵店係鹹到係咁飲水）有好多自家制既小食，好好味我地今次仲嗌jor碟普通自家製🥟但係味道普通，但係見隔離嗌jor一碟勁多醬既🥟，好吸引。我地6:30到無人排隊，但餐廳內剛剛好滿位；食完7:15，已經排jor一長條隊，睇黎越黎越多人知道哩間餐廳。

友人介紹下，一直都很想要試下熊拉麵，加上暫時零負評，令我去之前有一份期待！差不多閉店時才進店，幸好未過LAST ORDER的時間（LAST ORDER應該為21:30）！初次到店就點了招牌熊拉麵，可以試到豚骨湯底之餘，又試到溏心蛋。招牌熊拉麵＄85叉燒可選擇瘦叉燒｜肥叉燒｜叉燒粒麵款亦有幼麵，中幼麵之分麵的硬度也可以選擇最後我選擇了肥叉燒｜中幼麵﹙普通﹚湯底：豚骨味，入口順滑，不覺油膩，可以飲整碗湯但個人偏好濃味，所以覺得略為淡味肥叉燒：好吃！軟綿，有入口即融感覺麵：普通正常，雖然已是中幼麵，但都覺得太幼。溏心蛋：有流心感覺，個人覺得可以再熟少少。色澤淺，可以再入味一些！不過不失，未有驚人突出的感覺，但可以再一試！

佐敦都好多好出名的食店，這個名氣同歷史相對比較低，所以lunch time 時間都不是太多人，晚飯時間有時都見要排隊。通常一定廣島蠔拉麵，因為晏左黎就賣晒，而且仲會叫4隻$105 個款，感覺好似好貴，成一百蚊碗拉麵，查實佢都算合理，因為仲有大大件叉燒肉架！其他拉麵🍜店通常都是得蠔！湯底是豬骨，麵有不同粗幼可選擇，另外走咩，加咩！一張單一目了然！佢仲有其他款湯底拉麵，有機會要再試下先。不得不提是，桌上的配菜，真係好好味！之後銅鑼灣有一間都好好食（唔係要排隊排到傻個間）這間有3款架，一定要呀！

拉麵癮發作, 決定放左工一定要去搵間拉麵店食晚餐｡ 上網 search search, 發現佐敦其實都有好幾間拉麵店, 所以就落左去踫運氣｡ 由白加士街頭開始行, 見到呢間拉麵店仲未有太多人等,  最後就決定試試｡ 門口放左幾張櫈俾人坐住排隊等, 等左5分鐘左右就入得｡ 店內有一張好大張嘅長枱同長吧枱, 基本上D食客係圍住呢兩張枱坐｡ 食客想食咩就喺張紙上剔, 剔完寫座號後就可以交俾店員｡ 今次叫左一碗赤熊拉麵 & 一碟熊自家製餃子｡赤熊拉麵我揀左1.5mm中幼麵 & 瘦叉燒, 塊叉燒都算大塊, 但切得好薄｡ 個湯底係微辣 (因為係”赤”), 如果豬骨味再濃厚D會更好｡ 碗麵有蔥 & 木耳, 如要追加配料要再加錢｡ 整體黎講, 碗拉麵味道OK, 但唔算非常突出｡熊自家製餃子煎得好香口, 外皮香脆, 入面D肉汁都仲保留到, 唔錯唔錯  

收工得閒，知道佐敦多小店，專程嚟呢一帶揾食。今次目標係食日本拉麵，最後揀咗呢間 《熊拉麵》。環境：鋪頭細細，基本上係一定要搭枱。不過整體都OK, 未至於手臂貼手臂咁坐。服務：樓面以年輕人為主。好有禮貌。食物：白熊拉麵湯底OK, 夠味，但感覺味道略為單調，質感有少少稀薄。叉燒OK, 但太薄切，而且得一片。麵條我了普通硬度，但都係偏淋。煎餃子外皮唔夠香口。餡料OK, 份量足夠，味道亦恰到好處。整體算幾好，但還有很多地方有待改善。

每一次經過門口都和自己說找天來試，兩年了終於今天無心插柳下在附近想找到地方醫肚就想起這一所麵處，正直是晚飯時間，門口有四，五人在排隊，心想排隊等食不是我性格，打算看看餐牌便離開之際，突然有侍應哥哥出來問我們是否兩位，原來兩位就不用等，等的人是一夥的所以未能立即安排入座。坐下來之後，看看點餐紙的玩法先，現時很多日式拉麵都會提供給客人選擇麵條的粗幼，軟硬，湯底的濃淡等等.......這裡亦不例外除了湯的濃度之外叉燒亦可以除自己的喜好，有瘦梅頭，五花腩選擇我以下這一碗就選擇了偏硬粗一點的麵配五花腩叉燒，沒有走任何配菜的元祖魚介豬骨拉麵，很厚的叉燒，肥瘦一層隔著一層，不嫌口感有些膩的話可以一試。魚介湯底係以很多不同魚類淆製的湯，混合了招牌豬骨湯底，味道非常濃郁，不過魚介味道有點被豬骨蓋過了這一碗招牌豬骨湯拉麵就配上梅頭叉燒，因為是比較瘦所以口感滑度一般，至於湯底雖然味道沒有魚介般濃厚，但一樣出色店員還推介了我們日式餃子，一貫日式風格饀料肉少菜多，皮薄

食過一蘭之後，真係好難搵一間覺得好味嘅拉麵店。本人比較鍾意食豚骨湯底，所以對豚骨湯底的要求亦都十分高。呢間係我另一間非常滿意的拉麵店。首先豬骨湯底非常濃郁，叉燒亦都好大塊好鮮甜。佢點菜嘅模式同一蘭一模一樣，但好處就係連舊叉燒都有得再仔細選擇。 湯底方面，絕對可以媲美一蘭。味道十分相似，但係有一個敗筆就係太過油膩，食完會覺得好濟。介紹過唔同嘅朋友去食，全部食完都覺得好滿意。而且店員嘅服務態度都好殷勤。最好嘅地方就係價錢平過一蘭，而且亦都冇一蘭咁多人排隊，去到基本上是唔使5分鐘就有得入去食。

男小編前排同幾個朋友出街，其中一個朋友就帶我地去咗喱度食，覺得味道唔錯環境又幾特別😆👍🏼所以今日就特登介紹比大家😍間餐廳裡面有張大既四方枱，食客就圍住張枱一齊食😆另外都有幾個坐位係啲吧枱🤓而且餐廳都有一塊落地玻璃，食客又可以望下啲路人👀，啲路人又可以望下啲食客👀，幾過癮架😍👍🏼.#廣島蠔豚骨湯拉麵 ($105)😋好味指數：(8/10)喱個係「期間限定」嚟架📣喱個係「期間限定」嚟架📣喱個係「期間限定」嚟架📣好重要所以要講3次😎叉燒有3種選擇，今次男小編就揀左火炙肥叉燒😆而麵款都有幼麵同中幼麵比大家選擇，男小編就揀左中幼麵😛另外大家都可以選擇麵既硬度，有硬、普通、軟，男小編就揀左普通😍碗拉麵🍜一嚟度，見到啲蠔疊起哂😆隻隻又大又肥美，好似呼喚緊我去食佢地咁😍蠔既份量有4隻，而且十分肥美😆啲蠔夠哂新鮮，一咬落去啲汁咇哂出嚟😍💦 叉燒雖然得一塊，但塊叉燒都好大塊又夠肥厚😎食落去一啲都唔韌，夠哂淋😘另外，個人覺得中幼麵食落去會較有口感同咬口😆💕而麵質方面都真係唔會太過淋或者硬，真係岩岩好😍而湯底方面都比較稠，而且都好大陣蠔既鮮味😛#赤熊拉麵 ($80)😋好味指數：(8/10)超級赤熊拉麵先有糖心蛋

👁‍🗨 招牌熊拉麵（8/10）💲85誤打誤撞入左間拉麵店，估唔到又幾有驚喜喎😍首先可以自己任加前菜，就算係唔太食到🌶️既我都幾鍾意佢個辣辣地既芽菜😙我叫左個大炙肥叉燒，食落有少少入口即溶既感覺好正🙊我知會肥但係間唔中食一兩次肥野無壞😌當然如果唔鍾意肥叉燒都可以叫佢既梅頭瘦叉燒💁🏻‍♀️仲有全隻溏心蛋，蛋黃外層較熟而中間流心到爆出黎，幾有蛋香🥚我揀左普通硬度既中幼麵，韌度適中，掛湯力亦都唔錯🥢我無加到香油，個湯底濃味而不油膩😳不過同朋友食完後大家都頗為口乾口渴，但因為碗麵唔鹹，所以應該係味精重左啲👁‍🗨 熊自家製餃子（7/10）💲38見到好多人食拉麵都會加配呢個餃子，等我又跟下風😂上檯熱辣辣，食落外皮微脆，仲要大大粒，咬落啲肉汁真係爆出黎，入面勁多餡，多蔥多肉🤓不過始終有些少油膩，食得多會濟，所以兩個人分比較好😃🔛 整體評分（7.5/10）

行經佐敦，經過熊拉麵，眼見這拉麵店裝修美觀，於是入去試一試。拉麵店提供幾款拉麵，包抱招牌熊拉麵、黑熊拉麵、赤紅拉麵、白熊拉麵和魚介拉麵。招牌熊拉麵豬骨湯底濃郁，帶咸香，拉麵能掛上濃湯，令整個口腔都充滿豬骨香味。叉燒厚身，肥瘦適中，表面略略燒過，豬味夾雜少少焦香。而糖心蛋生熟恰到好處，一咬開即慢慢流出蛋黃漿。黑熊拉麵蒜香味濃，味道較招牌熊拉麵重，適合重口味人士。不得不提的是枱上的伴料，有雪菜、芽菜和蘿蔔，每款的味道吸引，加少少入拉麵令其味道層次提升。

今日小妹同男友去開圓方睇戲，拉麵狂熱既我今日搵到係佐敦呢間熊拉麵佢入到去舖頭細細，日風氣氛揚溢，比較欣賞坐係吧枱既位佢地係會係吧枱前水吧送餐，十分傳統佢有兩款前菜任添，水同餐具都係自助既，非常便利餐牌上都算多選擇，佢有齊豚骨、黑蒜油、辛味及魚介湯，多款選擇適合各人去醫肚品嚐嗜辣既我當然簡左試下赤熊拉麵啦，唯一可惜既係要另加紫菜同溏心蛋，但其實價格算合理，加埋一隻溏心蛋就$90一碗赤熊拉麵 $80 ★★★嗜辣的話，辣度其實一般，湯都夠濃厚，配料份量都足夠，但可惜冇紫菜要另加，小妹加左溏心蛋，但可能浸耐左所以蛋黃有少許熟左，麵質簡左硬，叉燒只有一塊，但有得選擇要咩叉燒，我簡左火灸肥叉燒，淋香肥厚，而且好香火灸味聽人講佢碗底有熊仔同我打招呼，只可惜我飲唔晒啲湯，因為係辣味噌所以更咸，到最後1/3湯再飲會渴喉，所以挑戰唔成功男友就簡左黑熊拉麵黑熊拉麵 $80 ★★★湯底黑蒜味香濃，份量足夠男女均可，不過順帶提一提，唔食得辣既朋友，叉燒上個點應該係辣味噌，所以可以挑走佢，但如果未算完全食唔到辣，撈勻佢食味更香濃熊自家製餃子 $38 ★★★餃子皮薄多汁，但未至於香脆，如果可以做到香脆更佳整體黎講都

今晚約左友人去尖沙咀做下gym 都係食小小野先啦😅但其實食成個拉麪都唔係小🤣好在早都唔洗點排隊…但走果時都有d人龍出現…都幾人氣！第一次食都係叫反d大路野啦…佢有張比你圈甘我就叫左招牌熊拉麪啦友人就左黑拉麪…一睇落去有d細碗男仔食可能要加替玉…不過做gym前唔好甘飽啦😅湯底有少少唔夠熱但都幾濃都ok麪就叫左1.5mm果個都幾好有d咬口叉燒有得燒下佢但要叫肥叉…下次可能試下So far都唔差蛋係糖心不過係無切開同凍凍地ok la