熊小館

營業中

休息中

今日去mega box 睇傢俬，睇到唔知時間，又肚餓，就揀咗上11樓，吃熊小館。一上到去11樓，就見到餐廳內有好多熊公仔，親子餐廳feel，打卡餐廳😂Menu 都多選擇，我選擇咗墨魚汁意粉 加 $28升級就套餐 （即是有是日餐湯+蒜蓉包+飲品）都好抵～墨魚汁意粉不過不失，魷魚圈都ok, 唔韌; 意粉內有羅勒葉+2粒cherry tomato, 同小小草做裝飾, 味道都夾，但羅勒葉食唔到落肚🤣（當然，最後係食到成口黑孖孖）。是日餐湯係南瓜忌廉湯，味道濃郁，很軟綿，會推介，如果再熱啲就好啦。蒜蓉包，size 不大不小，都仲脆卜卜。飲品叫咗熱飲- 熱阿華田。

星期六同姊妹來到九龍灣購物中心血拼潮聖，再到附近的Megabox覓食，大家都非常熱衷吃西餐，姊妹推介之下來到「熊小館」，無論在食物款式、質素及環境各方面都很有特色。繁華的背後，能夠停下來暫時忘憂，用餐更輕鬆暢快，無論舉辦活動或家人朋友小酌談天皆適宜。幸福甜蜜的小熊餐館，門口見到兩隻巨型小熊，入面感覺很寛敞，設計環境舒適，感覺很潔淨，坐位闊落，很多顧客前來捧埸，所以我和姊妹早點過來覓食。店內佈置主題全是泰廸熊公仔，泰廸熊公仔是一種歷史悠久及最受兒童歡迎的毛絨玩具，每一個角落都會見到熊仔，仲設有一間派對房，令我的童心滿載。雞翼首先叫了雞翼，雞翼外脆內熱，肉質十分嫩滑，不會太多油膩，十分美味，口感豐富。另外，我們叫了二人套餐$298，包括歐陸式濃湯兩客及牛油法包、意式焗肉醬茄子、深海帶子拼醬燒汁牛柳、芝士焗忌廉菠菜龍利柳飯、熱檸水及另加18元轉了特飲及曲奇及芒果味雪糕。歐陸式濃湯兩客 及 牛油法包羅宋湯是紹菜和蕃茄，羅宋湯熱乎乎出來，湯酸酸地，十分清香，餐包要熱食，感覺好味鬆軟，充滿優雅不膩的滋味。意式焗肉醬茄子我很久也沒嚐過了，這道菜帶出特色風味，肉醬茄子黏性剛好，一口咬下去，食出肉醬很香

今日約了小熊係九龍灣等，去到mega box，一齊享受一下美好既晚餐。餐廳裡面真係好多小熊架，而且坐得好舒服，幾乎每一張枱都有小熊陪你食飯。更有一個birthday corner,如果有小朋友開生日會一定好開心，又有自己一個小角落，同小朋友一齊玩。裡面好似一個小王國咁架，出面又有其他corner比小朋友好好enjoy下。我地今日叫左個2人套餐首先黎餐湯餐包，磨菇湯加蒜蓉包，小熊係隔離，都好似好想一齊食呀。意式焗肉醬茄子，肉醬味香，芝士都好夠，而且新鮮做起，好好味道，熱辣辣。主食方面深海帶子配醬燒牛柳自己叫了7成熟，但係一樣軟滑，裡面好juicy肉質好香，好滑，好好食。帶子亦煎得好香口，加上薯條等等，令人十分享受。卡邦尼煙肉意粉好creamy，汁份量係好足夠，食到啖啖既奶油，熱辣辣，兩個人share 食就岩岩好了。甜品，可以揀唔同味既雪糕，我就揀左曲奇。另一份就升級左做心太軟。心太軟既流心真係好正，外脆內軟，我再將雪糕夾埋一齊食。飲品升級了特飲，1) 檸檬草蜜茶- 女士飲其實好好，熱飲再加蜜，養顏2) 草子莓莓-燈汁加士多啤梨汁，相當開胃

餐廳好大，每檯都有隻熊仔擺設，成間裝修設計感覺自己係童話故事世界，好適合帶小朋友去～蘑菇紅酒汁牛柳伴法式田螺薯蓉批 $158尼個價錢都食到靚牛肉，牛柳有咬口得黎唔會好鞋咬唔開，肉質嫩腍，薯蓉底下有4-5粒田螺，好足料。忌廉汁黑松露煙三文魚天使麵 $92本身唔鍾意食太幼嘅天使麵，嫌無乜口感太腍，尼間煮到幾彈牙唔腍，醬汁份量啱啱好唔會太多或太少。啤酒脆漿炸洋蔥圈 $48尼個價錢超抵食，有11塊大大件嘅洋蔥圈，口感鬆脆，沾沙律醬或者檸檬汁可以中和下，無咁油膩，建議多啲人share，兩個人食太多。帶子菠菜忌廉湯 $32好creamy濃郁忌廉味，帶子爽口帶啲牛油香，湯好大碗，飲完都已經有啲啲飽。

Megabox 有一間係熊熊🐻為主題的親子餐廳叫熊小館☺️探下路先！特別的地方是有～兒童遊戲區～-十多隻大大小小的熊公仔，可愛到好想攬實佢地-小廚房，可以係到發揮一下創意-圖書架，鐘意睇書都可以借閱，坐係小椅子上閱讀-玩具車，小男孩都有野玩鐵板薄西冷雞扒、附有露荀、薯條、粟米、蕃茄仔，兩塊扒都超大塊好抵食！白酒忌廉煮藍青口超多青口，同忌廉好夾🥰美國安格斯牛肉芝士漢堡沾滿芝士的漢堡扒肉味濃郁，肉汁豐富，麵包以牛油烘過脆卜卜，好味😋意大利雜菜伴香草雞胸今晚叫一個健康之選，有爽脆生菜之餘仲有燈籠椒，色彩好豐富，仲有茄子及翠肉瓜，加啲醋一齊已經好夠味～雞胸都有四大塊，細食既女仔食個沙律都夠飽啊🙂

好耐冇出megabox行街 今日約咗阿妹 行下宜家傢俬 順便食個晚飯 因為帶埋阿仔嘅關係我哋揀咗間好得意有熊啤啤嘅餐廳， 佢唔只有熊仔仲有一個小天地俾小朋友玩 阿仔一入去已經好開心 我哋叫咗個二人set跟住再散嗌啲小食 先介紹下個二人set, 本人係非常滿意👍🏻👍🏻佢不單止好食價錢仲好抵， 首先講個湯已經好濃好美味， 絕對唔係街邊例湯👍🏻 跟住個法式焗田螺個薯蓉香滑 你會不斷唔覺意咁擺入口🤭， 我哋叫咗深海帶子配醬燒汁牛柳 我好耐冇試過食西餐叫牛扒係唔 韌 㗎😍😍😍 我仲要叫七成熟喎😋😋😋 芝士焗蜜桃汁去骨雞髀飯 呢個又係抵讚啖啖肉配 個炒飯啱啱好，我哋仲叫咗個心太軟 呢個又係好好食 真係流曬心

收工後自己一個係megabox揾野食，見到尼間野個名幾得意就去左試下。一入去已經見到好多晤同既熊擺設，相信個target客戶群都係同小朋友一齊出動既父母。野食叫左蛋黃醬露荀，忌廉青口同肉醬意粉。露荀幾新鮮，伴隨著鐵板上，本身應該無預熱所以醬好快凝固左。青口肉質一般，份量黎講幾多，汁都夠濃，其實價錢$68都無謂挑剔肉質，但我會prefer 餐廳提高價錢去提升反青口質素。肉醬意粉等左超過三十分鐘，上菜時新鮮滾熱辣，雖然等耐左，但係三味中最滿意既一樣。食個陣七點左右晤係好多人，應該週末會相對較多，始終megabox都係家庭客商場。overall 我覺得如果食物質素再提升，可以吸納更多午餐 / 情侶客生意。

這家位於九龍灣Megabox的餐廳十分適合家庭用餐。 從設計到食物，都不會讓小朋友失望。 熊小館以熊仔為主題，餐廳的每個角落，甚至還有食物都以熊仔作裝飾，小朋友必愛。 最特別是 “黑熊”，黑牛大家聽得多，但黑熊是在可樂上附有朱古力雪糕，加上熊形的冰，大人都會被可愛的熊仔融化。 烤美國牛肉漢堡配egg Benedict 亦十分出色。雞蛋令漢堡更多汁，更juicy。配以薯條，一定是孩子們的最愛之一。 咖哩雞排亦好入味。要讚的是薯條，好脆。以薯菜配咖哩汁，另一番風味。很開心能在熊小館與家人共度週末。

餐廳主打平價西餐，性價比好高，周圍都放咗好多熊啤啤，佈置到成個童話世界咁，超多打卡位，員工服務好好，會主動問洗唔洗幫手影相，非常推薦大家試下！鐵板牛柳拼吉列魚柳($148)送餐湯+蒜蓉包+咖啡或茶牛柳要咗七成熟 肉質鮮嫩軟腍吉列魚柳外脆內軟唔油膩芝士肉醬千層麵($85)送咖啡或茶 要埋餐湯+餐包都只係加6蚊千層麵口感細滑軟嫩切開嗰時都有少少拉絲效果白汁香濃 但蕃茄醬唔夠濃郁唐揚脆脆雞翼($48)外皮炸得好香脆 雞肉嫩滑吱少少檸檬汁 點埋沙律醬仲惹味玫瑰法式燉蛋白($25)焦糖面好薄好脆燉蛋入口軟滑 蛋味香濃特飲選擇豐富草子莓莓(+$16) = 士多啤梨橙汁熱情玫瑰(+$16) = 玫瑰花茶熱情果

今日去開MegaBox睇傢俬，順手搵吓有咩食，見到呢間啤啤熊餐廳，原來係一間親子餐廳，入邊有好多啤啤熊擺設，仲有小朋友最鍾意嘅遊戲專區，有玩具同圖書，小朋友黎到一定超開心😚✨先黎是日餐湯同埋牛油法包~ 是日餐湯係西蘭花忌廉湯，好creamy，有粒粒西蘭花既口感，唔錯~配上烘脆左既法包，好夾~✨到主菜了，點左青胡椒汁西冷牛扒配意粉，青胡椒汁幾特別，幾襯牛扒，牛扒煎得岩岩好，表面有焦脆效果，十分香口，又唔會韌👍🏻意粉軟硬適中，撈左啲汁都幾唔錯~✨後尾仲加左個燉蛋，滑滑既質地，唔會太甜，加左少少藍莓果醬，幾清新😚會再到訪既餐廳！推薦帶小朋友黎👍🏻同埋望住溜冰場食飯都幾唔錯😚

一家三口約了姨仔聚聚，選了megabox，貪有得泊車又啱個仔玩，果然歡樂天地真係佢嘅天地，哈哈!玩完又到食飯時間，行落一層見到呢間熊小館，個仔已經俾入面嘅熊公仔吸引住，一於試試!叫了一個二人套餐，今日係羅宋湯，夠濃而材料豐富，飲完開胃；“法式香草牛油焗田螺”好惹味，個薯蓉做得好出色；“深海帶子拼醬燒汁牛柳”點7成熟真係做到，牛柳不韌有濃濃肉味，太座經常話食牛真係好驚煮得唔好，呢度佢都讚不絕口，可想而知幾好味；“芝士焗蜜桃汁去骨雞腿飯”好味到個仔都唔停口，雞髀肉夠嫩滑，配上蜜桃，啱哂小朋友口味；另外點了“美國安格斯牛肉漢堡”真係唔同食快餐店嘅牛肉，肉汁豐富有層次，我個仔食咗兩碗飯仲可以食半個；“啤酒脆漿炸洋蔥圈”雖然食唔出啤酒味有點失望，但炸得夠脆，其實唔錯嘅；“法式蛋黃醬焗鮮露筍”真係好驚喜，好好食，強烈推介必食；甜品方面“心太軟”係上佳之作，比起坊間甜品店出色；“玫瑰法式燉蛋白”就唔算特別，可以一吃!整體嚟講呢餐可以話好正，下次一定會再返嚟，餐廳現場佈置有特色，又有小朋友玩耍場地，又有熊公仔影相，大人小朋友都好開心，重要係價錢合理!

今晚同朋友揾到呢間熊小館，𥚃面嘅環境又夠哂闊落之餘，店員服務態度又夠親切同細心！入到門口已經見到有兩隻大熊公仔，佢哋好似迎接我哋咁，已經覺得好興奮🥰餐廳裏面有個兒童樂園區，見到一班小朋友一齊玩到開心，令到周圍嘅環境都充滿歡樂🥳而且食物種類繁多🤩🟢鐵板西冷牛扒勁大塊嘅西冷牛扒，配上兩條原條露筍，露筍入口清爽，夠新鮮！牛扒切開就知道夠哂腍，肉汁夠多！叫咗七成熟，切開見到啱啱好七成熟！而且薯條炸得好香脆，就算俾啲黑椒汁浸到都唔會腍咗，炸功一流👍🏻🟠鐵板牛柳拼吉列魚柳兩塊魚柳炸到金黃色，而家炸得好乾身，切開完全無油！牛柳質地夠腍，仲要勁厚切，食入口唔會有牛羶味👍🏻一個價錢就可以食到兩款唔同食物，啱哂多心嘅我，雙重享受，兩倍滿足😋🟣白酒忌廉煮藍青口好多番茜包圍住，忌廉汁夠濃，而藍青口份量夠多，雖然藍青口有啲縮水😅但味道都唔錯！🔴自家製心太軟朱古力味夠濃，味道又唔會太甜，真係一份完美嘅甜品，令到呢餐劃上完美句號⭕️

每個人心中均有一個虛構的夢想童話小鎮，如果它們都是真實存在的話，筆者必定每天跑到那裏逃避現實🤣；可惜疫情下未能出國旅行，連本土的主題樂園也數度暫停營業，筆者今天向大家誠意推薦的這家餐廳，也許能滿足大家內心對夢幻的期盼。環境：✨餐廳以可愛的小熊為主題，每個角落都看得到小熊蹤跡，處處都是拍照點。✨餐廳多採用大地棕色傢俬，加上大大小小的熊玩偶和擺飾，佈置溫馨舒適；在輕柔的燈光下，打造一個洋溢浪漫的童話小世界。✨更值得一提的是，餐廳內設有兒童專屬的遊玩空間，小朋友也能投入溫馨的氛圍。服務：✨職員均待客友善有禮。當天我們點了：🐚 黑松露蟹籽帶子黃金意大利飯 ($92)✨這道菜尤其出色！✨帶子鮮甜，米飯軟硬適中，不但吸收了湯精華，味道creamy溫和不會太膩，而米飯加入了粟米粒，令口感更有層次，再加上黑松露醬，令人吃得津津有味。🐮 燒美國穀飼厚切小牛扒伴醋漬野菌 ($168)✨別看外表有點薰黑，內裏是非常Pink Fresh的牛肉，而且肉質軟嫩，沒有筋膜，蘸上酸甜的醋汁，非常可口；✨帶微酸的野菌能解油膩，配上炸薯條，整個組合令人食慾大開。🧅 啤酒脆漿炸洋蔥圈 ($48)✨金黃洋蔥圈酥脆香口，外脆內

係九龍灣行街時，見到有間好可愛的熊小館Cafe Med @cafemed_hk ，但我記得以前去其他分店既cafe med係叫紅蔥頭，記得價錢係比較親民，野食都唔錯，今次見改左名，以熊啤啤做主題就入去食。一入去都覺得充滿左童心， 裡面放滿熊啤啤，要抱實影相打卡！如果係一家大細，帶小朋友來一定玩得好開心。我地叫左以下晚餐..▪️鐵板什扒(豬扒、雞扒、煙肉)▪️鐵版薄西冷+豬扒▪️白酒忌廉煮藍青口▪️心太軟▪️凍紅豆pop pop▪️凍草子莓莓.. 鐵板系列一上枱，見到份量都幾大，扒都大大塊，而且夠厚，煎得香脆，肉質幾嫩滑，估唔到什扒有埋太陽蛋，幾靚☀️伴菜同薯條都幾多！..青口唔錯wor，賣相很好，好juicy同入味。甜品叫左心太軟，很不錯，估唔到會伴有芒果粒🤣 飲品唔錯，唔會死甜，幾fresh..

難得去九龍灣打算去一去mega box食嘢行街交通都算方便既 大家如果過去 係德福廣場平台 有穿梭巴士直達mega box 離開都有車返去九龍灣站 megabox 樓高17層 超多野食囉 我哋選擇咗位於11樓既熊小館 餐廳地方大 仲可以睇到溜冰場 咁岩有比賽 第一次近距離睇到冰上曲棍球🏒️比賽重點到食嘢啦 我哋叫左一個二人套餐再加一客炸魷魚圈 其實二人套餐都好夠飽架啦 二人套餐：1.歐陸式濃湯兩客+牛油法包呢個老婆話幾正喎 雖然普通餐湯 但係個法包烤得好脆 個湯係粟米忌廉湯 個湯係好味既 正常囉☺️2.意式焗肉醬茄子🍆但個肉醬的確好食 不過我覺得同茄子唔係太配搭 不過都合格既3.美國安格斯牛肩扒🐂但個都值得推介既 我哋叫咗7成熟 份量夠 都多配菜架 有薯條 有兩條露荀 有兩粒蕃茄仔 同埋粟米粒 都健康既🤣4心太軟同埋雪糕心太軟都幾好食 一切開d朱古力流晒出嚟 好正 雪糕都係咁啦 不過不失5炸魷魚圈二人套餐已經好飽 呢個味道唔錯既 份量都好多 大家都可以試吓