熊小館

營業中

休息中

一家三口約了姨仔聚聚，選了megabox，貪有得泊車又啱個仔玩，果然歡樂天地真係佢嘅天地，哈哈!玩完又到食飯時間，行落一層見到呢間熊小館，個仔已經俾入面嘅熊公仔吸引住，一於試試!叫了一個二人套餐，今日係羅宋湯，夠濃而材料豐富，飲完開胃；“法式香草牛油焗田螺”好惹味，個薯蓉做得好出色；“深海帶子拼醬燒汁牛柳”點7成熟真係做到，牛柳不韌有濃濃肉味，太座經常話食牛真係好驚煮得唔好，呢度佢都讚不絕口，可想而知幾好味；“芝士焗蜜桃汁去骨雞腿飯”好味到個仔都唔停口，雞髀肉夠嫩滑，配上蜜桃，啱哂小朋友口味；另外點了“美國安格斯牛肉漢堡”真係唔同食快餐店嘅牛肉，肉汁豐富有層次，我個仔食咗兩碗飯仲可以食半個；“啤酒脆漿炸洋蔥圈”雖然食唔出啤酒味有點失望，但炸得夠脆，其實唔錯嘅；“法式蛋黃醬焗鮮露筍”真係好驚喜，好好食，強烈推介必食；甜品方面“心太軟”係上佳之作，比起坊間甜品店出色；“玫瑰法式燉蛋白”就唔算特別，可以一吃!整體嚟講呢餐可以話好正，下次一定會再返嚟，餐廳現場佈置有特色，又有小朋友玩耍場地，又有熊公仔影相，大人小朋友都好開心，重要係價錢合理!